الكويتي ما يموت جوع واللي يقولونه مسرحيات .. !!

الموسوي

عضو مخضرم
بسم الله الرحمن الرحيم

اللهم صل على محمد وال محمد

السلام عليكم ورحمة الله وبركاته ...

نرى كثيرا في الصحف والمجلات والمواقع الالكترونية او حتى الفضائيات , ان كويتي

يعرض كليته للبيع .. !!

كويتي يعرض رجله للبيع .. !!

كويتي يعرض خشمه للبيع .. !!

فباعتقادي ان هذه مجرد مسرحيات اعلامية لكي تتعاطف الحكومة من المواطن الكويتي ..

لا يوجد كويتي ميت من الجوع .. !!

وان وجد فهو عزيز نفس .. له ماء وجه وكرامة لا تسمح له بان يفعل هذا وذاك .. !!

فهذه المسرحيات الاعلامية لاسقاط القروض لن تاتي اكلها ...

كما ان من يطبل خلف هذا المنوال لن يجد ما يغنيه ..

فاعتقد ان المواطن الكويتي شوهت صورته بشكل كافي .. فكفى

كم وكم من صورة عرضت على الفضائيات ... عناوينها

(( تكفى بوناصر طيح القروض )) .. !!

(( كلية مواطن كويتي للبيع )) .. !!

(( مواطن كويتي يموت ولده من الجوع )) .. !!

(( كويتي يفترش الشارع بسبب الديون )) .. !!

واخر الطامات (( حملة ترشيد )) .. التي (( خلت الي يسوى والي ما يسوى يحجي فينا )) .. !!

حملة عبارة عن مناقصة , تدر الملايين على اصحابها .. واخيرا نجد مسؤول يقول :

حملة ترشيد مفخرة لدولة الكويت .. !!

كيف هي مفخره .. ونحن ندفع المليارات قروض للدول الخارجية .. وتنقطع عنا الكهرباء

ببلدنا ..

الكويت هي التي بنت الخليج ...

الكويت هي التي مولت العالم باموالها ...

الكويت هي من اعطت الجار الذي لا يستحق الاموال الطائلة .. ثم غزاها ..

وبعد ان حررته .. رجع يطبل خلف .. (( الكويت النا.. !! )) .. !!

الكويت مولت الدول العظمى ..

فهل من المفخرة بعد كل هذا تقطع الكهرباء والماء على شعبها ..

وانظروا ما هو السبب ..

السبب ان الكويت تصرف مياه وكهرباء اكثر من المملكة المغربية ..

ارجوك هل المملكة المغربية لديها حر مثل حر الكويت ؟

او برد مثل بر الكويت ؟

يعني ناس يضربون اخماس في اسداس ولا يعون ما يقولون ..

ما اقول الا خلف الله على هالمواطن

تحياتي للجميع

:وردة:
 

@Noura@

عضو مخضرم
السلام عليكم

أخي الموسوي

مسألة إنه ما يصير في الكويت ...لأ صار

وأخي دكتور وصوّر صور لإعلان في مستشفى مكي جمعة لشخص يعرض كليته للبيع ووضع رقم تلفونهفي إعلان على باب المستشفى

والمنتدى هذا أنا وضعت هذه الصورة لكن لا أذكر أين هو الموضوع بالضبط والله .

ومع ذلك

أنا معك انه الكويتي لا يمكن توصل فيه لهذ الدرجة لكن هناك والله لا يبلاك مواطنين مديونيين جدا

وهذا ما ننكره


شكرا
 

الموسوي

عضو مخضرم
السلام عليكم

أخي الموسوي

مسألة إنه ما يصير في الكويت ...لأ صار

وأخي دكتور وصوّر صور لإعلان في مستشفى مكي جمعة لشخص يعرض كليته للبيع ووضع رقم تلفونهفي إعلان على باب المستشفى

والمنتدى هذا أنا وضعت هذه الصورة لكن لا أذكر أين هو الموضوع بالضبط والله .

