مائة مليون لعاملي النفط وباقي الشعب لاحول ولاقوة الا بالله

[صريح جدا جدا]

مائة مليون دينار كويتي مكافاة العاملين في النفط

احسبوها معاي الكويتيين مليون اطفال نساء رجال

الواحد يحوشه امية دينار

يعني بفهم شنو مشاركة نجاح

المعروف انها بسبب ارتفاع النفط

طيب والشعب مايشارك في المكافاة

والا البترول صار حق موظفين النفط بس

يعني امية مليون كل موظف يحوشه سنويا

مو اقل من 5 الى 7 الاف دينار مشاركة نجاح

طبعا المهندسين والمدراء حسبة ثانية

غريب توزيع الثروة بالبلد

وين العدالة الله يعين

ياليت تفكونا من سالفة حسد وماادري شنو الموضوع ان الثروة

النفطية من حق الشعب يحصل على مكافاة منها مثل الموظفين

بالنفط

نفط الكويت للكويتيين بدون استثناء​

 

[جارح]

ومنا الى اعضاء مجلس الامه الاغلبية الي ماشفنا منها شي حتى الآن

الله يخلف على باجي الشعب ماله نصيب من الكيكة الي تقاسموها​

 

[محمد اسماعيل ابراهيم]

ديرة بطيخ

شحقه ندرس عيالنا بعرف ؟؟؟

الاحسن نخليه ياخذ متوسطه بعدين ندور واسطه عشان نوظفه بالنفط وخلال جم سنه يصير مليونير !

وينكم يا مجلس الخيبه ؟؟؟؟؟؟؟؟؟؟؟؟​

 

[صريح جدا جدا]

عشان تكون فكرتي اوضح اعطيكم مثال على العدالة


المنحة الاميرية من حبيبنا واميرنا الله يطول عمره وشيخنا صباح الاحمد

كانت قمة العدالة الميتين او الالف دينار كانت لكل الكويتيين

بدون استثناء حتى موظفين النفط

وهذا هو العدل ياليت الاعضاء يشوفون الوزير ومسؤلين النفط شلون قاعدين

يوزعون من فلوس النفط مكافاة لاهي معاش مقابل عمل عشان نقول عادي

واذا كان فيه قانون يستندون عليه القانون موقران يتغير

واذا يهددون بالاضراب اقول ترى ماعندهم سالفة

اللي شايل الشغل موظفين اجانب ماراح يوقف الشغل

اضرابهم وهمي صدقوني واخذ اكبر من حجمه

الحكومة اقدرت على اضراب الجمارك وهم كويتيين وماكو اجانب معاهم اشلون النفط

اللي شركاتهم على الله وعلى الاجانب​

 

[نمر]

ومنا إلى الأغلبية في مجلس الأمة لإبراء قسمهم بالمحافظة على أموالنا !!!!
بأي حق تقتسم عصابة أموالنا؟؟
نرجو من الأغلبية النيابية مناتقشة هذا الموضوع وفتح تحقيق فيما لو صح الخبر
أموال الشعب أمانة في أعناقكم
كما أنكم تحت المجهر وحتى الآن لم نلمس شيئًا من تحركاتكم​

 

[جارح]

عشان تكون فكرتي اوضح اعطيكم مثال على العدالة ​

المنحة الاميرية من حبيبنا واميرنا الله يطول عمره وشيخنا صباح الاحمد ​

كانت قمة العدالة الميتين او الالف دينار كانت لكل الكويتيين ​

بدون استثناء حتى موظفين النفط ​

وهذا هو العدل ياليت الاعضاء يشوفون الوزير ومسؤلين النفط شلون قاعدين ​

يوزعون من فلوس النفط مكافاة لاهي معاش مقابل عمل عشان نقول عادي ​

واذا كان فيه قانون يستندون عليه القانون موقران يتغير ​

واذا يهددون بالاضراب اقول ترى ماعندهم سالفة ​

اللي شايل الشغل موظفين اجانب ماراح يوقف الشغل ​

اضرابهم وهمي صدقوني واخذ اكبر من حجمه ​

الحكومة اقدرت على اضراب الجمارك وهم كويتيين وماكو اجانب معاهم اشلون النفط ​

اللي شركاتهم على الله وعلى الاجانب​

يسحبون الألف دينار منحه لكن تتم العداله مدى الحياة ابرك وافضل من منحة عادله وسلم رواتب مافيه اي عدل وانصاف

