عاجل ... منحه للمواطنين رصد لها اكثر من 5 مليار دينار

[National Socialist]

5 مليار

خلهم يبنون فيها 4 جامعات و 10 مستشفيات و يعدلون الشوارع

مااااااانبي منحه ياكلونها التجار

يبتها عالجرح يا الحبيب.

الحمد لله ماكو كويتي يوعان ولا مشرد

هالميزانية اللي تنرصد للمنحة خل يبنون فيها شوارع و مدن و بيوت و مستشفيات و جامعات والله ابرك للديرة و انفع

ما نبي المنحة لنا، نبيها للكويت

 

[عبدالله الثامن]

عاد ان صج سووها تصيير خبال

عندكم فلوس طوروا مرافق البلد و فكونا من شركم

الصيف الجاي ازمة جامعية جديدة و السبب ان عندنا جامعة وحدة

هذا غير زحمة الشوارع اللي راح اتضاعف

ياااا الله

الواحد متى يطلع من البيت على جذي

الحين نطلع 6 ومانلحق

يعني السنة الجاية نصلي الفجر بالجامعة

و ازمة دكاترة ، مو راضيين يجيبون دكاترة

ياا الله !!! الوضع مأساوي

مانبي منحة ، كثّر الله خييير الكويت

نبيها عماار وتعمييير

اخت عصاميه البلد بخير واموالها تنهب وياكلها اشخاص لايتعدون اصابع اليد الواحده والقدره الماليه هائله ويقدرون يعطون الشعب ويبنون 10 جامعات و10 مستشفيات وغيييره من الامور اللى تختص بالبلد وبالتنميه اللى ضاحكين علينا فيها ولو اعطوا الشعب 5 مليار او 10 مليار مافيه مشكله باختصار ياحكومه عطى الشعب واهتمى بالبلد وبقية الاموال حافظوا عليها ولاتتركونها للحراميه ينهبونها ​

 

[bujassim]

اسقاط القروض 3 مليار نقول

2 مليار منحه 2000 دينار


37 مليار رصدوها وماشفنا تنميه

بنشوف تنميه بال5 مليار


هيهاو

 

[سبع]

الله. كريم. وفره. ماليه. كبيره. جدا. ويستاهل. الشعب. كلً خير.
نبي. يسددون. القروض. ويعطون. منحه.
وهم. الاموال. كثيره. يقدرون. يسون. الكويت. احلي. واحسن. دوله. بالخليج. والعالم
مافي. فلوس. هذي. اسطوانه. يرددها. لصوص. المال العام. للضحك. فيها. علي. العامه. والجهلاء من الشعب
للاستئثار بمقدرات. واموال. الشعب.
الكويتي. يستاهل. كل. خير.

 

[وين نروح]

الأمير كريم والشعب يستاهل ​

 

[فحل مطير]

5 مليار لدعم مرشحين الحكومه بالانتخابات وليست لنا

اعتقد ان الفساد لا زال موجوداً​

 

[حومة فكر]

الفساد موجود ليوم الدين

والله يستر بعد سنتين راح تتدهور الاوضاع

 

[مربع برمودا]

للحين مصدقين هالسوالف!!!

 

[صخب أنثى]

اسقاط القروض هو الأهم نبي عيالنا تحرر معاشاتهم


ان شاء الله الخير صحيح =)

 

[zarat]

ان شاء الله حكومة الشيخ جابر المبارك تسوي اللي ما سوتة حكومة الشيخ ناصر وتسقط جميع القروض عن المواطنين بالنهاية الفلوس حق البنوك واتوقع السوق راح ينتعش واللي مو ماخذ قرض يعطونة منحة بقيمة 10 الف دينار

 

[kuwait_q8]

السلام عليكم

اللي يقرأ الردود يقول هذا شعب مشفوح ما عنده لقمة عيش ونايم عالرصيف !!!! فشلتونا والله
اولا الخبر مافيه مصدر صحيح و معلوم وواضح ورسمي
ثانيا تبون منحة عشان التجار يزيدون الاسعار للدبل وما تنزل هالاسعار بعد المنحة ولا احد يقدر يبطل حلجه عليهم عشان تنزل الاسعار , الحكومة اساسا ما تقدر على التجار وعلى ارتفاع الاسعار والبعض يبي منحة لمجرد انه يشبع غريزته بالمال ولا يفكر ان التجار الجشعين قاعدين امبطليعن حلوجهم ويغرفون من فلوس الديرة من مناقصات و من فلوس المواطنين من زيادة رواتبهم و من المنح اللي قاعدة توصلهم .

اذا كان هالخبر صحيح او غير صحيح فإحنا نبي تنمية بشرية و ادارية
نبي انشوف البلد منظم و القانون يطبق عالكبير قبل الصغير
نبي انشوف هالفلوس اللي مو عارفين وين يودونها اتكون في مكانها الصحيح مثل التعليم والصحة و توعية الناس بان هذه البلد دائمة مو مؤقته , على قولة البعض خل انعيش يومنا و نستانس بفلوسنا .
هل في احد فكر اشلون يعمر البلد بإخلاصه بالعمل وتفانيه في انجاز معاملات المواطنين في الوزارات ؟
هل فيه احد فكر انه يعمل بإخلاص لبلده بدون ما يتمارض و ما يدوام لتسهيل امور مواطنينه ؟
هل فيه احد فكر انه يخلص فيه عمله ويداوي الناس بشكل صحيح او انه يعلم الاجيال القادمة بشكل يفخر به بدل ما البعض يودي عياله مدارس خاصه عشان يأخذون تدريس صحيح ؟​

 

[بو عبدالله السعيدي]

مشفوح وبس
موضوع انكتب بتاريخ 22 1 2012
صارله 4ايام وعدد المشاهدات
تجاوز 8000​

 

[مستشار الوطن]

الاخوه الذين يقولون انهم لا يريدون منحه بل يريدون تطوير وانجاز
كانت الميزانيه 92 مليار دينار فلم نرى اي تطوير واي انجاز
والان تناشبوننا على 5 مليار يفكرون يصرفونها منحه لنا
اذا تبرعو بمنحتكم لصندوق الاجيال ودعو منحتنا لنا
سبحان الله البعض اصبح شريف

 

[عـــــبدالمــــــلك]

الله. كريم. وفره. ماليه. كبيره. جدا. ويستاهل. الشعب. كلً خير.
نبي. يسددون. القروض. ويعطون. منحه.
وهم. الاموال. كثيره. يقدرون. يسون. الكويت. احلي. واحسن. دوله. بالخليج. والعالم
مافي. فلوس. هذي. اسطوانه. يرددها. لصوص. المال العام. للضحك. فيها. علي. العامه. والجهلاء من الشعب
للاستئثار بمقدرات. واموال. الشعب.
الكويتي. يستاهل. كل. خير.

:إستحسان::إستحسان::إستحسان: