سؤال وجواب مؤذن غريب وعجيب

عبدالباري

عضو ذهبي
السلام عليكم


في مسجد قريب من بيتنا


يأذن كل يوم الساعه 3 و خمس دقائق !!!!


هذا اذان شنو ابي اعرف ؟؟؟ مع انه لا وقت اذان الفجر ولا وقت الامساك ولا وقت صلاة القيام


؟؟؟؟؟

؟؟؟

 

عبدالباري

عضو ذهبي
حتى مسجدنا صاير يأذن 3 إلا 5



اعتقد هذا اذان السحور



ياخي نعرف اذان الفجر هو اذان الامساك


بس اذان السحور شنو ؟ متى طلعت الموضه هذي؟

وليش ما يأذن بالتلفزيون ... حان الآن موعد اذان السحور حسب التوقيت المحلي لمدينة الكويت وضواحيها


؟؟؟؟
 

كويتي قديم جداّ

عضو بلاتيني
لا إله إلا الله .. ليس عيباً أن يسأل المرء عن أحكام دينه

ولكن العيب في أن يتحوّل المتعلم السائل ,, إلى مناظر ومناقش ومعترض !!!

خذوا العلم ,,

عن عائشة رضي الله عنها عن النبي صلى الله عليه وسلم أنه قال:

((إن بلالاً يؤذن بليل، فكلوا واشربوا حتى يؤذن ابن أم مكتوم)). أخرجه البخاري ومسلم

الفجر له أذانان .. لأن الفجر (نور الإصباح) فجران صادق وكاذب وكلاهما له أذان، فأما الصادق فيؤذن له بالتثويب (الصلاة خير من النوم)

والأذان الأول لتنبيه النائم .. فيستيقظ ، وتذكير القائم مصلياً بقرب اداركه الفجر !

واااضح ان شا الله ؟؟؟
 

عبدالله .

عضو بلاتيني
اللي يضحك علشان قلت اذان السحور
الله يهديكم
شوفوا وانا اخوكم

نعرف ان الفجر له اذانين والاذان الاول ماله وقت محدد
برمضان يتم التبكير له علشان يكون علامة للسحور
وهذا اللي يتضح في ان الاذان الاول يفرق عن اذان الفجر حوالي ساعة وعمره الاذان الاول بغير رمضان يبتعد عن اذان الفجر بساعة كاملة

مؤذن مسجدنا يأذن بالضبط بعد مايخلص من القيام ب 5 إلى 10 دقايق
 

المهم^الكويت

عضو بلاتيني
اللي يضحك علشان قلت اذان السحور

الله يهديكم
شوفوا وانا اخوكم

نعرف ان الفجر له اذانين والاذان الاول ماله وقت محدد
برمضان يتم التبكير له علشان يكون علامة للسحور
وهذا اللي يتضح في ان الاذان الاول يفرق عن اذان الفجر حوالي ساعة وعمره الاذان الاول بغير رمضان يبتعد عن اذان الفجر بساعة كاملة


مؤذن مسجدنا يأذن بالضبط بعد مايخلص من القيام ب 5 إلى 10 دقايق

اخوي حقك علي :) ما كان قصدي طنازه

بس السؤال غريب و الجواب اغرب وحقك علي مره ثانيه :وردة:
 

شمري كويتي

عضو مخضرم
هذا السؤال يدل على شي واحد

راعي السؤال مو من اهل السهر

رجال نومه نوم دجاج

ولا عمره جرب السهر

لو انه مجرب السهر

كان عرف ان الفجر له اذانين وليس اذان واحد

مثل صلاة الجمعة

لها اذانين وليس اذان واحد

وصلاة العيد بدون اذان ولا اقامة

وكذلك صلاة الجنازة

بدون اذان ولا اقامة ولا ركوع ولا سجود

يعني الصلوات مو كلها مثل بعض

تختلف من صلاة الى اخرى

الفجر والجمعة لهم اذانين

واكرر هذا دليل ان صاحب السؤال

مو من اهل السهر

ولا عمره سمع اذان الفجر الاول

وبعده بنص ساعة اذان الفجر الثاني

اللي فيه زيادة

الصلاة خير من النوم

بس الفرق برمضان

تزيد المدة بين الاذانين

بعضهم يخليها ساعة

بعض المؤذنين يخليها ساعة الا ربع

وبعضهم يخليها مثل قبل نص ساعة

لان مالها تحديد معين

حسب رغبة اغلبية اهل المسجد

وحسب انتهاء صلاة القيام

في العشر الاواخر من رمضان

المسألة فيها سعة

والدين يسر

وسؤالك دليل ذكاء

لان الذكي يسأل ويحاول يعرف كل شي

اما الغبي او الكسلان

يطوف كل شي ولا يبي يعرف اي شي
 
أعلى