سؤال وجواب شرايكم .. اسمي ولدي ياسين ؟ ولا الأسم زلمكه

●°يقظة فكر°●

عضو فعال
السلام عليكم ..

تكفون حدي مأيس .. من الناس الي حولي ..

إن شاء الله قريب خلال فترة قصيرة جداً .. سيرزقني الله بولد

بصراحه كان ودي بأسم ياسين مدري ليش !

يعني غريب .. واسم من أسماء خير البرية صلى الله عليه وسلم ..


لما قلت للربع بسمي هالأسم

فقدو ضحك !
قالو لا الأسم حده زلمكه ... يعني مو خليجي كلش ..

قلت اي شي !
قالو اي صج ماكو خليجي يسمي جذي ..

شرايكم بالأسم !؟
وهل فعلا ماكو خليجي يسميه .. ؟لأني اذكر انه مار علي ؟

بدون مجاملة .. بس تكفه لا تكسرون مجاديفي حيل يعني ..

شباب تدرون الولد الأول .. يعني مو سهله السالفه ساعدوني

بس لا تجاملوني بنفس الوقت ..

في إنتظاركم
 

هارون الرشيد

عضو بلاتيني
اولا مبروك مقدما والله يجعله من الذريه الصالحه ....ثانيا انا عندي واحد من عيالي اسمه صلاح :)

وما فيه اي مشكله ...وعلى فكره ياسين انا اعرف اكثر من واحد اسمهم ياسين وطبعا كويتيين ..الاسم

عادي ...توكل على الله والله يبارك لك فيه ولا تنسى تعزمنا :)
 

Chartist

عضو مميز
اخوي سمه اسم رجولي. وهيبه وهذا الاسم لفارس عربي من الجزيره العربيه

( راكان )
اسم هيبه وخشن

اترك عنك ياسين.وغيره  
 

باقي هواك

عضو فعال
عندي سؤال؟

اللي يقول سمه راكان ( ونعم بأبن حثلين) بس مو حرام سنة 2011 مولود اسمه راكان
وش معنى راكان ( على ما اعتقد مالها معنى

وياسبن اسم نبي وزين ( يذكرني اسماعيل ياسين ) يعني شي يونس;)
 
التعديل الأخير:






دّور اسم كويتي احسن :إستحسان:

ماتدري يمكن بعد سنين يصير سحب جناسي على الاسماء الغير كويتيه ;)


/

/


 

بدرالمطيور

عضو مخضرم
إسم

ياسين

إسم جميل و رائع

إن شاء الله يكون من الذريه الصالحه
 

محب العرب

عضو مميز
اولا ياسين ليس من اسماء الرسول صلى الله عليه وسلم .

وهو كما جاء في القرآن ( يس) يعني تقرأ ياء سين , مثل ( ألم ) تقرأ ألف لام ميم .

و ذلك للتنويه .

يا أخي اذا بتسمي على الرسول سمه محمد .
 

الرحال

عضو بلاتيني
أولا الله يرزقك بره ويمتعك فيه
وبعد :

فعلا اسم ياسين من الأسماء غير المشتهرة في تسميات الكويتيين لأولادهم

يعني هو مشهور عند إخواننا في بلاد الشام

وأخشى أن الولد إذا كبر قد يعيير وعلق عليه بهذا الإسم الغريب عن مجتمعنا فقط

وأما كونه اسم من أسماء النبي صلى الله عليه وسلم ففيه خلاف بين اهل العلم

فتوى لسماحة الشيخ ابن باز رحمه الله :

هل( يس) اسم من أسماء الرسول -صلى الله عليه وسلم-، أرجو إفادتي، وإفادتي عن بقية أسمائه -عليه أفضل الصلاة وأتم التسليم-؟

ج :

