نصايحكم حول مخطط شهر العسل الي اوربا

المانيا وفرنسا للتسوق

النمسا وسويسرا مناظر خلابة

من الافضل انك تحدد دولتين مثلا فرنسا وسويسرا افضل لك من ناحية المصاريف والراحه عشان ما تتعب نفسك كل يوم بديرة وبالنهايه تكتشف ان رحلتك كلها متعبه !

انا بالصيف الماضي سافرت سويسرا وفرنسا وكانت رحله ممتازة ولله الحمد وتقريري موجود تلقاه بالصفحه الثانيه او الثالثه او الرابعه ماادري من زمان ما شفته ولا اعرف احطلك الرابط لاني شابك من الاي فون .


وانصحك انك ما تأجر سيارة بفرنسا بس في سويسرا او النمسا لااازم سيارة افضل لك بمليون مرة  
 

إنفصام

عضو بلاتيني
قبل كل شي الف مبروك وبالرفاء والبزارين

من تجربه شخصيه الصيف الماضي
اختار اللوفتاهنزا للطيران
خط مباشر من الكويت الي فرانكفورت ومن ثم ساعه و10 دقائق انتظار والي ميونخ
ميونخ تعيسه جدا..يكفيها يومين وتصلح للشوبينق فقط ...يمكن قارمش تستانس فيها ويكفيها يوم واحد وتبعد عن ميونخ ساعه تقريبا
الشوبينق خله آخر شي والباقي من فلوسك انفضه في السوق
والله يعينك علي شارع الماكسميليان والماركات اللي فيه ...الفيزا ستبكي دم

تأجر سياره والاستلام من مطار ميونخ وهوووبا علي طول الي قرية كابرون في النمسا ساعتين ونص انت هناك
وجناح مطل علي جنه أرضيه في احلي فندق
وحاول قد ماتقدر انك تغض من البصر ..البشر هناك لونهم وردي ...ويالله السلامه
كابرون من 5 ايام الي اسبوع تكفي .....وستنال حتما علي اعجابك ....رائعه خياليه وجوها فعلا شهر عسلي
زلمسي ازعاج وبزارين لا انصح بها
سالزبورج حليوه ..يكفيها 3 ايام فقط
لاتنسي رفيق دربك جهاز جارمن ..اقسم بالله انه خوي ويعجبك

انا اكتب علي عجاله
ان كنت مهتم في تفاصيل اكثر ماعليك الا السؤال وانا حاضر
وأبي هديه من ميونخ
بالمناسبه 4 الاف مع الفين الفيزا يااادوب تكفيك
 

فيصل.م

عضو بلاتيني

يا أخوان ما يصير

واحد يقول 4 الاف لا تكفي و الأخر يقول 6 لا تكفي
:D

أنتم هكذا تخلون العزوبي ( مثلي ) يعيد حساباته من أول و جديد !



:وردة:

 

اقوش

عضو فعال
الف مبروك والله يعينك على المصاريفىفى سويسرا
بالنسبه السياره لازم تستاجر مع القطار والمترو ماراح ترتاح والاهم يكون معاك قارمن خرائط اوربا الحديثه والله يردك بالسلامه واذا رحت لسويسرا سلمليةعلى انتر لاكن
 

هامل الطرف

عضو مميز
عزيزي إليك الأتي....

بارك الله لكما وجمع بينكما بخير....وجنبكما الشيطان...

الميزانيه زينه وكويسه إلا أنها قد لا تصلح لمن يريد أن يتشيحط زياده عن اللزوم ويخرج عن أهداف السفر السياحي...

6000 دك لشخصين ومو كافيه ليش :mad:

اطلعت كثير على رحلات وتقارير وآراء اخوة أعزاء

حاول لا يكون التنقل كثيرا فهذا غير أنه متعب سيضيع وقتك ولن تتمكن من اكتشاف المدن اللي أنت ذاهب لها...
حبيبنا
سافر الي ميونخ واستأجر من اليوربكار...واطلع الي زلامسي أو كابرون اللي يجوز لك منها اسكن فيها...
ثم تبدأ بجدولك السياحي...
التنقل الي الشلالات والزحلاقيه والتلفريك والتمشي بالسياره بين تلك القرى....
وكذلك...الطيارات والمراكب في البحيرات ...الخخخخخخخخ

وعندك التنقل بين المدن زيلامسي وكابرون وسالزبورج وانسبورك وغيرها....
ثم اختمها بميونخ يومين وانت راجع....

ملاحظات ....

من واقع تجربة بعض الأخوة ....لما ترجع لميونخ سلم السياره لأنك لا تحتاجها في ميونخ والسكن يكون في وسط السنتر وتكفيك شبكة القطار هناك والمواصلات...

اخذ قارمن وياك وتستطيع من هنا تحدد فيه وتضبط الأماكن اللي تريد الذهاب لها...

أنا قلتلك لا تتنقل علشان نقل الشنط والجك ان والجك اوت مزعج...
وهي اقصد المدن هناك والقرى تقريبا متقاربه...

الجو جميل والطبيعه خلابه وأغلبها بحيرات....لذا لا تزعج نفسك بالتنقل الزايد .....

بعدين خل مجال للسفرات القادمه ...;)


أتمنى أني قد أفدتك بشي,,,,,,,تروح وترجع بالسلامه
 
أعلى