سؤال وجواب ودي استشيركم قبل لا اشتري!!!

[ذويقة]

اخواني واخواتي اعضاءالشبكه الطيبين

حبيت استشيركم قبل ما اشتري الجهاز...
اليوم جاني اتصال من شركه تقدم لي عرض عن جهاز اسمه

(الرينبو)
في البداية رفضت... لكن قالو هذا عرض مجاني
المهم قلنا خن نشوف عرضهم محنا خسرانين شئ بصراحه المندوب عرض الجهاز بطريقة رائعة وهو عباره عن جهاز تنقية الهواء في المنزل وتعطيره
وعمل تجربه أمامي شلون كان الماء إلي بالجهاز صافي بعد اقل من دقيقه قلب الماء لون صار بني من الغبار الي بالغرفة
والجهاز له عدة استعمالات
يغسل السجاد وينشفه
وينظف السيراميك والرخام
ينظف المخدات من العث والحشرات والروائح
فيه قوة شفط مذهله
عمل تجربة وحط المخدات الي عندي بكيس وجرب شفط الهواء الي فيهم لين صار الكيس بالمخدات حجمهم صغير وصلب وبعدين دخل الهواء المعطر
بعدين جرب علي القنفه الي عندي طلع غبار موطبيعي مع إنها جديدة
وقال لي الجهاز مكفول 15 سنه
المهم تحمست اشتري الجهاز بس سعرة صدمني
1250دينار حسيت انه غالي مهو هين
المهم عطانا عرض اليوم فقط الجهاز سعره ب850 اخر شئ
وقال انه صناعه امريكيه100/100
واحنا معندناش اعلان ولا حاجه انتو اعلانا وبيوتكم معرضنا وازا انت عايزه اقساط ما عندناش مانع القسط 55 دينار علي سنه وكام شهر!!!
المهم اخواني الطبين شرايكم.....
هل سمعتوا بهالجهاز(الرنبو) هل يستاهل
الزبدة شرايكم اخواني واخواتي اشتري الجهاز أو لا
ماودي يقصون علي:باكي::باكي:
ان شاءالله مايقصون علي وانتم موجودين:إستحسان::إستحسان:​

 

[عبدالله .]

نصابين مع درجة الامتياز
لاتاخذينه وانتي اولى بالـ 850 دينار
على فكرة لاتستغربين لو دقيتي عليهم وقالو لج هالجملة
(( علشان حضرتك حنعملك النهاردة اوفر كويس ونخليهولك بـ 750 دينار ))

اذكر سوو عندنا هالعرض بالبيت والله العظيم بدون مبالغة يمكن سنة 1995 عمري 10 سنوات

​

 

[رُبـّـمــا]

اشتريها ما جاج بصدري :وردة:​

اشتريها يا الغالية :وردة:​

فوق مميزات تنظيفها ..​

تعقّم لج الغرف بشكل مذهل ..​

اشتريها خوش مكينة وتوكلي على الله ..​

اهي مثل شكل المكنسة بس على تكنولوجيا متطورة​

واذا عندج بالبيت مدخنين راح تنفعكم وايد​

وزينة لصدوركم ووقاية للصغار ..​

بس اهم شي الاعتناء بنظافتها ..​

الصراحة انا ما شريتها ​

بس عند اختي وآخذها منها كل اسبوعين تقريباً عشان اعقم البيت واستخدمها بتنظيف القنفات​

الله يا راح تشوفينن وصخ يطلع​

ما تتصورينه :وردة:​

حتى حق البردات​

اقولج اشتريها ​

عشان اتسلفها منج ​

بس اذا ما خاب ظني ترى يجذبون بالعرض دايم يقولون جذيه وهذا سعرها​

بسئل اختي جم خذتها مع العرض وارد لج خبر ..​

 

[ذويقة]

نصابين مع درجة الامتياز​

لاتاخذينه وانتي اولى بالـ 850 دينار
على فكرة لاتستغربين لو دقيتي عليهم وقالو لج هالجملة
(( علشان حضرتك حنعملك النهاردة اوفر كويس ونخليهولك بـ 750 دينار ))​

اذكر سوو عندنا هالعرض بالبيت والله العظيم بدون مبالغة يمكن سنة 1995 عمري 10 سنوات​