اذيتونا بالمنحة يبا والله يردونها وبالحساب موجوده ,, يتراوالك هالألف بتغنينا لين نتقاعد ؟

اذا بتغنينا خلها تغني افراد الاسرة الحاكمه ويتنازلون عن المعاشات الي تنصرف لهم من يطلعون على الدنيا

نبي افعال مو حجي فاضي كما عودونا​

 

[فهد عبد الرحمن]

السلام عليكم ... هذا اولاً

ثانيا ً ... انا بس خاطري اعرف ليش دائما تهاجمون موظفين القطاع النفطي ؟؟

مشاركة النجاح اللي الكل قاعد ينتقدها و يبكي على اساس انها اهدار للثورة و اموال الدولة و العشب ما أشوفهم تكلموا عن الأعمال الممتازة اللي توزع في كل سنة على باقي مؤسسات الدولة ؟؟

يعني موظفين وزارة المالية ياخذون مكافأة اعمال ممتازة ..مو مشكلة
موظفين المطافي ياخذون اعمال ممتازة ..حلال عليهم
موظفين النفط مكافأة نجاح اللي اهو مسمى الأعمال الممتازة .. لأ - وقف - ما يصير - شلون - إهدار للمال العام - حرام ياكلون حقوق الشعب

ليش العنصرية يعني ؟؟ تكلموا عن باقي المكافآة بالدولة

و على فكرة المكافأة على " الراتب الأساسي " مو الراتب الإجمالي

و الأخ صريح جدا يقول " كل واحد يحوشه سنوياً مو أقل من 5 آلاف الى 7 آلاف "

إنزين سؤالي اخي العزيز ... من وين عرفت المبلغ ؟؟ و شنو مصدرك ؟؟ و لا الدعوة بس كلام و تضخيم للمبلغ ؟؟

و أرد على إستفسارك لما سألت شنو مشاركة نجاح ...
مشاركة النجاح تعطى للعاملين في القطاع النفطي على نجاح تشغيل المحطات و تشغيلها مما حقق أرباح ... يعني اتوقع النفط ما يطلع بروحه من بطن الأرض و يروح للناقلات و يتصدر ... فيه اعمال حفر و تنقيب و تكرير و غيرها ... و بطبيعة الحال راح تواجه هذي العملية مشاكل و عراقيل سواء
- تسرب نفطي أحيانا
- shut down يحوش المحطات و المصافي
- صيانة دورية للمحطات

و هذي كلها طبعا ما تراح تتصلح بروحها .. و بعض المشاكل تأخذ ايام عشان تنحل و يرجع الانتاج كما كان

هذا بالنسبة لسؤالك عن أسباب مشاركة النجاح و معناها

و سؤالك عن القانون اللي يقرها ... تفضل هذا نص القانون :

قانون العمل في القطاع الاهلي الكويتي رقم 38 لسنة 1964 في مذكرته التفسيرية يقول صراحة:
المشاركة في الربح : هو نظام يكون العامل بمقتضاه معنيا بنجاح المنشأة او اتساع اعمالها عن طريق اعطائه جزءا مما تحققه من كسب . ويقرر هذا الجزء بإتفاق بين رب العمل والعامل يلتزم فيه رب العمل بأن للعامل فوق اجره نسبة معينة من الربح لا تجعل العامل شريكا كما ان ما يستحقه بشأن هذه المشاركة هو اجر لا تبرع. وان هذا الأجر الذي يشكل نصيب العامل في الربح هو اجر اضافي له صفة احتمالية لا اثر لها في تطبيق احكام الأجور عليه،
وعلى هذا فلا تحتسب المشاركة في الربح من ضمن اجر العامل.

