ياسامعين الصوت وين اللي ينقذنا من قانون الهجره ياسمعين الصوووووووووت

[شاكي زمانة]

قسم بالله العظيم شئ يقهر البلد صار حمايه للخدم والمواطن ماكل تبن حشاكم
بسبب القانون قانون الهجره !!!!
ياجماعة الخير صرنا منفعه لمكاتب الخدم وبالتحديد اللي يدير المكتب هندي والا سيلاني
صارو يتلاعبون بالمواطن وبالقانون يعني ياخذون اللي بجيبك وانت مثل اللوح !!!
أدري مستغربين من المسميات لكن لما تعرف الحقيقه تعذرني هذي القصه صارت معاي ويمكن صارت مع غيري!!
ياجماعه مصيبه ومالها حل .... العام .. أو قبل شهور قدمة على سائق هندي ولما وصل دقيت له اقامة سنتين وأشتغل ثلاث شهور بالتمام بالدقيقه وبالثانيه ولما أصبح علينا الصبح بعد هالثلاث شهور وين السائق ماله أثر يعني بالعربي منحاش رحت المكتب قال ماأدري وينه
وبعدين المكتب ماله علاقه انتهت كفالة المكتب قلت وش الحل ماكو الا السفاره رحت للسفارة وقالو ماجانا وحطيت رقم تلفوني عل وعسئ يجي المهم طاف عليه اربع ايام وبعدها رحت وبلغت الهجره وسويت تغيب ورحت لمنطقة بيان للعماله المنزليه وهناك بلغت عن المكتب
بأنه هو من أخذ السائق من البيت عالعموم انتظرت شهور وبدون جدوئ لا السفارة اتصلو ولا العماله المنزليه ولا مباحث الهجره ... رحت عاد لمكتب ثاني وقدمة على سائق وهذا الكلام قبل خمس شهور وبنفس سالفة السائق اللي فات وبنفس الشكوئ سويتها ؟؟​

لكن اللي قاهرني فلوسي من يردها لا فيه قانون يحمي حقوق المواطن بل العكس يحمي الخادم وهذا اللي جعلهم يضحكون على شواربنا يسرقونا ونحن ماعندنا الا بس نمشي من اداره الى اداره ولما يمسكونه يالليتهم عاد يردون حلالك بل يدفعونك تذكرته وبالحاله هذي
خسران بالمكتب وخسران تذكرته !!
ياجماعه وش الدبره عطونا حل ابي حلالي خلال سبع شهور خسران كل مكتب 280
يعني 280 + 20 = 300 وهذا كل سائق جبتي فيطلع الحساب 600 دينار غير البنزين
من اداره الى اداره والى السفاره ....طيب شنو مستفيد المواطن من هالقانون
والله م والله ان شئ يقهر لما تحتاج سائق يودي عيالك واهلك تتفاجأ بقانون يساعدهم
على الهروب ولا يوجد قانون يردعهم ويحفظ حلال المواطن شسالفه يالربع دبروووووووني
وش الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فهررررررررررررررررررررررررررررررررر:باكي:رررررررررررررررررررررررررررررررررررررررررر​

والمقهر اللي باللون الأحمر والله قهرررررررررررررررررررررررررررررررررررررررررررررررررررررر​

ويهددونك ثلاث ايام والله قهرررررررررررررر​

---------------------------------------------------------------------------------​

​

 

[بوالريش]

الله يعوض عليك ياخوي
ما انحاشوا اثنين منك الا من حظك الردي أو ممكن سوء معاملة

عندنا جارنا خدمه وسواقه لازم ينحاشون
اكتشفنا بعد فترة انه زوجته تطق الخدم والزوج مايعطيهم رواتبهم

 

[عنتره]

لايضحكون على شواربك ولاشئ ​

انت المفروض تضحك على شواربهم وعلى شوارب المكتب اللي جابهم ​

استخدم طريقتي ​

اول مايجي السايق او الخادم او الخادمة في كفالة 3 شهور على المكتب..​

عطه نص الراتب ...وخله ياكل ويشرب معاك ..وفهمه ان النص الباقي من الراتب ستدفعها له في اخر يوم عمل ( بونص هههههه )...يبي والا ينقلع من البداية ​

واحفظله رواتبه بورقة مكتوبة منك عن الحلال والحرام ( فان هرب في هذه الفترة فان المكتب مسؤول ويعوضك ) ​

