سؤال وجواب شنو افضل نوع من العسل !!

[هدى الكويت]

السلام عليكم ورحمة الله وبركاته شنو افضل نوع من انــواع العسل ويكون غالـي ومايهم سعره حتى لو كان فوق الـ 30 دينار ويبعــد الامـراض ويقوي المناعــه وجيد للتغذيـه وشاكره لكـم

 

[الفيصلي]

عسل العويد مشهور حيل بس بصراحة ما جربته

 

[7Ibrahimإبراهيم]

الموجود في الجمعيات ومركز سلطان انواع الاوروبي ونيوزلندي و الكويتي الشفاء و عويد


العسل انواع كل نوع له فايدة على حسب الحاجة

http://quran.maktoob.com/vb/quran39503/

http://ar.wikipedia.org/wiki/%D8%B9%D8%B3%D9%84_%D8%A7%D9%84%D9%86%D8%AD%D9%84

 

[مسك الورد]

عسل الشفاء واكو عسل الماني ينباع بالجمعيات ومركز سلطان اخف واحد عسل الاكاسيا والثقيل اشوي عسل الغابة السوداء اللي اهو عسل الصنوبر وأغلى واحد وهم عندج غذاء ملكات النحل رويال جلي اتلاقينه بالصيدليات افضل واحد يكون اسباني البتة ذهبية سعره بسلعه واشوي عباره عن كبسوله تاخذينها عقب الريوق تعطيج طاقة لليوم كله وتقوي المناعة

 

[أبو سديم]

العسل الدوعني - اليمني

 

[فهد3000]

انا شريت من شخص عنده منحلة وعنده نوعين واحد للاطفال والثاني للكبار،،،

للاطفال ال نص كيلو ب20 ،،،

والكبار ال نص كيلو ب 25،،،


كنت شاري منه انا ورفيجي ،،، رفيجي قال ماجاب نتيجة،،

وانا شريته لامي والحمدالله استفادت منه ،،،،

والشخص هذا مو دايما عنده على حسب الانتاج يعني ممكن تكلمينه الحين ويقول ماعندي بعد شهر او اكثر ،،، حسب الانتاج،،،

 

[بندر q8]

في محل جربته جديد يمني العسل كله يجيبه من اليمن عسل اصلي ومجرب وانصح فيه المحل موجود بمجمع مغاتير اللي بالفروانيه على الشارع
ماله باب داخل المجمع
قدام ابن الوزير اسم المحل عالم العسل موجود عنده عسل الزهور الباكستاني وعسل الدوعني اليمني من وادي دوعن ويخلطه لك بحبة البركه وغذاء ملكات

 

[كويتي وكالة]

عسل مانوكا
مانوكا-400

تقريبا علبة ال100 غرام بي 25 دينار
نيوزلندي

 

[أبوأحمد2010]

عسل دوعني يمني
لاااااااايعلا عليه

متوفر عند عسل العويد اعتقد الكيلو 30 دينار

 

[سنـين التّيــــهـ..]

العويد عن تجربه:إستحسان:​

 

[ساهر الليل]

عسل الشفاء الموجود في الجمعيات افضل عسل ورخيص

لاتدفعين 30 ولاتعبين روحج

كله دعايات وحجي

 

[""" صمتي جرحني """]

عسل العويد وأنت مغمض مجرب وموثوق والشيوخ والوزراء والأطباء يشترون منه ثقه

 

[الديفي]

عسل وعويد وبس!

عسل السدر الجبلي بس صار غالي الحين

http://alblogy.com/?p=3069

 

[عزيز وغالي]

اخبرني شخص كان يدرس باستراليا
يقول اشتر
اي عسل استرالي اخذه وانت مغمض
لان السكر عندهم غالي
والغابات منتشره بكثره
وانا الصراحه ما جربت

 

[q8eti]

عن تجربه شخصيه
عالجت جرثومة المعده والقولون بواسطة العسل والحمدلله لا أشكي من شيء منذ أكثر من سنه ولله الحمد
أستخدمت عسل حبة البركه من العويد
بشرط أن تاخذي فنجان من العسل مع فنجان من الماء الفاتر ويخلط مع بعض ويتم شربه يوميا على الريق وقبل الغداء بنصف ساعه وان أردت قبل العشاء بشرط ان تكون المعده خاويه لا يقل عن ثلاث ساعات
إن أردت تقليل الكميه إحرص على ان يكون مقدار الخلط 1 إلى 1
أي كمية العسل يجب أن تكون بمثل كمية الماء ولا تنسى أن الشفاء من الله وحده

 

[هدى الكويت]

عسل الشفاء الموجود في الجمعيات افضل عسل ورخيص

لاتدفعين 30 ولاتعبين روحج

كله دعايات وحجي

ادفع 30 ولا 60 كيفي الحين ابي افهــم فلوسي ولا فلوســـــك !!!

 

[هدى الكويت]

شــاكــره مشاركــاتــكــم ومساعدتكم

 

[ساهر الليل]

ادفع 30 ولا 60 كيفي الحين ابي افهــم فلوسي ولا فلوســـــك !!!

لامو على كيفج

انتي سألتي وانا رديت عليج ونصحتج

 

[هدى الكويت]

لامو على كيفج

انتي سألتي وانا رديت عليج ونصحتج

شنو افضل نوع من انــواع العسل ويكون غالـي ومايهم سعره حتى لو كان فوق الـ 30 دينار اذا ماتفهم عربي مشكلتك

 

[بن ذى يزن]

افضل عسل هو عسل الموطن نفسه اللي انت عايش فيه يعني يكون من الكويت
مو عسل يمني ولا شيشاني ولا ولا
عسل الانتاج يكون فيه نفس الموطن وهو عسل السدر الكويتي بس وين الثقه عليك البحث