قصة عراقية تضحك‏‏

[مسافر مع الأيام]

بسم الله الرحمن الرحيم​

فاصل فكاهي بعنوان
ولك اشلون مات؟ ​

هاي القصة: ​

الاول : اشلونك واشلون ابوك .... انشالله صار زين؟؟؟ ​

الثاني : آني زين الحمدلله ... بس الوالد انطاك عمره ​

الاول :العمر الك آني اعرف بي قلب ... مو ؟ يالله الله يرحمه ​

الثاني : بس والله ما مات من القلب​

الاول: لعد اشلون مات ؟؟؟​

الثاني :الله ايرحمه بآخر ايامه ضعف نظره وطلع بالبالكون ومشاف الحافة و وقع وتعرف احنة بيتنا طابق ثالث​

الاول : لالالا على هاي الموته ... بس هم الله يرحمه ​

الثاني : والله اتعذبنا بي هوايه ... سويناله عشرعمليات يالله اتحسن ​

الاول : لعد اشلون مات ؟؟؟؟؟ ​

الثاني : صار يمشي على عكازة ... ومرة ديعبر الشارع و دعمته سيارة​

الاول : لالالا ... الله يرحمه ​

الثاني : ربك رحيم ... مر من يمّه واحد من جيرانّه وحطّه بالسيارة و نقله للمستشفى بس النزيف ​

الداخلي جان رهيب ​

الاول : الله ايرحمه بكل الاحوال​

الثاني : بس سفّرناه لاسبانيا وبقينا يمه ستة اشهر واتحسنت حالته​

الاول : لعد اشلون مات راح اتخبل​

الثاني : صار بي فشل كلوي حاد و ردنه واحد يتبرع ... ما لقينا وصار بي تسمم​

الاول : يالله ارتاح ... الله ايرحمه​

الثاني : بالصدفة اجه واحد ايعرفه من زمان و اتبرعله ​

الاول : مت قلي اشلوووووووووووووون مات ؟؟؟؟؟​

الثاني : قاعد بالبيت و الغاز مشعول و احترق البيت ​

الاول :ايبااااااااااااخ اشلون موته رهيبة​

الثاني : بس والله جارنا الله ايجازي بالخير ... كسر الباب و نقذه​

الاول : متفهمني اشلون مات​

الثاني :​

والله اضطرينا انضربه طلقة براسه يالله مات ​

​

 

[وحى الاصاله]

يسوونها العراقيين عادى مشكور على الفاصل الممتع تحياتى