سؤال وجواب القولون ؟!!

الناظر

عضو مميز
السلام عليكم

يا جماعه منو يعرف دكتور زين للقولون والغازات .. ياليت يكون عن تجربة :D

ذبحنا القولووون :باكي:
 

جمـوح الخيل

عضو مخضرم
القولون ,,,وما ادراك مالقولون .... كويتي اكيد عندك قولون
نصيحة سو غسيل قولون باي عيادة ب50 د,ك وارتااااح سنة جدام


لا يأخوي خطأ غسل القولون لانه سبحان الله غسله يشيل المادة اللي تغطي
القولون من الداخل و يسبب بعد فترة طويلة تقرحات خطيرة بالقولون..
وبعدين سنا مكة زين للقولون سويه شهرياً وهذه وصية رسولنا محمد صلى الله
عليه وسلم../
وترى القولون مرض شبه مزمن مثل الحساسية يعني مالوه علاج نهائي
الا بالابتعاد عن مهيجاته اذا كان عصبي أكيد الابتعاد عن الزعل والقلق
واذا كان هضمي الابتعاد عن البقوليات عموماً والمقليات والمشروبات الغازية../

وماتشوفون شر جميعاً,,/
 

مسك الورد

عضو بلاتيني
افضل علاج تشرب ماي على الريج ينظف القولون وكثر من الخضروات والفواكة لانه فيها ألياف وهم اهيا تساعد على تحسين حالة القولون
وهدي أعصابك اشوي وخفف من اكل المطاعم والدهون والحلو ومنتجات الألبان
وبتصير تمام التمام ان شاءالله :)
 

مجرد انسان

عضو مميز
اولا انا ما اعتقد انه في علاج مكتشف للقولون
ثانيا نصيحة لا تسوي اي غسيل للقولون لان الغسيل بيريحك شهر شهرين ثلاث اشهر وبيرجع
ثالثا اذا انت مصمم تروح لدكتور روح للدكتور مساعد العصفور ولو ان الدكاترة كلهم في الهوا سوا ما في احد
يقدر يعالج القولون الا الله
رابعا تغيير سلوك حياتك ممكن يخفف عليك من الالام القولون كمثال
طبعا الصلاة والصدقة والدعاء - تعلم بعض الاحاديث الصحيحة وشرحها الخاصة بالابتلاءات واجر الصابرين
- النوم المبكر - ممارسة الرياضة - تهوين الامور وعدم تهويلها - لا تحمل كوكب الارض على كتفيك في حالة حصلت لك مشكلة
- تبكير الاعمال وعدم تأجيلها - لا تتدخل فيما لا يعنيك
عدم الغضب على امور تافهه - تنظيم حياتك بشكل عام


 

ابو شووق

عضو فعال
السلام عليكم

اولا الله يعينك علي هالنصائح الي قدموها الاعضاء والمثل يقول اسأل مجرب واخوك صداقة مع القولون 25 سنة لو دارسة جان ماخذ فية دكتوراه بس الحظ اقشر :(

الزبده

القولون انواع فية القولون العصبي وفية القولون التقرحي وفية القولون الي يتحسس من بعض المأكولات وفية الي تطلع داخلة زوائد وهذي لازم عملية وبلاوي الي يبعد كل مسلم عنها

النصيحة

دور عياده الدكتور مساعد العصفور خبري فية عيادتة بالشعب البحري بسنة 2004 وخلة يسويلك منظار قولون وياخذ قطع من القولون يسوي لها زراعة اذا شاف انك محتاج للزراعة والمنظار سهل لاتحاتي


ملاحظة

غسيل القولون خطير علي مرضي كرونز

قرصة اذن

لا تتاخر بالكشف والعلاج التأخير كلفني كثير صحيا وماديا

 

الحر العديم

عضو فعال
اذا اللي معك قولون هضمي أشرب حليب البل وتلقى العافيه بإذن الله

انا معي قولون هضمي من قديم واذا ثار علي شربت حليب خلفه اقسم بالله انه مثل المخدر

ومفعوله سريع فوق ماتتصور
 

S3d1987

عضو فعال
من تجربه شخصيه انصحك انصحك انصحك بشرب جاي مع نعناع صدقني جرب لمدة شهر قبل لاتتناول اي ادويه وبتححححس بالفرق الكبير واتمنى ماتستعجل وتروح لعياده و تاخذ ادويه تضرك اكثر مماتنفعك لانه القولون ماله علاج محدد الدكتور يصرفلك علاج لاكثر من شغله الم المعده القرحه الحموضه انصحك وبشده بالنعناااااااااع مع الجاي وبشرنا شصير وياك
 

S3d1987

عضو فعال
وفي شغله مهمه اخوي انصحك ايضا بعمل فحص دم شامل لانه ممكن لاسمح الله يكون معاك مرض اخر اعراضه مثل اعراض القولون احتياطا مر اي مختبر واطلب عمل فحص دم شامل
 

