بعد نتائج التشاوريات .. ماهي توقعاتكم عن الدائره الخامسه ؟

Desert Eagle

عضو ذهبي
السلام عليكم .. ،،

امس انتهت جميع التشاوريات .. ما عدا عتيبه

بعد نجاح الداهوم و مناور و بن مطيع والنملان بتشاوري العوازم

والصيفي ونايف المرداس و البرغش و الحويله ( للاسف ) .. بتشاوري العجمان

ماضي الهاجري بتشاوري الهواجر

فهد الغصين بتشاوري الدواسر


نبي رايكم ماهي التحالفات التي سوف تقام

راح يكون تحالف عتيبه دواسر مطران واحتمال عنزه .. ما يبون الهواجر لانهم يقطعون

ومن سوف ينجح ومن يسقط ؟


توقعاتي :

1- الداهوم
2- الصيفي
3-مناور نقا
4-النملان
5-بن مطيع
6- البرغش
7- مرداس
8- ( كرسي للصواغ او الطاحوس .. في حال القطع عن الحويله )
9- ( كرسي لشراي اصوات )
10- ( كرسي لتحالف القبائل .. وتوقعي يكون عتيبي )


حظوظ الصواغ : تعتمد على مؤيدين حدس بالدائره واصوات الحضر والمؤيدين له ( ما اتوقع العوازم يعطونه .. لان العوازم التزام )

حظوظ الطاحوس : تعتمد بالشكل الرئيسي على القطع عن الحويله واصوات الحضر والمؤيدين له


اتمنى ان يكون هناك تحالف :

الصواغ ، الطاحوس ، خالد شخير ، عايض بو خوصه في حال انه فاز بتشاوري عتيبه وان ما فاز تقفل القائمه على ثلاثه

اذا صار هالتحالف ثلاثه منهم راح يفوزون

انتظر ارائكم
 

راكز

عضو بلاتيني
نصيحة انتخابيه للخامسه
ابعدوا عن مخرجات الهواجر والعتبان والسبيعى والحويله والمرى والدبوس والكندرى
العجمان الحين ضمنوا نجاح الطاحوس على حساب الحويله
والعوازم ضمنوا نجاح الصواغ والنملان
مبروك للخامسه بالابطال
الصيفى والنملان والصواغ والطاحوس ود. خالد شخير
 

newhistory

عضو بلاتيني
اولا
اذا حصل توجه من العوازم ناحية الصواغ : اذا كان التوجه كبير سوف يكون الصواغ فى مركز متقدم جدا وقد يكون الاول بفارق كبير ..وهذا قد يعنى سقوط احد مرشحى الفرعى
واذا التوجه له متوسط ينجح فى مركز متاخر .. وكذلك ينجح مرشحى الفرعى الاربعة
اما اذا التوجه له ضعيف او لم يكن هناك توجه لانجاحه داخل العوازم فلن ينجح وسوف ينجح مرشحى الفرعى

العجمان : هناك وضوح فى التوجه القوى نحو الصيفى وعكاش وسوف ينجحان
لا اعرف مدى حظوة مرداس لدى العجمان وكذلك من خارجهم واعتقد ان الحويلة لن ينجح
وجود طاحوس خارج الفرعى يهدده بعدم النجاح وان كنت ارى ان فرصته اقوى بكثير من الحويلة لانه يمثل وجه وطرح شبابى جديد و متميز فى الخامسة
الدبوس ارى نه مؤهل للنجاح- للاسف الشديد
يبقى ان باقى المرشحين يتنافسون على مقعد او مقعدين - بالكثير- فالدائرة شبه مغلقة

اعتقد ان نتائج الفرعيات كانت جيدة و تبشر بالخير ....وان نجح الصواغ و طاحوس - وخاصة طاحوس لان نجاح الصواغ اسهل بنظرى و ممكن جدا -فهى البشارة الحقيقة فى هذه الانتخابات
 

راكز

عضو بلاتيني
الصواغ يمكن يجيب رقم ينافس البراك
للاسباب التاليه
العوازم ماراح يخلونه واللى يقولك خرج من الفرعى خل يستريح كذاب بيعطونه لا يقل عن 15 الف منهم لانه ولد القبيله
6 الاف اهل الفنطاس التزام
5 الاف مطاوعه اسلاميين
8 الاف من مختلف الطوائف الاحرار

