بيوت تأثثت بالديرة من امغرة:
شسالفة امغرة ؟
امغرة تعتبر مخازن لأغلب المحلات الي في الكويت
بختصار العديد منهم فتح محال بالمخازن و ارخص (حساب الاجار و غيره)
بس نصيحة مجرب..
اذا تبي تشتري كمية..امغرة..و اخذ معاك عينة من المحلات الي تشوفها بشويخ و حولي و الري و غيرهم..ودور عليهم...بحسبة الجمع يطلع ارخض (يعني اكثر من طقم..مطبخ و غرفة و ديوانية و حوش)
اذا تبي تشتري بس حق غرفة او كرمك و اعزك الله دار خلا..اشتر من شويخ..تقريباً نفس الاسعار..بحسبة المفرد..(يعني مثلا طقم حق غرفة واحدة او ديوانية)..تقريباً نفس السعر.
تحط في بالك:
-تشترط عليه الزايد ترجعه عليه..و كذلك المكسور..و الفلوس عند التوصيل (افضل)
- الافغاني ياخذ علشان يوصلك السيراميك و غيره تقريبا 4-5 دنانير حسب بعد بيتك (4-5 السعر في الرابعة و مناطقها)
...وا نصح الافغاني يوصلك اياه..لك خلق تحطه بوانيتك و تشيل الكراتين و غيره!؟
و كان بغيت تركيب سيراميك..لا تاخذ غير الباكستاني..
و المساح مصري
و النجار باكستاني او مصري..
و الصباغ مصري
و الرسام كوري!
والصحي باكستاني او كوري
و التكسير و شغل مش حالك(سيراميك)..صينيين و كوريين..ماكو ارخص و انضف منهم...لكن كواليتي اي كلام في التركيب و الميزان
نصيحة مجرب..احذر احذر احذر السوريين و المصريين إلي مو ثقة....معاملة سيئة جداً توصل طق بينكم و لا تستخدم افغاني للسيراميك...سبحان الله بعض المهن مختصة في بعض الجنسيات.
واتصل على اكثر من شخص بالسيراميك و افتر بين المحلات و كاسر بالسعر.
و اذا بغيت اي رقم فيهم ما عليك إلا تسأل و ما نقصر وياك على الخاص
مع العلم السيراميك و الجرانيت انواع
-درجة ثانية..حق امكان تقزورة..ومش حالك..مخيم و غرفة سايق
- درجة اولى..و تأكد انه قص ليزر..حط السيراميكات-عشوائي- يم بعض و تأكد ان كلهم نفس القياسات
-درجة اولي و كواليتي قوي..
وفي اسباني و في صيني و في ماليزي و في برازيلي ومصري
و الجرانيت..
في كريستال -دبل- فخم...ونصيحة لا تاخذ قياسات كبيرة..احتمال تنكسر بالنص مع الاستخدام..اخذ 60ْ60 او 50 في 50
و في جرانيت عادي قص ليزر..بس مو دبل..الوان و ارناق.
اما اذا بغيت رخام و سيراميك درجة اولى..حق واجهة بيت مثلاً او غرف فاخرة..مالك إلا ابل.
لكن في الاغلب الناس تدور العادي..إلي لما تغيره بعد 5 سنين او شوي..ما تتحسف على سعره!
و بالتوفيق