سؤال وجواب انا بمشكلة وابي الرأي القانوني والشرعي لو سمحتوا

ARMOUR ON

عضو فعال
السلام عليكم

يااخوان انا مثل باقي الناس سنة 2004 بعت عدد اربع بطاقات مدنية علا واحد شريطي وايامها كنت غشيم بالقانون ووقعني علا جم ورقه قال هذي تنازل منك عشان نقدر نكتتب بالبطاقات المهم خذيت الفلوس ومشيت
ودارت الايام وراحت
وقبل كم يوم تلقيت اتصال من مكتب محامي من شخص مصري يقولي ان الشخص الي شرا منك البطاقات ايامها كان نازل قانون بمنع بيع البطاقات المدنية وهو توهق شرا منك ومن غيرك والحين ترد الفلوس تقريبا 500 دينار مو شوية لصاحبها ولا نحولك للمحكمة علما ان المصري هذا يقول اني انا موقع على وصل امانة علا بياض واذا وصلت المحكمة فيها سجن او غرامة ضخمة اكبر من المبلغ الي اخذتة ! وانا والله ناسي مادققت بالاوراق الي وقعت عليها

ابي الراي القانوني شنو؟ اقدر احولها المحكمة واقول للقاضي اني فعلا كنت جاهل بعدم شرعيه بيع البطاقات ؟؟ واني مادققت علا الاوراق عدل قبل التوقيع ؟؟ لان والله هذا الي صار وكان فعلا غشامة مني وهل راح يكون في فرصة ان حكمة لصالحي ام ان القانون لايحمي المغفلين علا قولتهم ؟

والله احترت وقلبي يقول رد للرجل فلوسة لانه مااستفاد من بطاقاتك وحرام لكن ماتعتبر هذي نوع من التجارة والتاجر الي شرا مني يتحمل الربح والخسارة فيها بعد ؟

انا فعلا بحاجة لارائكم وتجاربكم القيمة الي بناء عليها راح اتصرف :وردة:

 

ARKAN

عضو فعال
السلام عليكم

وايامها كنت غشيم بالقانون ووقعني علا جم ورقه قال هذي تنازل منك عشان نقدر نكتتب بالبطاقات المهم خذيت الفلوس ومشيت
ودارت الايام وراحت والله احترت وقلبي يقول رد للرجل فلوسة لانه مااستفاد من بطاقاتك وحرام لكن ماتعتبر هذي نوع من التجارة والتاجر الي شرا مني يتحمل الربح والخسارة فيها بعد ؟

انا فعلا بحاجة لارائكم وتجاربكم القيمة الي بناء عليها راح اتصرف :وردة:





مرحبا اخي,انا لست قانوني ولكن ارد على اللون الاحمر

اولا انت كنت غشيم ,ولكن هو ليس كذلك والدليل شراؤه لبطاقاتك والان يطالبك بالسداد عن طريق محامي بعد 6 سنوات


ثانيا شراء البطاقات ممنوع منذ 2004 ولغاية الان , وهو يعلم بذلك


ثالثا تقول حرام هو لم يستفيد منها , ليس ذنبك بل هو حرمك من الاستفادة من الاكتتاب حتى يستفيد هو.ولما لم يستطع يطالبك بارجاع ما اتفقتوا عليه

اخي لا ترد عليه,وعطه طاف من قلب ,لان بيع وشراء البطاقات ممنوع ,فما بني على باطل فهو باطل.




رابعا لاتعودها مرة ثانية
 

مسك الورد

عضو بلاتيني
زميلي كان في موضوع بهالقسم نفس موضوعك تقريبا وبعض الزملاء قالوا انه في مكتب هاذي طريقتة واهو بالاساس ماكو شي
يعني مجرد تصرفات مؤ مضبوطة لاستغلال الناس ماديا
جان زين احد هالزملاء يدخل ويشرح لك التفاصيل
 

ARMOUR ON

عضو فعال
زميلي كان في موضوع بهالقسم نفس موضوعك تقريبا وبعض الزملاء قالوا انه في مكتب هاذي طريقتة واهو بالاساس ماكو شي
يعني مجرد تصرفات مؤ مضبوطة لاستغلال الناس ماديا
جان زين احد هالزملاء يدخل ويشرح لك التفاصيل


ايوالله ياليت احد يحط رابط او علا الاقل اسم الموضوع عشان استخدم خاصيه البحث

كلامكم ع العين والراس بس خاف اطنش فعلا وبعدها اتفاجأ ان علي تبيلغ او منع سفر راح تكون مفاجأة غير سارة ابدا :(
 
أنا بنفس السنة بعت بطاقتين لشريطي حاط إعلان بالصحف ومثلك وقعت على أوراق ما أدري عنها

المهم قبل كم سنة دق علي مصري يقول من مكتب محامي وان الشخص اللي شرا البطايق مني ما قدر يستفيد منهن ويبي يسترد المبلغ اللي دفعه لي

ولد عمي نصحني مثل ما نصحوك الجماعة اهنيه باني اعطيه طاف وفعلا هذا اللي حصل لكن السنة اللي فاتت لقيت علي منع سفر بسبب هالبطايق والمبلغ بدال ما كان ١٠٠ دينار صار ٢٠٤ دينار (اعتقد اتعاب محامي او شئ جذيه) ودفعتهم علشان اشيل منع السفر عني

النصيحة: ما ادري بصراحة، ان عطيته طاف بدال ما تدفع المبلغ اللي اخذته منهم احتمال تدفع اكثر منه اتعاب محامي ومصاريف الخصم

وأما عن بيع البطاقات فاعتقد كان فيه فتوى للشيخ عجيل النشمى بتحريم بيعها

والله المستعان
 
أعلى