سؤال وجواب بنك بوبيان

BMW

عضو ذهبي/ الفائز الثاني بالمسابقة الرمضانية لعام 1
اخواني الاعزاء ،،،،

منو يعرف بنك بوبيان ؟
شلون معاملته للعملاء؟
هل هو اسلامي كما نسمع؟
هل فروعه كثيرة خصوصا في العاشرة؟؟
وماهي الطريقة اذا ابي احول عليه علما ان
عندي اقساط سيارة على التمويل؟؟

شكرا
 

meshal

عضو بلاتيني
أنا في بيت التمويل وعن طريق بوبيان اخذت جهاز كي نت . من مراجعاتي لهم أأكد لك إن الموظفين بيترجونك لفتح الحساب عندهم . وياني ضحكت على موظفينهم . كويتي ويقط نفسه على كويتي !! مو لايقه :D
ولا متعودين على هالسالفه . اول ما فتحت حساب طلبني وحن علي اقط فيه فلوس .. قتله حاضر وعلى شانك وانا بعد أستنتجت ان المدير ضاغطهم وان هالمسيكين يبي معاملة تكون بإسمه وتحسب من شغله.
الشاهد اخوي طولتها عليك .
البنك منافس للتمويل ومن قراءتي لخدماتهم حسيت اني بالتمويل .
بخصوص المديونية يدبرونها لك عادي وراح يضبطون شغلك .
 

بدركوم

عضو مميز
راتبي علي بنك بوبيان الاحمدي وبخصوص موظفينهم أخذها مني ضايعين وتنقصهم معلومات واهم شي عنده تبطل حساب باسمه وبعدها روح دبر حالك ، بخصوص فروعهم عندك الفحيحيل والاحمدي جديد والاخير مجمع البيرق وهذا أسوء مدير وموظف مرو علي وكنت علي وشك إغلاق حسابي لولا ذهابي فرعهم الاحمدي

ميزتهم فيزا اول سنة بدون رسوم ويدون فوائد و مسجات اول سنة مجانا وبعدها دينارين والفرع فاضي

ونصيحة موظف بنك يتفلسف علي راسك ولا يعطيك معلومات غلط علطول المدير واذا شفته مثل طينته احلي شكوى بتلفون تلقي مدير يصب لك جاي وقهوة وكلامي علي جميع البنوك
 

عبدالله .

عضو بلاتيني
السلام عليكم
انا موظف بنك بوبيان :)

إن شاء الله اقدر افيدك

بدايةً حبيت اصحح لأخوي حقوقي كلامك غير صحيح الشماغ مو ممنوع وعلى مسؤوليتي تعال عندنا الفرع بتشوف احد الزملاء يومياً يلبس شماغ
منع الشماغ في بيت التمويل فقط

بالنسبة لأسألتك ياخوي BMW

شلون معاملته للعملاء؟

معاملة طيبة إن شاء الله وتختلف من فرع لفرع هذا شي معروف بكل البنوك مو بس بوبيان
هل هو اسلامي كما نسمع؟

نعم إسلامي قائم على الأرباح البيعية الثابته وليست الفائدة
هل فروعه كثيرة خصوصا في العاشرة؟؟

نعم في 20 فرع وبالعاشرة عندك فرع الأحمدي والفحيحيل وبمجمع البيرق
وماهي الطريقة اذا ابي احول عليه علما ان
عندي اقساط سيارة على التمويل؟؟
ماتقدر تحول إلا إذا سكرت التزامك واخذت براءة ذمة من بيت التمويل تقدر تحول السيارة مؤقتاً على شخص وتطلب براءة ذمة ولما تحول ترد تحول السيارة على ذمتك في بيت التمويل وتطلب استقطاع على راتبك في بوبيان


حسابات الراتب عندنا متعددة

راتب تحت الـ 1000 د.ك اسم الحساب ( حياك )
راتب فوق الـ 1000 إلى 1999 اسم الحساب ( وياك )
راتب فوق الـ 2000 اسم الحساب بلاتنيوم

