سؤال وجواب زائر غريب في بيتي ؟؟

ام العيال

عضو مخضرم
السلام عليكم ورحمة الله وبركاتة​

من عشرة أيام لاحظت الخدامة وجود شيء غريب على أحدي نوافذ غرف الملحق وهذة الغرفة نافذتها في ظل ومكان بعيد عن الشمس ....نادت علي ماما تعالي شوفي شنو هذا والله ياآخوان بادئ الامر تخرعت شكلة من بعيد مثل البقشة
مربوطة ومعلقة على يدة الدريشة ولازق على الزجاج من الطرف الخلفي المهم أقرب أكثر ياسبحان الله ....خلية نحل شلون النحل إختار هالمكان وسوى لنفسة خلية ....وأبي واحد يقولي ماعليكم أمر شلون أتصرف فيه الحين هو مسالم
وكل يوم تكبر الخلية ...وكل يوم آجي وأطالع فيه مسافة متر بس أكثر من جذية ماأقدر
والله لوقاصدة أحط منحلة وشاريتها ماأكبرت هالكبر !!!!!
طولت السالفة ....السؤال ماذا أفعل ؟؟هل آحد عندة حل لهذا الزائر الغير مرغوب فيه ؟؟؟ ودمتم
 
 

المتفائل

عضو ذهبي
اختي ممكن تستفيدين منهم
النحل مايحمل الي طيب

وممكن تستفيدين منهم من اهل الخبره

وعلي فكره اظن انه احد قريب من بيتكم عنده منحله
واظنهم النحل هذا له اذا عرفتوه خير وبركه ياخذ حقه
واذا ماعرفتوه. اهل الخبره هم ادره
 

الجارود

عضو فعال
شي طبيعي جدا، بعد فترة أسبوعين إلى 3 أسابيع سيتم هجر الخليه التي تم بنائها و الانتقال إلى مكان آخر لتشكيل خليه ثانيه... ما عليك إلا ألا تفتحي هذا الشباك نهائيا.
عندنا في البيت خليه تم بناءها على سعف النخيل و لا ضرر منهم نهائيا، و بدلا من أن تتخلصي منهم، وفري لهم الماء المخلوط بالسكر.

و النحل الموجود عندنا في الكويت نحل مسالم جدا و لن يتعرض لأحد إن شاء الله.
 

رُبـّـمــا

عضو مخضرم
ما شاء الله تبارك الله

هذا فال خير ..

خليهم لا تشيلينهم , جهزي لهم مكان واقرئي في كتب تربية النحل ,تثقفي عشانهم ..



الله يرزقج خيرهم ترى مو شي هين ان نحل تختار بيتج تتعايش فيه ولو لفترة مؤقتة ..





قلبج ابيض يا الغالية :وردة:​
 

Q8 1

عضو مميز
دقى على بياعين ومربين النحل فى المجلات الاعلانيه يجون طايرين ياخذونه وممكن تبيعينه لهم
حصلت معاى فى الشاليه لقيت خليه على بوز حنفيه المغسله اكبر من فاكهة الاناناس بشويه :D موفقه
 

ام العيال

عضو مخضرم

مشكورين ياأخوان على تفاعلكم في مشكلتي ...بس والله أكبرت اللحين أكثر والظاهر بدق على الارقام الي كتبها بعض الاعضاء
والغالية ربما ربي يباركلك شلون أربيهم وأنا خايفة منهم التربية تبي حب وصبر والعيال أخذوا كل الحب والصبر
وأنا بالي صار موطويل في هذا الرتم السريع بحياتنا ...ونستيني لما تقولين هذا موشيء هين لما النحل تختار بيتج
الله يفتح عليج دنيا وأخرة حبيبة قلبي

 

قبس

عضو مميز
دق على المطافي ١١٢

قبل فتره قريت في الراى فرقه من المطافي شالوا خليه نحل من منزل مواطن

انا اايد هالراي
كانت عندنا خلية نحل بدريشة الحمام وفجئه دخلو علينا غازين وهاجمو اختي الصغيرة مليون قرصه وكملوا عالوالده

دقوا عالمطافي واهم متخصصين بهالشي ولما عاينو الخلية قالولها هذا نحل قزم او نحل بري ما يتربا ولا ينتجلكم عسل
بالعربي مامنه فايده وتخلصوا من الخلية
 
أعلى