اسعار الاجارات نار... نريد حلا!!

[ابو-راشد]

من سنتين اجرت عند واحد شقة ب380 دينار للشهر... و عقب سنة دزلي رسالة يطلب مني اني اوقع على عقد جديد عشان يزيد الاجار علي 50 دينار (و تصير 430) و عذره ان كل اجارات اللي حوالين المنطقة زادت. طبعا انا رفضت بس المشكلة ان خلال هالسنتين يمكن 4 مأجرين طلعهم غصب بحكم محكمة من بيته.

اول واحد كان اجاره 300 دينار و كان ساكن قبلي طلع و يا بداله واحد اجاره 400 دينار.. المشكلة كلهم شباب صغار و قدر يقص عليهم بطريقة و يجحتهم من الشقة و يجيب مأجر يديد يدفع اكثر... الحين صاحبنا بو 400 دينار طلع الشهر اللي طاف و يا بداله واحد يدفع 480 دينار....

انا فكيت حالي و سويت ظبط انذار اجرة عشان ما يكون له علي شي... بس شنو هالحالة هذي؟؟ خلال سنتين الاجارات تندبل.. و للعلم الشقة اللي ام 480 اصغر من الشقة اللي انا ساكن فيها.. لو يطلعني اظمن لكم تتأجر 500 دينار و انا ادفع 380 الحين... شنو سبب هالجشع و هالزيادات في الاجار؟؟؟ اكو حل لهالمشكلة؟ ترى تنتفنا...

يعني يحز علي اشوف شباب كويتيين ينطردون جذي من واحد جنسيته كويتي بس كلامه و لهجته مو كويتية...

يا جماعة ما نبي زيادات لبدل الاجار نبي ظبط لهالزيادات اللا مسئولة... مافي احد مسئول عن هالموضوع يضبط الاسعار و يثبتها على حد معيا؟؟؟

 

[كويتي مال أول]

الله يكون بعونكم
بس يا أخي أنتم اللي تشجعونهم على الشي هذا

أنا متأكد فيه أجارات بنفس المنطقه بسعر أقل .... يا أخي 480 أجار شقه مامر علي أبد
دور كامل في جنوب السره تاخذه بالسعر هذا

أنت وين مأجر؟

 

[بو عزوز مساعد]

كانت الايجارات ب70 دينار وب120 دينار

البدون ماعندهم رواتب

صارت الاجارات عليهم 200 و250 من وين يجيبون للايجار

تلقى احسن واحد فيهم معاشه 300 دينار

من وين يصرف عليهم

الله لايجزاه خير الي منع بدل الايجار عنهم


كتب محمد العجمي* ‬ومحمد الشمري*:‬
انتهت لجنة البدون البرلمانية* ‬يوم* »‬أمس*« ‬إلى اقرار الحقوق المدنية والاجتماعية والانسانية للبدون بـ* ‬11* ‬مطلباً* ‬في* ‬اجتماع ماراثوني* ‬استمر حتى الساعة الرابعة مساءً،* ‬وكان أهم تلك الحقوق اصدار جوازات سفر مادة* ‬17* ‬والبطاقة التموينية واصدار شهادة الميلاد والوفاة،* ‬فضلاً* ‬عن حق التعليم والعلاج والتوظيف بالاضافة إلى اصدار رخص القيادة وحصر الورثة*.‬
وقال وزير الدولة لشؤون مجلس الأمة وزير المواصلات محمد البصيري* ‬ان الحكومة ستحضر جلسة الثلاثاء المقبل بعد اقرار الحقوق المدنية والانسانية للبدون التي* ‬تم الاتفاق عليها مع لجنة البدون البرلمانية،* ‬مؤكداً* ‬أن اجتماع أمس أظهر توافقاً* ‬على مبدأ الحقوق الإنسانية والمدنية لهذه الشريحة الغالية على أنفسنا*.‬
من جهته،* ‬أكد رئيس الجهاز المركزي* ‬لمعالجة أوضاع المقيمين بصورة* ‬غير قانونية صالح الفضالة مباركة القيادة السياسية للحقوق المدنية والاجتماعية للبدون،* ‬مبيناً* ‬ان قرار هذه الحقوق سيصدر قبل جلسة* ‬يوم الثلاثاء المقبل*.‬
وقال الفضالة ان الاخوة النواب في* ‬لجنة البدون طرحوا* ‬10* ‬مطالب وأضفنا عليها حقاً* ‬جديداً* ‬تمثل في* ‬منح البدون بطاقة تموينية*.‬
بينما أكد رئىس لجنة البدون النائب حسن جوهر أن اللقاء كان مثمراً* ‬وتم الاتفاق على* ‬11* ‬حقاً* ‬مدنياً* ‬وانسانياً* ‬لأبناء البدون،* ‬مشيداً* ‬بالتجاوب الحكومي* ‬والجدية من الجانب الحكومي* ‬المكلف بمعالجة قضية ملف البدون*.‬
من جهته،* ‬أكد النائب مسلم البراك ان الحكومة أبدت الموافقة النهائية على اقرار الحقوق المدنية والانسانية لأبناء البدون،* ‬لافتاً* ‬إلى أن اللجنة ستجتمع الأحد المقبل لإعداد قانون متكامل لهذه الحقوق لإنهاء المشكلة،* ‬ومناقشته في* ‬جلسة* ‬3*/‬8*.‬
ووجه البراك نداء للبعض من البدون الذين أعلنوا عن نية التجمع اليوم بأنه لم* ‬يعد هناك أي* ‬مبرر لهذا التجمع،* ‬وقال*: ‬تتم الآن دراسة عدد من ملفات أبناء البدون لمنحهم الجنسية*.‬
طالع ص6

