تحالف الدقباسي والمويزري !!!

[خالد بن ديلان]

الإعلان عن أول تحالف انتخابي خارج رحم الفرعيات بين المويزري والدقباسي
كتب جنوب السرة

أعلن النائب السابق ومرشح الدائرة الرابعة شعيب المويزري عن أول تحالف انتخابي خارج رحم الفرعيات بينه وبين النائب السابق والمرشح علي الدقباسي، وذلك عبر ترشحهم في قائمة واحدة وفي مقر انتخابي واحد .
 
صحيفة جنوب السرة الالكترونية - الكويت
العدد : بتاريخ: 20/12/2011

© www.janoubalsourra.com


التعليق :

وبداء أول مسامير نعش الفرعيات وبالتوفيق لهذا التحالف

 

[فهد الرشيدي]

الدغباسي طالع ما عليه خوف بس المويزي الله يعلم فيه هالسنه

انا كرشيدي اتوقع فقط 2 ينجحون بالدائره من جماعتنا وسته مطير و2 من الجهراء

الله يوفق الجميع

 

[حومة فكر]

بأذن الله تعالى الدقباسي والمويزري ناجحين
وإن شاء الله ما راح اقصر معاهم وكذلك مسلم ومحمد هايف

كل التوفيق للمرشحين جميعاً ..

 

[كـويتي]

وضعهم سيء جدا ​

القبيلة لن تلتزم بهم ​

ولن يحصلوا على أصوات من القبائل الاخرى ​

والسبب : أن القبائل الاخرى لديها مرشحين ​

وظهرت تحالفات بالجهراء ​

الاصوات بالقطاره ​

الله يعينكم ​

 

[عـــــبدالمــــــلك]

اسال الله لهم التوفيق

 

[بو عبدالله السعيدي]

ضربة معلم ويستاهلون الصوت والله

 

[صريح بالمره]

وضعهم سيء جدا ​

القبيلة لن تلتزم بهم ​

ولن يحصلوا على أصوات من القبائل الاخرى ​

​

انا اشوف ان وضعهم افضل بكثير من غيرهم لان شباب الرشايدة الاحرار سيساندونهم لانهم خير من مثلهم اخيرا​

 

[فهههد]

وضعهم مزري لأن القبيله ماراح تلتزم الا بمخرجات الفرعي وفي احتمال كبير الدغباسي تتسهل اموره لكن الخوف على شعيب

ولو صار ماصار وسقطوا نرجع ونقول هذا جزاء من يخرج من رحم القبيله ثم يتخلى عنها

واذا يحبون اقدر اعطيهم كثير من الامثله الي صارت بنفس الدائره بآخر انتخابين الي اهم 2008 و 2009 من شلعوا بره الفرعي سقطوا ومن ردوا لعبائة الفرعي والقبيله ردوا والحين نفس الموال رد والله المستعان

 

[BeNT JaBeR]

ان شاء الله ينجحون

اشوف انهم كفائه اكثر من غيرهم حتى لو كانوا خارج التشاوريه !

فا حرام نضيع ناس كفائه ..علشان نرضي التشاوريه فقط!

هذي وجهة نظري وانا مسؤووله عنها ..

 

[ابن ابوي]

والله يا اخوان وضع الرابعه متدهور وشكلها بدون فرعي والاعضاء السابقين كفتهم اقوي

 

[محارب]

الله يقطع هالفرعيات اللي تسقط ذيابه وتطلع كمخ

 

[كـويتي]

اتمنى لهم النجاح ويستاهلون ​

والنتائج ستظهر ذلك أن وضعهم سيء ​

جميع القبائل لهم مرشحين ​

يعني منو بيعطيهم غير الرشايده ​

والاقليات ستتوزع أصواتهم على المرشحين ​

أعتقد اذا ماالتزموا فيهم الرشايده ماراح ينجحون ​

وانتوا احسبوها بالعقل ​

بعيد عن المجاملات ​

اعتبره فخ ووقعوا فيه ​

 

[خليجي عربي]

بشرهم بسقوط هذا فخ وطاحو فيه


الدائره الرابعه كلها تسيطر عليها تحالفات واتحداكم احد ينجح الا بدعم من قبيلته او يشتري مثل ما اشترو بعض الاعضاء السابقين


قبيلة الرشايده راح اطلع 4

قبيلة مطير راح اطلع 4

قبايل شمر وعنزه والظفير نفس الحكايه تشاوريات

قبيلة الرشايده ومطير بعضهم راح يلتزم بالاربعه وبعضهم راح يصوتون للخارجين عن التشاوريه يعني الاصوات راح تتشتت

والدوره هذي راح تكون توحيد صفوف القبائل شمر وعنزه والظفير يمكن القطع راح يكون موضة هسنه واتوقع خطر على اللي خارجين عن التشاوريه ...

اتمنى من الدقباسي وشعيب ماياكلون الطعم التشاوريه لو تجرم ترى هذا ظلم طيب الدوائر ليش ماتجرم ويتم تعديلها انا اول مره اشوف ديمقراطيه بدون احزاب ديمقراطيه بدون تشاورية عائله او قبيله ..

القصد منها اضراب اكثر عدد من المعارضين واسقاطهم وهذا اللي حاصل راح تشوفون المجلس القادم الحكوميين ناجحين ناجحين من الدوائر الثانيه هم مركزين على الرابعه والخامسه بس ان تم تخريبها ابشرو بمجلس مو خمه الا رمه