ربع سويسرا .. الرجاء الدخول للاهميه

[مواطن غلبان]

:وردة:السلام عليكم ورحمه الله وبركاته ..

بما اني مواطن غلبان ..

ولم يسبق لي السفر الى سويسرا ..

والله من علي .. وانشاء الله اني هالصيف بروح سويسرا ..

فحبيت اسال الاعضاء الي زارو سويسرا من قبل ..

وين ينصحوني اروح .. وين اسكن .. ابي اماكن طبيعيه ..

ومتى احجز افضل ؟؟ وشلون عالفيزا ,, ..

واكون شاكرلكم ..

 

[حرف]

الظاهر المنتدى اغلب اعضاءه من الدخل المحدود

وينكم يا أهل سويسرا ... وين الطبقيه المخمليه

 

[Way one]

:وردة:السلام عليكم ورحمه الله وبركاته ..

بما اني مواطن غلبان ..

ولم يسبق لي السفر الى سويسرا ..

والله من علي .. وانشاء الله اني هالصيف بروح سويسرا ..

فحبيت اسال الاعضاء الي زارو سويسرا من قبل ..

وين ينصحوني اروح .. وين اسكن .. ابي اماكن طبيعيه ..

ومتى احجز افضل ؟؟ وشلون عالفيزا ,, ..

واكون شاكرلكم ..

يوجد على الأنترنت " منتدى العرب المسافرون " ..

اعتقد إنك ستستفيد منه ,,

 

[أحمداني]

هذا رابط موضوعي عن السويسرا..شوف ذاك التقرير ويمكن تجد ضالتك

http://www.nationalkuwait.com/vb/showthread.php?t=131546

 

[البــــــــــارون]

فيزا الشنغل يبيلها من اسبوع الى 10 ايام من تاريخ التقديم ويعطونك من 6 شهور الى سنه

انصحك تسكن في مدينه انترلاكن وسط سويسرا تبعد عن جنيف ساعتين

احلى طبيعه فيها جبال وانهار وبحيرات ومناظر خلابة

ومناطق ثانيه حلوه عندك الريفيرا السويسرية في مناطق مونترو ولوزان على اطراف بحيرة جنيف

 

[sarey77]

أخي العزيز
أنا من ذوي الدخل المحدود بس سياحتي على طول في سويسرا

اول شي انصحك تحجز دايركت على مدينة ديفون تبعد عن مطار جنيف 17 كيلو تقريبا .. شتبي في جنيف وزحمتها وهي مافيها شي اصلا .. وانت في ديفون الهاديه الجميله تروح جنيف وتقضي يومك كله هناك لو تبي واذا خلصت ترجع للقرية الجميله ... ومن ديفون تروح مدينة آنسي وايفيان وشامونيه وكلها في فرنسا طبعا .. وكلهم تروح لهم الصبح وت جع بالليل .. المسافات قريبه .

وعندك في سويسرا مونترو ومونتانا تلقى ربعنا اهل الخليج مطيحين هناك

وبعدها تتجه الى انترلاكن .. الله ياانترلاكن معشوقتي الساحره .. هذي عاد يبي لها تقريبا اسبوع بروحها ومنها تنطلق الى اماكن كثيره .

ونصيحه في سويسرا لازم تأجر سياره او ماتصلح والله .. التكاسي غاليه جدا .

واتمنى انك تروح منتدى العرب المسافرون وراح تستفيد أكثر

 

[وين نروح]

ياشين الفقير لا هايط ​

شلك بسويسرا بتورد ساعات !! ولا أقولك شئ روح عشان لا قعدت مع الربع بالدوانية تعور قلوبهم ​

أنا صراحة أحب أروح لدول إذا بيقول مرحبا الواحد فيها يقول ( كاك ديلا ) ​

 

[Aragon]

اسكن في انترلاكن منطقة عجيبة غريبة راح تعجبك صدقني، وأأجرلك سيارة.. ونصيحة افتر على المناطق اللي حولك،روح لوزان.. ديفون.. جنيف.. آنسي

ولو إني ما أنصحك في جنيف.. والله ماتستاهل ولا تسوى.. جنها الخيران على أصيع..