ومع ذلك

أنا معك انه الكويتي لا يمكن توصل فيه لهذ الدرجة لكن هناك والله لا يبلاك مواطنين مديونيين جدا

وهذا ما ننكره


شكرا

عزيزتنا شمس واختنا الكريمة الفاضلة ...

اذا صار .. بس مو بهالطريقة التي تهول الموضوع .. !!

نقدر نقول انه حطها عشان يتعاطفون معاه الناس وهذا وارد جدا ...

نفس الي يصير بالجرايد .. بس هذه على كبير شوي ...

في كويتي يعرض ماء وجهه في هذا الزمن امام البشر جميعا لاجل المال .. !! (( مستحيل ))

ان كان مديون جدا جدا جدا ... لا يصل بنا الحال الى هذه الدرجة مع الاسف ..

تحياتي للجميع

:وردة:
 

@Noura@

عضو مخضرم
أوكي
سأضطر للبحث عنالصورة

واتصل حضرتك على الشخص اللي فيها وتأكد منه

ولو إنه حرام وما يجوز هذا التصرف لكن هذه هي الحقيقة

ونتمنى يكون مو حقيقة


شكرا لك
 

القروي

عضو بلاتيني
صــــــــــــــح لســـــــــــــــــــــــــــــــــانك يا الموسوي ولكـــــــــــــــــــن حملة ترشيد جيده لناس ما تحس ولا تحترم النعمه , اما بالنسبه للمحتاجيين والله ان بعض التجار ما يقصرون ولكـــــــــــــــــــــن ان توصل للاعلان عن بيع جلوه بداعي الحاجه هذي جديده على التراث الكويتي (اللهم لا شماته ) ;)
 
اسمحلى اخوي الموسوي على هالمداخله ..

انا اعتقد انك قاعد تتكلم عن كويت السبعينات مو الكويت حاليا !!

حاليا كل شي جايز بالكويت ولك يوم راح تشوف اللى اسوء من جذي لمن يقرون قانون الضرائب على الخدمات العامه للمواطنين اذا ماعدلت الحكومه اسلوبها وحطت المواطن الكويتي بعينها ورفعت من مستواه المعيشي ...

لكن مانقول الا الله يستر على الكويت وشعبهاااا
 

محمد المطيري

عضو بلاتيني
توالت ردود الافعال حول ما تناقلته الصحف المحليه فى الآونه الاخيره حول بيع بعض المواطنين لكلاهم وبعضهم وضع اعلان فى مدخل احد المستشفيات كما ذكرت الزميله "شمس" وقبل اسبوع كنا نناقش هذا الموضوع والكل اكد ان كل من اعلنوا لبيع كلاهم كان القصد منه هو استعطاف الناس للتبرع لهم بالمال وفعلا بعضهم حصل على مبالغ تفوق حاجتهم من بعض المحسنين.
الكويت بلد خير لايمكن الوصول إلى هذا الحدّ الذي يدفع مواطن كويتى لبيع كليته حتى يسدد ماعليه من دين والقانون يعاقب من يقوم ببيع الأعضاء البشرية مقابل مردود مالى لكنه اجاز أن يتبرع الانسان بعضو من جسده الميت من اجل حياة للآخرين وبوصيه موثقه قانونيا قبل مماته وبحضور اسرته وحتى من منظور طبي ومن منطلق أخلاقيات الطب لا يجوز أن يلجأ أحد لبيع أعضائه أو حتى دمه تحت أي ظرف كان ومن يرضى بتسليم أعضائه لآخر هو بمثابة من يلغي إنسانيته التي كرّمه الله بها وسيظل هذا الانسان أسير للحسرة و الندم لانه فرط بعضو من جسده لأجل المال وشرعا لايجوز لأن الجسد بأعضائه ملك لله و لا يحق للفرد التلاعب و التصرف و الاتجار به فلا يمكن أن يتحول الانسان إلى قطع غيار.
شكرا لك على طرح هذا الموضوع.
 
براااافووو الموسوي....