والمادة 149 من قانون "العمل" رقم 6 لسنة 2010
يلغى القانون رقم 38 لسنة 1964 في شأن العمل في القطاع الأهلي ويحتفظ العمال بجميع الحقوق التي ترتبت عليه قبل إلغائه وتبقى كافة القرارات الصادرة تنفيذاً له معمولا بها فيما لا تتعارض مع أحكام هذا القانون لحين صدور اللوائح والقرارات اللازمة لتنفيذه.


و على فكرة تم أخذ الموافقة على مشاركة النجاح من الفتوى و التشريع

فإذا كان لك نية إنك تغير القوانين فيه قوانين أولى إنها تتغير ... و أعتقد الأخوان في المنتدى تناولوا الموضوع بما فيه الكفاية

و الأخ محمد اسماعيل يقول " شحقه ندرس عيالنا "
و يقول " الاحسن نخليه ياخذ متوسطه بعدين ندور واسطه عشان نوظفه بالنفط وخلال جم سنه يصير مليونير "

كلامك حلو فعلاً ... يعني الديرة كلها تعرف انه اقوى المعاشات بالبترول ... دام الناس تدري ليه ما درست تخصصات تنقبل بالبترول ؟؟
ترى مو شرط هندسة بترول
ميكانيكا ينقبل بالبترول
كهرباء ينقبل بالبترول
قوى محركة ينقبل بالبترول
كذا تخصص

بس خلنا واقعيين ... تروح تدرس لي تخصص عادي و تبي معاشك نفس البترول ... هذي شوية اشوفها صعبة

و بخصوص انه يدرس ابتدائي و يوقف عندي لك خبر ما راح يسرك ... وزارة النفط المسؤولة عن تعيين الموظفين في الشركات النفطية لا تقبل بخريجيين متوسطة ولا ثانوية للعلم ...

يعني كل مرة أشوف واحد يعلق " معقولة واحد شهادته متوسطة ولا ثانوية معاشه 4000 دينار "

بالذمة هذا كلام ؟؟ و بسنة 2012 ؟؟
أتمنى واحد من الأعضاء يثبت لي و للأخوان انه فيه واحد توظف بعد عام 2000 و مؤهله الدراسي متوسطة ... او ثانوية ..

البترول أقل من دبلوم ما ينقبل ... هذا إذا أنقبل طبعا

و بالمرة ياريت واحد من الأعضاء يقدر يثبت أنه موظف البترول العادي مو المهندس معاشه يطوف ال 4000 دينار و تكون خبرته اقل من 5 سنين ... يعني عشان ما نكون نرمي التهم على غيرنا

و بالنسبة للأخ نمر اللي يقول عن موظفين القطاع النفطي
" بأي حق تقتسم عصابة اموالنا "

أقوله جزاك الله خير ... الحين أحنا صرنا عصابة و غيرنا هو الملاك الطاهر




​

 

[راي خاص]

الله العالم اللي حاط فكره ( مشاركه نجاح ) اهو شخص وافد مو كويتي علشان يسرق بطريقه ذربه وجمع الكويتين معاه علشان يسكتون ويطالبون فيها اذا توقفت او صار شي .

انا ابي اعرف اهم توهم يدرون ان النفط ناجح وقبل كان خسران طيب اذا في خساره يساعدون ويدفعون من جيوبهم ولا توزيع ثروه بس وين العدل


طيب ابي اعرف هذي مشاركه نجاح والمبلغ الفلاني طيب البونص السنوي شنوي هذا طيب الاعمال الممتازه شنو خلنتها عندهم لازم يرسون على بر ويختارون وهحده فيهم .


منا الى اعضاء مجلس الشرفاء اذا تكلموا . ​

 

[محضر ارواح]

موظفين النفط حراميه نهبو البلد ماكلين البلد اكل
ما يستحون على وجيههم ما يشبعون
فوق شينهم قوات عينهم
انا اقول لو يفصلونهم احسن ويجيبون مكانهم موظفين من بره احسن مليون مره
ورواتبهم العاليه هذي يتم توزيعها على موظفين الخاص والحكومي المظلومين
النفط ما يشتغلون وقاعدين شاي وتويتر وايفون ومخلين الشغل على الهنود
خلاص افصلوهم وخلو الهنود مكانهم براتب اقل ووفرو الرواتب للدوله
موظفين النفط ياكلون مال الحرام لانهم ياخذون رواتب بدون جهل وعمل


​

 

[راي خاص]

اخوي فهد عبد الرحمن

مشغل مصفاة دورة ٩ شهور شنو شهداتهم اعتقد ثانويه عامه لاتتحدي وانت موعارف اللي اعرفهم من الربع ٥ كلهم فيها ٣ كانو رقباء في الجيش واستقالوا ودشو الدوره صارلهم سنتين .

فا لاتقول اقل شي دبلوم

 

[فهد عبد الرحمن]

طيب ابي اعرف هذي مشاركه نجاح والمبلغ الفلاني طيب البونص السنوي شنوي هذا طيب الاعمال الممتازه شنو خلنتها عندهم لازم يرسون على بر ويختارون وهحده فيهم

الأخ رأي خاص ... مشاركة النجاح هي نفسها البونص السنوي

موظفين النفط حراميه نهبو البلد ماكلين البلد اكل
ما يستحون على وجيههم ما يشبعون
فوق شينهم قوات عينهم
انا اقول لو يفصلونهم احسن ويجيبون مكانهم موظفين من بره احسن مليون مره
ورواتبهم العاليه هذي يتم توزيعها على موظفين الخاص والحكومي المظلومين
النفط ما يشتغلون وقاعدين شاي وتويتر وايفون ومخلين الشغل على الهنود
خلاص افصلوهم وخلو الهنود مكانهم براتب اقل ووفرو الرواتب للدوله
موظفين النفط ياكلون مال الحرام لانهم ياخذون رواتب بدون جهل وعمل

الأخ محضر أرواح ... نفس الكلام هذا أنت كتبته بموضوع ثاني عن موظفين النفط .. بسممكن أعرف شنو هالحقد الأسود اللي بقلبك ... يعني الأخوان قالوا ألغوها ... أما انت تقول فنشوهم ... خاف الله

بعدين شدراك انهم شاي و تويتر و مخلين الشغل على الهنود ؟؟

أنت شفت بعينك هالشي ؟؟
معقولة كل موظفين النفط هذي شغلتهم ؟؟
و الحمد لله معاشات موظفين النفط حلال بإذن رب العالمين

و بدال ما تقول فنشوهم و ما يشتغلون ... روح شوف الدوائر الحكومية و شوف الكاونترات اللي ما عليها موظفين و قارنها بعدد الكاونترات اللي عليها موظفين بعدين تعال قول انه القطاع الحكومي مظلوم ...

​

 

[فهد عبد الرحمن]

اخوي فهد عبد الرحمن

مشغل مصفاة دورة ٩ شهور شنو شهداتهم اعتقد ثانويه عامه لاتتحدي وانت موعارف اللي اعرفهم من الربع ٥ كلهم فيها ٣ كانو رقباء في الجيش واستقالوا ودشو الدوره صارلهم سنتين .

فا لاتقول اقل شي دبلوم

طال عمرك أنا ما جبت شي من عندي ... هذي إعلانات النفط تنزل بالجرايد و يقدر الكل يشوفها ... يا ريت تجيب لي و للإخوان أعلان واحد كاتب من شروط القبول " أن يكون المتقدم حامل للثانوية العامة "

 

[راي خاص]

طيب انت تقول اعلانات جرايد انت صادق

لكن انا عندي ٥ من الربع كل يوم معهم في الدوانيه يعملون مشغلين مصفاه البي في الشعيبه واللي في الاحمدي والله ثم والله انه شهداتهم ثانويه عامه ودخلو دوره مدتها اعتقد ٩ شهور لا معهم لا دبلوم ولا جامعه ولا دكتوره ولا يحزنون

