قصائد مميزة اعجبتني

[مسافر مع الأيام]

بسم الله الرحمن الرحيم​

حياكم الله :وردة:​

بجمع لكم ان شاء الله بعض القصايد الي عجبتني وأتمنى انها تعجبكم بعضها مقروء والبعض منها مسموع أوالاثنان معا​

طبعا كلها منقوله من هنا وهناك
نبدا بقصيدة عن القهوة:إستحسان:​

القصائد في القهوة كثيرة عند أهل البادية ، ولقد اهتموا بهذا الجانب ، وغالبا يتداولون هذه القصائد في ليالي السمر ..​

وهذه إحدى قصائد القهوة المشهورة ​

قم يالمقهوي دن نجـرن ومحمـاس​

واحمس لنا من حب صنعـا نماهـا​

احمس وزين حمست البـن مقيـاس​

دقــه ولقمهـاوعـدل سـواهــا​

صبه لممرور على الخيـل مدبـاس​

تقفي عنه صـم الرمـك لا نصاهـا​

من فوق ما تاخذ على الخيل منواس​

لا جدعت خمثـات الانفـس حذاهـا​

واثنه لمن حوله على الزبر جـلاس​

اهل السمـوت اللـي بعيـد مداهـا​

ابن عبيكه هرجته مـا بهـا بـاس​

تطرب لها كرام اللحـى مـن حلاهـا​

طول الجدار وقصرت الرجل نومـاس​

لا صـار مـا للرجـل داع دعـاهـا​

تصير بعيون الرفاقـه معـك بـاس​

لا صار ما تدعي تـري مـن عناهـا​

يصيـر قـالات ويصيـر لــولاس​

ونوب مـن الادنيـن ياتـي بلاهـا​

قلبك يصد ويضرب القلـب عومـاس​

والنفس تقدح عقـب زايـد غلاهـا​

خلك على بابك تقـل لـول حـراس​

لا جـوا عليهـن محتريـن عشاهـا​

لا جن من الخل الشمالي لها اضراس​

والكل تشكـي رجلهـا مـن حفاهـا​

نرحب بهم من قبل من تجديع الالباس​

نقلط لهم تمـر الحـلا مـن نماهـا​

ونذبح لهم كبش مربـع بالاطعـاس​

نقلطـه مـن قبـل يقـرب مساهـا​

هذي سلوم جدودنا قبـل مـن راس

واللـي بعدنـا كـان ربـي هداهـا​

الشاعر : مبارك بن عبيكة الرمالي الشمري ..​

للأستماع

 

[مسافر مع الأيام]

قصيدة " يا كليب " المشهورة .... للشاعر دغيّم الظلماوي​

يا كليب شب النار يا كليب شبه ........ عليك شبة والحطب لك يجابي
وعلي انا يا كليب هيلة وحبه ............ وعليك تقليط الدلال العذابي
وادغث لها يا كليب من جزل حبه ......... وشبة ليامن غفى كل هابي
بــاغ لـيا شـبـيـتـهـا ثـم قـبه ................ تجذب لنا ربع سرات غيابي
بنسرية يا كليب صلف مهبه ............... لانسنست لياكن به سم دابي
سراة بليل وناطحين مهبه .................... متنكفين وسوقهم بالعقابي
خطو الولد لوله زبون وجبه ........... ياتي عليهم من حساب الزهابي
لاباطن الهلباج خطو الجلبه ............... يا حلو خبط عصيهم بالركابي
اطمر لهم وابدي سلام ومحبه .......... لا جوا على هجن يديهن خرابي
بسلام احلى من شخاليل جبه ......... واحلى من السمن الجديد العرابي
مع كبش مصلاح لك الله نجبه .................. لا دبر الهين كبير العلابي
الوالمة يا كليب عجل بصبه .......... والرزق عند اللي ينشي السحابي​

الشاعر : دغيّم الظلماوي​

للاستماع​