سؤال وجواب عاجل - لأهل السعودية أو الخبيرين بالسعودية يتفضل ..

[الأصمعي]

السلام عليكم ..​

ما عليكم أمر عندنا ناس بالرياض بنروح نقدم لهم العزاء ..​

و راح نروح بالطائرة لمطار الرياض ..​

فـ إذا أحد يعرف منطقة في السعودية إسمها ..​

(( أم الحمام ))​

ياليت بس يوضح لي وين بالضبط موجودة بالرياض ؟!​

و جم نحتاج وقت بين المطار و منطقة أم الحمام ؟!​

و هل سهل الوصول لها و لا نحتاج أحد ياخذنا لها ؟!

و هل فيها فنادق قريبة من المنطقة أو لأ ؟!​

و جزاكم الله خير ..​

و عسى الله لا يريكم مكروه ..​

تحياتي لكم .. :وردة:​

 

[حوللي]

فيه أم الحمام الشرقي وأم الحمام الغربي حدد أي وحده فيهم؟ عالعموم أم الحمام صايره في غرب الرياض وتعتبر منطقة قديمة وشعبية وبعيده عن مطار الملك خالد وقريبه من جامعة الملك سعود، وتعتبر منطقة مزدحمه جداً خاصة أوقات الروحه والرده من الدوامات، وأحسن طريق لها أول ماتطلع من طريق المطار تظل ماشي على الدائري الشرقي لمن يجيك تقاطع طريق مكة المكرمة تروح يمين وتمسك طريق مكة وتظل فيه راح يجيك تقاطع طريق الملك فهد خلك سيده راح يجيك أول وثاني تقاطع كمل والثالث لفه يمين بتكون دخلت في منطقة أم الحمام. فنادق مافيها أم الحمام لكن فيها شقق مفروشه نجمه أو نجمتين. والوقت م نالمطار لي أم الحمام إذا الطريق سالك 30 دقيقة.

 

[7Ibrahimإبراهيم]

تروح و ترجع بالسلامة - إن شاء الله

 

[royal-heart]

هلا اخوي

بحكم اني درست بجامعة الملك سعود واعرفها

لانها منطقة قريبة من الجامعة وهي منطقة قديمة وتعتبر سكراب للسيارات

وتقريبا مافيها سعوديين كل الي ساكنينها اجانب


والسكن انصحك ما تسكن فيها لانها اجانب

افضل شي قريب عندك طريق العروبة او التخصصي

اسكن هناك افضل لك


فيه طريق اخر يوصل لها ( وصف ثاني غير وصف حوللي )

من طريق المطار تاخذ الدائري الشمالي ( كأنك رايح مكة )

ثم تاخذ مخرج 2 رايح جهة الجنوب رابع اشارة ام الحمام جدامك

( اتذكر كنا نروح شواية الخليج هناك نتغدا هههه)




.

 

[مربي أجيال]

اول شي عظم الله اجركم لا تروح لا يمين ولا يسار من توصل المطار خذلك تكسي وهو يوصلك لمحلك لانك بتضيع با الزحمه واذا كنت بتستاجر سياره بعد خذلك تاكسي وخله يمشي قدامك لين توصل

 

[بقيييط]

اااخبر ام الحمام علي طريق وادي العجمان كاني مو غلطان​

 

[ALI ALQAHTANI]

هلا اخوي

بحكم اني درست بجامعة الملك سعود واعرفها

لانها منطقة قريبة من الجامعة وهي منطقة قديمة وتعتبر سكراب للسيارات

وتقريبا مافيها سعوديين كل الي ساكنينها اجانب


والسكن انصحك ما تسكن فيها لانها اجانب

افضل شي قريب عندك طريق العروبة او التخصصي

اسكن هناك افضل لك


فيه طريق اخر يوصل لها ( وصف ثاني غير وصف حوللي )

من طريق المطار تاخذ الدائري الشمالي ( كأنك رايح مكة )

ثم تاخذ مخرج 2 رايح جهة الجنوب رابع اشارة ام الحمام جدامك

( اتذكر كنا نروح شواية الخليج هناك نتغدا هههه)


ماشاء الله عليك راعي ديرة تصدق انا في الرياض واخر مرة رحت ام الحمام 1998
اول مره ادري فيها شواية الخليج ماعرف الا اللي في الروضة




.

