سؤال وجواب لحقو علي يا الاجاويد

[ابو عبدالرحمن العازمي]

السلام عليكم

جماعه الاي فون مال اخوي ضاع وفيه رقم سري هل اللي بيلقاه يقدر بطريقة ما انه يفتحه ؟ ، لانه فيه اشياء خاصة .

ولا مستحيل يقدر يبطله

 

[الجنازه]

ان شالله يحصله :

والله يسامحك الحقوا ان قلت يمكن الامر خطير وتحتاج فزعه طلع ايفون الله يهداك

سم بالرحمن ونام

 

[شمري كويتي]

الله يسامحك ويهديك ويغفر لك

روعتنا وفزعتنا

علبالي فيك شي ولا عندك مصيبة

كله ايفون يسلم راسك

وكم مرة قلنا لحد يحفظ اشياء مهمة على التلفون

والحين تقول اشياء خاصة

والله ابتلشنا

ما ندري ننصح البنات ولا ننصح الشباب

البنات يحطون صورهم في التلفونان

لا و بعضهم يحطون فيديو صور عرس كامل

فيه رقص حريم بملابس شبه عارية

واذا ضاع ولا انسرق قعدت تبكي وتصيح

والمشكلة انها مو بس تفضح نفسها

تفضح كل وحدة حضرت العرس او الحفلة

يا اخوان للمرة الالف بعد المليون

لاتحفظون اشياء خاصة على التلفون

لانه معرض للسرقة والضياع

شتسوى عليك يطيح بيد واحد

معدوم الضمير

وينزل المحتويات على اليوتيوب

عموما في حل بسيط

خله يبلغ المخفر

وثانيا يبلغ الوكيل المعتمد للجهاز

لان في طريقة يقدرون يعرفون

منو الشخص اللي ركب شريحة بالجهاز

ويقدرون يعرفون مكان الشخص

اللي قاعد يستعمله

وبعدين في شغلة المفروض مسويها اخوك

ميزة موجودة بالهواتف

قفل الجهاز عن بعد

وقفل الجهاز عند تغيير الشريحة

وابشرك اذا استخدم الشريحة

يروح فيها وينكشف

واذا استعمل الجهاز

المصنع يقدر يعرفه

عن طريق برنامج خاص عندهم

والاجهزة المتطورة لها رقم مسلسل

ويتم مراقبتها عن طريق الاقمار الصناعية

من مصنع الشركة المصنعة

​

 

[عــذوب]

صحيح كلام اخومنا الشمري بصراحه انا ما اعرف الطريقه بالضبط

بس ان شاء الله تفيد ..ما حبيت اطلع من غير ما ارد عليك ابو عبد الرحمن

وماتنلام والله مرات حتى الاطفال في البيت يمشون ويصورون ..الله يعينك

وحتى في دعاء والله كل اللي جربه نفعه ""

""اللهم اجمعني بضالتي كما جمعت سيدنا يوسف مع ابيه يعقوب عليه السلام""

الله يستر بستره ​

 

[الكتالوني]

ياخي خرعتني عبالي فيك شي
طلع آيفون ؟
يامعوود حاضر انا اشتري لك واحد غيره
بس لو مو اخوي الشمري حلف عليك قبلي
انا بصراحه ماقدر اتعدى عليه

 

[شمري كويتي]

ياخي خرعتني عبالي فيك شي
طلع آيفون ؟
يامعوود حاضر انا اشتري لك واحد غيره
بس لو مو اخوي الشمري حلف عليك قبلي
انا بصراحه ماقدر اتعدى عليه

ابوعبدالرحمن يستاهل كل خير​

رجال فيه خير وصاحب اخلاق عالية​

الكتالوني يالله يا سنافي صلاة الفجر بالمسجد​

اترك النت بيقيم الصلاة بعد 5 دقايق​

 

[عـــــبدالمــــــلك]

يا اخوان الرجال ماهمه الايفون الرجال همه اللي داخل الايفون

اسال الله ان يجعله تحت تواير هايلكس راعيها مفول البدي شعير واللي يلقاه مايعرف هو ايفون ولا ابوتريك من كثر ماتسحك بالقار

 

[النوف]

بلغ عنه ع طول....ويا رب انك تلاقيه...

وصراحة ودي نستفيد من موقفك...اذا ضاع أيفوني...

شنو التصرف المطلوب والسليم عشان ما اتوهق بوقتهااا؟؟؟​

 

[ابو عبدالرحمن العازمي]

ان شالله يحصله :

والله يسامحك الحقوا ان قلت يمكن الامر خطير وتحتاج فزعه طلع ايفون الله يهداك

سم بالرحمن ونام

ياخوي السالفه اكبر من الايفووووون :باكي:

 

[إنفصام]

بلغ عنه ع طول....ويا رب انك تلاقيه...


وصراحة ودي نستفيد من موقفك...اذا ضاع أيفوني...