جميع الحسابات تستلم بطاقة السحب الآلي بنفس اليوم
وبحال حولت راتبك وطلبت فيزا تستلمها بنفس اليوم بعد
خدمة المسجات مجانية اول سنة وثاني سنة 2 د.ك
لك تأمين شامل على السيارات الجديدة خصم 50 %
لك تأمين شامل على تأمين السفر الصحي خصم 50 %
فيزا مجانية من غير رسوم لأول سنة عبارة عن فيزا دفع كامل او اقساط

ارباح سنة 2011 للودايع هو 2.22 % والتمويل 1.7 %

واي سؤال انا حاضر
 

عبدالله .

عضو بلاتيني
مساء الخير :) شلون حسابات التوفير عندهم؟ سمعت أرباحهم شهرية و نص سنوية بس شي مرتب في احد يفيدنا بمعلومات اكثر بليز؟ شكرًا

مساء النور
حساب التوفير ارباحه شهرية تحسب عالرصيد اليومي
ارباح التوفير غير معلومة
 

حـقـوقـي

عضو مميز
هلا عزيزي عبدالله.

مصدري تعميم وزع سنة 2008 وقرأته شخصيا فيما يخص ملابس الموظفين والموظفات و ركز على اللبس الرسمي الغترة أو الشماغ الابيض او البدلة، مع منع الموظفات من التبرج المبالغ فيه والتنانير القصيرة والجينز او العبي الضيقة حتى وقتها اثار نفس هذه الضجة المثارة ضد التمويل حاليا :)

عموما انت ادرى بالتأكيد فأعتذر لايراد المعلومة و ربما النظام تغير.
 

عبدالله .

عضو بلاتيني
هلا عزيزي عبدالله.

مصدري تعميم وزع سنة 2008 وقرأته شخصيا فيما يخص ملابس الموظفين والموظفات و ركز على اللبس الرسمي الغترة أو الشماغ الابيض او البدلة، مع منع الموظفات من التبرج المبالغ فيه والتنانير القصيرة والجينز او العبي الضيقة حتى وقتها اثار نفس هذه الضجة المثارة ضد التمويل حاليا :)

عموما انت ادرى بالتأكيد فأعتذر لايراد المعلومة و ربما النظام تغير.

هلا بالعزيز حقوقي
انا بالبنك من سنة ونص تقريباً ابداً ماسمعت بهالقرار دام قريته في 2008 يمكن كان مطبق حزتها وبالنسبة لما ذكرت فهذا شي معروف في البنوك في قوانين ضابطة للملابس وهي للذوق العام واسمها dress code يعني للحريم مثلاً مايصير يلبسون الوان فاقعة وبالنسبة للرجال مايلبسون جنز او ملابس غير رسمية
 

مسك الورد

عضو بلاتيني
مساء النور
حساب التوفير ارباحه شهرية تحسب عالرصيد اليومي
ارباح التوفير غير معلومة

شكرًا على سرعة الرد :) بما انه الحساب توفير ابي احط المبلغ بدون ما احركة الا كل شهر او شهرين. هل في مشكلة او عادي؟ شنو اجراءات فتح حساب توفير والمبلغ اللي لازم يكون متوفر لفتح الحساب؟ شكرًا راح ازوركم قريب ان شاءالله.
 

عبدالله .

عضو بلاتيني
اخ عبدالله


انا سمعت بأن بنك الكويت الوطني مستحوذ على إدارة بنك بوبيان


هل هذا الكلام دقيق ؟

ياهلا والله
البنك الوطني يملك حصة كبيرة من الاسهم
وإداريي بوبيان خليط من موظفين سابقين من عدم بنوك منهم اكيد موظفين من البنك الوطني
بس آلية العمل هي إسلامية بحتة
شكرًا على سرعة الرد :) بما انه الحساب توفير ابي احط المبلغ بدون ما احركة الا كل شهر او شهرين. هل في مشكلة او عادي؟ شنو اجراءات فتح حساب توفير والمبلغ اللي لازم يكون متوفر لفتح الحساب؟ شكرًا راح ازوركم قريب ان شاءالله.