بطاقة مدنية وجواز سفر وبطاقة تموينية

أقرت لجنة البدون خلال اجتماعها عدداً* ‬من الحقوق الاجتماعية والمدنية للبدون وهي*:‬
*{ ‬التعليم*.‬
*{ ‬العلاج*.‬
*{ ‬التوظيف حسب الحاجة في* ‬القطاع الحكومي*.‬
*{ ‬شهادات الميلاد والوفاة*.‬
*{ ‬البطاقة المدنية* »‬غير كويتي*«.‬
*{ ‬جواز سفر مادة* »‬17*«.‬
*{ ‬حقوق المعاقين*.‬
*{ ‬حصر الورثة وعقود الزواج*.‬
*{ ‬رخص القيادة*.‬
*{ ‬البطاقة التموينية*.‬

الـحكومة*: ‬لا حق للبدون في* ‬تملك العقار

رفضت الحكومة عدداً* ‬من المطالبات التي* ‬تقدم بها النواب لمصلحة البدون وهي*:‬
*{ ‬حق تملك العقار*.‬
*{ ‬تغيير المسمى من* ‬غير كويتي* ‬الى فئة* »‬البدون*«.‬
*{ ‬مساواة من سجل في* ‬اللجنة مع من لم* ‬يسجل*.‬
*{ ‬توفير السكن أو بدل ايجار للبدون بشكل عام*.‬*{ ‬منح الرخص التجارية*.‬
*{ ‬تجنيس أبناء المتجنسين فوق* ‬21* ‬سنة*.‬http://alshahed.net/index.php?option...=view&id=63350

 

[ابو-راشد]

الله يكون بعونكم
بس يا أخي أنتم اللي تشجعونهم على الشي هذا

أنا متأكد فيه أجارات بنفس المنطقه بسعر أقل .... يا أخي 480 أجار شقه مامر علي أبد
دور كامل في جنوب السره تاخذه بالسعر هذا

أنت وين مأجر؟

صحيح كلامك المأجرين الكويتيين هم السبب.. انا قاعد على جبده 5 سنين انشاء الله ادفع 380 دينار و لا يشوف زيادة فلس... بس المشكلة باللي يرظون بال480.... المفروظ الشباب كلهم يتفقون على حد معيا.. بس شلون تعممها هذي بالله؟؟؟

لازم يكون فيه رقابة.