الحقيقة إن كلامك صحيح 100% واعتقد أن في الكويت وايد ناس يهايطون على الفاضي بلاش بس يبون فلوس حق سفر وحق وناسه وسهر وعربده وفرفشه وفخفخه ورفاهية مالها اي داعي...

الكويتي يبي سيارة ويبي تلفون ويبي يكشخ ويبي يفسفس الفلوس بالسفر والطلعات والدخلات والصرف على الفلبينيات والتواجد باستمرار في كباريهات سوريا ومصر بالصيف عشان يلك على راحته بدل ما هو قاعد يلك هني الخمر المحلي الي عامي عيون الشباب الحفي!!!

للاسف نشوف اعلانات بالجرايد واحد يناشد الامير سلطان بن عبدالعزيز والثانية تناشد محمد بن راشد وثالث يناشد الوليد بن طلال ورابع يناشد حمد بن جاسم ومادري شنو عيب استحوا على ويوهكم حطو حصوة ملح بعيونكم يلعكم الماحي!!!

شنو ناقصكم؟؟؟
رواتب ومن احسن الرواتب تاخذون... ودواماتكم كلها مسخره بمسخره وضحك وفرفشه ووناسة ومعظمكم مطيح بالبورصة يشتري ويبيع بالاسهم وقاص الدوام قص....

الكويتي شنو ناقصة؟؟؟؟

راتب + بدل زوجية + بدل ايجار + بدل أولاد + بدل شاشه + بدلات ثانية لها اول مالها اخر وفي ناس تاخذ بدل غلاء معيشه بعد!! ولا ننسى الكوادر ... ياخوان (اما بنعمة ربك فحدث)... اشكروا الله على النعمة الي انتو فيها ... غيركم مو لاقي ياكل.... الي بيقول الحياة غالية اقوله اصبر لا احط صبعي بعينك!!!!

تقولون ان الاسعار غالية هاااااااا؟؟

الوافدين عايشين برواتب ما توصل لنص رواتبنا ومع هذا عايشين حالهم من حالنا وياكلون مثل ما ناكل ويمكن احسن بعد... يركبون سيارات ويشترون تلفونات ويسافرون كل سنة لاهلهم ويصرفون على عيالهم وكل شي حالهم من حالنا والله يستر عليهم ويوفقهم ويزيدهم... اهم كاهم عايشين حالهم من حالنا عيل شلون الكويتي مو قادر يعيش بينما الوافدين قادرين يعيشيون ؟؟؟؟

تدرون متى بنعيش بنعيم وحياة كريمة؟؟؟

لما الله يفكنا من الغرور ونقول الحمدلله والشكر على كل حال وعلى النعمة إلي احنا عايشين فيها!!!!!
 

clashman82

عضو بلاتيني
كلام جميل يا موسوي..

شدنتني مناشدة من كويتي إلى احد الامرء اللسعودين.. (نسيت الاسم :s )
و مناشدة اخرى للمكتوم...

تلك المناشدات كانت في جرائد الكويت.. من اغرب ما رئيت والله

الامور معقدة امامنا نحن المواطنين المساكين...

سياسية الاقتراض الغير مبرر منتشرة.. 2 من اصحابي مديونين فوق ال30 الف..على ماميش.. لا عائلة..لا بزنز..لا بطيخ..لا شئ غير سيارة..فيزا..سفرات...

وفوق هذا الاسعار لهيب..ارهقتنا والله.....و الجشع الاجتماعي "ليش فلان موبايلة احسن من موبايلي..ليش فلان قلمة احسن من قلمي..خل اقترض و الغم سيارتي.."

و فوق هذا..رب العائلة الذي فقط يريد ان يسدد الايجار..و يشتري " الماجلة"..و يلبس عيالة

ثم التاجر..الذي من هواياته..تكبير الكرش...على حساب المسكين ولد المسكين

و حكومة لا خطة خمسية ولا عشرية ولا شهرية


فختلط الحابل بالنابل... جشع..اسعار غالية..عدم الاحساس بالمسؤلية..غيرة...غباء..طمع....
 

