أسماء 302 شخصا نالوا الجنسية الكويتية
- بادئ الموضوع مزيد المطيري
- تاريخ البدء
يُضحكني كثيراً هذا القانون ( الفاشل )
من متى الولد يتبع أُمه ؟!
من متى الولد يتبع أُمه ؟!
هذا اللي مو قادرة أفهمه !
شخص عنده جنسية , تجنسه على أي أساس ؟!
شخص عنده جنسية , تجنسه على أي أساس ؟!
* أعرف عائلة , الأم كويتية , والأب بدون , طلق الأم في الكويت , وعقد عليها عقد ثاني في إحدى الدول المجاورة , عشان العيال يتجنسون بس !
و يدّعون أن البدون إبن البلد ( يخرّب النسيج الإجتماعي )
يجيب الله مطر إن شاء الله .
احبج يا كويت
عضو ذهبي
من صجكم هذيله صاروا كويتين وين كانوا لا تقولون لي هذيله أصلين تري انتحر
احنا عيال اقريه وكل من يعرفه خيه
احنا عيال اقريه وكل من يعرفه خيه
اسامهيم كويتيه وعقيدتهم عقيدة اهل الكويت
وامهاتهم كويتيات ولهم اقرباء كويتين
شنو ما ترتاحون لا لما تشوفون اسم لفته وباقر وعباس وكاظم موجود في التجنيس
kuwait2009
عضو
البدون اول
لماذا يجنسون ابناء الكويتيات وليش مايتجنسون البدون الذين هم كويتيين لماذا يتجنس الهندي والايرانى والبنغالي والمصري ليش كل خايبه وعانسه وتتزوج واحد من برا ويجنسوون عيالها ماهو سر عدم تجنيس البدون الخبر عند كوهين
لكم الله يااخواني البدون كم صبرتم لو انا منكم كان اجنيت
لماذا يجنسون ابناء الكويتيات وليش مايتجنسون البدون الذين هم كويتيين لماذا يتجنس الهندي والايرانى والبنغالي والمصري ليش كل خايبه وعانسه وتتزوج واحد من برا ويجنسوون عيالها ماهو سر عدم تجنيس البدون الخبر عند كوهين
لكم الله يااخواني البدون كم صبرتم لو انا منكم كان اجنيت
مساكين أبناء الكويتيات
اعرف كم عايله منتظرين هذا الكشف على أحر من الجمر ولم تدرج أسمائهم مع العلم أن ملفاتهم مكتمله وخالصه
بس ما أدري ليش بالقطاره وهم مستحقين دستوريا الجنسية
يعني بصراحة زادوا على شروط الجنسية شروط جديده
وهي
لازم يصير فيك ضغط وسكر
لازم تحترق جبدك
لازم يشيب راسك
لازم يكبر ولدك وايصير طولك
حسبي الله ونعم الوكيل :وردة:
اعرف كم عايله منتظرين هذا الكشف على أحر من الجمر ولم تدرج أسمائهم مع العلم أن ملفاتهم مكتمله وخالصه
بس ما أدري ليش بالقطاره وهم مستحقين دستوريا الجنسية
يعني بصراحة زادوا على شروط الجنسية شروط جديده
وهي
لازم يصير فيك ضغط وسكر
لازم تحترق جبدك
لازم يشيب راسك
لازم يكبر ولدك وايصير طولك
حسبي الله ونعم الوكيل :وردة:
" كش ملك "
عضو بلاتيني
ابوالمنتهيات
عضو فعال
هذيلا كلهم عندهم جنسيات
مو بدون
البدون لهم الله
تتجنس الناس على طاريهم .. وهم من اكثر من 50 سنة يعانون
تأكدوا بنفسكم .. بارك الله فيكم .. محد من هالاسامي بدون :إستنكار:
سعودي .. ايراني .. والذي منه
يعني بالاساس عندهم جنسية وما يعانون من شي بعد شحقه تجنسونهم !!
