ظلم وتلاعب ديوان الخدمة المدنية ...كادر الفنيين انموذجا

ARMOUR ON

عضو فعال
من اكبر الفئات الي انظلمت من الرواتب مساعدين المهندس والفنيين لاحاشهم ذيك الزيادة الطيبه وبنفس الوقت انحرمو من الزيادات القادمة للموظفين الي مانزلتلهم كوادر يعني باختصار لو ماحاشهم كادر افضل وانا اعرف منهم ناس تكرف وتطلع بعز الحر والبرد للمواقع علي سياراتهم الخاصة

بس مع احترامي لهم تجمعهم كان ضعيف وانسي كلام الزبن ووعودة شخص مايلتزم بكلامة ابدا
والدليل كادر المعلمين الي سوو اضرابات قوية كان يبي يلعب فيه وينقص من الكادر و الفلوس بحيله والاعيبه وقرارات المستشارين المصريين الي عنده و تخصصهم شلون فقط يلاقون ثغره يقللون منها الكادر تخصص لعانة وهذا ديدن الديوان من الازل هذا وهو نازل ومصدق عليه من مجلس الوزرا وخالص فما بالكم انتو يالفنيين هذا غير ميه كادر غيركم مواعدهم وكشت فيهم
للاسف ان المظاهرة ماتفيد الا اذا كان العدد كبير وكخطوة اولي اذا مانفعت يصير بعدها خطوات تصعيدية مثل الاضراب

ديوان الخدمة المدنية يقول عشان نحط سلم صحيح وعادل للرواتب لازم دراسة التوصيف الوظيفي وهذا يستغرق وقت ضخم !!!! وانتو السنين الي فاتت هذي كلها شتسوون بالديوان نايمين ميتين شنو ؟؟ هذا من صميم عملكم ليش ماانجزتوه من زمان ؟ ولا صميم عملكم وتخصصكم الانقاص من كل كادر وبدل وعلاوة يامر فيها مجلس الوزرا والمحاولات المستميتة من خبراءكم القانونيون والاداريون لايجاد ثغرة في القانون لتقليل المبالغ ؟

حكومتنا للاسف الشديد تبي الناس تكرف كرف الويل بلوشي لازيادات ولا بدلات مقابل طبيعه العمل ولا مقابل صحتك الي تروح مقابل الشموس واللواهيب ولا بدل لسياراتك الي تكسر ولا بونص سنوي طيب البونصات السنويه اكبر مبلغ منها يروح للوكلاء المساعدين والمدرا ونوابهم الي 90% من عملهم اداري وسوالف شاي ومغازل وانت يادينامو العمل ممكن ممكن يحوشك فتافيت عشرين ثلاثين دينار اذا المدير راضي عليك مو عشان عملك وسنوات كثيره مايحوشك اي مبلغ
تعالو نحطلكم بصمة واكررررف ولا ونخصم عليكم
احد الاصدقاء مساعد مهندس يحدثني انه يوميا يطلع مواقع وانشاءات من شمال الكويت لجنوبها مع التزامة بالبصمة صباحا او مساء وعلي سياراته الخاصه يعني سبع ساعات في جونا اللاهب وبدل طبيعه العمل عندة 50 دينار فقط يقول والله ماتكفي بنزين مشاوير سيارتي بنزين مو تصليح بعد لان المواقع بالغالب داخل البر وطرق وعره والسيارة تتهرقل وتتكسر بعد فترة والفني الي بشركة خاصة مستلمة المشروع مصروفلة سياره من الشركه تتحمل الكرف وانت الله يعينك فما بالكم بتعبه الجسدي ؟

وبعد هالفوضي هذي كلها يطلع علينا من يقول ليش الموظفين الكويتيين يحبون التزريق والتهرب من العمل ...؟
 

bujassim

عضو مميز
ولله ان ماوافقوا

اضراااااااااااااب


هل يعقل فني حرفي مايستاهل هالكادر ؟

ويقولون ليش الكويتيين يشتغلون شغله اداريه ويحبون شغله المكتب


شي اكيد لانكم ماتشجعون هالفئة من الفنيين وفوق هذا تظلمونهم ؟

خصوصا وزارة الكهرباء محجفه جدا وظالمه الفنيين :mad:
 

ARMOUR ON

عضو فعال
العثماني ثق بالله لوما المهندسين ومساعدينهم من وزارات الدولة وهيئاتها يراقبون ويدققون ويتاكدون من تنفيذ المناقصات بالشكل الصحيح لتلاقي بين كل عشر مشاريع ثمانيه يطيحون بعد سنتين علي راس ساكنيهم البوق حلااالي من الشركات الخاصة اذا ماكان فيه رقيب

صح كلامك الشغل علي الشركات بس منو الي متابع معاهم اول باول وبشكل شبه يومي ؟ اكيد القطاع الهندسي المختص بالوزاره المعنيه بالمشروع يعني جذي جذي مشتغلين ومداومين وياهم

لاتبخسون الناس حقهم تدري ان راتب فني لحام متخصص في امريكا اضعاف راتب الرئيس الامريكي نفسه ...تدري ليش ؟ لان مجال المخاطرة والموت والتعب في عملة عالي جدا

الراتب نسبة وتناسب مع التعب والمشقة والمخاطرة

عندنا العكس تماما الي الوظائف الادارية المريحة هي اعلي الرواتب

الي عندهم توصيف وظيفي صحيح ونسبة وتناسب هي الشركات النفطيه بالكويت فعلا ماتبخس حق موظفينها علي قد تعبك نعطيك ...ماني عارف ليش الوضع معكوس بباقي الوزارات
 
أعلى