العفو اختي مافي مشكلة بعدم تحريك الحساب بس لاتزيد المدة عن 6 شهور ومن ثم يتجمد الحساب وتضطرين لإعادة تحريكه بالفرع بعمولة 5 د.ك
المبلغ اللي لازم يكون متوفر 50 دينار وماتكون محجوزة
العفو وحياج الرحمن
 
اخوي عبدالله الله لا يهينك

انا بحوّل حساب الراتب لـبنك بوبيان

وابيك تعطيني وتوجزلي الحوافز والمغريات اني احول حسابي عليكم



بالعربي انا على طريف بهج عن التمويل وابيك تدقني سلف :p

 

عبدالله .

عضو بلاتيني
اخوي عبدالله الله لا يهينك


انا بحوّل حساب الراتب لـبنك بوبيان

وابيك تعطيني وتوجزلي الحوافز والمغريات اني احول حسابي عليكم


بالعربي انا على طريف بهج عن التمويل وابيك تدقني سلف :p

هلا بـــ سطام
شوف طال عمرك
حساب الراتب فيه مميزات
1- فيزا مجانية بدون رسوم للسنة الأولى تاخذها بنظام الاقساط او نظام الدفع الكامل
2- خصم على التأمين الشامل للسياراة الجديدة 50% ( مرة وحدة )
3- خصم على تأمين السفر الصحي 50%
4- خدمة المسجات مجانية للسنة الأولى والسنة الثانية بـ 2 د.ك
5- استلام بطاقة السحب الآلي مع فتح الحساب
6- فيز بوبيان ماعليها اي ارباح إضافية
7- بالنسبة للمرابحة فنسبتها اقل من بيت التمويل ونسبة خسارة التاجر بعد اقل من بيت التمويل
8- تأمين دين مجاني على المرابحة يعني بحال الوفاة لاسمح الله يطيح الدين كامل
9- التمويل الصحي بين 2000 حتى 5000 بحد اقصى 36 شهر بدون ارباح
 
هلا بـــ سطام


شوف طال عمرك
حساب الراتب فيه مميزات
1- فيزا مجانية بدون رسوم للسنة الأولى تاخذها بنظام الاقساط او نظام الدفع الكامل
2- خصم على التأمين الشامل للسياراة الجديدة 50% ( مرة وحدة )
3- خصم على تأمين السفر الصحي 50%
4- خدمة المسجات مجانية للسنة الأولى والسنة الثانية بـ 2 د.ك
5- استلام بطاقة السحب الآلي مع فتح الحساب
6- فيز بوبيان ماعليها اي ارباح إضافية
7- بالنسبة للمرابحة فنسبتها اقل من بيت التمويل ونسبة خسارة التاجر بعد اقل من بيت التمويل
8- تأمين دين مجاني على المرابحة يعني بحال الوفاة لاسمح الله يطيح الدين كامل
9- التمويل الصحي بين 2000 حتى 5000 بحد اقصى 36 شهر بدون ارباح


اخوي بخصوص البطاقه كم يوم على ما استلمها
والمسجات المجانيه هل استطيع ان ادفع مقدم بواقع 20 دينار على 10 سنوات
والتأمين الصحي مافهمتها للحين

اما باقي النقاط شبه مفهومه

ولاهنت ياخوي
 

عبدالله .

