اللجنة الوزارية لخطة التنمية .. تقترح إنشاء دار أوبرا !! يا لها من خطه واولويات

[Desert Eagle]

خلال اجتماع اللجنة الوزارية لمتابعة تنفيذ الخطة التنموية برئاسة الشيخ ناصر المحمد الوزير الهارون: تم استعراض تخصيص "الكويتية " واقتراح بإنشاء دار للأوبرا والسكك الحديدية وشركة المستودعات الجمركية الحدودية
AlRai

الراي الاخباريه

ايه عفيه مستشارين و عفيه حكومه تقترح بإنشاء دار للاوبرا .. بينما 4000 طالب راحت سنه من عمرهم عشان جامعه من 60 سنه

انتو شلون تفكرون ؟

يا ليت شي سنع بدال الاوبرا .. اللي مامنها لا سنع ولا فايده

4000 طالب نصيحتي لكم .. روحو غنو بدار الاوبرا يمكن يحن قلب حكومتكم وتسوي دار اوبرا ثانيه

الاشياء اللي ما منها فايده عند وجهك بسرعه يخلصونها

اما جامعه الشداديه .. ورقه اقتراحها المفروض يحطونها بمتحف لانها من تراث الكويت الخيالي

لا حول ولا قوة الا بالله شي يقهر

همسه : سرقه العصر ستبدأ قريباً " الكويتيه " باي باي
​

 

[HMD-ALAJMI]

لا تلومهم هذا طموحهم بس
شوف تنمية قطر والمملكه و ابو ظبي ودبي دول جاده في التنميه اما ربيعنا جادين في السرق فقط ،،

 

[فهد الرشيدي]

شفيها الاوبرا هااا؟

لازم نسوي اوبرا ونغني ونرقص ونردح ولازم نحط لها مبلغ دسم ومساحه كبيره وسط البلد

مو لازم نسوي مساجد ومستشفيات وجامعات وكهرباء وتبديل توربينات تقطير الماء

مو لازم نسوي جسور لحل مشكله المرور ومولازم نسوي مترو الانفاق وسكك القطارات مو لازم نبني مدارس جديده

مولازم نسوي مشاريع تفيد الوطن والمواطن

الاوبرا لها اولويه كبيره للكويت لتشجيع الطرب والغناء

امحق تنميه وامحق لجنه وامحق مجلس وزراء وامحق اداره

 

[جراح الكويت]

الأوبرا أهم بكثير من الجامعة تدري ليش ؟

عشان لا جنسو (طبال - مغني-رقاصه-فنان...إلخ) يكون تحت بند الأعمال الجليلة اللي هي الأوبرا ومايكون على الحكومة ممسك

أستغفر الله أوبرا مرة وحده !! وكأن قضايا الشعب واقفه على إنشاء أوبرا ياعمي نبي جامعات مصانع مدن سكنية أفرع للوزارات بجميع المحافظات مانبي (نعيق بأوبرا)​

 

[Desert Eagle]

لا تلومهم هذا طموحهم بس
شوف تنمية قطر والمملكه و ابو ظبي ودبي دول جاده في التنميه اما ربيعنا جادين في السرق فقط ،،

ليتهم يسرقون بس

ما نبي نبني اماكن تغضب رب العالمين

فوق السرقه زاد علينا الفساد الاخلاقي

شكراً لتعقيبك

همسه : ربنا لا تؤاخذنا بما فعل السفهاء منا

 

[كويتي وهـ الكلمة تكفيني]

أوبرا مرة وحدة !!!
أبلعها إذا كانت لدينا خطة تنمية في الأساس​

 

[AlBadel]

وإنشاء شركة للمستودعات الجمركية​

أصلا
الشركة قائمة من سنتين وتزاول نشاطها والشاهد تراخبصها وعمالتها ومبانيها

نقـولها للأمـــــــه وللتــــاريخ إلا الرمــــــــز والزعــــــــيم ......
أحــــــــمد الســـــــــعدون
( الشــــــبكة اللبــــــرااالية الكـــــــويتية )
أظــــــــم صــــــــوتي وقــــــــلمي مــــــع شــــــياب المــــــــنتدي والمطـــــالبة
بـــــإلغاء قــــــرار شــــــطب عضــــــوية أحد فـــرسان المنتـــــدي الزمـــــــيل
( فهــــــــيدااان )

​

 

[بو_علي]

و اشفيها دار الاوبرا.
شفهمكم بالثقافه انتوا خلكم على الاضرابات اللي تضر الكويت اضرابات زيادة المعاشات.
خطة التنميه لازم تكون متكامله بنيه تحتيه و خدمات و تنمية البشر و الطاقه ​

 

[عزيز الدار]

انشاء مبنى الاوبرا جديد بالكويت ويسهل الاختلاس بمناقصتة !

حسبى الله ونعم الوكيل تركتم الاولويات ورحتم للدق والرقص ؟!!!

 

[ابو محمد العبدلي]

والله معاك حق انا ابي اسمع قرار من هالاجتماعات بأنشاء جامعه

او مستشفى حتى بعض المشاريع المتداوله يارح يتأخر انشاءهأ

بفعل اختلاف اصحاب المناقصات او تتنفذ باسوأ المواصفات واغلى الاسعار .

 

[أبو عبدالعزيز 73]

قرارات حكيمه

هذه التنميه والا فلا

عشان خطة التنميه الترفيهيه

نبي ملعب للغولف عالمي على بحيره للشيبان يتبطحون بالبراد

ونبي حلبه فورمولا1 عشان ينحول الشعب من السرعه اللي يشوفها ويضيع ساحة الاراده


ياحمس تسبدي​