وابدأ ادفع من الشهر الرابع راتبه كامل واخصم10 دنانير ( تبقى كحقوق له عند التقاعد هههههه ) ...فان هرب بعدها باللي مايحفظه ..قص له تذكرة من حقوقه اللي عندك,,,​

ووين يبي يروح ...الهند ؟​

قص له تذكرة ب 20 دينار يطب 30 مطار ترانزيت على مايوصل الهند ههههههه​

اتبع هذه الطريقة وابشر ولاخادم ينحاش منك​

بس هالله هالله بالمعاملة الزينة حتى لا تحاسب يوم القيامة​

صرنا لعبه عند الخدم ​

يجي مايفهم شئ ونعلمه السواقة ونصرف عليه ....وآخر شئ يروح للمطاعم ويشتغل عندهم سايق ضعف راتبك 3 مرات ..​

 

[شاكي زمانة]

والله ياجماعه ماعليكم حلف ولا احد جابرني بالحلف لكن من باب عدم التفكير الغلط

ا
أقسم بالله العظيم والله يشهد على صحة كلامي اني مو مقصر معاهم غرفه تكيف وتلفزيون ورسيفر
ومحطات هنديه واكله بالمجاني ولا تأخير ومعاشه قبل حلول شهره بيوم ماخذه و80 دينار ولا ينقص
دينار ولا يحرك السياره الا بالاسبوع اربع مرات يعني ماعنده شغل والا بوقت المدارس ماعنده الا مدرستين وبنفس المنطقه .... لا يجيه ضرب على قولت بوالريش ياخوك نخاف الله وهذا مهما يكون بشر ومسكين بنفس بس المشكله ياليتها مني بل من القانون اللي طمعهم والله اني مقهوووووووووووور حدي​

 

[حمود22]

الهنود تغيروا اتمنى من وزارة الداخليه ان تسمح للخادمات بالسياقه والله مافيه حل غيره

 

[صب الهوا]

اهونها عليك
بال 94
قصيري جاب سايق وطلعله رخصه وشرا تيوتا كرسيدا جديده موديل السنه
واصبح الصبح لا السايق و لا السياره .
وللحين على وجهه .
لا حول و لا قوة الا بالله .
ويقول من يضحك بالثرمان يضحك بلا سن .
عاد انت لا تضحك ...:باكي:

 

[constiq8]

هنا تاج الحكومة تتوج به على كل دول العالم
في انها السباقة في كل ما وضع المشاكل والعراقيل ضد المواطن اينما وجد له حق !!

نعم في كل شي يخص المواطن نجدها تتفنن في تعقيده و هضم حقه

فاولا نعم نقول هناك من يهضم الحق من بعض القلة
لكن يجب ان يكون هناك ايضا يحميهم
فالعمالة المنزلية معروف عنها حاليا كثرة الهروب بما لا يقل عن 85%
و خاصة السواق حيث اغلبهم ( الجدد ) يكون هربهم بعد تدريبهم و خسارة الكفيل
لاموال طائلة من التدريب الى استلام رخصة القيادة و آخرتها ( الهرب )

نقول الحلول كثيرة و بسيطه و قانونية لحماية الجميع منها :

-تلغى رخصة القيادة عند الهروب او تغيير الكفيل و تعتبر بدون ملف
و تعتبر و كأنها لم تكن و عند التقدم مرة أخرى يكون التقدم لها من جديد
بدون الاشارة الى الرخصة القديمة.

و بعض الحلول التي تساعد على الحد من هذه الظاهرة ( ظاهرة هروب العمالة )

