غلطة العازمي بألف!

Aragon

عضو ذهبي
ما انصدمنا من النتيجة اللي صارت، كالعادة فوز للشيعة وجم مقعد للحضر.. عموما 4 مقاعد جيدة جدا بل ممتازة!

الآن.. شنو غلطة العوازم؟!

من وجهة نظري إن نزول مخلد + المحيلبي + الهدية.. كان ماله داعي من الأساس!

مخلد والمحيلبي ماجابوا اصوات.. وبالنسبة لمخلد لا بأس بسبب فضية "القبّيضة" أما بالنسبة للمحيلبي "فشلة" خاصة انه وزير سابق وله مكانته..

الهدية مافي عليه اي كلام لكنه كان عضو بالمجلس البلدي اساسا.

لكن المطلب بالدائرة الاولى هو : تجديد الدماء.

د.الشريعان: رجال زين.. بس ليش ما يجي دواوين سلوى؟ لا أخفيكم انه حصل على تأييد من النساء.. لكن عازمي وسمعتك بسلوى مو قوية عيل ليش نازل؟

الوسمي: الوسمي زين لكن مشكلته هادي بكلامه و اللي يقولون عنه ليبرالي "وبعض العوازم مايبون ليبرالية"، عموما سواء كان ليبرالي او غيره مو مهم.. المهم ان سمعة ابوه اثرت عليه وأعتقد سلبا مو ايجابا. الكبار بسلوى مايحبون ابوه.

الحريص: من 93 ينزل بالانتخابات.. والنتيجة؟، حقيقة ما ادري ليش كل مرة ينجح ويقرب من الفوز ومايفوز.. احد عنده خبر؟

الهيم: رغم اني اشوف فيه رجل ممكن ينجز ويبدع بمجلس الامة، الا انه ما اشتغل من فترة طويلة على نفسه -بمعنى ان الناس ماكانت تدري انه بينجح- وما سوّق لنفسه عدل

الداهوم والرشيد ما اشوف عليهم شي.


كنت أتمنى لو العوازم طلعوا بقائمة، وكنت اتمنى اكثر ان اللي كاشتين يحدرون ويصوتون، سمعت ان عدد كبير من العوازم سافر وقت الانتخابات وان اللي صوتهم نسبتهم مو عالية.. ما ادري! لكن.. كنت اتمنى اني اشوف مقعدين عالاقل للعوازم.. والحين مالهم ولا مقعد!

العوازم اما انهم يتعلمون وعموما راح ينحل المجلس بفترة وجيزة (دام فيه الفضل والجويهل وعبيد والمسلم -يعني شعللها). واما انهم يعاندون وراح يكررون نفس الغلطة

اتمنى من العوازم انهم يستفيدون من الخسارة اللي حصلت ويعيدون حساباتهم.

العوازم فيهم رجال يستحقون انهم يمثلون الامة لكن سوء التخطيط والعدد الكبير اهم اللي خربوا عليهم
 
فعلا من المفروض ان العوازم لهم على الأقل 3 مقاعد
هذا من ناحية تحالفهم مع تشكيلات الدائرة
ولكن كثرتهم وعدم تزكية 4 على الأكثر السبب الرئيسي
والسبب الثاني اعتقد تبديلهم مع الشيعة ولكن الشيعة قطعوا عنهم بعض الأصوات​
ويا خبر اليوم بفلوس بكره بلاش
 

newhistory

عضو بلاتيني
النتائج واضحة بالنسبة لهم ...
اذا يبون عوازم فى المجلس , يزكون الحريص و الوسمى , ويبحثون عن تحالف مع اثنين
 

jassem

عضو مخضرم
الانتخابات القادمه راح اصوت وادعم الحريص .. واصراحه الريال متعاطف معاه .. من سنين واهو ينزل نفسه وله مره فااز ... وخصوصا انه محامى .. وانا افضل التصويت للمرشحين المحاماه ..
 

جريمبه

عضو فعال
عجبتني ردور ومن هل الردود تعاطف كل الي صار انه وصلنا رساله للعوازم من غير الحضر مالهم شي ومنها يسنعون مخرجاتهم سهله كانت الامور والحمدالله اربع مقاعد كلهم اكفاء انشالله ولا في قصور اباحد بس هذا الي صار
 
أعلى