ليش ما تحل المشكله الاساسية بالنسبة للتجنيس وتالي تجنس اللي تبيه من اللي عندهم جنسيات .. الحمدلله والشكر
السؤال الحين .. متى يجنسون البدون ؟!!!!
ومنو الي قالك الي عنده جنسية ما يعاني !!
اكو مقيمين بصورة قانونية اكثر من 50 سنة وقدموا اعمال جليلة وابناء ابنائهم شكلا ولهجة كويتيين ولا ابشرك كانوا من ضمن خلايا المقاومة الكويتية وما زالوا يدفعون رسوم اقامة و تأمين صحي ورواتب متدنية انا اعرف شخص من احدى الجنسيات خدمة اكثر من 40 سنة وموجود قبل 1958 وابناءه جامعيين وخدموا مع المقاومة الكويتية وحالتهم حاله اللحين
هم اكو ناس تحمل جنسيات اخرى ومقيمة بصورة قانونية تستحق الجنسية ... بس اذا بنقارنهم مع ابناء شهداء موكب الامير الراحل رحمة الله عليه مثلا فهذه ام المصائب والكوارث
سبحان الخالق
عضو فعال
رفعت مصطفى؟
مبروك عليهم والبدون بتصريح الحكومه الف ماتجنسو عشان بس اصولهم من الشمال
مبين من الاسماء ان في قبيله ماشاء الله عد وخربط عشان عندها نواب جدام الناس معارضه ومن تحت الطاوله الله يستر بس حسبي الله ونعم الوكيل ع كل نائب مايقول الحق والله لايوفق كل نائيب يتراقض ع جراح البدون
مبروك عليهم والبدون بتصريح الحكومه الف ماتجنسو عشان بس اصولهم من الشمال
مبين من الاسماء ان في قبيله ماشاء الله عد وخربط عشان عندها نواب جدام الناس معارضه ومن تحت الطاوله الله يستر بس حسبي الله ونعم الوكيل ع كل نائب مايقول الحق والله لايوفق كل نائيب يتراقض ع جراح البدون
هذا الفرق .. ينظرون للكويت نظرة مادية .. والبدون ينظرون له نظرة وطن
قسما بالله مستعدة اعيش بره الكويت ( يعني ما ازاحم بالوظائف الحكومية ولا بالخاص ) ولا آخذ من الكويت ولا فلس .. بس آخذ الجنسية واعيش بوضع طبيعي .. اقول اني كويتية بشكل رسمي لاني اصلا كويتية غصبا عن اللي يرضى واللي ما يرضى
اتمتع بحريتي .. اقدر اسافر واشتغل واكمل دراستي .. مو اتم جذي مقيدة طول عمري
احنا ما قلنا للكويت صرفي علينا .. صرفنا على نفسنا ودرسنا بفلوسنا والمحظوظ فينا اللي يلاقي وظيفه بـ 150 والا 200 دينار وكراف ومعاملة ذل .. ومع ذلك تلاقيه كمل دراسته الجامعيه بمجرد فتح جامعة خاصة لأنه حارم نفسه من كل شي في سبيل انه يطور نفسه
وتلاقيه ميت علشان يكمل دراسات عليا بس مو راضين يعطونه جواز
احنا ننظر للكويت على انه وطننا .. ولما نضحي من اجله وندافع عنه لانه اصلا انتماءنا لهذا الوطن مو مثل غيرنا
يبي ياخذ الجنسية علشان يحصل بيت ببلاش والا علشان يزيد راتبه !!!