1 - كل من يقبض عليه في مكان عمل غير عمله بغير الوجه القانوني الصحيح
يتم معاقبة المشغل بغرامة مالية كبيرة بالاضافة الى تعويض الكفيل ( من احضره )
التعويض المناسب للمدفوعات التي قام بدفعها لمكتب الاستقدام + 3 دنانير عن كل يوم من تاريخ
الهروب المسجل بحق العامل ومن ثم تسفيره و منع دخوله من البلاد نهائيا.
2 - كل من يقبض عليه من المسجلين بحقهم قضية هروب يتم معاقبته بان يقوم بخدمة
مجتمعية ( العمل المجبر مقابل اجر يومي ) و به يتم دفع نصف الاجر اليومي
للكفيل كمجموع تعويض الكفيل ( من احضره )
التعويض المناسب للمدفوعات التي قام بدفعها لمكتب الاستقدام + 3 دنانير عن كل يوم من تاريخ
الهروب المسجل بحق العامل ومن ثم تسفيره و منع دخوله من البلاد نهائيا.
او يحقق معه و لاثبات عمله في جهه معينة و عند الاثبات يتم معاقبة هذه الجهة كما في رقم ( 1)
3- يمنع التحويلات المالية الخارجية للعمالة في نطاق زيادتها عن 80% من الراتب الشهري
للعامل .
مثال ( لا يجوز ان يحول مبلغ مالي يزيد عن 80 دينار شهريا لمن راتبه 100 شهريا )


و الحلول كثيرة لكن لا زلت اشدد و اقول بان الحكومة تبحث عن كل حالة يكون فيها قلق
للمواطن فهي تتلذذ بذلك

ودمتم,,,

​

 

[اقشر]

الحل واحد انه الخدم عن طريق خدمه المواطن ووزارة الداخليه وتفكنا من سالفة المكاتب الي ينهبوون فلوسنا وعيني عينك ولا فى قانون يحميك بل يحمي الخادم ويروح ويرجع الكويت ولا صار اي شي ,,
هذي الكويت صل على النبي​

 

[free_kuwait]

الله يعينك اخوي

ياسبحان الله توه الوالدة جاية من مكتب الخدم وحالتها حالة مع خدامتها

الله يسلمكم خذت خدامة مسترجعة من شهر ونص

وكانت الخدامة عند ناس من شهر ونص يعني كملت الثلاث شهور

لما خذتها الوالدة كان باقي على كفالة المكتب شهر وعشر ايام دفعت 500 دينار على نيبالية

لاعربي لاانجليزي لاشكل لاطباخ لا نظافة لاتكتب لاتقرا يعني أمية ودفعونا 500 دينار

اول ماجت شغلها مقبول تقول الوالدة ماعليه توها جديدة تتعلم

الوالدة الله يحفظها تعبانه ماتعبر على الشغل مضطرة

ماعندها احد غير 2 من اخواني كبار ومافي ذاك الزود شغل والبيت دوووور بس

المهم اشتغلت الخدامة مافي اي شي طبيعي لي خلص الشهر وعشر ايام

قامت تتميرض وابتدى مسلسل العذاب

اول شي ايدي ورجولي تعورني اخذتها للطبيب وعطاها دوا وابر وماكو فايدة

قامت تسوي روحها ترجع كل شوي تروح ترجع ودتها المستوصف عطوها دوا وماكو فايدة

ملت الوالدة اتصلت على المكتب تقول الخدامة مريضة ماتبي تشتغل اشلون ؟قالو لها مانستقبلها

وفلوسي ؟قالوا انتهت كفالتها

راحت معاها للعمالة المنزلية حاطين وحدة رئيسة التحقيق نفسها خايسة كلمة ورد غطاها تقول وديها المستشفى وجيبي تقرير انها غير صالحة للعمل

ودتها المستشفى وسوت لها كل التحاليل الي بعرس امها ماشافتها اشعة تخطيط قلب ضغط تحليل سكر وحمل ودم قالو مافيها شي طيبة وصحتها زينة

من كثر مايأست الوالدة تقول خلوها بالملاحظة على الاقل ساعة الطبيب مارضى سوالها خروج

وكاهي مقطوطة بالبيت تاكل وتنام ولا شغل ولا شي تقول مريضة

محد راضي يستقبلها ولا من فلوسنا ولا من شغلها

مو حرام جذيه اشذنبنا اذا طلعت الخدامة مريضة او تتميرض وماتبي تشتغل

يعني جذيه فلوسنا ال 500 دينار تروح باردة مبردة واحنا على ويه رمضان

تكفوون عطونا حل شنو نسوي معاها مايصير جذيه لي متى يلعبون فينا هالمكاتب

والله قلت قصة حياتنا من القهر والظلم

اول كانو الخدم على 200 ونقول يالله بس الحين الاسعار نار وفوقها يبوقونا اشكره

 

[ابوسعد العتيبي]

