سؤال وجواب سؤال سكليوجي ..!!

السلام عليكم ورحمة الله وبركاته ,,

والصلاه والسلام على سيدنا محمد إمام الساجدين وسيد الخلق الأولين والأخرين وعلى آله وصحبه الطيبين الطاهرين ,,بادئ ذي بدء , أتمنى لكم موفور الصحة والعافيه وعلى من تربطه دم معكم , وأسأل الله ان يجمعنا في الجنه مع الصديقين والأبرار ,


لدي سؤال سكيولجي نفسي مرتبط بالعلاقات الإجتماعيه المقارنه,

السؤال هو سأتحدث عنه بالعاميه حتى تصل الى مخيلتكم أكثر من عقولكم,,

انا عمري 21 وعندي ربع وأصدقا كثير ولله الحمد , ولكن عندي مشكله تكررت كثير خاصة اللي حواليني يعايروني فيها , مشكلتي يا وجيه الخير اني ما أحب مجالسة في نفس عمري والا اكبر مني بشوي , يعني احب اجالس اللي فرقه عني بـ10 سنوات وأكثر وخاصه الشيّاب أحس انهم عندهم تجارب الحياة بحلاوتها ومرّها وأحب اني اتعلم منهم واسمع لهم بإنصات وأشاركم الحديث وأبتدي عليهم اقتراحات بمواضيع عده واللي يشوفني مع الشيّاب ينصدم يقول شهالورع اللي يجادلهم , يعني تقدرون تقولون محاور جيد معاهم , اما اللي كبري او اكبر مني والله ما اطيق اقعد معاهم واذا قعدت معاهم مو اكثر من ساعه او ساعتين مجامله لا اكثر , احسّ انهم مو مثل سوالفي ولا مثل علومي , مثال مرات يتكلمون عن الكشتات والمخيمات والجو الحلو وانا فكري وبالي مشروع تجاري او طموح دراسي كبير او مشكله القروض او مشكله الطلاق اللي صاير بالبلد والتفكك الأسري او افكر بالمجازر اللي بسوريا وقبلها بليبيا وشلون تخلوا العرب عنهم وتركوهم للطاغيه او افكر اني اجاهد ضده , انا ما اقولكم اني مطوّع وهذا شرف لا أدعيّه ولكن صلاتي ما اخليها على قولتهم والحمد لله وصيامي بعد , بالمختصر احس سوالفهم مالها وجه ولا قفى فأقوم واتركهم وارد البيت , أحب كثير اتعلل مع الوالد وربعه الشيّاب وهم مستانسين علي حيل يكيفون اذا دخلت عليهم وسوالفت معهم , تبون تقولون وش هواياتك مثل اي واحد بكبري كره القدم والرياضه المشي والسباحه ومتابعه الدوري الايطالي , وأغلب مشاهداتي للتفزيون قناتين عندي بإستثناء الجزيره الرياضيه , العربيه , والجزيره الاخباريه ,ف يدشون علي اخواني والا عيال عمي يقولون لحوول الشايب اهنيه ,. قصدهم عليّ انا :(, معني والله ذرب وكشيّخ ومرات اروح الأفنيوز بعد :eek: , وأهلي بعد ينصحوني ليه ما تماشي اللي كبرك وتخالطهم وتصير مثلهم شتبي بالشيّاب اللي كبر ابووك :( فـ أقولهم علومي مو مثل علومهم وسوالفهم مو بنفس تفكيري المهم نصحوني اكثر من مره وقالو والله بكيفك وانت حر , سؤال هالحاله الاجتماعيه اللي اعيشها هل طبيعيه ؟ ام انها حاله مرضيه ما أحس فيها او سلوك اجتماعي معتاد .؟؟

ارجوا النصيحه والإفاده ,, وشكراً :وردة::وردة:
 