ويتم قلبه وانتماءه لديرته الاساسية .. وعندك اكبر مثال عبدالرحمن عبدالخالق تجنس وصار كويتي بدال لا يتكلم بالشأن الكويتي للحين قلبه يتحرك صوب مصر ويتكلم عنهم
ولا تقارن شخص ضحى بنفسه في سبيل وطنه .. وبين شخص هدفه يحصل جنسية بلد غير بلده
"بلادي وإن جارت علي عزيزة"
ابوي الله يرحمه فيه صار فيه سرطان ببداية الغزو والله ما رضى يطلع وقال بموت بديرتي .. وكان من ضمن المدنيين اللي سرحوهم من بداية الغزو .. يعني ما فكر انه هالديرة ضيقت عليه في العيشه وكانوا كل يوم والثاني يعطونه كتاب تهديد طلع جنسية والا نفنشك .. ما قال آنا شنو استفدت .. ماصار بين عيونه الا " الكويت ديرتي " ومابي اندفن الا بديرتي
وقسما بالله بأيام التحرير ساءت حالته وقالوا المرض منتشر لانه اصلا ما تعالج وظل يعاني .. ولا تقول لي مرض عادي
هذا سرطان يعني معاناة ما بعدها معاناة وألم لا يطاق .. وانت تدري شكثر ناس طلعت من الكويت وعادي قطت كل شي ورا ظهرها .. بس هو أصر على انه يتم بالكويت وبعدها بجم شهر توفى الله يرحمه وحزتها قال الطبيب احمدوا ربكم الله رحمه واخذ امانته لان المرض وصل للعظم
الانتماء للوطن ما يعدله شيء اخوي الكريم
واللي يرضى يبيع ديرته علشان ميزات ديره ثانيه .. صدقني بيبيع الديره الثانيه بمجرد ما يحس انه اكتفى او خلصت حاجته فيها
ورجاء لا ينطون لي العنصريين واللي مو فاهمين منو البدون الحقيقي والمستحق واللي كثير يتشدخون ويقولون فيه ناس مستحقين للجنسية وعمرهم ما قالوا متى يتم تجنيسهم ؟!! وليمتى يتمون ناطرين !! وليمتى الظلم !!!!
قسما بالله لو عندي جنسية هندية جان اعتزيت فيها ولا رضيت بعيشة الذل هذي ولا ركضت ورا جنسية الكويت مهما كانت الميزات
بس الكويت ديرتي .. تعرفون شنو يعني وطن !!
تاج راس الي مو عاجبه هالقبيله و غصب عن شارب الي مو عاجبه يستاهلون الجناسي
لا و الف لا لتجنيس العراقي
كل هذا حسد على مطير وابناء مطير
عموما انا متعاطف وياى الاخوة البدون ومواضيعي معروفة وممكن تسأل الاخ احمد التميمي
ترى مطير يا اخوي ما ظلموك ولا خذوا حقك ولا هم اللي ما يبون يجنسون الاصول الشمالية والتجنيس ليس بيد النواب علشان تحسب عليهم
التجنيس بيد الحكومة ويصدر بمرسوم اميري يعني باختصار بيد الشيوخ من الاسرة وهذا من تأسيس الكويت حتى الآن
يعني اذا كان هناك من لا يرغب في تجنيسكم فهو بكل وضوح وصراحة وشفافية الشيوخ وليسوا نواب مطير وليسوا ابناء مطير الذين ان شاء الله انهم دائما مع الحق ويدافعون عن كل مظلوم
عرفت الحين شنو السالفة ثم ما هو ذنب مطير ورجالها اذا اخذوا حقهم وترك الاخرين حقوقهم
عموما انا اعذرك فانا شخصيا وقفت على ظروف اخواننا البدون وهي ظروفه مأساوية جدا جدا وبعضهم كما ذكر لي بعض الثقات لا يجد لقمة العشاء او الغداء واعرف انكم تحطون الحرة في النواب وفي الاخرين وانا بعد عاذرك حتى لا تضغط عليكم الحكومة اكثر او تسجل عليك قيد امني لو تعرضت لها او لمن حرمكم الجنسية
وراح اكون اكثر جراءة منك واطالب بتجنيس اخوانا البدون المستحقين واقول يا الحكومة يا الشيوخ عطوا كل واحد حقه وعطوا المستحقين من البدون حقوقهم
blue ocean
عضو فعال
تاج راس الي مو عاجبه هالقبيله و غصب عن شارب الي مو عاجبه يستاهلون الجناسي
لا و الف لا لتجنيس العراقي
أكيد لا والف لا لتجنيس العراقي بس اتوقع الاخ العضو سبحان الخالق خانه التعبير يمكن قصده القبائل الشماليه والمقصود فيهم من نجد شمالا الى الحجاز هذا كان مسكنهم ومناطقهم عكس القبائل الجنوبيه اللي مسكنها قريب من اليمن فالمقصود من تقسيم القبائل الى شماليه وجنوبيه هو بالنسبه لمنطقة نجد قبل تكوين الدول القبائل العربيه لها مناطق معينه في شبه الجزيره العربيه وليس المقصود شمال الكويت كما فهمت حضرتك
وبحكم الترحال في الماضي تلقى من نفس القبيله موجود في كل انحاء الجزيره العربيه .
