سؤال وجواب فـــزعتكم يعيال ديــرتي..!

[ALTABOT]

السلام عليكم ورحمة الله وبركاته

اخواني وخواتي ابي فزعتكم الموضوع ودي اسوي منظار للمعده والقالون..؟

ومدري وين اسوي وخايف اسويه بمستشفى الجهراء ..؟؟؟

ودي بدكتور شاطر وابي احسن دكتور للجهاز الهضمي بخبرتكم..؟

وشرايكم بالدكتور / انور العنزي..؟؟؟

حيث اني رحت لكذا دكتور وفوق 3 الاف دينار شفطو مني والعوض على الله ؟؟

تكفون انصحوني وين اروح وشنو اسوي..؟​

 

[قاز]

أسال الله يشفيك ويلبسك ثوب الصحة والعافية اللهم آمين

اللهم إنا نسألك أن تشفي جميع مرضى المسلمين يا رب العالمين

اخوي الغالي للاسف ما اعرف بس الاخوان ما يقصرون معاك كلهم خير وبركة

 

[تأبط خيرا]

الله يشفيك ويلبسك لباس العافية
​

 

[جواهر*]

وعليك السلام ورحمة الله

اول شيء شافاك الله وعافاك وابعد عنك كل شر

ياخوي وكل امرك لله ولاتخاف وتبالغ المنظار امره بسيط وسهل بعون الله

بتسويه وانت مخدر ومنت حاس بشيء
والدكاترة بالجهراء ولا غيره فيهم المهرة والخبرة وفي العكس

ويسر الله امرك

 

[ابو شووق]

جهاز هظمي مساعد العصفور وبس بالكويت هذا رائي تلقاه بالشعب البحري علي مااذكر وسالفة المنظار تراها سهلات انا سويتهامعده اكثر من 4 مرات وقولون عد وخربط وجربت مستشفي الجهره وثنيان الغانم ومبارك الكبير ومارتحت الا عند مساعد العصفور ايام ماكان عيادته بالبرج الاخضر علي البحر

بس نصيحة انحش عن مستشفي الجهرة يخرب بيتهم مراجعة 6 شهور ومناظير معده وقولون واشعة ملونة واشعة مقطعية وزراعة قطع من المعده والقولون واخرها اشتباه سرطان والدكتور توهق ويبي الفكة مني اخر شي يقولي نصيحة خذ تحاليلك وسافر بره اشكره تصريفة وبعدها رحت للعصفور مراجعة 10 ايام وقالي لاسرطان ولابطيخ التهابات قولون (كرونز) وعلاج دائم وسلامتك

علي فكره منظار القولون يمكن تصحي بنص المنظار قول للدكتور اذا صحيت كمل ماتسوي عليك يحطلك موعد ثاني اما المعده ماتصحي الا بالبيت وتحس بعده بعوار خفيف بالبلعوم
​

 

[مساعد الناس]

اسال الله رب العرش الكريم ان يشفيك ويعافيك من اي مرض وان احتجت لاي شي كلمني وابشر باي شي

 

[JustSmile]

الله يشفيك و يعافيك و يرزقك
نصيحه لا تكبر المواضيع
و استخير و اتكل على الله
و اذا على الدكتور الدكاتره و اجد
اسال اللي تعرفهم ترى واجد سووا عمليه المنظار هذي

​

 

[بومحمد33]

اخوي
المنظار مايحتاج بروفسور عشان يسويه

الموضوع عادي ، راح يخدرونك وتحلم انك فوق الغيم ، والطبيب راح يشوف بكامرا يعني لو في شي مو مضبوط راح يبين، وياخذ عينة عشان يسويلك تحليل الجرثومه ان وجدت .

انا سويتها مرتين والموضوع سهالات

بس اخذ معاك احد يردك البيت عقب ، لأنك بتكون مخدر ولا راح تذكر شي

وسلامات

 

[الكرملين]

مساعد العصفور شاطر بسونار المعدة ماتحس بشي كلش

 

[مجرد انسان]

انا سويت عند الدكتور مساعد العصفور وما حسيت باي شي
التكلفة الاجمالية لفتح الملف وكل شي اقل من 300 دينار​