 

[فهد عبد الرحمن]

طيب انت تقول اعلانات جرايد انت صادق

لكن انا عندي ٥ من الربع كل يوم معهم في الدوانيه يعملون مشغلين مصفاه البي في الشعيبه واللي في الاحمدي والله ثم والله انه شهداتهم ثانويه عامه ودخلو دوره مدتها اعتقد ٩ شهور لا معهم لا دبلوم ولا جامعه ولا دكتوره ولا يحزنون

صادق يا أخوي صادق ... بس اللي أنا اعرفه أنه لازم دبلوم و جزاك الله خير نورتني بهالشغلة و نورت الأخوان معاي اللي يقولون دوامهم بالنفط مو تعب و شاي و قهوة أتوقع بعد هالكلام محد له عذر ... خله يقدم إستقالته و يقدم على النفط ... ...

بس اسمهم دخلوا دورة و عطوهم شهادة مشغل مصفاة ... يعني في النهاية معاه شهادة في مجال التخصص و إن كانت من الشركة مو من الحكومة ...

بس الكلام إنه يجي واحد و يقول معاه متوسطة و يستلم 4000 دينار هذي ما تصير ... و لا أنت شرايك

 

[راكز]

الاعمال الممتازه او ماتسمى مشاركة النجاح بالنفط اغلب الوزارات ياخذونها
قبل النفط اعتقد توزعت على كذا وزاره

 

[إنفصام]

عليهم بألف عافية

يستاهلون واكثر بعد


لو كان هناك مقارنات وتحليلات موضوعيه وحياديه لقمت بسرد رد مناسب
ولكن لم أقرأ إلا هرطقات حُساد وتحليلات طفوليه
مع احترامي للجميع ​

 

[ليله ويوم]

عطوا النفط يستاهلون



بس لا تنسون الفنيين ومساعدي المهندسين


يجب تعديل وضعهم القائم حاليا اللي كله ظلم

واجحاف



المهندس فرقه عن مساعد مهندس كويتي معاه الدبلوم يفوق ال400 دينار



شدعوه


؟؟


الاضراب هو الحل ان لم تحل المشكله


​

 

[حزب الامل الديمقراطي]

الايام هذي الحكومه قامت تصنع في البلد فقير وغني

ابناء موظفين الحكومه فقراء
تدريس + صحه + جامعة = حكوميه دمار

ابناء موظفين النفط اغنياء
تدريس + صحه + جامعات = افضل شي النخبه

سجل ياتاريخ 2012 سنة التفرقه


اسمعي مني ياحكومه

بعد عشر سنوات سوف ينتفض ابنائنا الفقراء لحرقكم

في هذه التفرقه لانهم يعلمون انهم شركاء في ثروت البلد




سجل يا تاريخ يوم التفرقه ويوم الطبقات فوق وتحت 

 

[حزب الامل الديمقراطي]

عليهم بألف عافية

يستاهلون واكثر بعد


لو كان هناك مقارنات وتحليلات موضوعيه وحياديه لقمت بسرد رد مناسب
ولكن لم أقرأ إلا هرطقات حُساد وتحليلات طفوليه
مع احترامي للجميع ​

انا معاك عليهم بالعافيه اذا كان التوظيف في النفط

علي الكفائه ومد الذراع

مش بالمحسوبيه وحبت الخشم والأرجل

وهذي ولدنا وهذي ولد الخاله

خلك عادل.

كلنا شراكاء بالثروه وكلنا ابناء هذي الوطن لافرق بين فلان وعلان

 

[راي خاص]

انا معاك عليهم بالعافيه اذا كان التوظيف في النفط

علي الكفائه ومد الذراع

مش بالمحسوبيه وحبت الخشم والأرجل

وهذي ولدنا وهذي ولد الخاله

خلك عادل.

كلنا شراكاء بالثروه وكلنا ابناء هذي الوطن لافرق بين فلان وعلان

صح الله لسانك هذا كلام الحق​