شنو التصرف المطلوب والسليم عشان ما اتوهق بوقتهااا؟؟؟
​

التصرف السليم
لاتصورون نفسكم يالبنات
واشترو كاميرا خاصه وصورو فيها صبغة شعركم وقصاتها وفساتينكم ولاتنسون علامة النصر السبابه والوسطي

حواء تعرف ان هناك مشكله ولكن لاتريد حلها
​

 

[ابو عبدالرحمن العازمي]

مشكورين وماقصرتو بس چنه بعضكم ضغطني شوي 

جماعه السالفه مو سالفة اي فون بس الاغراض والصور وكل شئ بس الحمدلله الجهاز فيه رقم سري ماادري اللي يلقاه يقدر يفتحه ولا لا ؟

شمري كويتي والله كلامك عين الصواب

الكتالوني مو سالفة اي فون 

عبدالملك امييييييييييييييييييييييييييين اميييييييييييييييييييين

عذوب عسى الله يعين الجميع ومشكورة على الدعاء وعلى الرد الجميل

النوف مشكورة وبقولچ شنو صار معاي الحين

يعطيكم العافيه يا زملائي الاعزاء

 

[ابو عبدالرحمن العازمي]

دقيت على واحد من الربع ضابط مخفر وسألته قلت اقدر ابلغ عن التلفون وتطلعونه لي ؟

قال لازم ترفع قضيه ونحولك التحقيق وتروح المباحث ومستحيل يطلعونه لك 

يقول المباحث يطلعون التلفون اللي راعيه عليه جريمة قتل مثلا او شي خطير بس اذا جاهم بلاغ تلفون ضايع ما يلتفتون له ويخلونه يولي !

قال نصيحه ريح بالك وانسى التلفون 
خيييره ان شاءالله واسال الله ان يجمعني مع ضالتي

 

[ابو عبدالرحمن العازمي]

العضو العزيز اللي دزلي رسايل خاصه اقوله مشكوووووور واسف تعبتك وياي ولك الف وردة 

كنت برد عليك بالخاص بس انت مانع استقبال الرسايل الخاصه.

تعبت نفسك يعطيك العافيه 

 

[مواطن طبيعي]

ياخي خرعتنا


عبالي ناط على بيتكم حرامي



لوووووووول

 

[سويد]

تلقائيا يقوم الجهاز بمسح جميع الصور والمحادثات ومايخص اي شئ تم تسجيلة او توثيقة بالجهاز
حال تم العبث فيه او تم الخطا في ادخال الارقام السرية


ربما تتأرشف تلك المعلومات لدي ايميل الشخص لي اشتري البرامج لي يكون من حسابه الشخصي او حساب احد المحلات الهواتف

والله اعلم

 

[Desert Eagle]

اخوي الفاضل

اذا عندك كرتون الجهاز تلقى عليه رقم طويل يخص الجهاز

اتوقع توديه للداخليه ومن خلال هالرقم يتم قفل الجهاز ومسح كل شي فيه

يعني يصير بس تلفون لكن ما يشتغل كأنه طافي ماراح يقدر يشغله


ثانيا اخواني .. حملو برنامج find my iphone

البرنامج يخليك تشوف مكان تلفونك من الكمبيوتر ومتى اخر اتصل بالنت ومكانه بالخريطه وله خواص كثيره

شرح البرنامج العم قوقل ما يقصر

ابو عبدالرحمن ما الومك لان الجهاز يكون فيه صور خاصه

الله يعينك ويفرج همك ويعوضك بغيره وعسى الجهاز ما يشتغل

 

[ابو عبدالرحمن العازمي]

جزاكم الله خير وباخذ نصيحتك وبحمل البرنامج ان شاءالله 

 

[سنـين التّيــــهـ..]

ضاع مني الاي فون لمده ساعه​

نشف دمي..وحصلته عند بنت حلال..​

وامسح اللي فيه كلللللله..​

وثاني يوم..رديت اصور مره ثانيه..​

ماااااأتوووووب​

 

[كويتي وكالة]

اذا عندك علبة الجهاز ( القوطي )

خذ رقم ال IMIE مكون من 13 رقم اذا ماني غلطان

بلغ فيه شركات الأتصالات علشان ما يستفيد اللي أخذه .

اما بالنسبه لمحتويات الجهاز الشخصيه فألله يعينك

في طريقه وحده ممكن ان يتبطل الجهاز , وان شاء الله مايعرفها لأنها صعبه شوي .

 

[حمد-الراشد]

في حل بس اذا كان نشط خدمه تحديد مواقع . او كنت محدثة الـ osi5
ادخل على موقع التالي
https://auth.me.com/authenticate?se...tZS5jb20vZmluZC8=&anchor=findmyiphone&lang=en

ودخل احساب ابستور و رقم السري

سوف يبن موقع الجهاز وتقدر تمسح كل شي