سؤال وجواب ياشباب عندي مشكله

الكتالوني

عضو مميز
عندي رسيفر Humax iCord HD
والريمونت مايشتغل
وكل المحلات ماعندهم مثله حتى الوكيل يقول ماعندي
و مالقيت غير بس فني واحد االي يصلحه
ويقول لي جيب لي ريمونت نفسه عشان آخذ لك منه الآي سي واركبه لك
وللحين ماني عارف اتصررف
بس اشغله واطفيه واغيير قنواته ببطأ شديد
واذا سجلت ما اقدر اوقف التسجيل
ولا اقدر اغيير القناة الصوتيه
و 35 دينار اشتري رسيفر ثاني احسن
لكن الرسيفر انا شريته اول مانزل ب200 دينار
واتمنى المساعده
 

بقيييط

عضو ذهبي
مالك الا سوق الجمعه ياولد المباركيه :D

ريموت المكيف عندي ضاع رحت شريت واحد 25 دينار

بعده بفتره رحت سوق الجمعه ياولد المباركيه لقيته بدينار ومع بطاريات مجانا :mad:

بس مستعمل

فرووح دوور ريمووتك يمكن تلقاه





 

المستقبل

عضو مميز
الكتالوني جرب اول شي تغير بطارياات الريموت يمكن يضبط معاك

ثاني شي بعطيك موقع اعضاء مسوين تجمع لاصحاب رسيفر Humax iCord HD

بدزه لك على الخاص والله يستر لايعطونا باند
 

بسطويسي

عضو مخضرم
نفس سالفتي بس مو هيوماكس
كان عندي ريسيفر وضاع ريموته وعفست الكويت ادور نفس ريموته ماحصلت
الاكيد شلت الرسيفر بكبره
ورحت لحولي هناك قعدوا يجربون ريموتات عليه من شركات ثانيه وركب عليه واحد
لكن وظيفه التسجيل ماأشتغلت وقعدت اقزر فيها لغايه ماحذفته
مالك الا تروح وتاخذ جهازك لحولي يجربون عليه الريموتات
 

بدركوم

عضو مميز
الحل ان شاء الله بسيط

اشتر ريموت Logitech فيه 5000 ماركة من تلفزيونات ورسيفرات ومكيفات واجهزة الكترونية وفيه تحديث مستمر لقاعدة البيانات طبعا الي بصورة ارخص واحد سعره 16 دينار بموقع بلينك واكيد بالمحلات راح تحصله ارخص واغلى واحد من هل ماركة سعره 65 دينار

جربه وان شاء الله يضبط وياك من اول مره واذا ماضبط فيه نظام تضغط زر وتحط امام ريموت جهازك وياخذ الاكواد وينتهي الموضوع بس عليك تروح محل فيه نفس جهازك وتطلب منه دقيقة تبرمج ريموتك

الحلو في هل ريموت انك راح تستغني من جميع الريموتات الى عندك وبنفس الوقت لما تشتري جهاز جديد تبرمجة عليه وتحتفظ في الريموت الاصلي للجهاز عندك

بتوفيق

logitech300.jpg


http://blink.com.kw/product-detail/logitech-harmony-300i-remote-for-5000-brands-of-de.html
 

الكتالوني

عضو مميز
الله يعطيكم العافيه كل من حاول يساعدني
لكن جاري البحث بالنت بس لقيت موقع الماني عنده الريمونت بس مادري شلون اطلبه
شكلها قصه
عموما هذا الرسيفر الغالي ومايسوي
ليته بو 40 او 50
 

الكتالوني

عضو مميز
وهذا واحد كلمته يقول يطلب لي من النت

السلام عليكم

اخوي ماحصلته بموقع ثاني لكن نقدر نشتريه من الموقع الي انت حاطه

سعره 16 دينار

الشحن على حسب الوزن عن طريق ارامكس

عمولتنا 5 دينار

ملاحظات:
- الاسعار تقريبيه وتعتمد على سعر الصرف
- اسعار الشحن تقريبيه وتعتمد على وزن السلعه
- العميل يتحمل اي ضرائب قد تفرض على السلعه
- في حال ضياع السلعه او تلفها نقوم بتعويض العميل بطلب سلعه جديده او ارجاع كامل المبلغ المدفوع


ومادري شرايكم اطلبه ؟
وهذا رابط الموقع
http://www.hm-sat-shop.de/fernbedienungen/fernbedienung-humax-icord-rm-301.html
 
أعلى