هل سبق لك تجربة السفر وحدك ؟!

[أبوتركي]

هل سبق لك تجربة السفر وحدك ( بقصد السياحة ) ؟
وكيف كانت التجربة ؟
وماهي سلبيات التجربة وايجابياتها ؟

بإذن الله ناوي أسافر وحيداً في هذا الصيف ​

 

[عاشق ومفلس]

هل سبق لك تجربة السفر وحدك ( بقصد السياحة ) ؟

وكيف كانت التجربة ؟
وماهي سلبيات التجربة وايجابياتها ؟​

بإذن الله ناوي أسافر وحيداً في هذا الصيف ​

اسأل مجرب انا اكثر سفراتي بروحي بس بشرط تكون ويسيع البال وتكون راهي بالماده
واهم من كل هاذا يكون السكن نظيف اجابيات السفر انك تروح اي مكان تبيه محد يعارضك وتنام متى ماتبي وتطلع متى ماتبي وتاكل اللي تبي يعني تكون حر نفسك اذا وياك ربعك كل واحد له راي وخاصه لما تنصدم من جم واحد بالسفر تشوفه انسان ثاني

 

[عبدالعزيز الهاجري]

الفكره حلوه

وراح تكون عندك تجربه جديده ورائعه بحياتك

انا عن نفسي ماعمري سافرت سياحه بروحي

بس سافرت كثيرا بقصد الدراسه او اشياء اخرى بروحي

فاحس ان السفر بروحك جميل جدا ويعطيك فرصه للاختلاء بالنفس والتفكير جيدا والتأمل جيدا​

 

[بقيييط]

احرص اني اروح بروحي دائما

​

 

[S U L T A N]

مااعتقد ان السفر الانفرادي جيد

الواحد يضيق خلقه على طول تجي عنده انطوائيه مايحس بقيمه السفر والتغييـر الا معه شخص او اثنين على الاقل


​

 

[jassem]

انا عن نفسى اكثر سفراتى انفراديه ... وافضل السفر الانفرادى ... وما افضل السفر معا اشخاص ... تلقه واحد عله والثانى مزاجى وعصبى والثالث جنه مرتك يزعل مثلا اذا انا طلعت بروحى مو معاه ولازم اكون معاه 24 ساعه فى الغرفه وفى الأسواق مسايره ومجابله وله ترى يزعل والرابع بس يتحللطم وما يعجبه العجب بس يأزم ويتحللطم ويتشكى ،،كل هنوعيات جربتهم وكرهت عمرى معاهم

لكن سلبيات السفره الأنفراديه معدوده مثل اذا لاقدر الله صارلك عارض صحى محد بيوقف معاك فى الغربه وهذى مشكله انا اخاف منها فى السفرات الأنفراديه .. ولازم اتوفر كل احتياطاتك مثل الماده لازم اتيب معاك افلوس احتياط وماتجيسهم حق اليوم الأسود وايامك كلهم بيض إنشاءلله ،ولاتركب الأصنصير بروحك ولا تتمشى بليل بروحك وله تتمشى بدواعيس او الشوارع الفاضيه ولاتسكن فندق بومشى حالك نجمتين وله تسكن بشقه عاديه . اسكن بفندق على الاقل 4 او 5 نجوم او شقق فندقيه 4 نجوم ودربك خضر .

 

[عبدالرزّاق السّنْهُوري]

هل سبق لك تجربة السفر وحدك ( بقصد السياحة ) ؟

وكيف كانت التجربة ؟
وماهي سلبيات التجربة وايجابياتها ؟​

بإذن الله ناوي أسافر وحيداً في هذا الصيف ​

أفضل السفر ان تكون وحدك ستشعر بحرية اكبر في الذهاب والعودة ولا ارتباط مع احد وسهولة التنقل ستشعر انك طائر يطير في السماء ويرى الارض بوضوووووووح رحلة موفقة وترجع بحفظ الله ورعايته .​

 

[إنفصام]

لا يوجد اجمل من تلتفت الي يمينك وتجد صديقك يقولك وين تبي نتعشي ؟
تقولة مطعم ايطالي
يرد عليك وووجع ماحبة وابي صيني

