صور من رحلتي الى سويسرا + فرنسا

[عبدالله .]

ان شاءالله السنه الجايه بروح لوزيرن لاني شفت صورها وقريت عنها حلوه وبروح المنطقه اللي ممنوع تدخلها السياره وجنيف مو حلوه يوم واجد عليها
بخصوص المطعم الهندي سعر العيش والدجاج حق نفرين بحدود 70 فرنك يزيد او يقل شوي على حسب الاضافات بس الفلوس اذا ما صارت كويتيه ما اشوفها شئ ههههههههه

تصدق انت مثلي
إذا ماشفت الفلوس كويتية ماشوفها شي
اصرف ولا اعرف التكلفة الفعلية بس اوزن نفسي بيومية معينة
واللي يسافر ومايبي يصرف هذا يقعد في بيتهم احسن له

يمكن تقصد ستراسبورغ او لوغانو لأن المنطقتين سمعت فيهم اماكن ماتدشها السيارات

انا معاك جنيف ماتسوا لكن تقدر تختارها كسنتر وتطلع منها لكذا مكان او تسكن في مونترو وتكون سنتر تطلع منه لأيفيان وجنيف وانسي هاذي اكثرهم روعة وجمال​

 

[ابو عبدالرحمن العازمي]

فعلا اللي يبي يسافر وما يبي يصرف يقعد في بيتهم لازم تكون راهي وتستانس ولا لا تسافر
الوعد بإذن الله تعالى الصيف القادم لان سويسرا بلد فوق الخيال واحسن من اللي تصورته
بلد لااا يووووووصف بروح لوزيرن ان شاءالله وماراح اثبت في مدينه والصرف ماراح اصرف مثل سفرتي هذي لاني عرفت لها

 

[آزورى]

اخوى ابو عبدالرحمن شنو اسم الفندق اللى انت ساكنة فى انترلاكن السويسرية

اللى بالصور ياريت تذكرلى اسم الفندق وكم سعر الليلة ​

 

[ابو عبدالرحمن العازمي]

اخوي آزوري ارجع الى صفحه ٧ وراح تلقى رابط الفندق وسعره وكل ما حجزت مبچر راح يفرق معاك السعر واذا ناوي تروح سويسرا وتسكن بالفندق هذا نصيحه اخذ غرفه مطله على البحيره لان المنظر والقعده على البلكونه خيااااال والفندق جدا ممتاز .
اي استفسار انا حاضر

 

[الكويت أولا..]

حمدالله على السلامه ومشكور على التقرير اجل مالوم رئيس الوزراء ناصر المحمد يحب الشكولاته السويسريه

 

[ابو عبدالرحمن العازمي]

الله يسلمك اخوي الكويت اولا

عاد تصدق وانا بسويسرا اقول بيني وبين نفسي مالوم ناصر المحمد مطيح بسويسرا وبالشوكولاه السويسريه هههههههه

 

[ابو عبدالرحمن العازمي]

برفع الموضوع ممكن 

 

[رحمك الله يابو مبارك]

ما شاء الله خوش رحله الله يهنيك

ترى كلش ماكوا فرق بين الوفرة وسويسرا

زين كم يكون تأجير هالبيوت اللي بالصوره ..؟
وتقريبا لو واحد حب يشنري قطعت ارض بهالموقع كم تكلفه..؟

وهل مسموح تجيب خيمتك وتخيم بهالمكان

 

[ابو عبدالرحمن العازمي]

الفرق الوحيد ان جو الوفره ابرد بقليل من سويسرا بس ههههههههههه

بخصوص البيوت اتوقع ما يأجرون بس في فنادق تطل على مناظر احسن من چذي سويسرا جننننننه سبحان الله

 

[هدى الكويت]

مشكووووووور ويعطيك العافيه على التقرير الروعــــه وجم ساعه من الكويـت لـي سويسـرا ؟ وغاليـه ولا رخيصـه ؟ نبي معلومات اكثر جزاك الله خير

 

[طموح رجل]

ماشاء الله

خووش ديرة

عاد راحلها واحد من الربع ما يمدحها

اظاهر ما عرف يصيد الاماكن الطبيعية فيها

الله يهنيك يا شيخ

 

[ابو عبدالرحمن العازمي]

مشكووووووور ويعطيك العافيه على التقرير الروعــــه وجم ساعه من الكويـت لـي سويسـرا ؟ وغاليـه ولا رخيصـه ؟ نبي معلومات اكثر جزاك الله خير

هلا اختي هدى حياچ الله انا سافرت على طيران اللوفتهانزا ( الالماني ) من الكويت لي فرانكفورت تقريبا خمس ساعات وشي ومن فرانكفورت لي مطار زيورخ بسويسرا ساعه تقريبا وبخصوص الاسعار اي والله سويسرا غاليه تخيلي وجبتين بمكدونالدز ب25 فرنك يعني تقريبا 8 دنانير وفي مطعم هندي اسلامي اكلت عيش ودجاج حق شخصين طلع حسابي بحدود ال 30 دينار والتكاسي يقولون نااااار وانا ولله الحمد ما جربتهم لاني اجرت سياره والتسوق عندهم شوي غالي بس معقول يعني ادخل محلات ملابس واحذيه اديداس مثلا اخذ الجوتي ب25 او 30 يعني عادي نفس الكويت ولا اغلى شوي ، هذا الكلام كله في انترلاكن بس جنيف اغلى منها وما انصح بزيارتها مافيها الا البحيره وغاليه وزحمه .