اما الطاحوس نفعه نجاح الحويله والاقبال 15 %
بمعنى ان 85% العجمان راح يعطونه
بالاضافه للاحرار من ابناء الدائره لا يقل عن 10الاف صوت
 

المشعان2

عضو بلاتيني
العوازم الاربعه مبروكين مقدما


الصواغ راحت عليه بسبب مخرجات فرعي العوازم كانت طيبه


أما حدس فلاتمتلك أكثر من 500 صوت


الصيفي وبرغش مبروكين وبن مرداس ممكن


الطاحوس مبروك مع وقف التنفيذ


خالد شخير ممكن في حال تاكيد التحالف والالتزام فيه وهذا صعب


يبقى اصحاب المال السياسي


ناصر المري احتمال بسبب وقوف الشيعه +المال السياسي بالذات مع النساء


وتحالفه مع فيصل الكندري وتبادل الحضر مع الاصوات المشتراه


يعني باختصار


الصيفي
برغش
بن مرداس
العوازم الاربعه
الطاحوس
ناصر المري
فيصل الكندري
المطيري
العتيبي
 

نيزك

عضو فعال
توقعاتي,, في أغلب الاحوال (ممتازه)

العوازم مبروك مقدما.. طبعا اقصد الاربعه

العجمان مبروك مقدما. بستثناء الحويله

الطاحوس ناجح والسبب القطع عن الحويله

لقد اخطاء الطاحوس بخروجه عن التشاوري لكن مواقفه وادائه يشفع له عند ابناء عمه

الحويله راح يجيه الفين صوت تقريبا من قاعدته + الف صوت من قبيلته تقريبا وهم من يجامل من اجل الالتزام
+الف صوت قبائل اخرى وهم اهل الخدمات يعني الاجمالي ( 4000 صوت ومع اطيب الحظوظ راح يكون 5000 )
وهذا رقم راسب

الصواغ نجاحه مشروط حسب حالة التحالفات القبليه الاقليه الاخرى

باقي القبائل ان تحالفت على اساس الحصول على اربع مقاعد

لن يحصلو الا على مقعد واحد والسبب هو القطع مابينهم في اللحظات الاخيره

اما ان كان التحالف قائم على اساس الحصول على مقعدين

فسيتم الحصول عليها

اتوقع تحالف ( مطير + عتيبه + اقليات ليس لهم نائب )

والله اعلم,,,,
 

المطيري احمد

عضو ذهبي
اعتقد ان هذي الدائرة كان 60% من نوابها من الفبيضة والأن اختمال كبير تنزل النسبة الى 10او 20%
وهذا يعتبر انجاز طيب
 

راكز

عضو بلاتيني
العوازم لازم يشوفون أليه جديده للتصويت هذه السنه
23الف صوت يقدرون ينجحون ال5
لجنه تجتمع وتعطى اصوات الفخوذ الكبيره للتشاوريه
والفخوذ الصغيره مثلا تعطى الصواغ + 3 من التشاوريه
والله اذا سقط الصواغ يالعوازم مافيكم خير للابد
 

مـتبقط

عضو جديد
كل شي واضح الحين

بالنسبه للعجمان : الصيفي البرغش والمرداس والطاحوس اما الحويله ما راح يعطوونه الا 1300 صوت تقريبا من نتائج الفرعي وهي راحح تكون مثلها بالرئيسي

اما العوازم مخرجاتهم قويه وراح يكوون التزااام قوي بالرئيسي بسبب خروج اللميع و من على شاكلته اما الصواغ ففرصة نجاحة ضئيلة بسبب قوة الأعضاء الي اخرجوهم العوازم والله يوفقه

باقي كرسيين يتنافس فيه

كرسي للقبائل المتحالفه و كرسي للي يدفع اكثر

و سلااام ختاااام ...
 

