سؤال وجواب طحت على ولدي يدخن

أنا شاك في ولدي أنه يدخن طبعاً للأسف بسبب رفقة السوء الي يرافجهم بالمدرسه و قاصين عليه و كلهم يدخنون و اليوم أكتشفت أنه يدخن مع أني كلش ما عمري دخنت طبعاً للأسف اهو عمره صغير بالصف الثامن لا فالح في دراسته و مرات يطوف الفروض و ما يصلي بالمسيد و فوق هذا يدخن

الحين شسويله انا ودي امسكه و اغسل شراعه طق
 

عزيز وغالي

عضو بلاتيني
دير بالك تطقه او توبخه هذا يزيده اصرار وعناد يدخن
حاول تسوي عمرك ما تدري وحاول تكلم معه بشكل عام عن اضرار التدخين ورفقة السوء

ومن اليوم لا تخليه بروحه خله معك تروح المسجد تروح ديونيات
يعتبر رجال كامل عطه ثقه كبيره بنفسه

وغيرك المعلم هذا ولدك وضربه يأثر بشخصيته وسلوكه العام
الضرب من وجهة نظري للولد لغاية عمر 10 بعدها يتغير التعامل لان يظن نفسه رجل كامل
 
نصيحة لله واجهه بالأمر وسأله ليش يلجأ للتدخين وبين له أنك متضايق من هالشئ واشرح له عن المخاطر من سرطان وموت مبكر ومن بلاوي التدخين.

أما العلاج فهو عن طريق ضم الولد للجان النشأ أو الصحبة الصالحة في فروع جمعية الإصلاح الإجتماعي مثلا

الولد راح يكتسب منهم إن شاء الله الأخلاقيات الطيبة والسلوك القويم وصدقني أحسن علاج لمن هم في سنه المثير للقلق هو الرفقة الطيبة

والله يصلحه ويقر عينكم فيه إن شاء الله
 

ابعتذر

عضو ذهبي
لولا المربي ما عرفت ربي

إدعس على غاربه

ولا يطلع إلا معاك

و خله يخاويك لمجالس ودواوين الرجال الي تفوح منها العود الازرق

سو زيارات مفاجئه للمدرسه

احشره انت وأمه وأهل البيت خلهم يزعلون منه ويحسسونه إن الشي الي سواه مصيبه

وعسى الله يهديه ويهديه عيال المسلمين

 

بدركوم

عضو مميز
والله ياخوك نظام الغرب ما يصلح مع عيالنا نظام اصبح صديق لابنك ولا تفاهم وياهم ما ينفع لان في الاول والاخير المجتمع يفرض عليه ممارسات بحكم صغر سنه واصحابه

عندك حلين واتمنى تجربهم

1- تاخذه الى مركز مكي للسرطان وتخليه يشوف حالات السرطان بسبب التدخين وفوق هذا ابحث بقوقل صور للسرطان وخله يشوفها اذا تعدل وبطل زقاير ممتاز

2- اذا ما نفع وياه رقم 1 امسكه واغسل شراعه وحك راسه بالطوفه ودوس بطنه وعض اذونه وخشمه وخله يكره شي اسمه تدخين

وان شاء الله راح يوقف

وبتوفيق
 

Maradona

عضو مميز
انت مهمل راجع نفسك ليش سوا جذي

انت ماتجيه المدرسه ولا تقعد معاه

اقعد معاه وعلمه المرجله

وقوله لو الدخان ينفع اول من يدخن انا

ووده حسين مكي خله يشوف المصابين

حنا مدخنجيه مااعتبرنا بس ابتلينا بالدخان

اضغط عليه خمس سنين جدام واحرمه من المصاريف وطلعه معاك بالبحر ووده سوق الطيور

والله يكفيك شر عيال الحرام
 

غيث

عضو مخضرم
أخي الكريم الدعاء ثم الدعاء ثم الدعاء
وإرغامة على الصلاة طوعاً أو كرهاً وعزلة عن رفاق السوء
لاتنسى الدعاء له كثير منا يجهل السلاح المنسي وهو الدعاء
 

ARMOUR ON

عضو فعال

العب معاة بلاي ستيشن وقولة ان صديقكك كان يدخن ومرض ومات
خاو ولدك لازم تنزل لسنه وعقله هو مايقدر يصعدلك
الواحد منا يعطي وقته لاشخاص وامور تافهه ويبخل فيها علي عيالة
 

خـالد

عضو بلاتيني
العيب فيك انت يالابو ، مايصلي ، ولا يداوم ويشفط ، ويجي الولد ينحرف وبعدين تقول انا مااتابعه

خاوه ، سافر معاه ، انتقده على تصرفه بالتدخين مو شرط تقنعه اهو يقتنع من كيفه..

والاهم ، خله يوخر عن ربعه.
 

ابو شووق

عضو فعال
اول شي امسكة والعن ابو خيره ثاني شي احرمة من المصروف ولا احد يعطية فلوس من وراك ثالث شي احرمة من الطلعة ووين ماتروح خلة يروح معاك وغدي شرك انت وياه
 

جواهر*

مشرفة
طاقم الإشراف
اخوي معارض
عسى الله يصلح ويهدي ولدك ويكفيه شر التدخين واصحاب السوء

مادري الاخوان شفيهم شديدين اغلبهم ينصحونك تطقه وتحرمه
الطق احيانا مفيد

بس قبله
اعرف منه شنو السبب اللي خلاه يدخن تقليد لاصحابه
ولا في سبب ثاني قرب لولدك واعتبره مثل رفيجك مو تكون علاقتك معاه اوامر وبس
انزل لمرحلته وهو حاليا يمر بمرحلة المراهقة مرحلة متعب للابناء والآباء
يحتاج الولد في هذا العمر للحب والحنان اكثر من اول والاهتمام فيه واعطائه قدر من الثقة
وحسسه بانه رجل وكبير وواعي
واشرحله في جلسة هادية انت وهو
عن اضرار التدخين عشان من كيفه بدون خوف يهد التدخين وعن قناعة

وشغلة مهمة ربع ولدك تعرفهم تعرف اطباعهم ؟


وبالتوفيق لك
 
شوف تضربه انسى يترك الدخان لكن حاول تنمي ثقته بنفسه ولا تكسر شخصيته واذا على الدخان تهون والامور سهالات تراه مراهق يكبر ويثقل ويتعلم باذن الله


والله انك مربي اجيال:إستحسان:

ترا الطق والتكفخ مو حل..

جذيه تربون عيالكم..

ولدك ناقصه حنان ..

او فاقد شي..مو عارف يعبرعنه..

حرام عليك تكفخه والله يتعقد..

خله يسمع كلام حلو منك وتشجيع..

لا يصير كلامك كله اوامر وعتاب وتشمت..وطنازه

وفلان احسن منك ..وعلان ابرك منك..

...حرااااااام عليكم ...

ربوا عيالكم ..تلقونه اذا كبرتوا..واحتجتوا لهم

والله كسر خاطري ولدك...

 
اولا شكراً لكل الي ردو و جزاكم الله خير

و عموماً انا كفخته بالعقال و بعدها كلمته و تفاهمت معاه و قالي ما راح يدخن بس ما ادري خاف يدخن من وراي

و الله حيل متضايق من سالفه الزقاير ما احبها كلش بس شسوي الله يهديه
 
أعلى