بس انترلاكن جميييييييله وبإذن الله لي عوده لها

اي استفسار انا حاااضر 

 

[ابو عبدالرحمن العازمي]

ماشاء الله

خووش ديرة

عاد راحلها واحد من الربع ما يمدحها

اظاهر ما عرف يصيد الاماكن الطبيعية فيها

الله يهنيك يا شيخ

واحد من الربع راح سويسرا ويقول سخيفه يوم قعدت معاه وسألته وين تروح اكتشفت انه من الفندق لي القهوه ويوم شاف الصور والفيديو اللي بتلفوني وقلتله عن الرحلات ماااات قهر وطاح سب باللي راحو معاه وقال راح ارجع لسويسرا وبسوي نفس رحلتك بالضبط

في ناس تروح على عماها ما يسوي بحث عن الديره وما يسأل وووو اكيد بيتوهق وبيضيق خلقه بس السفر يبيله بحث قوي عن البلد اللي بتروحله ومن ثم التخطيط ومن ثم التنفيذ وراح تستانس

 

[صاحبة قرار]

الجمدلله على السلامه وان شاءالله نسافر و تسافرون كل سنه بصحه وسلامه

ماشالله تقريرك حلو وصراحه 2600 دينار لشخصين بسويسرا وفرنسا شامل كل شي بلااااش

اللي وفر عليك السياره الاجار اكيد بس ابي اعرف من سويسرا الى فرنسا جم ساعه ابي بالضبط

 

[الكلمة الصاعقة]

هلا اختي هدى حياچ الله انا سافرت على طيران اللوفتهانزا ( الالماني ) من الكويت لي فرانكفورت تقريبا خمس ساعات وشي ومن فرانكفورت لي مطار زيورخ بسويسرا ساعه تقريبا وبخصوص الاسعار اي والله سويسرا غاليه تخيلي وجبتين بمكدونالدز ب25 فرنك يعني تقريبا 8 دنانير وفي مطعم هندي اسلامي اكلت عيش ودجاج حق شخصين طلع حسابي بحدود ال 30 دينار والتكاسي يقولون نااااار وانا ولله الحمد ما جربتهم لاني اجرت سياره والتسوق عندهم شوي غالي بس معقول يعني ادخل محلات ملابس واحذيه اديداس مثلا اخذ الجوتي ب25 او 30 يعني عادي نفس الكويت ولا اغلى شوي ، هذا الكلام كله في انترلاكن بس جنيف اغلى منها وما انصح بزيارتها مافيها الا البحيره وغاليه وزحمه .

بس انترلاكن جميييييييله وبإذن الله لي عوده لها

اي استفسار انا حاااضر

مشكور اخي على الصور الجميلة ..

اتذكر البيتزا في جنيف ب 100 $ تقريبا 30 دينار حجم كبير ؟؟

علبة بيبسي في فندق البرزدنت مثلا تصل الى 3 دنانير !!

اما الثلج فتصل له عن طريق باصات سياحية تاخذك لقمة مونت بلانك

الرائعه حيث توجد حدود مشتركة بين سويسرا وفرنسا وايطاليا

بجعات جنيف راعة وطيور النورس الاليفة اكثر من رائعه ..

السنه القادمة انصحك بالمرور ايضا على منترو ولوزان رااااائعتين

يعطيك العافية

 

[الكلمة الصاعقة]

الجمدلله على السلامه وان شاءالله نسافر و تسافرون كل سنه بصحه وسلامه

ماشالله تقريرك حلو وصراحه 2600 دينار لشخصين بسويسرا وفرنسا شامل كل شي بلااااش

اللي وفر عليك السياره الاجار اكيد بس ابي اعرف من سويسرا الى فرنسا جم ساعه ابي بالضبط

وين بفرنسا بالضبط ؟

اذا لغاية باريس 5 ساعات بالقطار ..

واذا على الحدود خلال نصف الى ساعة انت فيها ؟

 

[الكلمة الصاعقة]

نصيحة لمن يرغب السفر الى سويسرا تحديدا جنيف

لاتذهب في وقت كرنفال جنيف مع بدار اغسطس ؟

الاسعار نار وفوضى وهرج ومرج بدون داعي ..

كما ان اسعار السيزون في سويسرا تبدا من شهر يوليو حتى اغسطس

وتبدأ الاسعار بالانخفا ض في شهر سبتمبر لكن الجو راح يكون بارد جدا ؟

 

[الكلمة الصاعقة]

نصيحة اخرى يمكن للسائح تقليل التكاليف من خلال استبدال

الفنادق بالشقق الفندقية ..

مع تمنياتي بسياحة سعيدة للجميع

 

[مشرفي_]

ماشاء الله يا بوعبدالرحمن مناظر روعه الله يسعدك ان شاء الله ,, بس لو تهد التدخين

 

[ابو عبدالرحمن العازمي]

الجمدلله على السلامه وان شاءالله نسافر و تسافرون كل سنه بصحه وسلامه

ماشالله تقريرك حلو وصراحه 2600 دينار لشخصين بسويسرا وفرنسا شامل كل شي بلااااش

اللي وفر عليك السياره الاجار اكيد بس ابي اعرف من سويسرا الى فرنسا جم ساعه ابي بالضبط

الله يسلمج اختي
من سويسرا الى فرنسا بالطياره بحدود ساعه

ماشاء الله يا بوعبدالرحمن مناظر روعه الله يسعدك ان شاء الله ,, بس لو تهد التدخين

هلا اخوي مشرفي نورت الصفحه والتدخين ان شاءالله في نية اني اخليه