الناظر

عضو مميز
لا يأخوي خطأ غسل القولون لانه سبحان الله غسله يشيل المادة اللي تغطي
القولون من الداخل و يسبب بعد فترة طويلة تقرحات خطيرة بالقولون..
وبعدين سنا مكة زين للقولون سويه شهرياً وهذه وصية رسولنا محمد صلى الله
عليه وسلم../
وترى القولون مرض شبه مزمن مثل الحساسية يعني مالوه علاج نهائي
الا بالابتعاد عن مهيجاته اذا كان عصبي أكيد الابتعاد عن الزعل والقلق
واذا كان هضمي الابتعاد عن البقوليات عموماً والمقليات والمشروبات الغازية../

وماتشوفون شر جميعاً,,/


ممكن تشرحين وصيه المصطفى عليه الصلاة والسلام اكثر

والشر مايجيكم
 

الناظر

عضو مميز
فتش عن السبب قبل العيادة!!


هذا بلا بوك ياعقاب

افضل علاج تشرب ماي على الريج ينظف القولون وكثر من الخضروات والفواكة لانه فيها ألياف وهم اهيا تساعد على تحسين حالة القولون
وهدي أعصابك اشوي وخفف من اكل المطاعم والدهون والحلو ومنتجات الألبان
وبتصير تمام التمام ان شاءالله :)


جزاك الله خير .. ان شاء الله نطبق بعضا منها
 

الناظر

عضو مميز
اولا انا ما اعتقد انه في علاج مكتشف للقولون

ثانيا نصيحة لا تسوي اي غسيل للقولون لان الغسيل بيريحك شهر شهرين ثلاث اشهر وبيرجع
ثالثا اذا انت مصمم تروح لدكتور روح للدكتور مساعد العصفور ولو ان الدكاترة كلهم في الهوا سوا ما في احد
يقدر يعالج القولون الا الله
رابعا تغيير سلوك حياتك ممكن يخفف عليك من الالام القولون كمثال
طبعا الصلاة والصدقة والدعاء - تعلم بعض الاحاديث الصحيحة وشرحها الخاصة بالابتلاءات واجر الصابرين
- النوم المبكر - ممارسة الرياضة - تهوين الامور وعدم تهويلها - لا تحمل كوكب الارض على كتفيك في حالة حصلت لك مشكلة
- تبكير الاعمال وعدم تأجيلها - لا تتدخل فيما لا يعنيك
عدم الغضب على امور تافهه - تنظيم حياتك بشكل عام


نصائح طيبه .. جزاك الله خير

وانا شغال فيهم تقريبا




السلام عليكم


اولا الله يعينك علي هالنصائح الي قدموها الاعضاء والمثل يقول اسأل مجرب واخوك صداقة مع القولون 25 سنة لو دارسة جان ماخذ فية دكتوراه بس الحظ اقشر :(

الزبده

القولون انواع فية القولون العصبي وفية القولون التقرحي وفية القولون الي يتحسس من بعض المأكولات وفية الي تطلع داخلة زوائد وهذي لازم عملية وبلاوي الي يبعد كل مسلم عنها

النصيحة

دور عياده الدكتور مساعد العصفور خبري فية عيادتة بالشعب البحري بسنة 2004 وخلة يسويلك منظار قولون وياخذ قطع من القولون يسوي لها زراعة اذا شاف انك محتاج للزراعة والمنظار سهل لاتحاتي


ملاحظة

غسيل القولون خطير علي مرضي كرونز

قرصة اذن

لا تتاخر بالكشف والعلاج التأخير كلفني كثير صحيا وماديا

ماتشوف شر ان شاء الله واشكرك على كلامك
 

الناظر

عضو مميز
اذا اللي معك قولون هضمي أشرب حليب البل وتلقى العافيه بإذن الله

انا معي قولون هضمي من قديم واذا ثار علي شربت حليب خلفه اقسم بالله انه مثل المخدر

ومفعوله سريع فوق ماتتصور


بالعافيه ان شاء الله وماتشوف شر



علاجه راحة البال وعدم التفكير

وبالنسبة للغازات اخذ قشرة الاسباغول ممتازه تحسن الهضم


شنو قشره الاسباغول ,, ممكن تشرحين اكثر

وشكرا



من تجربه شخصيه انصحك انصحك انصحك بشرب جاي مع نعناع صدقني جرب لمدة شهر قبل لاتتناول اي ادويه وبتححححس بالفرق الكبير واتمنى ماتستعجل وتروح لعياده و تاخذ ادويه تضرك اكثر مماتنفعك لانه القولون ماله علاج محدد الدكتور يصرفلك علاج لاكثر من شغله الم المعده القرحه الحموضه انصحك وبشده بالنعناااااااااع مع الجاي وبشرنا شصير وياك


جزاك الله خير .. وان شاء الله راح اجرب
 
أعلى