سؤال وجواب سيارة مستعملة ,, الحراي أو مكاتب ؟!

[شبابي]

السلام عليكم

بغيت اشتري سيارة مستعملة ,, بس محتار بين الحراي والمكاتب ؟!

شرايكم ؟!

اذا كان الحراي متى يفتحون ,, وشنو نصايحكم ؟ وشلون اتجنب جشع الدلالين ؟!

 

[Chartist]

انصحك لا تأخذ سيارة من الحراج او المكاتب. اولا الحراج معظم الموجودين اشريطة يطبلون ويعطون باصات حق بعض (( النجش ) ابذمتهم عادي )
ثانيه المكاتب هم نفس الشي تري ومعظم السيارات المستورده وخاصه الي يجيبونها المكاتب عندنا ما اطلعت من ديرتها الا ما فيها خير.. ليش لان مثلا عندك امريكا ما اتبيم او تجدد دفتر السياره اذا كان امسويه حادث لو بسيط اذا كان عليها معجون بالبدي فيصدرها بره طبعا هناك في شركات شغلتها ان اتجمع السكاريب وتصلح وتصدر !، فا اخذ حذرك
عموما اذا تبي سيارة لك استعمال اخذ معرفه ومن مالكها الاصلي ولها وكيل بالكويت او بدول الخليج افضل لك

شكرا  

 

[meshal]

هذيل ما يخافون الله لا ذمة ولا امانة اتركهم خل يولون . عندك موقع
www.hrajcar.com/
www.q8car.com/

او السيارات المعروضه في بعض المناطق .

 

[غيث]

كلهم نصابين شوف عند معرفه او اماكن عرضهم في شوارع تكثر فيها عرض السيارات ​

 

[شبابي]

انصحك لا تأخذ سيارة من الحراج او المكاتب. اولا الحراج معظم الموجودين اشريطة يطبلون ويعطون باصات حق بعض (( النجش ) ابذمتهم عادي )
ثانيه المكاتب هم نفس الشي تري ومعظم السيارات المستورده وخاصه الي يجيبونها المكاتب عندنا ما اطلعت من ديرتها الا ما فيها خير.. ليش لان مثلا عندك امريكا ما اتبيم او تجدد دفتر السياره اذا كان امسويه حادث لو بسيط اذا كان عليها معجون بالبدي فيصدرها بره طبعا هناك في شركات شغلتها ان اتجمع السكاريب وتصلح وتصدر !، فا اخذ حذرك
عموما اذا تبي سيارة لك استعمال اخذ معرفه ومن مالكها الاصلي ولها وكيل بالكويت او بدول الخليج افضل لك

شكرا

والله ممكن كلامك .. بس السيارة الي بالي لها وكيل بالكويت ..

هذيل ما يخافون الله لا ذمة ولا امانة اتركهم خل يولون . عندك موقع
www.hrajcar.com/
www.q8car.com/

او السيارات المعروضه في بعض المناطق .

تسلم يا الغالي .. اول موقع ما شفته بس الثاني ما حصلت فيه الي ابي ..

كلهم نصابين شوف عند معرفه او اماكن عرضهم في شوارع تكثر فيها عرض السيارات ​

والله مومخلي شارع ما طليت فيه

 

[شمري كويتي]

