سؤال وجواب سؤال عن الشتر

[bofaisal38]

السلام عليكم وعيدكم مبارك

سؤالي للأعضاء الكرام اللي مركبين شتر.. هل حسيت بفرق كبير بعد تركيب الشتر من ناحية الغبار والحرارة والإزعاج .

واذا ممكن ذكر اسم الشركة الل ركبت الشتر .

وشكرا

 

[rightword]

اذا بيتك علي شارع عام يخف الازعاج
بالنسبه للغبار اللي عندي يطلع غبار من فوق لين تسكره انت بنفسك
ام بالنسبه للحراره مدري شتقصد فيها ؟؟؟
الشركه اللي اخذنا منها اعلنت افلاسها وتطلبنا 500 دينار وللحين ماجت اطالب فيهم

 

[bofaisal38]

اقصد فيها الحرارة داخل البيت .... وانا اسأل بعض شركات الشتر بالتلفون واحد قالي اذا ركبت شتر تقل الحرارة داخل البيت وبالتالي يقل استهلاك التكييف

 

[عزيز وغالي]

سؤال وجيه
والي عنده خبره
جم المتر

 

[ولد وايل]

فيه أنواع .. اسباني وايطالي وكويتي .. ​

الارخص طبعاً الكويتي لأنه محلي .. والمحلي أطيب ​

وسعر المتر مابين 13 الى 15 دينار .. ​

ونصيحتي لك .. لا تركب كهرباء " مكينه " ..

أختار " اليدوي " أفضل بكثير​

لأنك ما تعلم قد يحصل لا قدّر الله .. حريق .. وتنطفئ الكهرباء .. ويتوهقون ​

وهذه أكثر المشاكل اللي تسبب الوفاة .. نقلاً عن المسؤلين الكبار في المطافئ .. ​

وبالتوفيق ان شاء الله​

 

[مساعد الشويب]

والله الشتر ممتاز ولكن مثل ماذكر اخوي انه يطلع غبار خفيف

 

[شوفير]

اهم شي بالشتر الماكينه و افضل ماكينة شتر اسمها ( سومفي ) ايطالي وتقريباا كل المحلات يركبونها بس اهم شي تفحص الماكينه انها نفس الماركه مكتوب عليها سومفي صناعه ايطاليه لان الغش ماله والي بالمكاين يقولك ايطالي وهو فعلااا ايطالي لكن مو سومفي

 

[جراح الكويت]

فيه أنواع .. اسباني وايطالي وكويتي .. ​

الارخص طبعاً الكويتي لأنه محلي .. والمحلي أطيب ​

وسعر المتر مابين 13 الى 15 دينار .. ​

ونصيحتي لك .. لا تركب كهرباء " مكينه " .. ​

أختار " اليدوي " أفضل بكثير​

لأنك ما تعلم قد يحصل لا قدّر الله .. حريق .. وتنطفئ الكهرباء .. ويتوهقون ​

وهذه أكثر المشاكل اللي تسبب الوفاة .. نقلاً عن المسؤلين الكبار في المطافئ .. ​

وبالتوفيق ان شاء الله​

أتفق مع الأخ ولد وايل بما يخص الشتر الكهربائي :إستحسان:

أما هل يحمي من الأتربة نعم هل يحفظ الحرارة فهو على حسب لون الشتر كل ما كان اللون فاتح فالوضع طبيعي أما إن كان غامج تتأثر الغرفة من حيث الحرارة والبرودة
وأهم شيء التركيز على سماكة الشتر إن كان يدوي لكي يسهل الرفع والتنزيل

​

 

[شمري كويتي]

اهم نصيحة في موضوع الشتر

لا تركب شتر كهرباء

اللي يشتغل على الكهرباء

أختار الشتر اليدوي أفضل بكثير​

لانه اذا حصل حريق

لا قدّر الله و انقطعت الكهرباء

راح يواجه رجال الاطفاء مشكلة في اخراج

الموجودين في البيت

وراح تتأخر عملية الانقاذ​

وهذه أكثر المشاكل اللي تسبب الوفاة

والمفروض يمنع الشتر الكهربائي من دخول البلاد

والشتر اليدوي عملي وصحي

عملي لانه يطول اكثر

وصحي لانه يحرك عضلات اليدين

ويخلي الشخص يبذل مجهود بسيط​