الشمالي : زيادة الرواتب خلال أسبوعين الشمالي : زيادة الرواتب خلال أسبوعين الشمالي

حـقـوقـي

عضو مميز
خلاص انت لي يتلك زيادة ردها حق ميزانيه الدولة قولهم مابي زيادة مشكورين ابي قانون مهم :)


اهم شي تطيح القروض ويرد اقتصاد الديره وتقدر الناس تشتري حاجياتها ذبحتهم الديووووون

القانون المهم هذا يكفل لك الحد من الغلاء المصطنع ومعالجة غلاء العقارات والاجار و عدم تكرار مشكلة القروض بمحاسبة البنوك ومحاسبة المتسبب بالمشكلة بداية من البنك المركزي و يضمن لك انك ما تمارس عادتك المحببة بالتبجبج بالشبكة المحلية والتحلطم من اول يوم سجلت بالمنتدى :)

بس انت وامثالك ينقص عليكم بسرعه يدخلون بجيوبكم جم فلس من هالصوب ويروحون بجيب التجار من الصوب الثاني .. بعدين ترد نفس الاسطوانة باللطم.
 

bujassim

عضو مميز
القانون المهم هذا يكفل لك الحد من الغلاء المصطنع ومعالجة غلاء العقارات والاجار و عدم تكرار مشكلة القروض بمحاسبة البنوك ومحاسبة المتسبب بالمشكلة بداية من البنك المركزي و يضمن لك انك ما تمارس عادتك المحببة بالتبجبج بالشبكة المحلية والتحلطم من اول يوم سجلت بالمنتدى :)

بس انت وامثالك ينقص عليكم بسرعه يدخلون بجيوبكم جم فلس من هالصوب ويروحون بجيب التجار من الصوب الثاني .. بعدين ترد نفس الاسطوانة باللطم.

لا بالعكس انا عندي القروض أفضل من المنحه

لان المنحه على قولتك تروح بجيب التجار

اسقاط القروض يكون بعلمك

تحل مشكله الاقتصاديه وترد القوة الشرائية ويتنعش السوق
لان الناس ماعادت تتشتري


وذا عالقوانين

وايد يحطون قوانين ماقاعد يطبقونها
 

حـقـوقـي

عضو مميز
تحل مشكله الاقتصاديه وترد القوة الشرائية ويتنعش السوق
لان الناس ماعادت تتشتري
السيولة الضخمه الي تضحها الدولة باسقاط القروض او حتى فوايدها رايحة ببطن منو قبل لا يستفيد منها المقترض ؟ التاجر المقرض الي بترد الناس تشتري منه حسب كلامك على نفس الوضع السابق بنصبه و تجاوزاته فندور بحلقة مفرغة!!

لا يقصون عليكم بكلام التكييش يطيح الفوايد .. البنوك اساسا مستلمين الفوايد قبل اصل الدين و ضخ اي مبالغ ضخمه لهم مع توفير قاعدة اقتراض جديدة هو طوق نجاة لهم بعد تضييق البنك المركزي الاخير عليهم بنسبه 40% !

تصرف الحكومة بزيادة الرواتب او اسقاط الفوائد قبل اقرار قوانين رادعة تحارب ما حصل بالسابق هو مكافئه منها للمخالفين من التجار على نصبهم ومخالفتهم للقانون فبدلا من ان تحيله للقضاء على تجاوزاته وغشه وبدلا من ان تفتح المجال امام المقترض لرفع دعوى يسترد فيها امواله و يوفي دينه بل ويطالب بتعويض على ما لحقه من ضرر جراء افعال البنك .. تقوم بحل المشكلة من المال العام وتفتح صفحة بيضاء جديدة ليعود المخالف ويسرح ويمرح فيها .. والضحية هو المواطن من جديد!
 

عبدالباري

عضو ذهبي
والله محد متضرر من هالزيادات الا من يطالب فيها .. ومحد مستفيد منها الا التاجر ..

خلكم طالبو بهالزيادات لين يصير الدينار بقيمة الريال .. و تركو القوانين المهمة الي تغنيكم عن اي زيادة !!



صدقت ورب الكعبه


الناس نظرتها الماديه راح تخلي البلد في حال يرثى لها


ونااااس فوووووووووووووووق ونااااس تححححححححححت

 

باروود

عضو ذهبي
والله مانبى زيادة نبى مراجعة الاسعار او تخفيضها

بعد زيادة الرواتب الاخيرة بطارية السيارة من 16 دينار الى 26 دينار

والى مابدل تواير للسيارة يشوف الفرق الحين

التاير الى كان ب30 دينار صار 55 دينار

ومنحة التموين تنتهى بشهر مارس بعدها

شوفوا اسعار العيش الى كان 10 بكم يوصل والدجاج وغيرة وغيرة

صج كلام اخوى حقوقى الزيادة فى بطن التاجر
 

بوصالح 777

عضو ذهبي
طيب من المسؤل عن زياده الاسعار
ومن المسؤل عن حمايه المواطن
اعتقد هى الحكومه والحكومه هى التجار التى جعلت التاجر يستبيح كل شى فى الكويت حتى جيوب المواطنيين
صدقنى حتى لو معاش الكويتى دينار هم الاسعار بتكون خياليه
الحكومه هى سبب كل مايحدث للمواطن
تحياتى
 

القرناسي

عضو فعال
زيادة الاسعار حلها قادرين عليه اعضاء مجلس لامه . اذا سنو قانون يسمح الأتحاد الجمعيات يستورد المواد الغذائيه والأستهلاكيه .
 
تعودنا على التصريحات الجوفاء للوزير الشمالي

كم وكم صرح وقال ثم ..... لا شئ !!

أنا من شفت عنوان الخبر ( الشمالي : ...... ) عرفت ماكو شي :D
 
أعلى