طيران الجزيرة ناجحين بكل شي
الا الكراسي الضيقه ياخي حتى الدرجة الاولى الي تدفع سعر التذكرة فيها دبل
ست كراسي ضيجة تقول محكر حمام
واذا الي جدامك رد كرسية شوي عليك معناها قطع عنك الماء والهواء وشل عنك الحركة
تشغل التكييف مافي فايدة ماكو اوكسجين
اللهم الاكل تطلب وجبات كثر ما تبي مجاناً
وسماعة ام ربع دينار يعطونك مجاناً
وبس
تصلح للاكيلة واصحاب الاوزان الثقيلة
خدماتهم داخل الطيارة صفر صراحة
وقاعتهم الماسية حقت الفي اي بي بالمطار اقل من عادية
ياخوك دولياً الطيران البريطاني واقطع
وعربياً طيران القطرية و بس
الجزيره بدت صح بس بدت تخورها بالفتره الاخيره
الحلو فيها انها تسوي عروض ومرات تكون رخيصه ما ادري اذا لازالت مستمره اذكرها لمدة ساعه ...وحتى بين فتره وفتره تنزل عروض تسوى الصراحه
واتوقع اللي زادها شهره انها الوجهات اللي تروح لها اساسيه مثل دول الوطن العربي وخصوصا"بيروت " و "والقاهره " ودول الخليج وتحديدا "جده" "ودبي " وتقريبا اغلب الكويتين والطلبه رايحين رادين طول السنه يعني ماكو موسم معين ..<وهذي نقطه مهمه >
والحلو مواعيدها بالتااااااايم ماتتاخر مثل الكويتيه اللي تشلع القلب ...
بس تالي صكت عليها الوطنيه بصراحه كانت مميزه كله ولا الاضائه البنفسجيه <لاعبينها من الناحيه النفسيه صح> حق اللي يخافون من الطيارات . اللي اذكره انه الوطنيه ماوقفت علشان افلاس لا كانت المشكله باسعار الوقود ..وايضا كان لها شرط احتكار وجهه معينه اذا مو غلطانه ووقفت بس قبل تفلس ..
خل أشرحلك:
1- كل طياراتهم نوع واحد، وطيارينهم مدربين على هالنوع.. فإنت تقدر تخلي اي واحد من طيارينك يسوق اي وحدة من طياراتك
2- الطيارة ماتقعد بالارض نص ساعة، وعلى طول تطير، يعني رحلات وايد بطيارات قليلة (مستغلين طياراتهم صح)
3-الاسعار منافسة، وطريقة الحجز سهلة عن طريق الانترنت، يعني بالعربي رخيص وتحجز وانت بمكانك
4- ومثل ماقال الاخ اللي فوقي، اختاروا اكثر الوجهات اللي يتجهون لها الكويتيين + تكون قريبة.
5- عدد الموظفين شوية، ماعندهم تضخم مثل الكويتية!!، يعني في تركيز بالشغل وموزعين المهام والوظايف صح.