الموسوي

عضو مخضرم
اجمل مشاركتين .. !! :D انصاري و بوالنيف ..
=====================================================

الله يزيد النعمه و يزيد الخير
و يزيد المحبة والاخوة

ألا لعنة الله على كل من يزيد من آهات الكويتيين لمصلحته الخاصة

======================================================


أوكي
سأضطر للبحث عنالصورة

واتصل حضرتك على الشخص اللي فيها وتأكد منه

ولو إنه حرام وما يجوز هذا التصرف لكن هذه هي الحقيقة

ونتمنى يكون مو حقيقة


شكرا لك

اختنا شمس .. انا معاج .. موجود من يعرض ما يملك للبيع .. بس مو بهذي الطريقة الي

تخلي الانسان يتخلى عن كرامته في سبيل الفلوس ..!!

ولا لج راي ثاني عزيزتنا الفاضلة ؟

=======

صــــــــــــــح لســـــــــــــــــــــــــــــــــانك يا الموسوي ولكـــــــــــــــــــن حملة ترشيد جيده لناس ما تحس ولا تحترم النعمه , اما بالنسبه للمحتاجيين والله ان بعض التجار ما يقصرون ولكـــــــــــــــــــــن ان توصل للاعلان عن بيع جلوه بداعي الحاجه هذي جديده على التراث الكويتي (اللهم لا شماته ) ;)

صح بدنك .. احسنت حملة ممتازة لكل من لا يقدر النعمة ... بس الدوس صاير على المحتاجين

الفقاره ...

وبالنسبة لبيع الجلاوي .. فهذي ظاهرة دخلية على مجتمعاتنا .. !!

مو لهالدرجة يا ناس .. !!

========


اسمحلى اخوي الموسوي على هالمداخله ..

انا اعتقد انك قاعد تتكلم عن كويت السبعينات مو الكويت حاليا !!

حاليا كل شي جايز بالكويت ولك يوم راح تشوف اللى اسوء من جذي لمن يقرون قانون الضرائب على الخدمات العامه للمواطنين اذا ماعدلت الحكومه اسلوبها وحطت المواطن الكويتي بعينها ورفعت من مستواه المعيشي ...

لكن مانقول الا الله يستر على الكويت وشعبهاااا

يا خوفي من هاليوم الي الكويتي يطر .. والبنقالي يعطيه .. !!

كل شي جايز ... الله يرحم ايام زمان

================

توالت ردود الافعال حول ما تناقلته الصحف المحليه فى الآونه الاخيره حول بيع بعض المواطنين لكلاهم وبعضهم وضع اعلان فى مدخل احد المستشفيات كما ذكرت الزميله "شمس" وقبل اسبوع كنا نناقش هذا الموضوع والكل اكد ان كل من اعلنوا لبيع كلاهم كان القصد منه هو استعطاف الناس للتبرع لهم بالمال وفعلا بعضهم حصل على مبالغ تفوق حاجتهم من بعض المحسنين.
الكويت بلد خير لايمكن الوصول إلى هذا الحدّ الذي يدفع مواطن كويتى لبيع كليته حتى يسدد ماعليه من دين والقانون يعاقب من يقوم ببيع الأعضاء البشرية مقابل مردود مالى لكنه اجاز أن يتبرع الانسان بعضو من جسده الميت من اجل حياة للآخرين وبوصيه موثقه قانونيا قبل مماته وبحضور اسرته وحتى من منظور طبي ومن منطلق أخلاقيات الطب لا يجوز أن يلجأ أحد لبيع أعضائه أو حتى دمه تحت أي ظرف كان ومن يرضى بتسليم أعضائه لآخر هو بمثابة من يلغي إنسانيته التي كرّمه الله بها وسيظل هذا الانسان أسير للحسرة و الندم لانه فرط بعضو من جسده لأجل المال وشرعا لايجوز لأن الجسد بأعضائه ملك لله و لا يحق للفرد التلاعب و التصرف و الاتجار به فلا يمكن أن يتحول الانسان إلى قطع غيار.
شكرا لك على طرح هذا الموضوع.

