حماد النومسي
عضو فعال
الفرق واضح طبعا بين (اوتو بيس) وبين (اوتو بوس)
مثل الفرق اللي بين (بيس ) وبين (بوس)
والله يرحمنا بالــ pease
ويخارجنا من الـ boss
البيس مطلووووب دائما
بينما البوس يجب ان يكون مؤطرا بعقد
والعقد طبعا شريعة المتعاقدين!!
لا احد يقولي هذا قاعد يتفلسف لاني وبكل تاكيد قاعد اتفلسف فعلاً
بس عارف شنو اقول
مو مثل صاحبنا (الاباصيري)
اللي عقب ماخلص كلامه قال لااحد يسالني لاني:مش فاهم ولا كلمه من اللي قلته
عموما الحلال بين والحرام بين
والاعمال بالنيات ولكل امريءٍ ما نوى
..
ملاحظه : (فرح بسيس) اللي بالبيت الثامن المقصود بها:
الفنانه فرح بسيسو التي قامت بدور الجليله في مسلسل الزير سالم
ولكني حذفت حرف الواو من اسمها لغرض القافيه والوزن فقط
وذلك لانه يجوز للشاعر مالا يجوز لغيره!!
طبعا في حدود القصيده فقط
وشكرا
من مصر جانا خبر عن بتوع الاوتوبيس
.... بس في هذا البلد. من بتوع الاتو بوس؟!
الغرابه كلنا تعترينا فيس فيس
.... والكدر والضيق خيّم على كل النفوس
وين كنا وين حنا بهالوضع التعيس
.... وين وجهة (سارحتنا)وش اخبارالعسوس
ابتلشنا في بلدنا بتعريف:ادب سيس
.... (خطةٍ تبرم وتضرم)لنا نار المجوس
ماعبدنا ابليس لو زادت اعبادة ابليس
.... ما نصلي شرق لو غيّروا كل الطقوس
وانت يابو شميس خلك مع خلك ونيس
.... واخذ لك من ما ملك عكس بالعكس امعكوس
جاك عمك وانت عمه بعد يابو شميس
.... باس خشمك بوس راسه وكل الليل بوس
قلب جحدر لوتمنى هوى(فرح بسيس)
.... البسوس اتغار وتشب لك حرب البسوس
يوم(ابو جسوم غنى مع محمد الويس)
.... اثر (صبوحه خطبها نصيب)بسهم قوس
الخطوبه كانت بليل من ليل الخميس
.... صبوا(الشربة)وطاب العريس امع العروس
و(التضامن) خوش نادي وتيس يطق تيس
.... من تفرج بالمدرج عرف كل التيوس
شاتوا الكوره وباكوره وطاح الفريس
.... والبسوا ملابس اللي لبس كل اللبوس
فوق هذا بعد هذا وش اتقيس ونقيس
.... وش بقى فينا وش اللي بقى لك من دروس
من فيّنا روح عنا لجنيف وريف نيس
.... كان ياما كان في (كان) تعتاش وتحوس
والنهايه لازم اليوم تغيير الرئيس
.... قبل نصبح كل ابونا بتوع الاوتوبوس
.
:وردة: