إذا بلشت بكتاب ..احب اخذه وياي بكل مكان ...
يعني احطه بجنطتي و اروح الدوام و الجمعيه و السوق و الطبيب و بالسياره و بالغرفه و المطبخ ...الخ وين ما اروح كتابي وياي
احب اقرا المقدمه دفعه وحده اما بقية الكتاب عادي اخذ وقتي فيه ... يعني عادي اقراه بيوم او شهر
احس ان الانسان اذا اخذ وقته بالقراءه ... تركز المعلومه بالمخ اكثر ووو يحس بالمتعه اكثر ...
و احيانا بعد اسجل العبارات الي تعجبني عندي ...
و بعد وقت الي اقرا كتاب احب اعيش قصته بحيث اغلب سوالفي مع الاهل عن الكتاب و مضمونه ..اتناقش بخصوصه ... يعني الكتاب و سالفته تصير محور حياتي ... احس هالشي يخليني اشتاق اقرا و اكمل ...
وقت الي اخلص من الكتاب احب اكتب عنه بالانترنت ... يعني بالمواقع الي تهتم بالقراءه
احس ساعات اتحمس اقرا وايد عشان اكتب رايي بكتاب يكون اعضاء ثانين قارينه ...
مؤخرا ... صرت اروح ستار بكس عشان اقرا
لان بالبيت تاخذني مسؤولياتي عن القراءه و ممارسة هواياتي
الجدير بالذكر ... ان حتى لو الكتاب ما عجبني ... اصر على تكملته و قراءته لي الاخر ..!
و بس