تروح وترد بالسلامة

 

[المختصر المفيد]

زرمات

فيلار

بازل

لوزان

مونترو

جشتاد

مونتانا

و اخيرا جنيف و كأنك ما تدري بيرن العاصمة اللي ما فيها الا المصانع

بلد هادئ جدا و لمحبي الهدوء و الراحة و الطمأنينة

 

[7Ibrahimإبراهيم]

المسلمين يموتون وانتم سياحة

 

[المختصر المفيد]

المسلمين يموتون وانتم سياحة

عفوا...

أتمنى عليك الغاء اشتراك الانترنت الذي تستخدمه حاليا للمشاركة و ان تتبرع بقيمته للمحتاجين لأن من أحيا نفسا فكأنما أحيا الناس جميعا

 

[ارحل ياجاسم]

زرمات

فيلار

بازل

لوزان

مونترو

جشتاد

مونتانا

و اخيرا جنيف و كأنك ما تدري بيرن العاصمة اللي ما فيها الا المصانع

بلد هادئ جدا و لمحبي الهدوء و الراحة و الطمأنينة

بتشم هوى بهالمنطقة ...رئتينك بتطق اصبع

سويسرا هادية...بس غاااالية...منطقة فيفي اعتقد اسمها جذيه حلوة وهادية بعد

جنيف انا ساكن فيها بس كل يوم راكب قطاري حاط نوطي ورايح من منطقة الى منطقة بس انا رحت لها بقمة الثلوووج مافيها عرب ولا خليجيين ومادري عنها بالصيف

 

[عبدالله .]

انا من الدخل المحدود بس سياحتي بسويسرا واخواتها
انصحك تتبع رأي الاخ اللي قال اسكن في منترو واطلع منها لشامونيه وإيفيان وانسي وجنيف حتى عن خاطرك​

واسكن في لوزيرن الساحرة واطلع منها لأنترلاكن ولزيورخ لو حبيت​

لوزيرن شرحة وحلوة وبينها وبين انترلاكن ساعة إلا ربع
لاتطوفك البحيرة اللي بين لوزيرن وانترلاكن اسمها Lungern
شي خيالي بحياتي ماشفت مثل منظرها ابد بالطبيعة​

بس نصيحة اهم إذا ما اجرت سيارة فقدت نصف المتعة​

حجز الفنادق عندك موقع booking سهل وواضح وبالعربي بعد بس انتبه لشروط حجز اي فندق ​

واي سؤال حاضر​

هاذي lungern اللي قلت لك عنها
وانا طالع من لوزيرن لأنترلاكن ماقدرت اقاوم وقفت فيها​

 

[عندما تغرد البعارين]

شي الصراحة

 

[مواطن غلبان]

لاهنتم وشاكرلكم فردا فردا ..

والتذاكر تم حجزها ..

واذا تامرون على شي ترا بالشوفه ..

بس والله خايفين من الخضر ه .. يقولون فيها بكتيريا ..

وانشوفكم على خير انشا الله ..

 

[تيوك]

تروح وترد بالسلامه

موفق إن شاء الله

 

[البترولى]

لا تطوفك منطقة لوقانو بحيرة كبيره رائعه تبعد ساعه بالقطار عن ميلانو الايطاليه قمه الهدوء والاسترخاء

 

[بوشريدة]

سويسرا بلد الخضره الساحرة بلد جميل جدا هي والنمسا خاصة الجبال الخضراء والاكواخ الجميلة شي خرافه​

 

[ابو عبدالرحمن العازمي]

لم ولن ارى في الدنيا اجمل من سويسرا وشعبها  

 

[@سوبرمان@]

oooooooo

بلد جميل. لكن شلون أهلها ؟

يقال إنه فيهم عنصريه و كراهيه للعرب - خاصة الخليجيين منهم...لانهم ماليين البلد بالصيف !!

و الله أعلم.


ooooooooooo