 

[شمري كويتي]

المشكلة ان الواحد يكون توه معرس

ويبي شقة 3 غرف او اربعة

ياخوي غرفتين وصالة كافي عليك انت وزوجتك

وبعض المعاريس يوافق على الاجار على طول

ما يكاسر ولا يقول للمالك نزل شو من الاجار

وبعدين لازم نسوي حملة مقاطعة للشقق الغالية

والبديل هو السكن في العمارات

او اذا الاوحد بيت ابوه في مجال

يسكن في بيت اهله

البعض للاسف من يتزوج على طول يدور شقة

يطلع بروحه من بداية الزواج

حتى لو كان في مجال في بيت الوالد

وبعدين في شغلة مهمة غافلين عنها كثير من الشباب

وهي شقق التمليك

لو الواحد يشتري شقة تمليك بالاقساط

على بيت التمويل او على اي جهة ثانية

راح يكون القسط اقل من الاجار بكثير

وعلى فكرة اذا زاد بدل الاجار راح تزيد الاجارات اكثر

لذلك من الغباء المطالبة برفع بدل الاجار

اللي يبي يرفع بدل الايجار

يبي ينفع التجار وملاك الاراضي والعقارات

وفي حل بسيط جدا حق اللي يعاني من ارتفاع الايجارات

هو انه يسكن في المناطق الجديدة

والبعيدة عن المناطق الداخلية

ويتحمل البعد عن دوامه واهله

مثل المناطق الشمالية

مدينة سعد العبدالله وجابر الاحمد

او منطقة غرب الجليب

او المناطق الجنوبية

العقيلة وفهد الاحمد والمنقف

الاجارات فيها مناسبة لانها مناطق خارجية​

 

[العارضيه سيتي]

بو راشد انت تدفع ٢٣ الف خلال خمس سنوات ومو مستفيد شي بالنهايه
أخذ شقه تمليك واستفيد من اللي تقطه على الإجار

 

[ابو-راشد]

بو راشد انت تدفع 23 الف خلال خمس سنوات ومو مستفيد شي بالنهايه
أخذ شقه تمليك واستفيد من اللي تقطه على الإجار

و الله سالفة الشقة التمليك زينة.. بس المسكلة المكان.. وين تحصل عمارة زينة في مكان زين بسعر معقول؟ في بسلوى على 120,000 دينار..

اذا في شيء زين و تحت ال 50,000 على ايدك!

 

[كويتيه حرهـ]

هي مو بس نااار

الا ويطالبونك بدفع كذا شهر مقدم

هذا غير حق النصابين مكاتب العقارااات:باكي:​

 

[شمري كويتي]

هي مو بس نااار ​

الا ويطالبونك بدفع كذا شهر مقدم​

هذا غير حق النصابين مكاتب العقارااات:باكي:​

اختي بالنسبة لحق المكاتب العقارية

هو امر صدر بقانون من وزارة التجارة والصناعة

والمكاتب العقارية مرخصة من الوزارة

وتاخذ النسبة مقابل الخدمة التي تؤديها

وعند البيع النسبة تكون 1 %

وعند التأجير 50 %

وتدفع مرة واحدة فقط

لكن المشكلة بغلاء الاجارات التي ندفعها كل شهر

مو بعمولة المكاتب اللي ندفعها مرة وحدة بالعمر​

 

[عزيز وغالي]

مشكلة العمارات الشقق التمليك بناء تجاري بحت
الي اسعارها رخيصه
خلال شهرين عماره ناطحه السما
متي صبها متي مسحها متي شطبها متي صبغها
شي خيالي
وما تمر سنه الا الخرابات من كل صوب
وتدفع فيها دم قلبك وانت تتحسر

انا اقترح لو ببيت هلك مكان لو بالسطح وخل السقف كيربي
لو غرفتين
ولو تبي الاجارات الخيارات متنوعه والمناطق كثيره
ولكن علي حسب اختيارك ونظافة الشقه او الدور

 

[شوفير]

شنو 480 وين هذا ومتي صار ؟؟؟؟ انت بأي منطقه

 

[ابو-راشد]

شنو 480 وين هذا ومتي صار ؟؟؟؟ انت بأي منطقه

جنوب السرة...

ليش مستغرب انا صاحبي سنة 2006 ساكن بكيفان ب450 دينار..