ووتتهاوشون علي المطعم وبالاخير توست وجبن

​

السفر لازم جمعه وسهرة كل جمعه

​

بإستثناء ان كان هناك من يستقبلك في رحلتك
في هذة الحالة الصديق وابوة وطوايفه يستريحون

​

 

[Aragon]

لو ادري جان سافرت امس بروحي

ماجربت اسافر بروحي بس جربت اعيش بروحي

 

[kalons]

السفر بروحك له طعم خاص مايحس فيه الا صاحب مزاج هادي وصاحب مزاج رايق

السفر مع عائله مثل بالضبط اللى مسافر مع ساعه يضبطها ويمشي عليها

 

[lakeside]

مع انة السؤال شكلة موجة للرجال

بس ظروف الحياة مرات تستدعى العيش والسفر والغربة


مو للسياحة فقط للدراسة والشغل والسياحة ان سمحت الظروف

وهى تجربة جميلة بعد ان تنتهى منها وصعبة وغير تقليدية وانتة فيها

انا تعلمت استمتع بصحبة نفسى واتعود عليها

تعلمت ما استانس الا بالسوق بروحى

واحب اروح مطعم برة بروحى

واصوم وافطر بروحى

وادش السينما بروحى

لما صار عالمى يكفينى وما احب احد غير اهلى يزاحمنى فية

مرات الاستئناس بالناس من علامات الافلاس

واذا الانسان حفظ اللة سبحانة بداخلة والتزم اللة يملى علية الفراغ ويبدد وحشة الغربة

وبحفظة بالذات اذا الغربة مجبور عليها

 

[إنفصام]

مرات الاستئناس بالناس من علامات الافلاس

جازتلي

​

 

[ريان المطيري]

لالا ملل السفر لوحدك

افضل شيء يكون معك مجموعه لان الرحله ما تكتمل فرحتها الا مع الجماعه وهذا رايي​

 

[بدوي ذرب]

احللللللا شئ محد ينغص عليك تااااااااااااخذ راحتك بكل شئ لا خلاف بالراي
ولا واحد نايم وواحد مصحصح ويلطم واحد يبي هناك وواحد يبي هني

 

[الصياد الصغير]

انا مجربها

وناسة

 

[ارحل ياجاسم]

ياكثر ماسافرت بروحي

متعه ولا اروووووووع

ماترد الى على شورك ولاحد يأذيك

بس تصير لك مواقف حلوة مثلا تقول ياريت فلان وياي

لكن صدقني متعه....تحس جنك امريكي والله هههههههه تروح تستكشف تعيش جو ثاني


مادري ليش اذا رحت بروحي يصيرلي برستيج موطبيعي وانا من نفسي اتغير بس اذا ويه الربع لا كله دفاشه

نسيت شغله...اياااااااااااااااااك ثم ايااااااااااااااااااااااك ثم اياااااااااااااااااااااااااااااااك

تتعرف على احد هناك ويطيح بجبدك صارت معاي وابتلشت بعمري

على قولة واحد من الربع انت رايح بروحك شكو تتعرف على واحد هناك ويلزق فيك!!!!!!! جان خاويت احد من ربعك من الاول وفكيت عمرك

بس كل طراق بتعلومه

موفق

 

[أبوتركي]

اسأل مجرب انا اكثر سفراتي بروحي بس بشرط تكون ويسيع البال وتكون راهي بالماده
واهم من كل هاذا يكون السكن نظيف اجابيات السفر انك تروح اي مكان تبيه محد يعارضك وتنام متى ماتبي وتطلع متى ماتبي وتاكل اللي تبي يعني تكون حر نفسك اذا وياك ربعك كل واحد له راي وخاصه لما تنصدم من جم واحد بالسفر تشوفه انسان ثاني

فعلاً هناك بعض الأشخاص لا تعرف خباياهم وأخلاقهم الحقيقية الا في السفر ...
شكراً لك

الفكره حلوه ​

وراح تكون عندك تجربه جديده ورائعه بحياتك​

انا عن نفسي ماعمري سافرت سياحه بروحي​

بس سافرت كثيرا بقصد الدراسه او اشياء اخرى بروحي​

فاحس ان السفر بروحك جميل جدا ويعطيك فرصه للاختلاء بالنفس والتفكير جيدا والتأمل جيدا