​

نصابين حسافه ... بس ليش؟؟؟
اخوي عبد الله انت جربتهم !!!! هو السعر غالي صحيح
بس لو تشوف المميزات شئ مو طبيعي جربها قدامي..تعرف مكان يبيع مثلها... مثلا لقيت ارخص بمكان ثاني .. فهمني ليش نصابين ..ودي استفيد

 

[ذويقة]

اشتريها ما جاج بصدري :وردة:​

اشتريها يا الغالية :وردة:​

اقولج اشتريها ​

عشان اتسلفها منج ​

بس اذا ما خاب ظني ترى يجذبون بالعرض دايم يقولون جذيه وهذا سعرها​

بسئل اختي جم خذتها مع العرض وارد لج خبر ..​

ربما يا الغاليه
انت من الناس الي اثق فيهم
انا بانظارك ردي لي خبر

 

[linksys]

من يقول أن صاحبة الموضوع الأخت (ذويقة) مو قاعد تسوي دعاية حق هالجهاز ..

تسأل يعني جنه مو لها ..

علينا هالسوالف يا (ذويقة) :إستنكار:

 

[رُبـّـمــا]

ربما يا الغاليه
انت من الناس الي اثق فيهم
انا بانظارك ردي لي خبر

حاضر من عيوني ..​

اول ما ترد لي خبر ابلغج عن السعر ..​

بس لا اتطوْفينها عليج :وردة:​

 

[ذويقة]

من يقول أن صاحبة الموضوع الأخت (ذويقة) مو قاعد تسوي دعاية حق هالجهاز ..

تسأل يعني جنه مو لها ..

علينا هالسوالف يا (ذويقة) :إستنكار:

ههههههههههه والله العظييم اني ضحكت من قلبي
ياريييييت جان زين الله يسمع منك
المشكله توه طالع المصري
وكلامه للحين براسي
متحسفه على الفلوس
بس والله ضحكت
باختارك احسن اجابه

 

[عالي مستواه]

تجاره وضحك على الذقون ،،
لو سعرها 60 ،،70 دينار اقولك اشتريها شدعوه ،، 1000
عندك كم فلس ،، تصدقي تجاره لن تبور ،،
احفظيهم العطله ما انتهت وما فيه معاشات الا شهر 9
وخليك طبيعيه تنظيفك العادي النظافه زياده عن اللازم تضعف المناعه
شوفي العمال اللي بالشارع يشتغلون ليل نهار غبار طوز رطوبه ماشالله مافيهم الا العافيه
وهذا طبعنا تجميع اجهزه لما ضاق البيت ...

 

[ذويقة]

عالي مستواه والله
ما كنت ناويه اشتري ...قال لي شوفي العرض بعدين اسالي عن السعر
قعد يشرح ساعه وسوا تجارب حيه ...وطلع من القنفه كيلو غبار وشرح وشرح
بصراحه اقنعني
بس ودي احد شاري قبلي أساله...احس السعر مبالغ فيه شوي...وبعدين اذا خرب الجهاز ما لهم مكان بين ندلهم ونرد الجهاز على التلفون بس
هذا الي مخوفني منهم​

 

[عبدالباري]

اقول اشتري مخمه عاديه من الدكان

وخمي بيتج


بلا اجهزة بلا بطيخ

 

[مباشر]

اختى العزيزه
الجهاز شريته سنه 2000ب500منهم وبصراحه اول سنه شاد حيله الجهاز بعدين صار اداءه 50% بعدين اخرتها صار مكينه تظيف فقط لاغير
بصارحه صدمنى سعرهم الجديد

رافعين الاسعار بعد​

 

[ذويقة]

اختى العزيزه​

الجهاز شريته سنه 2000ب500منهم وبصراحه اول سنه شاد حيله الجهاز بعدين صار اداءه 50% بعدين اخرتها صار مكينه تظيف فقط لاغير
بصارحه صدمنى سعرهم الجديد​

رافعين الاسعار بعد​

اكيييييد بعد 11سنه ارتفعت الاسعار ...هو بقى شئ ما ارتفع سعره

 

[عبدالله .]