جيبوا سواق وخدم مسلمين شرط سنه وخافوا الله فيهم اكرموهم لوجه لله واذا شافوكم طيبين معاهم يصيرون سنعين أن شاء الله والحمد لله عمر منحاش من عندنا سايق ولاخدامه كلهم سنعين وزينين ولا اذا خلصو وجو يسافرون يبجون والله مايبون يروحون
وفيه ناس اذا جابو سايق ولاخدامه يبون يطلعون الفلوس اللي دفعوها من جبده وهذا حرام الفلوس اخذها صاحب المكتب وهم مالهم ذنب

 

[فهد الرشيدي]

جميع الخدم عليهم حمايه حكوميه خوفا من سفاراتهم

الله يرحم ايام قبل احط الهندي وجنطته واركبه اول طياره ولا يبطل حلجه بكلمه

واخليه بنظارة المخفر كم يوم لين احجز له تذكرته بس اليوم خوفك انت الي تدش النظاره بداله واهو يكفلك

 

[عــذوب]

لايضحكون على شواربك ولاشئ ​

انت المفروض تضحك على شواربهم وعلى شوارب المكتب اللي جابهم ​

استخدم طريقتي ​

اول مايجي السايق او الخادم او الخادمة في كفالة 3 شهور على المكتب..​

عطه نص الراتب ...وخله ياكل ويشرب معاك ..وفهمه ان النص الباقي من الراتب ستدفعها له في اخر يوم عمل ( بونص هههههه )...يبي والا ينقلع من البداية ​

واحفظله رواتبه بورقة مكتوبة منك عن الحلال والحرام ( فان هرب في هذه الفترة فان المكتب مسؤول ويعوضك ) ​

وابدأ ادفع من الشهر الرابع راتبه كامل واخصم10 دنانير ( تبقى كحقوق له عند التقاعد هههههه ) ...فان هرب بعدها باللي مايحفظه ..قص له تذكرة من حقوقه اللي عندك,,,​

ووين يبي يروح ...الهند ؟​

قص له تذكرة ب 20 دينار يطب 30 مطار ترانزيت على مايوصل الهند ههههههه​

اتبع هذه الطريقة وابشر ولاخادم ينحاش منك​

بس هالله هالله بالمعاملة الزينة حتى لا تحاسب يوم القيامة​

صرنا لعبه عند الخدم ​

يجي مايفهم شئ ونعلمه السواقة ونصرف عليه ....وآخر شئ يروح للمطاعم ويشتغل عندهم سايق ضعف راتبك 3 مرات ..​

والله حلوه طريقتك بس ماراح يرضون ياليت يسوونها قانون .مو الهنود عليهم عناد واذا قالو لا ما قالو اي

 

[الهارون]

السعوديه توقف الفلبين لئنهم قامو يتشرطون وقفت الفيزا وعندنا بالكويت الاجنبي فوق الشعب والمواطن بالطقاق يدفع فلوس ويطلع ليسن وينحاش الهندي ويروح الكويتي يقصله تذكره مو اي مكتب مكتب تبع وزارة الداخليه وبسعر غالي اكيد وبعدها يطق الفيزا ويرجع بو هناد للكويت وليسنه بمخباته
طز فيش من حكومه اسد علينا ودجاجه علي الاجانب والدول الي براااااا

 

[عــذوب]

السعوديه توقف الفلبين لئنهم قامو يتشرطون وقفت الفيزا وعندنا بالكويت الاجنبي فوق الشعب والمواطن بالطقاق يدفع فلوس ويطلع ليسن وينحاش الهندي ويروح الكويتي يقصله تذكره مو اي مكتب مكتب تبع وزارة الداخليه وبسعر غالي اكيد وبعدها يطق الفيزا ويرجع بو هناد للكويت وليسنه بمخباته
طز فيش من حكومه اسد علينا ودجاجه علي الاجانب والدول الي براااااا

:إستحسان::إستحسان::إستحسان: عاش الهارون عاش

 

[" كش ملك "]

كله بصوب والسايق اللي يشتغل عندك لمدة سنة ويأخذ يتعلم على حسابك لين ياخذ الليسن ويتعلم عربي ويدل عدل بالمنطقة بعدها يقولك خلاص بسافر ما أبي أشتغل ان وافقت سافر وجاك بعد شهر سائق عند مطعم وأن رفضت راح للسفارة وسفرته واشتغل بالخليج ،،،، من يوقف هالمصخرة

 

[ٌقـــناص]

