سؤال وجواب هل صحيح في الكويت البيت اللي بابه حلي تعنس بناته ؟

[رافع الراية]

هذا اللي سمعته وشفته في قناة الوطن مع المذيع ( خالد عبدالجليل )

جايب خطاب ( حلوة خطاب ) كويتي ويقول ان الكويتيين وصل تفكيرهم ان البنت اذا مو من منطقة داخلية محد يبيها والبنت اللي باب بيتهم ( حلي ) يعني مصدي محد يخطبها والبيت اللي مو على زاوية راح تعنس بناتهم.



هل هذا الكلام صحيح ؟

 

[سلطان زماني]

الحمدلله والشكر..

خالد عبدالجليل خبل والمدعو خطاب الكويت الاول خبل ومن يصدق كلامهم وعبطهم خبل..


:وردة:​

 

[أبو سديم]

هذا صباغ ويبي يمشي شغله مو خطاب

 

[المتفائل]

ممكن الامور هذي تكون موجوده

ولا شك اذا موجوده تكون قليله ولله الحمد

وأظن. المقصود فيها الإهمال اذا شافو الباب مصدي

ولاشك هذا غلط واتمني انه مو صحيح
اظن حمله علي صبغ البيبان مع ارتفاع الأسعار

 

[ابوهارون]

ههههههههههههههههههههههههههههه
الله المستعان

 

[ابو عبدالرحمن العازمي]

عسى ما شر ؟؟؟

 

[أنا رايق]

الخطاب بداية كلامة حلوو ونهاية البرنامج طلع انة خبل ومو صاحي..

 

[المأمون]

^
^
والله انك صاج الحلقة اللي طافت كان عاقل وتكانه والحلقه اللي بعدها طلع خبل ومسخره خالد وخلاه فلس ما يسوي ......
المذيع خبيث طلعه خطاب اي شئ ......يعني خطاب الهيلق....

 

[عامر بن صعصعة]

اصدق قاعد اضحك بقوة

شنو هذا ياي يخطب ولا ياي يشتغل مقاول تشطيبات

 

[كويتي وأحب السعوديه]

ههههههههههههههههههههههههههههههههههههه

 

[سايروس]

اصدق قاعد اضحك بقوة

شنو هذا ياي يخطب ولا ياي يشتغل مقاول تشطيبات

هههههههههههههههههه
لوووووووووووووووووووووووووول

 

[k7elan]

اصدق قاعد اضحك بقوة

شنو هذا ياي يخطب ولا ياي يشتغل مقاول تشطيبات

بابه مصدي

 

[Q8 1]

عبدالجليل دائما يتعمد الاستخفاف بضيوفه
وانا لا الومه الوم على من يقبل بأن يستضيفه مثل هذا البرنامج المسرحى

وبنسبه لسؤالك اخى الفاضل
جميع ما ذكر خزعبلات وكلام فاضى ينم عن جهل فى الأزمنه السابقه
وتعمد المذيع تلطيف واثاره الحلقه بذكرها وهى بطبع غير صحيحه

 

[مدريدي_ليفربولي]

انت شوف شقته بالجليب وتعرف مستواه

 

[سنـين التّيــــهـ..]

استغفر الله شوفوا التفكير وين وصل..

على باب حلي

لا حول ولا قوة الا بالله​

 

[mr.3uidl]

>>نعم اخوي هذا صحيح وحدثة مع نااس وااجد والي مو مصدق يسأل<<

استغفرالله في احد يصدق هل خزعبلات

 

[ألب آرسلان]

جارنا باب بيتهم من كثر مو مصدي
تطق الباب ايدك تطلع من الصوب الثاني

وبناته 7 وكلهم تزوجو صغار ههههه

عبدالجليل يدور المغلوب على امره ويمصخره
يعوض فصله من الداخليه على قضية ......... استغفر الله

 

[ليله ويوم]

الخطاب اول حلقه كانت حلوة وكلامها فيها جميل


بس الحلقه الثانيه شكو مودينه صفاة الغنم يلمس الخرفان ؟؟؟؟




​

 

[يعقوب الشمري]

ههههههههههههههههههههه قويه

 

[فالح الشامري]

ياجماعه الخير خطاب الكويت الأول أنا أعرفة شخصيا أنسان طيب ورجل أخلاق وهو لم يقل ماقلتوه باب بيتهم مصدي وكلام من هالقبيل...وثاني شي عن صفاة الغنم الرجل عنده جاخور بكبد ملكة والملك لله وهو لدية غنم وهذا يدل علي كرمة وأنه يذبح لضيوفة وهو رجل بسيط جدا ولكنهم تغتابونه بكلامكم هذا وجزاكم الله خير