حية كلتة الشعبي والله ...

اعجبني هذا السطر من كلامك ..

(( وقبل اسبوع كنا نناقش هذا الموضوع والكل اكد ان كل من اعلنوا لبيع كلاهم كان القصد منه هو استعطاف الناس للتبرع لهم بالمال وفعلا بعضهم حصل على مبالغ تفوق حاجتهم من بعض المحسنين )) ...

حقيقية هذا الي يصير .. مجرد استعطاف ولو كان في سبيل ذهاب ماء الوجه .. !!

وعجبتني هالكلمة بعد من كلامكم الكريم

(( الكويت بلد خير لايمكن الوصول إلى هذا الحدّ الذي يدفع مواطن كويتى )) ..

وهذا الي اقوله .. الكويتي ما يوصل لهالدرجة الي تصورة فيها الجرايد ..

:وردة:

==========

براااافووو الموسوي....

الحقيقة إن كلامك صحيح 100% واعتقد أن في الكويت وايد ناس يهايطون على الفاضي بلاش بس يبون فلوس حق سفر وحق وناسه وسهر وعربده وفرفشه وفخفخه ورفاهية مالها اي داعي...

الكويتي يبي سيارة ويبي تلفون ويبي يكشخ ويبي يفسفس الفلوس بالسفر والطلعات والدخلات والصرف على الفلبينيات والتواجد باستمرار في كباريهات سوريا ومصر بالصيف عشان يلك على راحته بدل ما هو قاعد يلك هني الخمر المحلي الي عامي عيون الشباب الحفي!!!

للاسف نشوف اعلانات بالجرايد واحد يناشد الامير سلطان بن عبدالعزيز والثانية تناشد محمد بن راشد وثالث يناشد الوليد بن طلال ورابع يناشد حمد بن جاسم ومادري شنو عيب استحوا على ويوهكم حطو حصوة ملح بعيونكم يلعكم الماحي!!!

شنو ناقصكم؟؟؟
رواتب ومن احسن الرواتب تاخذون... ودواماتكم كلها مسخره بمسخره وضحك وفرفشه ووناسة ومعظمكم مطيح بالبورصة يشتري ويبيع بالاسهم وقاص الدوام قص....

الكويتي شنو ناقصة؟؟؟؟

راتب + بدل زوجية + بدل ايجار + بدل أولاد + بدل شاشه + بدلات ثانية لها اول مالها اخر وفي ناس تاخذ بدل غلاء معيشه بعد!! ولا ننسى الكوادر ... ياخوان (اما بنعمة ربك فحدث)... اشكروا الله على النعمة الي انتو فيها ... غيركم مو لاقي ياكل.... الي بيقول الحياة غالية اقوله اصبر لا احط صبعي بعينك!!!!

تقولون ان الاسعار غالية هاااااااا؟؟

الوافدين عايشين برواتب ما توصل لنص رواتبنا ومع هذا عايشين حالهم من حالنا وياكلون مثل ما ناكل ويمكن احسن بعد... يركبون سيارات ويشترون تلفونات ويسافرون كل سنة لاهلهم ويصرفون على عيالهم وكل شي حالهم من حالنا والله يستر عليهم ويوفقهم ويزيدهم... اهم كاهم عايشين حالهم من حالنا عيل شلون الكويتي مو قادر يعيش بينما الوافدين قادرين يعيشيون ؟؟؟؟

تدرون متى بنعيش بنعيم وحياة كريمة؟؟؟

لما الله يفكنا من الغرور ونقول الحمدلله والشكر على كل حال وعلى النعمة إلي احنا عايشين فيها!!!!!

اوافقك بنص وخالفك بنص .. !!

الكويتي من حقه يصير عنده سيارة + زوجه + سفرات +تلفون + طلعات + كل اساليب

الرفاهية .. مو عيب ولا حرام من حقه اصلا ..