اختي الكريمة انا قلت نصابين لأن السعر مبالغ فيه
واللي يكلمونج هذول حرفتهم التسويق يعطونج السما بأيد والقمر بأيد
ودايماً يحرصون ويذكرون بأن هاذي آخر فرصة وآخر خصم
واحنا ماعندنا فرع ثاني ومن هالسوالف ويقنعونج بأي طريقة
السعر تلقينه بـ 400 مو اكثر بس هم يضربون بالعالي وينزلون ينزلون علشان العميل يقتنع ويوافق بسرعة
انا دقوا علي قبل فترة وقالي لك شغلة معينة مجانية قلتله اكيد مجانية قالي اي قلتله شالمقابل قال بنسوي عندك عرض
قلتله حياك
لما جا البيت طلبت منك هالشغلة قبل لايعرض لأني ادري انهم نصابين قالي ماكو شي مجاني منو قالك
قلتله خلاص ماكو عرض
تصدقين مايستحون عطوني مثل الصحن الزجاجي مجاني علشان يعرض وماخليته يعرض قلتله توكل على الله لما تكلمني بالتليفون لاتجذب مرة ثانية​

 

[English Teacher]

انصحج لا تشترينها خرطي
تصدقي بمية دينار والباقي خشيه بمخباتج
احسن وافضل لج

 

[ذويقة]

شوركم وهداية الله

 

[عندما تغرد البعارين]

اذكر جاني للبيت وقعد ساعة يجرب ويسوى اختراعات قدامي واخر شي صدمنى بسعرها المبالغ فيه حييل ..اشوف انها ما تستاهل هالسعر , وال 850 روحي فيهم مكة واعتمري وتصدقي بالباقي افضل الف الف مرة من هالمكنسة

 

[AlBadel]

يبه شفيهم المكانس الثانية ولا المخمات ....
أنتي أولي بالبيزات وبعدين أي شغله تشوفينها غالية وصي عليها من براا توصلج للبيت وبربع القيمة
والتوصيل عليهم و بالدي أش أل ( خلال يومين ) أنا دايم أشتري تليفونات أو أجهزة وهذاك اليوم شربت تلسكوب سعره بالكويت 180 دينار وصلني للديره بـ 30 دينار..... وعندج موااقع أمريكا أهي اللي ضاربه الأسواق
وإذا تبين هالمكنسة أطلبيها ورااح تلاقينها بـ 40 أو 70 دينار
ــــــــــــــــــــــــــــــــــــــــــــــــ

تــــــــوقيع موجــــــــــــه لأصـــــــحاب الصفـــــــقات التـــــــــجارية وبشــــــوت النظــــــــــرة الفــــــــوقية
نقـولها للتــــاريخ إلا الرمــــــــز والزعــــــــيم ...... أحــــــــمد الســـــــــعدون
( الشــــــبكة اللبــــــرااالية الكـــــــويتية )
مبروك للأخوة الأعضاء الفائزين بلقب العضو المثالي بالشبكة الوطنية عن شهر 6
( نبض القلم ... وليد المجني ... ربما ... ياسين الحساوي ... اسد السنة ( محمد بن هايف) ... أبو عمر ... فريمان ... jassem )
وبالأخير إلا هالمبدع ياشبكتنا
ممتنع عن المشاركه

بسطويسي / مـو ... موجود الحين لييين يتم أنصافه
عضو وأحد مؤسسي تجمع مؤزمي الشبكة الوطنية لمكافحة الأنبطاح​

 

[العيون الساهيه]

بنظري ان هذه الاجهزه تسبب هوس النظافه

وتكرهنا ننام بفرشنا وتعقدنا من فرش الفنادق

فخلينا على ادوات النظافه العاديه والتقليديه ارحم

ونوفر هالمبالغ الخياليه فيما يفيدنا مثل العمره او السفر او الصدقه

تكون افضل

 

[نسيت انساك]

أختي الفاضله اقدر افيدج بنسبه لجهاز رينو اقدر اقولج انه ها الجهاز خرافي بنسبه لتنظيف وجهاز ممتاز ممتاز جداً بس ينباع في المنتدي اهني بسعر 550 دشي شوفي لعلان http://www.mazadq8.com/vb/showthread.php?t=269504​