شمري كويتي

عضو مخضرم
اولا الف مبروك اهنيك على شخصيتك المميزة

هذا السلوك اللي تسلكه هو سلوك طبيعي

ويدل على ذكاء فطري

ويدل على ان عقلك اكبر من عمرك

لذلك ما ترتاح مع اللي اصغر منك

وهذا الشي ميزة وليس عيب

انت رجل لك مستقبل اجتماعي واعد

لكن اترك عنك سوالف الجهاد والتفجير

لانه لايجوز الجهاد الا تحت راية

وتحت فتوى من علماء الدين

لايقصون عليك بعض الخوارج والخارجين عن الدين

الجهاد له شروط واحكام وفقه

انت كلامك كله زين بس اهتم بدراستك ومستقبلك

ولاتماشي ناس عندهم سوالف خرابيط

ولاتماشي اي شخص يسب ال الصباح

لانهم ولاة الامر ومن يخرج عليهم دينه دين الخوارج

ولا تماشي اشخاص يدعون للخروج على حكم الصباح

اما نقد رئيس الوزراء والحكومة فهذا نحن اشد من يقوم فيه

واياك ان تماشي الروافض او تجالسهم

فانهم اعداء الله ورسوله

واياك ان تماشي اهل البدع والمنكرات

واهل الفسق والانحراف والفجور

وانصحك بعدم مجالسة المدخنين واهل الشيشة

حفاظا على صحتك وقوة ذاكرتك وذكائك

لانه ثبت تأثير التدخين على الصحة بشكل عام

وتدمير خلايا المخ بشكل خاص

وانت شاب تتمتع بالذكاء الفطري

والنشاط الاجتماعي وحرام تقتل شبابك بالتدخين السلبي

اما اذا كنت مدخن فانصحك نصيحة لوجه الله

اقطع التدخين بعد قراءة كلامي بسبع دقايق

وقت منبهك على سبع دقايق من قراءة الكلام
 

عامر بن صعصعة

عضو بلاتيني
اخوي الدوانيه التي اقعد فيها انا ووفي اواحد اصغر مني في سنه واحد والباقي عشر سنوات وما صاعد

كانوا تجار دكاتره وموظفين في الدوله علي حافة التقاعد

بالعطس هذا الشي يفيد شخصيتك ويعلمك اموار كثيره عن الدنيا واحوالها

يبا شغلك عدل
 

النوف

عضو مخضرم
الصراحة انا نفس حالتك صايرة

احب قعدة العجايز والشياب

وسوالفي كلها معاهم،،،....

بس مو غريبة عليك لإنك شمااالي وحنا يالشمال نحب نكبر ارواحنا،،،..​
 

جمـوح الخيل

عضو مخضرم
الصراحة انا نفس حالتك صايرة​


احب قعدة العجايز والشياب

وسوالفي كلها معاهم،،،....


بس مو غريبة عليك لإنك شمااالي وحنا يالشمال نحب نكبر ارواحنا،،،..




+1

النوف :وردة:
أخوي سطام الله يحفظك و يوفقك بالعكس
صفة وطبع زين،،/
 
السلام عليكم ورحمة الله وبركاته ,,


انا ما اقولكم اني مطوّع وهذا شرف لا أدعيّه ولكن صلاتي ما اخليها على قولتهم والحمد لله وصيامي بعد

ارجوا النصيحه والإفاده ,, وشكراً :وردة::وردة:


عليكم السلام ورحمه الله وبركاته ...

أول شي أحييك على صرآحتك وشفافيتك يوم قلت انك تصلي وتصوم بس منت مطوع ..
وثاني شي المفروض ماننصحك يا الظفيري لازم نشكرك ونتعلم منك .. :إستحسان:
. أنا أكبر منك سـن بـ 4 سنوآآآت وتقريبا نفس وضعك اقعد معا شيبآآن بـس مو لدرجه اني ما أرتاح اذا قعدت معا الشباب الي كبري ..
{{ بـس نصيحه من أخوك.. لازم تقعـد معا شباب }}
الوكآد.. لاتترك الطرفيـن ..
الله يتبتك ويهنيك ويرزقك بنت الحلال الي تنسيك الكــل ;)
 

فلسفة

عضو بلاتيني
ماشالله 
ياليت كل الشباب مثلك 
جيل اليوم مايحظر المناسبات العائلية بحجة ان كل اللي فيها شيبان ما ينسجم ولا يحب الجلسه معهم !!