كما قلت الغرض من سفرتي هي الاختلاء بالنفس .... ولكن أخشى أن تكون التجربة مملة !!
شكراً لك

مااعتقد ان السفر الانفرادي جيد

الواحد يضيق خلقه على طول تجي عنده انطوائيه مايحس بقيمه السفر والتغييـر الا معه شخص او اثنين على الاقل​

​

أكيد الانسان اجتماعي بطبعة .... والسفر بروحك لايمنع من تكوين علاقات وصداقات في السفر

انا عن نفسى اكثر سفراتى انفراديه ... وافضل السفر الانفرادى ... وما افضل السفر معا اشخاص ... تلقه واحد عله والثانى مزاجى وعصبى والثالث جنه مرتك يزعل مثلا اذا انا طلعت بروحى مو معاه ولازم اكون معاه 24 ساعه فى الغرفه وفى الأسواق مسايره ومجابله وله ترى يزعل والرابع بس يتحللطم وما يعجبه العجب بس يأزم ويتحللطم ويتشكى ،،كل هنوعيات جربتهم وكرهت عمرى معاهم

لكن سلبيات السفره الأنفراديه معدوده مثل اذا لاقدر الله صارلك عارض صحى محد بيوقف معاك فى الغربه وهذى مشكله انا اخاف منها فى السفرات الأنفراديه .. ولازم اتوفر كل احتياطاتك مثل الماده لازم اتيب معاك افلوس احتياط وماتجيسهم حق اليوم الأسود وايامك كلهم بيض إنشاءلله ،ولاتركب الأصنصير بروحك ولا تتمشى بليل بروحك وله تتمشى بدواعيس او الشوارع الفاضيه ولاتسكن فندق بومشى حالك نجمتين وله تسكن بشقه عاديه . اسكن بفندق على الاقل 4 او 5 نجوم او شقق فندقيه 4 نجوم ودربك خضر .

شكراً لك على الإضافة الرائعة .... وأهم نقطة سلبية كما قلت هو في حالة العوارض الصحية لاسمح الله ...

أفضل السفر ان تكون وحدك ستشعر بحرية اكبر في الذهاب والعودة ولا ارتباط مع احد وسهولة التنقل ستشعر انك طائر يطير في السماء ويرى الارض بوضوووووووح رحلة موفقة وترجع بحفظ الله ورعايته .​

الحرية في الحركة من ايجابياتهاالمهمة ... شكرا لك على الاضافة
​

 

[صوتك يناديني]

سافرت كثير لحالي بس لغرض الدراسه وكنت ابتعد عن السكن مع الطلبه الاخرين حتى اصدقائي

كنت حر بنفسي وموتري عندي واطلع مرات لحالي يعني سياحه ودراسه والوضع كان رائع

واول مره سافرت لحالي كنت بصف اول ثانوي رحت لندن اذكر كان عمري حول 15 او 16 سنه وتوهقت لاني ماعرف انجليزي خخخخخ

بس كنت اعتبرها تجربه فاشله بحكم السن

 

[عزيز وغالي]

دائما اسافر بروحي وبسيارتي
نظامي بالسفر لا ارتبط بموعيد طيران ولا بصديق يمشيني او امشيه علي مزاجي
والسفر لوحدك متعه اولا انك حر وثانيا راح تتعرف علي ناس
ثالثا تتنقل بحريه وعلي مزاجك
رابعا الانسان بين فتره وفتره يحتاج يختلي بنفسه


مخاوف السفر الانفرادي
المرض
السجن

 

[المستشـــــار]

أسافر بروحي مستحيل ,,, تلقاني راد الديرة (( أمهذري )) يعني اسولف معي نفسي
يا زين السفر وانت كم واحد من ربعك الخاصين جدا جدا ,, وكل واحد عنده رائ
وبالأخير مسوين قرعة ,, وأمطنشين صاحب الفكره ومعطينه عكس اللي يبيه , ههههه

وبصراحه السفره اللي أكثر من ثلاث او اربعه ,,, تصير ماااااصخه

تحياتي لكم​