مثل اللي بالفيديو لاحظ انه من نفس قبيلتك لكنه الان عراقي ومتشيع وهذا بسبب ترحال اجداده في الماضي ما يعني انه كل قبيلته من هناك
http://www.youtube.com/watch?v=4OOG99gIMkk
مضيع يالحبيب هذا مو مطيري .... المطران في العراق 3 بيوت في سوق الشيوخ ومعروفين بالأسم ... هذا طال عمرك من قريه في جوار النجف أسمها مطيره وكل من ينتمي لهذه القريه يسمى مطيري بفتح الميم وكسر الطاء ... والله على ما أقول شهيد
blue ocean
عضو فعال
^
^
عاد هذا ما يبخس من حق المطران بشي .. الحمدلله القبائل العربيه الاصل والفصل والمعروف تاريخهم حتى لو هاجر الهند تلقاه عارف أصله ويفتخر فيه
^
عاد هذا ما يبخس من حق المطران بشي .. الحمدلله القبائل العربيه الاصل والفصل والمعروف تاريخهم حتى لو هاجر الهند تلقاه عارف أصله ويفتخر فيه
يوجد مطران بالاهواز
نعم العبيات في الاهواز ووسمهم العرقاه هم عيال عم العبيات في فلسطين وطولكرم بشهادة مناحي بن عشوان راعي العاذريات
كذلك عشيرة السمرين والمطيريين والعقيل والمطيرات في الاردن وتحديداً المشقر وعشيرة البرازي في حماه في سوريا مطران
وكذلك عشيرة شويش المعرقب الجبلي في كفر شويش في طور سيناء في مصر مطران
وازيدك من الشعر بيت في وادي في تونس عند وادي الحمائم الذي نزل فيه ذياب بن غانم اسمه وادي مطير وفيه عشيرة هناك اسمها المطيريين
وانا شخصياً قابلت رجال في المغرب شكله مطيري واسمه في هويته المغربية الي اطلعت عليها محمد عوض دغيم المطيري حتى لهجته بدوية على مغربية
اما العراق فالمطران الي فيه قليل جداً لاسباب طائفية محضة منذ سنين ويستحيل تواجدهم هناك ولم يمر المطران العراق الى لجلب الكلا من اسواق البصرة والناصرية وبغداد او لغزو النجف وكربلاء على وقت الاخوان او للهرب من عبدالعزيز آل سعود والاحتماء بالملك فيصل بن الشريف حسين الذي حكم العراق مثل ما فعل لافي بن معلث الديحاني بعد قتل خدام بن جلوي
ولم اسمع ان هناك مطران ثابتين النسب في العراق قط الا اثنان من ابناء الشيخ جهز بن شرار الذين هربا بعد قضية دم ولم يعرف عنهم ابوهم ولا اخوتهم ولا احفاد اخوتهم شيء حتى الان من بعد ان هربا وكل الذين تتبعوا اثرهم وجدوهم دخلوا حدود العراق فقط
اما الرادود جعبر المطيري فهذا من قرية مطيرة بجواز النجف الذي سميت مطيرة تيمناً في قبيلة مطير بعد غزو الاخوان للنجف وسحل الصحن الحيدري على أيدي الوهابييون عام 1919 م الى ان تدخل المندوب البريطاني في الشرق الاوسط ديكسون وتم تصفية حركة الاخوان الجهادية بعد ذلك ..