يس ليست من أسماءه -صلى الله عليه وسلم- على الصحيح وهكذا طه ليست من أسمائه بعض الناس يظن ذلك، وليست من أسمائه لا طه ولا يس، ولا غيرها من فواتح السور، -عليه الصلاة والسلام-، وإنما الحروف المقطعة مثل ألم، ومثل حم، ومثل ألمص، وأشباهها، كلها حروف مقطعة في أوائل السور إلا فيها الحكمة العظيمة سبحانه وتعالى، وليست أسماء للنبي -صلى الله عليه وسلم-، ولكن يقال سورة طه، سورة يس، سورة ألمص، سورة حم كذا لا بأس، وأما أسماءه فهي كثيرة -عليه الصلاة والسلام-، لكن أشهرها محمد وأحمد -عليه الصلاة والسلام-، والماحي، والحاشر، والمقفي كما جاء في الأحاديث نبي التوبة، نبي الرحمة، نبي الملحمة، كل هذه من أسمائه -عليه الصلاة والسلام-، وأشهرها محمد، وأحمد -عليه الصلاة والسلام-.

وقد سبق
نعم هناك سورة في القرآن الكريم باسم سورة ( يس ) وتقرأ هكذا : ياسين

 

مسك الورد

عضو بلاتيني
اسم عبدالمحسن يسمونك بو عبدالمحسن او بو عبدالرزاق هم حلو اتحس اسم مدير
مبروك مقدما انشاءالله ايي بصحة وعافية ويكون من الذرية الصالحة :)
 

الحر_189

عضو مميز
اسم ياسين اسم غير كويتي وغريب على مجتمعنا
 

Desert Eagle

عضو ذهبي
اخوي اول شي عسى ربي يبارك فيه

اذا بتسمي اسم لازم تراعي البيئه اللي انت فيها

مثلاً انا عجمي وجا علي ولد

اسميه قتيبه ولا ياسين ولا لؤي ولا فؤاد ؟؟!!

ما تركب بالمره .. والجماعه عندنا يحبون التشمت

تخيل اسمه لؤي العجمي << كلش ما تركب


لكن مثلا في ناس هالاسامي متوارثه عندهم .. عادي


عندك اسم يوسف او عمر او سلطان او خالد او عبدالرحمن او نايف

بس افضل يوسف وعمر
 

مطمئن

عضو مميز
الأسم مافيه شي
سمه وتوكل على الله
 

آل باتشينو

عضو مميز
اسم جميل واذا تبي اقتراحات عندك اسم عبدالرحمن و عمر و سالم



بالتوفيق
 

صوتك يناديني

عضو بلاتيني
سم اسم فيه مرجله ويكون حلو وسهل خل عنك ياسين وكمال وغيره وبعدين هذا اسم غريب على المجتمع

سمه فهد وتوكل على الله :إستحسان:

او سم عبدالعزيز او راكان من الاسماء المفضله عندي بعد اسمي طبعاً
 

آل باتشينو

عضو مميز
سم اسم فيه مرجله ويكون حلو وسهل خل عنك ياسين وكمال وغيره وبعدين هذا اسم غريب على المجتمع

سمه فهد وتوكل على الله :إستحسان:

او سم عبدالعزيز او راكان من الاسماء المفضله عندي بعد اسمي طبعاً
لو كل من إسمه جميل من العرب يطلع جميل
كان أكثر أسماء العرب تحمل صفات أصحابها



الرجولة مالها علاقة لا بالشكل ولا بالأسم

ثانياً اسم ياسين جميل وبنفس الوقت مميز
 

●°يقظة فكر°●

عضو فعال
اول شي
الله يجزاكم خير جميعا على دعواتكم والفال لكم ان شاء الله يارب


بس والله حيرتوني يا شباب
يعني نص معارض ونص مؤيد ..

بالنسبة للي قالو مو اكيد اسم من اسماء الرسول صلى الله عليه وسلم
انا سألت الدكتور محمد العوضي .. وذكرلي كبار العلماء الي اقرو بأنه اسم للرسول
ويكفي انه ذكر بالقران ..

الأخ محب العرب .. انت تقول سمه محمد
انا اسمي محمد ههههههههههههههه

Desert Eagle صحيح كلامك .. انا عنزي .. فواحد من الربع يتشمت يقول ياسين العنزي مو لايق ياخي !

بس نقطه الإختلاف كانت هل في كويتيين بـ هالأسم ؟

بصراحه احترت منكم يقول عادي توكل .. ومنكم يقول لا تسمي

في انتظار ارائكم
 
أعلى