وضعك كِذا ممتاز مو طبيعي وبس 
 

غيث

عضو مخضرم
وعليكم السلام ورحمة الله وبركاتة
اسمع يالشايب :D
بالعكس المجالس مدارس ومجالس كبار السن هي المدارس الحقيقية
اما بالنسبه لحالتك والله انا كان عمري 14 سنة وكنت اقعد ويا الشيبان مثلك
يروح ابوي مايعلمني مايدري الا كابس عليهم ههههه والحمدلله عيالهم اكبر مني
وما اجلس ولا امون الا على شيبانهم اسمع ياخوي اللي يقولك مريض فعلم انه هو المريض
يقول الإمام الشافعي رحمة الله
لن تنال العلم إلا بستة ... سأنبيك عن تفصيلها ببيان
ذكاء ,وحرص, واجتهاد, وبلغة ... وصحبة أستاذ, وطول زمان
فمعظم الست ستكسبها من مجالسة كبار السن
أحببتك في الله :وردة:
 
اولا الف مبروك اهنيك على شخصيتك المميزة


هذا السلوك اللي تسلكه هو سلوك طبيعي

ويدل على ذكاء فطري

ويدل على ان عقلك اكبر من عمرك

لذلك ما ترتاح مع اللي اصغر منك

وهذا الشي ميزة وليس عيب

انت رجل لك مستقبل اجتماعي واعد

لكن اترك عنك سوالف الجهاد والتفجير

لانه لايجوز الجهاد الا تحت راية

وتحت فتوى من علماء الدين

لايقصون عليك بعض الخوارج والخارجين عن الدين

الجهاد له شروط واحكام وفقه

انت كلامك كله زين بس اهتم بدراستك ومستقبلك

ولاتماشي ناس عندهم سوالف خرابيط

ولاتماشي اي شخص يسب ال الصباح

لانهم ولاة الامر ومن يخرج عليهم دينه دين الخوارج

ولا تماشي اشخاص يدعون للخروج على حكم الصباح

اما نقد رئيس الوزراء والحكومة فهذا نحن اشد من يقوم فيه

واياك ان تماشي الروافض او تجالسهم

فانهم اعداء الله ورسوله

واياك ان تماشي اهل البدع والمنكرات

واهل الفسق والانحراف والفجور

وانصحك بعدم مجالسة المدخنين واهل الشيشة

حفاظا على صحتك وقوة ذاكرتك وذكائك

لانه ثبت تأثير التدخين على الصحة بشكل عام

وتدمير خلايا المخ بشكل خاص

وانت شاب تتمتع بالذكاء الفطري

والنشاط الاجتماعي وحرام تقتل شبابك بالتدخين السلبي

اما اذا كنت مدخن فانصحك نصيحة لوجه الله

اقطع التدخين بعد قراءة كلامي بسبع دقايق


وقت منبهك على سبع دقايق من قراءة الكلام


الله يجزاك خير على الكلام الطيب من لابة طيبه وعزيزه على قلوبنا

وأعتقد أن هذا سلوكي لا يميزني عن اقراني بشئ سوى حب التعلّم من الذي سبقوني بتجارب الحياه حتى اتفادى الأخطاء التي وقوعوا بها في تجاربهم السابقه

ام بالنسبة للذكاء يحددها اطباء مختصين في الـIQ وعلم تمنية وإدارة الموارد البشرية

اما بالنسبة لمسألة الجهاد ومحاربة الإحتلال في البلاد الإسلاميه فهذه مسألة انا حريص عليها جداً ومتابعه أحكامها والفقه التي ينبع منها العلماء لإفتاء الناس فيها
وجدت إنها مسألة شاكئه ومعقده جداً, حيث وجدت في نفسي ان اتبعد عنها لانني لا اجد العلم الكافي لها حتى افتي نفسي واقوم ان اعمل بها

اما بالنسبة للتدخين والزقاير لا توصي حريص الله سبحانه وتعالى عطاني كرهها وشمئزازي منها بشكل لا تتصور, بال بالعكس انصح ربعي واخواني ان يقلعوا عن التدخين لانها تضر بالصحه والمال والرائحه .

والحمد لله انا ماشي بدراستي وماخذه اغلب تفكيري .

