سؤال وجواب ماهو الفرق بين خريج الشريعه و الحقوق

[احمد بن عباد]

السلام عليكم ورحمة الله وبركاته وتقبل الله طاعتكم اخوانى خواتى الاعزاء السؤال واضح من العنوان شنو الفرق بين خريج الحقوق والشريعه وهل خريج الشريعه يستطيع العمل فى مجال المحاماه بكل درجاتها ولا بس بالاحوال الشخصيه واللي عنده فكره اكثر يفيدنا وجزاكم الله خير :وردة:​

 

[عبدالله_العنزي]

بما اني مليج للشبكه الوطنيه الا انني لا استطيع ان افيدك ... بس اللي اعرفه ان خريج الشريعه يسمونه خريج

وخريج الحقوق هم بعد يسمونه خريج

اكثر من هالقدر هذا ما اقدر افيدك ....

 

[كويتي قديم جداّ]

ما في فرق ,, شوف وزارة العدل وقصر العدل متروسين من الشريعة

 

[احمد بن عباد]

الله يعطيكم العافيه طيب هل خريج الشريعه يتخصص بمحاكم الاحوال الشخصيه فقط وممنوع عليه ان يترافع فى اى محكمه ثانيه​

 

[بسايل]

انا ادرس بالشريعه ورحت سألت التوجيه والارشاد نفس سؤالك قالتلي هالسؤال انسألته الف مره
لا ماكو اي رابط بس في سنه من السنين بطلوا وظيفة وكيل نيابه لخريجي الشريعه طبعا ذكور
وبس
بس انا مادش مخي كلامها لان في شكر وظايف مشتركه بينهم و اهمها الباحث القانوني
بس المشكله الحين ان طلبة كلية الحقوق معترضين على ان طلبة الشريعه نفس بعض وظايفهم و مسوين ملتقى اسمه "لكم الاحترام ولنا الاولويه"
يطالبون فيه بمنع خريجي الشريعه من اي وظيفه قانونيه او انه يعادلونهم فيهم
هذا اللي سمعته
واتمنى اني افدتك<<< الا حبطتيني 

 

[كويتي قديم جداّ]

الله يعطيكم العافيه طيب هل خريج الشريعه يتخصص بمحاكم الاحوال الشخصيه فقط وممنوع عليه ان يترافع فى اى محكمه ثانيه​

لا ,, مفتوحة .. أحوال , مدني , جنائي

 

[احمد بن عباد]

كويتي قديم جداّ بسايل عبدالله_العنزي مشكورين لكم جميعا رايتكم بيضاء ماقصرتوا