اااخبر ام الحمام علي طريق وادي العجمان كاني مو غلطان​

صحيح كلامك فية ام الحمام على طريق وادي العجمان هجرة صغيرة لكن هذا حي قديم في الرياض

 

[فـيـصـل الـحـربـي]

ALI ALQAHTANI

اخوي انت على الاقل دخلتها

شرهتك على اللي عمره كله بالرياض ولا طب ام الحمام

على العموم حسب ما اسمع الحي مو كله قديم جزء منه قديم وقصور قديمه وجزء منه حي عادي وفيه قصور

 

[الأصمعي]

مشكورين على مساعدتكم ..

السفرة المفروض تكون يوم واحد نروح هالأربعاء و نرجع الخميس ..

بس إحتمال كبير تتأجل السفرة خاصة إن الوالدة راح تكون معاي ..

و حسب ما وصلنا إنا الحريم هناك أهل البنت المتوفية حالتهم النفسية صعبة ..

فـ التأجيل أفضل على الأقل لما تهدأ لنفوس خاصة إنهم ناس عزيزين علينا ..

بس وصفكم لأم الحمام يضيق الخلق !

أنا خبري فيهم كانُ في منطقة حوطة سدير و قرية عشيرة ..

بس مادري ليش العزاء إنتقل هناك !

عالعموم مشكورين و ما قصرتُ ..

تحياتي لكم .. :وردة:​

 

[رافع الراية]

مشكورين على مساعدتكم ..​

السفرة المفروض تكون يوم واحد نروح هالأربعاء و نرجع الخميس ..​

بس إحتمال كبير تتأجل السفرة خاصة إن الوالدة راح تكون معاي ..​

و حسب ما وصلنا إنا الحريم هناك أهل البنت المتوفية حالتهم النفسية صعبة ..​

فـ التأجيل أفضل على الأقل لما تهدأ لنفوس خاصة إنهم ناس عزيزين علينا ..​

بس وصفكم لأم الحمام يضيق الخلق !​

أنا خبري فيهم كانُ في منطقة حوطة سدير و قرية عشيرة ..​

بس مادري ليش العزاء إنتقل هناك !​

عالعموم مشكورين و ما قصرتُ ..​

تحياتي لكم .. :وردة:​

الله يجبر مصابكم ويرحم ميتكم

اخوي الله يعينكم على زحمة الرياض

انا من خارج الرياض جربت مرة اروح للرياض بالسيارة الله لا يوريك , مشوار واحد ياخذ معك يوم كامل

انا من رأيي انك تاخذ تكسي وتتنقل بتكسي طالما انك مو جاي تتمشى جاي تقوم بالواجب وترجع

التكسي يريح راسك خاصة للي مو متعود على الزحمة والمشاوير البعيدة واللي ما يدل بالرياض وخاصة انت معك عجوزك

 

[Modest]

حي ام الحمام !!

مو اللي فيه مستشفى الملك الخالد ..؟ ويتمد الشارع الى تقاطع مجمع العروبه مع برج المملكه ..؟

 

[حوللي]

نعم يا Modest مستشفى الملك خالد التخصصي للعيون في أم الحمام الشرقي على إمتداد شارع العروبة الذي يتقاطع مع طريق الملك فهد وطريق العليا العام

 

[Modest]

اشوفها منطقة زينه ومافيها شي ومستغرب من كلامكم !!

مع العلم ان اخر زيارة لي قبل خمس سنوات ..