صوتك يناديني

عضو بلاتيني
بالنسبه للعجمان اشكر كل الشكر الطاحوس لنزوله العام اعطانا حق الاختيار والخلاص من الحويله

لنجعلها بدل الحويله الطاحوس

ويكون مخرجاتنا ٤ احرااااار

والعوازم نفس الكلام

وباذن الله مخرجات الخامسه هالمره بتكون قويه جدا ومشرفه
 

Desert Eagle

عضو ذهبي
انطلاق حملها " بدلها " بتويتر بين شباب العجمان للتبديل بين الحويله والطاحوس

يتم القطع عن الحويله ويروح الصوت للطاحوس


اتمنى نجاح هالحمله


،،

العضو السابق بسطويسي قدس سره ينشر صوره تبين مواقف الرجال واشباه الرجال

 

سعد12

عضو مميز
اذا العجمان ما يبونه وشلون نجح بالفرعي..؟؟؟؟؟؟؟؟:eek:
 

newhistory

عضو بلاتيني
اذا العجمان ما يبونه وشلون نجح بالفرعي..؟؟؟؟؟؟؟؟:eek:
اللى يبونه حضروا وصوتوا له ...ولا تنسى تبادل الاصوات فى الفرعى ..

الفرعى لم يعد مقياس للتوجه العام داخل القبيلة ...

كم اتمنى ان ارى الحويلة فى مؤخرة مرشحى الخامسة ... خاصة وانه لم يعتبر وظن ان كرسيه موروث الى الابد ....

لو انه ليس مغرورا فعلا ... كان ما غامر , على الاقل ينزل اخوه او ولد عمه ... مو يتحدى الناس فى هذا الوقت بالذات ...
 

يامتكتك

عضو فعال
شخصيا لم اتوقع تغير 100% وتمنيت على الاقل ان يكون التغير 50% ولله الحمد مخرجات الفرعي هذه المره تبشر بخير بستثناء شخص واحد وبأذن الله العجمان ماهم مقصرين فيه بالرئيسي وحملة بدلها تنجح
 

newhistory

عضو بلاتيني
اتوقع والله اعلم
4 عوازم
4 عجمان
مطيري
هاجري
وانا ارى انه احتمال ضعيف ...والاحتمال الاقوى :
5 عوازم
3 او 4 عجمان
الدبوس
ومقعد يتقاتل عليه الباقون ....
 
وانا ارى انه احتمال ضعيف ...والاحتمال الاقوى :
5 عوازم
3 او 4 عجمان
الدبوس
ومقعد يتقاتل عليه الباقون ....
ستبدي لك الايام ما كنت جاهلا
صدقني راح يكون 4 عجمان 4 عوازم ومطيري والعاشر بين عتيبي وهاجري
 

ولد عطا

عضو مخضرم
العوازم لازم يشوفون أليه جديده للتصويت هذه السنه
23الف صوت يقدرون ينجحون ال5
لجنه تجتمع وتعطى اصوات الفخوذ الكبيره للتشاوريه
والفخوذ الصغيره مثلا تعطى الصواغ + 3 من التشاوريه
والله اذا سقط الصواغ يالعوازم مافيكم خير للابد
راكز حنا فينا خير قبل يخلق الصواغ ماله داعي تقول مافيكم خير خلك في أصل الموضوع بارك الله فيك
 

ليبرالي^^مستقل

عضو مميز
التوقع الاكثر منطقيه من وجهة نظري

_ 4 عوازم من مخرجات الفرعية كونهم مدعومين من القبيله
_ 3 عجمان من مخرجات الفرعيه وهم الصيفي والبرغش وبن مرداس كونهم محبوبين من القبيله ومواقفهم تبيض الويه ومشرفه
_ عصام الدبوس بفلوسه

بقى مقعدين وراح تكون المنافسه حاميه بينهم وهم:

_ الطاحوس بسبب الاصوات الي راح تقطع عن الذليل وتصب عليه + الاصوات من برا القبيله بسبب مواقفه المشرفه
_المري عاد شلون مادري!! بس الانتخابات الي طافت حصل على 10 تالاف صوت شلوووون همن مادري !!
_ الصواغ بسبب انه راح ياخذ من فخذه ومن عدد طيب من القبيله نتيجة مواقفه المشرفه + عدد جيد من برا القبيله

_ مطيري او عتيبي او هاجري وتعتمد على حسب التحالفات فإن تحالفوا جميعا اتوقع واحد او اثنين فيهم راح يفوزون ويمكن محد يفوز فيهم بعد

ومن بعيييد لييي بعيييد ممكن الحميدي السبيعي وفيصل الكندري والحويله
 
أعلى