سؤال وجواب افضل مضخة لدفع الماء ....

عبدالله .

عضو بلاتيني
بسم الله الرحمن الرحيم
السلام عليكم ورحمة الله وبركاته

عندي سؤال بسيط واتمنى من اهل الخبرة الإجابة عليه والشكر مقدماً موصول لهم

شنو أفضل مضخة لتقوية دفع الماي عندي دفع الماي بالحمام عزكم الله ضعيف اشوي
سمعت بأن المضخة ممكن تسبب لي مشاكل على البايبات بحيث يكون الدفع اقوى من القدرة الاستيعابية للبايب

ابي رأيكم يا اهل الخبرة وياليت اللي يذكرلي نوع معين يقولي جم السعر

انا اسمع ان الايطالي قوي

:)
 

Chartist

عضو مميز
السلام عليكم
اذا حمام واحد كافي عليه( نص حصان) وطبعاايطاليه مع ( الاتوماتيك) ايطالي فيه اسبانيه لكن الايطالي افضل شئ موجود بالسوق
المضخه مع اوتوماتيك النص حصان ايطالي قبل اسبوع سألت عنها عنها تقريبا 25 دينار
المهم اذا ركبت حاول ان ايكون البايبات الي راكبين بالمضخه عدساني لغايه وصله بايب اللحيم اذا انت امركبهم( اللحيم) وايكون مسافه بين اي( كوع ) عند المضخه مسافه 50 سم لانك احتمال مع الوقت اذا بتغير المضخه اتغيرها من غير صعوبه فقط اتقص البايب واتركب المضخه الجديده مع وصله للبايب نفسه وحاول ايكون الكهرباء المضخه لها مفتاح كهرباء خاص لها لان احتمال يدخل هواء في المضخه ويشتغل الاوتوماتيك علي طول مع احباس الماء داخل المضخه ويحترق الماطور

عموما افضل شي ايطالي ونص احصان


شكرا
 

ولد وايل

عضو مخضرم
حبيبي .. مضخه ايطالي .. وركب عليها جهاز الاتوماتيك .. لأن كل واحده تجي بروح ..

ويكفيك ( نص حصان ) فقط .. لحمام ومطبخ بعد اذا بغيت ..

وتلقاهم بالشويخ .. صوب شارع .. معدات البناء والاسمنت .. اللي خلف شارع الزينه ..

يوجد معرض أظن لــ " علي للغانم " للمكائن والمعدات الصحية ..

أخذ منه شغل نظيف .. ومضمون باذن الله ..

انا مركب لي وحده صارلها الحين خمس سنوات .. ياربي لك الحمد ما خربت ولا تعطلت ..

أشتر الأصلي غير الأصلي لا تاخذ .. وراح تحس بالفرق ..

وتحياتي لك

:وردة:
 

عبدالله .

عضو بلاتيني
بارك الله فيكم على هالإفادة والله يجزاكم خير
فعلاً فدتوني بهالمعلومات الطيبة
وشوركم وهداية الله
اثنينكم اجمعتهم على اني آخذ نص حصان وإيطالي وانا احتاجها لحمام واحد
بس على جم الاصلية اللي تقول عنها بعلي الغانم
 

ولد وايل

عضو مخضرم
والله يا عبدالله اني ما اذكر .. لأني شاري المضخه قبل خمس سنوات ..

ولا أذكر السعر ..

لكن عموماً .. أخذها حتى لو كانت غاليه .. ترى سعرها والله فيهاااا ما تتعبك ولا تدوخك ..

وللعلم في نقطه لا بد تنتبه لهااا ..

المضخه لا بد أن تحميها من أشعة الشمس والمطر .. لذا شوف لك أقرب حداد يفصّلك مثل الغطاء عليها فوق السطح .. علشان ما تخرب معاك ويصير فيها التماس من الامطار ..

وربي يسعدك ويوفقك حبيبي ..
 

q8almutairi

عضو جديد
اذا بايباتك صفر لا تركب واذا خضر ركب واحسن وحده انا خذيتها من بن نصف بالشويخ نص احصان مع اتوماتيك ايطاليه ب70 دينار ادري غاليه بس صارلها سنتين وشغاله الحمدالله للحين مع اني حاطها بالصطح ومو مغطيها يعني شمس ومطر عليها
 

مواطن طبيعي

عضو مميز
اذا بايباتك صفر لا تركب واذا خضر ركب واحسن وحده انا خذيتها من بن نصف بالشويخ نص احصان مع اتوماتيك ايطاليه ب70 دينار ادري غاليه بس صارلها سنتين وشغاله الحمدالله للحين مع اني حاطها بالصطح ومو مغطيها يعني شمس ومطر عليها




ليش اذا البايبات صفر مايصير يركب مضخه ؟؟؟


بايبات العدساني كلها صفر


الناس اكثرها على النظام القديم صفر



نورنا
 

Chartist

عضو مميز
اذا انت امركب اصفر او اخضر عادي ما ايضر حسب اللحيم عندك لكن ( انتبه ) ايكون عندك محبس قوه الضغط تبيه قوي جدا او متوسط وانا انصحك وهذا مهم جدا ( الشطاف) ايكون عندك له محبس خاص لانه قوة ضخ الماء في الشطاف مضر جدا (للنساء والبنات البكر) حسب الدراسات ونصائح الاطباء


شكرا  
 

شوفير

عضو مميز
افضل مضخات الماي تلاقيها ب شركة عربي ايطاليه مع التماتيك اعتقد بحدود 130 بس ركب وانسى

لان المضخات اللي بالسوق كلها خربوطه ... وانا ركبت سستم كامل للبيت وان شاء الله اصورها وانزل صورتها للتوضيح اكثر بس نصيحه لا لا لا تركب غير عربي لان فلوسك بتثطها على شي ما يسوى
 

عبدالله .

عضو بلاتيني
الله يجزاكم خير
ملاحظاتكم قيمة
إن شاء الله راح اشتري الاصلية واللي سعرها فيها
وانا مثل ذكرتم مالي خلق تبديل وتصليح ومشاكل كل فترة
حط فلوسك بالشمس واقعد بالضلال

الله يعطيكم العافية مرة ثانية
 

M-alotaibi

عضو فعال
انا شابك الماي من الرئيسي ومحبس تحكم لسرعة وقوة الماي مثل هذا


وعلى فكره انا فاتح المحبس حاليا على الربع يعني ما فتحته على النص او كامل من قوة الدفع للماي

ودفع الماي قوي __ بالصيف الماي فاتر وبالشتاء الماي دافي

لا مضخه ولا غيره

والتانكي فيه ماي وخليته احتياط
 
أعلى