 

[حومة فكر]

بالجهرا ما عندنا هالشي ، اتوقع اعلى إجار ٣٥٠ اذا ذابح روحه

اما الارضي يختلف يمكن يوصل فوق الـ ٤٠٠ دينار

 

[شمري كويتي]

بالجهرا ما عندنا هالشي ، اتوقع اعلى إجار ٣٥٠ اذا ذابح روحه

اما الارضي يختلف يمكن يوصل فوق الـ ٤٠٠ دينار

يازين الجهراء ويازين اهلها

وبحفر الباطن الشقة قبل فترة ب 500 ريال

يعني 40 دينار كويتي فقط لاغير

الله يديم الرخص​

 

[فريمان]

الكويت اصبحت اسعارها نار لسببين الاول زيادة الالف دينار لكل فرد قبل اشهر والتى تم ضخ ما مقداره مليار دينار ( 3 مليار دولار ) في بقعة صغيرة مثل سوق الكويت وبالتالي يحصل تضخم كنتيجة طبيعية يعرفها الاقتصاديون جيدا وهو مايحصل ايضا الان في قطر والسبب الثاني تراخي وغباء الادارة الحكومية ممثلة برئيسها ووزيرة التجارة السيدة (الدايخة ) والتى لا تعرف (وين الله قاطها ) !!!

 

[سليل السيف]

تقارن مناطق عيال بطنها بمناطقكم الهيلق يا الطراثيث

أتغشمر وياكم بس الصراحة هذه نتيجة الكوادر اللي طالبنا فيها يعني واحد معاشة 3000 دينار ما عنده مشكلة يدفع 400 أو 500 دينار .

 

[free_kuwait]

صحيح كلامك المأجرين الكويتيين هم السبب.. انا قاعد على جبده 5 سنين انشاء الله ادفع 380 دينار و لا يشوف زيادة فلس... بس المشكلة باللي يرظون بال480.... المفروظ الشباب كلهم يتفقون على حد معيا.. بس شلون تعممها هذي بالله؟؟؟

لازم يكون فيه رقابة.

شلون مارفع عليك الاجار

المعروف العقد اذا خمس سنين مايقدر يرفع الا لما ينتهي العقد

انا بالعمارة ارفعو الاجار على السكان الا انا لان عقدي مانتهى

بينتهي بعد سنة ومن حقه يرفع علي الاجار

بس بعرف انت اشلون طريقتك الله يعافيك

 

[ابو-راشد]

شلون مارفع عليك الاجار

المعروف العقد اذا خمس سنين مايقدر يرفع الا لما ينتهي العقد

انا بالعمارة ارفعو الاجار على السكان الا انا لان عقدي مانتهى

بينتهي بعد سنة ومن حقه يرفع علي الاجار

بس بعرف انت اشلون طريقتك الله يعافيك

شوف القانون الكويتي فوق كل العقود.. مو مهم عقدك شنو (لو بس سنة.. انا عقدي منتهي صارله سنة) قانونيا ما يقدر يزيد عليك الاجار الا عقب 5 سنين.. و العقد يتجدد تلقائيا.. دام انك تدفع اجارك كل شهر ما يقدر يسوي شيء...

اللي يقدر يسويه ان ما ياخذ منك الاجار و ينطر الين 20 الشهر و يطلع امر اخلاء من المحكمة.. اذا رفض يستلم الاجار على طول روح المحكمة طلع انذار ظبط اجرة يطلع معاك مندوب يسلمه الانذار و عقبها راح يستلم الاجار من المحكمة كل شهر..

يعني ما سوت عليه.. انا عندي مندوب ياخذ مني الاجار كل شهر فما خسرت شيء.. اهو الحين راح ياكل هوى كل شوي يروح المحكمة يستلم بنفسه الاجار.. و اذا ماني غلطان المحكمة تاخذ نسبة من الاجار..

 

[free_kuwait]

مشكور ماقصرت على الرد

انا من خمس سنين رفع خمسين دينار

كان 200 وصار 350 والحين زاد على السكان 400 وانا ناطرني يخلص العقد عشان يزيد علي

لما قلت للمحامي مالهم ماراح ارضى بالزيادة

قال المحكمة تطلع خبير يشوق البيت اذا يستاهل الزيادة او لا

وتبي الصج البيت كبير اربع غرق صالتين ثلاث حمامات وانتو بكرامة وارضي وحوش

فامادري اقبل او لا

وجزاك الله خييير بارك الله فيك

 

[يالا أسفي عليك ياوطني]

عفوا أخوي ..

شقتك تطل على جم شارع ..

وين مأجرها بجنب نهر السين ولا النيل الازرق

وتقول يبي يزيدك 50 ..

اخوي تاخذ لك قرض وتشتري لك بيت .. قسطه ما يطلع عليك اكثر من 450



الله يعز الجهرا ..

اجاري 150 ..

وبالنهايه اقول الله يعين اخواني البدون .. ولكم الله