بس العيب ان ياخذ كل هالكماليات ويخليها اساسيات .. !!

يعني بدال ما ياكل يحط على صماخه قسط بورش .. !! هذا فسقان

بس الي عنده خله يتهنى ...

وبعدين الكويتي من حقه يحصل كل شي .. لان فلوسه تطلع حق بومازن وربعه

واخر شي تبونه يتطمش ؟

فلوسنا قام تطلع بره واحنا اولى فيها

===========

كلام جميل يا موسوي..

شدنتني مناشدة من كويتي إلى احد الامرء اللسعودين.. (نسيت الاسم :s )
و مناشدة اخرى للمكتوم...

تلك المناشدات كانت في جرائد الكويت.. من اغرب ما رئيت والله

الامور معقدة امامنا نحن المواطنين المساكين...

سياسية الاقتراض الغير مبرر منتشرة.. 2 من اصحابي مديونين فوق ال30 الف..على ماميش.. لا عائلة..لا بزنز..لا بطيخ..لا شئ غير سيارة..فيزا..سفرات...

وفوق هذا الاسعار لهيب..ارهقتنا والله.....و الجشع الاجتماعي "ليش فلان موبايلة احسن من موبايلي..ليش فلان قلمة احسن من قلمي..خل اقترض و الغم سيارتي.."

و فوق هذا..رب العائلة الذي فقط يريد ان يسدد الايجار..و يشتري " الماجلة"..و يلبس عيالة

ثم التاجر..الذي من هواياته..تكبير الكرش...على حساب المسكين ولد المسكين

و حكومة لا خطة خمسية ولا عشرية ولا شهرية

فختلط الحابل بالنابل... جشع..اسعار غالية..عدم الاحساس بالمسؤلية..غيرة...غباء..طمع....

اجمل ما قلت هذهه الجملة

((فختلط الحابل بالنابل... جشع..اسعار غالية..عدم الاحساس بالمسؤلية..غيرة...غباء..طمع....))

يعني هذا فعلا الواقع ...

الجرايد همها التكست المادي ... على حساب الي يكون ... من رجل دين الى اخر رجل دعاة

اجلكم الله ...

اهم شي الفلوس .. !!

وهذا الواقع ..

اما الناس نفس ما قلت .. اول شي الاساسيات بعدين الكماليات ...

تحياتي لكل من ساهم بالموضوع

وتحياتي للجميع

:وردة:
 

العثماني

عضو بلاتيني
صح لسـانك يا الموسوي ولكـن حملة ترشيد جيده لناس ما تحس ولا تحترم النعمه , اما بالنسبه للمحتاجيين والله ان بعض التجار ما يقصرون ولكن ان توصل للاعلان عن بيع جلوه بداعي الحاجه هذي جديده على التراث الكويتي (اللهم لا شماته ) ;)


موضوع جميل ومهم جدا

والدليل على اهميتة ان الاخ القروي كتب سطرين


( بعد التدقيق طلع اقل من سطرين )

ولكن حقيقة الموضوع جميل ويستحق الاشادة
 

العثماني

عضو بلاتيني
براااافووو الموسوي....

الحقيقة إن كلامك صحيح 100% واعتقد أن في الكويت وايد ناس يهايطون على الفاضي بلاش بس يبون فلوس حق سفر وحق وناسه وسهر وعربده وفرفشه وفخفخه ورفاهية مالها اي داعي...

الكويتي يبي سيارة ويبي تلفون ويبي يكشخ ويبي يفسفس الفلوس بالسفر والطلعات والدخلات والصرف على الفلبينيات والتواجد باستمرار في كباريهات سوريا ومصر بالصيف عشان يلك على راحته بدل ما هو قاعد يلك هني الخمر المحلي الي عامي عيون الشباب الحفي!!!

للاسف نشوف اعلانات بالجرايد واحد يناشد الامير سلطان بن عبدالعزيز والثانية تناشد محمد بن راشد وثالث يناشد الوليد بن طلال ورابع يناشد حمد بن جاسم ومادري شنو عيب استحوا على ويوهكم حطو حصوة ملح بعيونكم يلعكم الماحي!!!