والحمد لله ما عمري مشيت مع رافضي ابد وفي قلبي لهم ضغينه لا يعلمها الا الله


والله يبارك فيك على النصايح الأخرى يالشمرري :وردة:
 
اخوي الدوانيه التي اقعد فيها انا ووفي اواحد اصغر مني في سنه واحد والباقي عشر سنوات وما صاعد

كانوا تجار دكاتره وموظفين في الدوله علي حافة التقاعد

بالعطس هذا الشي يفيد شخصيتك ويعلمك اموار كثيره عن الدنيا واحوالها

يبا شغلك عدل


الله يجزاك خير وبارك الله فيك

والله ان مجالسهم نوماس ومنهل تتعلم منهم امور الدنيا والدين اذا كانو ملتزمين


تسلم يالغالي :وردة:
 
انت انسان عادي عشر سنين مو فرق ؟؟

الفرق الوعي ممكن 14 سنة انسان واعي مدرك
و 40 تافه وابله


اللي اقصده انا مجالستي للرجاجيل بالديوان اصغر واحد فرقه عني 10 سنوات وأكثر

وفيهم فرقه عني 15 سنه ومنهم فرق 20 سنه

يعني لو تشوفيني بينهم تقول هذا شجايبه بينهم :eek:

والشطر الاخير لم افهمه :)
 
الصراحة انا نفس حالتك صايرة


احب قعدة العجايز والشياب

وسوالفي كلها معاهم،،،....


بس مو غريبة عليك لإنك شمااالي وحنا يالشمال نحب نكبر ارواحنا،،،..


بمعنى انك من قبل ما تجالسين العجازير ؟؟

السؤال هنا شنو اللي فقديته بين اللي بعمرك ولقيتيه بمجالس العجازير؟؟

, الله يخليهم لك

بس ما اعتقد محصروه بنا هالصفه بل بالعكس كثير من شباب القبائل الثانيه بهم الصفه هذه ويحبون يجالسون الشيّاب

وهذه لك :وردة:
 
عليكم السلام ورحمه الله وبركاته ...


أول شي أحييك على صرآحتك وشفافيتك يوم قلت انك تصلي وتصوم بس منت مطوع ..
وثاني شي المفروض ماننصحك يا الظفيري لازم نشكرك ونتعلم منك .. :إستحسان:
. أنا أكبر منك سـن بـ 4 سنوآآآت وتقريبا نفس وضعك اقعد معا شيبآآن بـس مو لدرجه اني ما أرتاح اذا قعدت معا الشباب الي كبري ..
{{ بـس نصيحه من أخوك.. لازم تقعـد معا شباب }}
الوكآد.. لاتترك الطرفيـن ..
الله يتبتك ويهنيك ويرزقك بنت الحلال الي تنسيك الكــل ;)


الله يجزاك خير يالعجمي

وبالنسبة لمجالستي للي مثل عمري امّل منها بسرعه واذا جلست معهم مجامله لا اكثر

سبحان الله طبيعه فيني

وكثير اللي قالولي نفس كلامك وإن شاء الله اخذ بنصيحتكم

والله يجزاك خير وتسلم على الدعاء لي :eek: واللهم آميييين
 

الاعصااار

عضو فعال
خير جليس الكتاب لان القراءه توسع المدارك وتفتح الافاق
اما قعدت الشياب شنو الفايده وراها كله يسولفون عن ايام قبل
وقبل بالله شنو عقلك كبير يمكن اخذت من حكمتهم اي هني ايدك بالكلام
 
كامل والكمال لله ياشعطان


بس لاتعودها تروح الافنيوز ماتمرني ( اشوفه من بره بس ) ولا تمشيت فيه


طمااااااااااح :cool:



الكمال لله وحده والا البني آدم ليس سوى عابر سبيل لاحول له ولاقوه

انا تقريباً نفسك ماطحت بوه الا تالي :cool:

ونصيحتي لاتروحلوه تحسّ إنك مو عايش بالكويت :eek:

وابشر باللي يمرّك بالشي اللي يدسم شاربك يالبناخي :قلب:

هلابو

وتسلم ع المروووووور يالبناخي
 
أعلى