المواطن ماله حقوق في ديرتة واقع مر

لوحكومتنا تشرط على كل سفارة تستقدم عمالتها انها تكفل مواطنيها

بدفع القيمة للكفيل والتذكرة في حالة الهروب مالقيت خادم منحاش من

كفيلة والله لعلقونة من رجلينة ويلعن الساعة

اللي فكر فيها بالنحشه :إستحسان:
​

 

[بخير الله يسلمك]

اكيد بينحاش اذا كان معاشة 45 دينار , بيخربونة عليك بعض الهنود الي في فريجكم تلاقي معاشاتهم علي 90 و100 اكيد بينحاش وبيشتغل برة وهذا صار مع اكثر من واحد من الربع ونفس المشكلة

 

[بوشريدة]

كثرة مشاكل هالخدم وايد وتلعوزنا واياهم الله يعين بس ​

 

[السـيف]

نفس الموضوع انا اعانى منة تفاجأت من السايق الى عندي عقب خمس اشهر ان زوجتة تعمل خادمة بالكويت ويبى تنازل حق معزبها ليعمل مع زوجتة بنغس البيت قلتلة خلص عقدك سنتين واعطيك تنازل سكت وعقب اسبوع هرب (انحاش )من البيت بلغت عنة واتفاجاء انة يكلمنى من رقم نقال خاص فية وصارلة اسبوع وادق علية يرد من نغس الرقم قلت خلاص راح يحدون موقعة وينمسك من مباحث الهجرة وكلمتة سبيكر وهم يسمعون تدرى اشرد علي ضابط مباحث الهجرة قال لاتخاف ماعليك شى وخلة يولى هالخادم وجيب غيرة واذا امسك ماراح تدفع غرامات وقلت والتذكرة قالى عاد الله يعينك .....والسؤال ليش ضابط مباحث الهجرة مايحددون مكان السايق الى قاعدين يسمعون صوتة يقبظ علية ؟؟؟؟؟؟ شنو الحل ؟؟؟ والله حرام الى قاعد يصير فينا ......

 

[أبو خالـد]

مع احترامي لكل آراءكم واقتراحاتكم وأطلب منكم قراءة موضوعي بكل دقة

مع احترامي لكل الآراء ووجهات النظر

أكتب إليكم أخواني وأخواتي بكل حرقة وألم لما حدث ويحدث بخصوص الخدم وما أدراكم ما الخدم

أنا صاحب مكتب خدم وأتكلم لكم بعد أن رأيت العجب العجاب لما يحدث من قبل الجهات المختصة وأولها سفارات الدول المعنية ومن ثم وزارات الخارجية والداخلية والعدل والشئون بدولة مثل الكويت غير قادرين على إدارة الموضوع بشكل عقلاني وحضاري وقانوني وإنساني من باب حقوق الإنسان بشرط أن تحفظ حقوق الكويتي قبل الأجنبي لأن الشرع يقول الأقربون أولى بالمعروف وهنا تكمن المصيبة ( لقد أسمعت ولو ناديت حياً ولكن لا حيات لمن تنادي ) وأنا هنا أتحدى وبكل قوة المدير العام للإدارة العامة للهجرة ومدير إدارة العمالة المنزلية ووكيل وزارة الشئون ورئيس اتحاد مكاتب العمالة المنزلية بالكويت ومن خلال هذه الشبكة الحبيبة بأن يقوم أي شخص من الذين ذكرتهم وأياً كانت صفته الرسمية بمناظرتي تلفزيونياً بأي قناة يختارونها وأي وقت يرغبون به ، حتى أبين لكل الشعب الكويتي وإليكم أخواني وأخواتي الكرام أين تكمن المصائب ومن هم سبب البلاوي وآخرها وصول الأسعار بهذا الشكل الجنوني وهي باستمرار واذكروها في عام 2012 سوف تكون الأسعار من 1250 إلى 1500 دينار ، وهنا لا يسعني إلا أن أذكركم بقول المولى عز وجل ( إن جاءكم فاسق بنبأ فتبينوا أن تصيبوا قوماً بجهالة وتصبحوا على ما فعلتم نادمين ) صدق الله العظيم ، فلا تتهمون أصحاب المكاتب لأنكن على نياتكم ولا تعلمون ما هي خوافي الأمور

ولكم تحياتي واحترامي / أخوكم أبو آيه​