شنو ناقصكم؟؟؟
رواتب ومن احسن الرواتب تاخذون... ودواماتكم كلها مسخره بمسخره وضحك وفرفشه ووناسة ومعظمكم مطيح بالبورصة يشتري ويبيع بالاسهم وقاص الدوام قص....

الكويتي شنو ناقصة؟؟؟؟

راتب + بدل زوجية + بدل ايجار + بدل أولاد + بدل شاشه + بدلات ثانية لها اول مالها اخر وفي ناس تاخذ بدل غلاء معيشه بعد!! ولا ننسى الكوادر ... ياخوان (اما بنعمة ربك فحدث)... اشكروا الله على النعمة الي انتو فيها ... غيركم مو لاقي ياكل.... الي بيقول الحياة غالية اقوله اصبر لا احط صبعي بعينك!!!!

تقولون ان الاسعار غالية هاااااااا؟؟

الوافدين عايشين برواتب ما توصل لنص رواتبنا ومع هذا عايشين حالهم من حالنا وياكلون مثل ما ناكل ويمكن احسن بعد... يركبون سيارات ويشترون تلفونات ويسافرون كل سنة لاهلهم ويصرفون على عيالهم وكل شي حالهم من حالنا والله يستر عليهم ويوفقهم ويزيدهم... اهم كاهم عايشين حالهم من حالنا عيل شلون الكويتي مو قادر يعيش بينما الوافدين قادرين يعيشيون ؟؟؟؟

تدرون متى بنعيش بنعيم وحياة كريمة؟؟؟

لما الله يفكنا من الغرور ونقول الحمدلله والشكر على كل حال وعلى النعمة إلي احنا عايشين فيها!!!!!


شكرا لك
كثيرا
 

العثماني

عضو بلاتيني
للاسف يا اخ الموسوي

موضوع جميل ولكنك خربته

ولا حول ولا قوة الا بالله

اتمنى اغلاق الموضوع لعدم التزام صاحب الموضوع
بالموضوع
 

تأبط بشته

عضو مميز
والله الكويتي ماراح يموت من ( الجوع )) وفي روايه أخرى ( اليوع ) لأنه بيموت من القهر قبل لايحس بالجوع .

تدرون ليش راح يموت من القهر ؟

لأنه يشوف عين عذارى عقب ماشالوها من البحرين وحطوها بالكويت وقامت هالعين حسبي الله عليها وفسفست فلوس أجيال الماضي والحاضر والمستقبل .

ترى عين عذاري ماتشبه حكومتنا الرشيده ،،، لحد يقول عني خواف بس قرار عبدالله المحيلبي بمراقبة الانترنت يخلي الواحد يفكر بعمق .

وراح يموت المواطن الكويتي من القهر وهو يشوف بعيونه الثنتين بعض الطائفييين وهم يتقربون لله عز وجل وللرسول صلى الله عليه وسلم من خلال سب وشتم أمهات المؤمنين والصحابه رضوان الله عليهم .

وسلامتكم وسلامة عبدالله المحيلبي نصير حرية الرأي الأول في الكويت رغم أنه ماله شغل في الرأي لأنه وزير المواصلات بس يمدحون اللقافه في بعض المرات .

 
طول عمرهم حفاي

اصابعك مو سوى بس في فئه من الناس حفاي من زمن الله يعطيهم من زكاة سالم العلي
 

المجهر

عضو مخضرم
كل من اعلنوا لبيع كلاهم كان القصد منه هو استعطاف الناس

للتبرع لهم بالمال وفعلا بعضهم حصل على مبالغ تفوق حاجتهم من بعض المحسنين.

الكويت بلد خير لايمكن الوصول إلى هذا الحدّ الذي يدفع مواطن كويتى لبيع كليته حتى يسدد

ماعليه من دين .

قلت فاصبت و خير الكلام ماقل ودل !!
 
أعلى