عضو بلاتيني
اخوي بخصوص البطاقه كم يوم على ما استلمها

والمسجات المجانيه هل استطيع ان ادفع مقدم بواقع 20 دينار على 10 سنوات
والتأمين الصحي مافهمتها للحين

اما باقي النقاط شبه مفهومه


ولاهنت ياخوي

البطاقة بنفس اليوم تستلمها هذا المفروض واللي دايماً يصير احياناً يصادف في خلل فيقولك الموظف مرنا نهاية الدوام او ندق عليك او تعال ثاني يوم بس المفروض تستلمها بنفس اليوم
المسجات مادري بصراحة إذا تقدر تدفع الرسوم لمدة 10 سنوات بشكل مقدم اول مرة انسأل هالسؤال بس ياخوي خلها سنوية يامن يعيش ليش تدفع مقدم وهي كلها دينارين :)
التأمين الصحي هذا خاص بتأمين السفر الصحي
لما تسوي فيزا شنغن مثلاً لازم تسوي تأمين صحي علشان تسوي الفيزا فهالتأمين عادةً تسويه عند البنوك فهالتأمين لك خصم عليه 50%

ولا انت ياخوي واحنا بالخدمة
 

بدركوم

عضو مميز
للأمانه الزميل عبدالله ساعدني عندما حصلت مشكلة لي مع تعامل البنك وكان اكثر معرفة من الشخص الى فتح حسابي

اما بخصوص استفسار الزميل سطام فهو يريد 20 دينار من اجل 10 سنوات للمسجات في حال ان اتخذ البنك سياسة بيت التمويل والوطني " وهذا شي مو مستبعد " وجعل المسجات بـ 10 دينانير فتصبح 100 دينار لمدة 10 سنوات

تفكير اقتصادي بحت بس مايدري الواحد يعيش 10 :)
 

عبدالله .

عضو بلاتيني
للأمانه الزميل عبدالله ساعدني عندما حصلت مشكلة لي مع تعامل البنك وكان اكثر معرفة من الشخص الى فتح حسابي

اما بخصوص استفسار الزميل سطام فهو يريد 20 دينار من اجل 10 سنوات للمسجات في حال ان اتخذ البنك سياسة بيت التمويل والوطني " وهذا شي مو مستبعد " وجعل المسجات بـ 10 دينانير فتصبح 100 دينار لمدة 10 سنوات

تفكير اقتصادي بحت بس مايدري الواحد يعيش 10 :)

مشكور ياخوي وشهادتك اعتز فيها :وردة:
بالنسبة للمسجات البنك ماله نية يرفع تسعيرة هالخدمة ابداً
فتطمن إن شاء الله
 
للأمانه الزميل عبدالله ساعدني عندما حصلت مشكلة لي مع تعامل البنك وكان اكثر معرفة من الشخص الى فتح حسابي

اما بخصوص استفسار الزميل سطام فهو يريد 20 دينار من اجل 10 سنوات للمسجات في حال ان اتخذ البنك سياسة بيت التمويل والوطني " وهذا شي مو مستبعد " وجعل المسجات بـ 10 دينانير فتصبح 100 دينار لمدة 10 سنوات

تفكير اقتصادي بحت بس مايدري الواحد يعيش 10 :)

اي والله ياخوي أخاف بعدين يصدمونا ويرفعون سعر خدمة الرسائل مثل البنوك الاخره على الأقل اضمن خدمة الرسايل ماشيه 10 سنوات ولا راح احد يحجني فيها والأعمار لا يعلمها الا الله هذا ما يمنع انه نفكر ونضع خطه بعيدة المدى :eek: والا شرايك انت ؟؟
 
مشكور ياخوي وشهادتك اعتز فيها :وردة:

بالنسبة للمسجات البنك ماله نية يرفع تسعيرة هالخدمة ابداً

فتطمن إن شاء الله


ولا تهون ياعبدالله

من ناحيتي انا البنوك والشركات التجاريه ماعندي ثقه فيهم ابد واذا حشرتهم بالكلام يصدمونك ويقولون لك فيه بند اول ما وقّعت بالاوراق ان من حق البنك رفع القيمه الماديه التي يراها مناسبه , اهم شي انك تقرا البنود اللي خلف الورقه اللي وقعت عليها وأعلم انك راح يصيبك العجب منها بس شتسوي حكم التجار على الفقاره الغلابه
 
أعلى