في عدة طرق لشراء السيارة المستعملة​

الحراج​

المكاتب​

وكالات السيارات نفسها تبيع سيارات مستعملة​

بعض الوكالات عندهم قسم للمستعمل​

الجرايد الاعلانية مثل الوسيط والصفاة و 1808080 والصدى والهدف​

السيارات المعروضة في بعض المناطق والساحات​

مثل امام سينما الصليبيخات السابقة على الدائري الرابع​

وفي كثير من المناطق الداخلية والخارجية​

مواقع بيع وشراء السيارات على الانترنت​

معرض بيت التمويل الكويتي للسيارات المستعملة​

والحراج لاتشتري منه الا في حالة وحدة بس​

انك تشرط عليه اذا السيارة فيها خراب كبير​

مثل ضربة بالشاصي او صرفية​

انه يتحمل فلوس الفحص ويرجع لك فلوس دلال السيارات​

اذا وافق على هذا الشرط معناها واثق من سيارته​

اشتر منه وتوكل على الله​

لانه مستحيل نظلم جميع الناس​

لايمكن نقول كل كويتي يدخل الحراج نصاب وكذاب​

هذا ظلم واتهام للناس بالباطل​

في ناس صادقين وخايفين الله سبحانه وتعالى​

يدخلون الحراج لبيع سياراتهم هربا من عمولة المكاتب ​

لان المكاتب عمولتهم كبيرة ويعطلون السيارة

ولاتفكر انك تلقى سيارة مستعملة بدون عيوب

اهم شي يكون الشاصي سليم والباقي كله يهون

المكينة بدالها مكينة والقير بداله قير

والبدي ( الهيكل ) اذا مصبوغ مايضر

اذا كان الشاصي سليم

بالعكس اذا السيارة مصبوغة صبغ كامل

صبغ صباغ محترف وصبغ جديد احسن

احسن ما تاخذها وتصبغها لان الصبغ الجيد يكلف

واهم شي يكون البدي سليم والسيارة نظيفة من الداخل

اما الاعطال العادية والبسيطة هذي تصير في اي سيارة

حتى لو سيارة جديدة من الوكالة بعد فترة بتخرب

بعض ناس الله يهديهم يهون عن السيارة لسبب بسيط

مثل تحتاج تصفية او هيئة امامية او جام مكسور

او تواير منتهية او مافيها بيمة او بريكها خربان

او الايرباج مو شغال او الكشنات ماتحرك

او المكيف خربان او المسجل ما بيشتغل

وغيرها من الاعطال الميكانيكية والكهربائية

اهم شي السيارة ماشية ومافيها حرارة ولا صرفية

والبدي نظيف وداخلية السيارة نظيفة

ولاتفحصها فحص عادي عند ميكانيكي

افحص السيارة فحص كمبيوتر عند كراج متخصص بالفحص

وعداد الكيلومتر ماهو مقياس لنظافة السيارة

لان في ناس تلعب بالعداد توقفه او تنقصه
​

 

[شبابي]

بارك الله فيك ..

أجابة وافيه :وردة:


الي طلعت منه من اجابات الشباب اني ابتعد عن الحراي والمكاتب
واشتغل على الجرايد والمواقع و السيارات المعروضة في الساحات ,,

والمجال مفتوح للمشاركة ..

 

[الديفي]

انصحك بالمستعمل عند الوكالات وبس لأنه عاملين لسياراتهم المستعمله صيانه جيده ويعطون كفاله بعد البيع حسب علمي لكن مع الاسف غالين شوي

انا شريت جيب بليزر مستعمل من مكتب بحولي سياراته وارد امريكا .. البائع لبناني شيعي مدح بالسياره لما قال بس
وسويت نفسي شاطر وفحصتها بمحل فحص الكمبيوتر وقالو السياره سليمه وجيرها زين! وشريتها

بعد ما شريت السياره بكم شهر ضرب عندي كمبيوتر الجيب! درت على محلات الشويخ قالو مالك الا الوكيل ورحت الغانم وصلحت كمبيوتر الجيب بـ 300 دينار!!
بعدها بكم شهر ضرب عندي الجـيـر ! صلحته بـ 220 دينار .. والحين الكمبريسر خربان .. وروح!!

كنت منخدع بسيارات وارد امريكا

 

[الفيصلي]

اعجبتني كلمة الحراي

 

[مجرد انسان]

شوف نصيحة لله لا تشتري من الحراج
بالحراج مرة واحد من الربع يقول خذيت سيارة رخيصة وموديل جديد يا اخي ليش يظلمون الشريطية
ترا مو كلهم نصابين
بعد فترة واهو يسوق السيارة ومع عجة قوية قام يطير صبغ السيارة الامامي خمن شنو طلعت السيارة ؟؟؟
سابقا كانت دورية شرطة هههههههه مت عليه من الضحك اللي ما يبي يظلم الناس ​

 

[شمري كويتي]

اعجبتني كلمة الحراي

الحراي والدياي كلمات كويتية بحتة

اهل الكويت الحضر يقلبون الجيم ياء

اما اهل البادية ينطقون الجيم كما هي​

 

[الفيصلي]

نفس البيديانه

 

[شبابي]

اعجبتني كلمة الحراي

حاضرين ,,,,