عدنان سيد عبد الصمد ... الى المركز الاول .. !!

engineer-5

عضو بلاتيني
بأذن الله حوبة اسرة الشهيدين الخالدي والايوب الفيلجاوي ماراح اتعداكم يالاري وعبدالصمد..

يعطيك العافية تدري ليش؟؟؟

لانك وضحت للناس انك طائفي وانك من الناس إلي يعيشون ويقتاتون على النفس الطائفي البغيض....

اتمنى منك الحديث باسلوب ارقى من هالاسلوب وان تبتعد عن التجريح....

احنا بالكويت دولة مؤسسات وفيها قانون..

وشكرا

 

قديم

عضو مخضرم
يا اخوي يا قديم شايف الأوضاع تساعد إنك تشتغل مع أحد !

يكفيك المواضيع الي تنطرح بالشبكة

وبما إنهم موراضين يتفقون مع بعضهم بعض واقصد المرشحين الشيعة من مختلف التيارات انا ممتنعه عن المشاركة مع اي مرشح واي قائمة كانت , كل الي علي اني اصوت وبس

مو بس مع مرشحي مجلس الأمة , حتى مرشحي جمعيتنا لانهم مو تفقين ما نبي نشتغل معاهم ولا حتى بنصوت , شفت القهر منهم الي وين وصلنا !


لا لا

هذى مو نبرة الشباب المؤمن

لازم نبرتج تكون قوية

ولا يأس مع الحياة

خلج اقوى وايمانج القوى اهو سلاحج ضد اى مشكلة تواجهج
 

ابو عمران

عضو ذهبي
تكفه لا تقول القلاف ترى ازعل عليك
القلاف ما يصلح للمجلس خلالالالالالالالالالالالالالالالالالالالالالالالالاص
بصراحة امس فشلنا وما عرف يتكلم بقناة الراى وقام يتبلعم
 
اصلا ً شيء طبيعي ان يكون بالمركز الأول بين الاصوات الشيعية لان اغلبية الشيعة ما يشوفون في الي قامه عبدالصمد خطأ ، و يشوفون في التحقيقات الي صارت عداء للشيعة بمفهوم المظلومية المعروف والمنطلق من منابر الحسينية !

اما كونه مركز أول على الدائرة ، فهذا يعتمد على تكتيك العوازم والكنادره والاقليات الثانية ، فلا تنسى ان الدائرة نص بالنص بين أهل السنة ، والطائفة الشيعية :)



لا تعم أن اغلبية الشيعة شافوا اللي سواه سيد عدنان صح بالعكس فئه قليله جدا اللي شافته صح بس اغلبية الشيعه أستنكروا الموقف حتى النائب حسن جوهر اللي معاهم بنفس التوجه ما كان معاهم .

بعدين من وجهة نظري أن تحالف سيد مع الكندري بالرميثيه اللي معرووووف بين أهالي المنطقة وايد نزل من شعبية سيد للأسف . والله يخليك لا تقولي مو متحالفين لأن متأكده
 
اذا حصلتوا على كرسى واحد او اثنين فقط زين وان شاءالله ماتحصلون على شىء الناس اتفقت وخلصت وناوين عليكم العوضيه والكنادره مع الرومى اربع كراسى والعوازم اربعه كراسى ينطلقون من 9000 الاف صوت اثنين مدعومين بقوه من الحركه واثنين من حزب قوى اللى اهم خارج التشاوريه باقى اثنيين يمكن لكم مواكيد
 
اي و الله .. وين بنحصل كرسي دام كل واحد يقول شي و يتراجع قلنا 3 مرشحين من كا قائمه علشان على الاقل نطلع ب 6 كراسي بس وين شكلها الجمعيه الثقافيه اتنيحست تبيها 4 علشان يحاصرونهم و الرابع اكيد محرقه لا و اعناد بالقائمه الثانيه بشكل غير مباشر .. عيل وين التعاون و البيت الشيعي و نبي شيعيه الخ .. !!! ما اقول الا الله يساعدنا شكلها بدايه حق التلاعب بس من تحت لي تحت ..
 

fad3oos

عضو فعال
اي و الله .. وين بنحصل كرسي دام كل واحد يقول شي و يتراجع قلنا 3 مرشحين من كا قائمه علشان على الاقل نطلع ب 6 كراسي بس وين شكلها الجمعيه الثقافيه اتنيحست تبيها 4 علشان يحاصرونهم و الرابع اكيد محرقه لا و اعناد بالقائمه الثانيه بشكل غير مباشر .. عيل وين التعاون و البيت الشيعي و نبي شيعيه الخ .. !!! ما اقول الا الله يساعدنا شكلها بدايه حق التلاعب بس من تحت لي تحت ..

عزيزي طاووس
التحالف الاسلامي الوطني (جمعية الثقافه) اعلنوا بشكل رسمي على قائمتهم لتحكم عليها؟

انتظر لحين الاعلان الرسمي وبعدين اذا ما عجبك الوضع وقتها طلع الي بقلبك كله :)

الله يصلح الحال
 
أجمعين انشالله .. يصلح حالهم و انشوف انشالله الي بالجدر يطلعه الملاس :d... و انشالله ما تتسلط النحاسه لانه بالتالي بعم الشر علينا و عليهم .......
 

fad3oos

عضو فعال
أجمعين انشالله .. يصلح حالهم و انشوف انشالله الي بالجدر يطلعه الملاس :d... و انشالله ما تتسلط النحاسه لانه بالتالي بعم الشر علينا و عليهم .......

عليهم تقصد التحالف الاسلامي
علينا تقصد منو فيها اخي العزيز ؟؟
 
عليهم تقصد التحالف الاسلامي
علينا تقصد منو فيها اخي العزيز ؟؟


السلام ..

و الله انا قصدي احنا المساكين الي منضرين حتى 4 كراسي ما راح انحصل ( كفئه او شريحه شيعيه من دائره شيعيه بحته ) الله يعينا ..

تحياتي ...
 
اخي العزيز

القراءه واضحه

الفائزين وبهذه الاوضاع هم

سيد عدنان
احمد لاري
صالح عاشور
حسن جوهر
خليل الصالح
يوسف زلزله
انور بوخمسين
السيد القلاف

خورشيد سينتهي لانه من الصعب بنظام الدوائر شراء الاصوات

ومقعدين للكنادره
اخي العزيز انت شلون وبي اساس حطيت الخساره حق خورشيد ليش ما يكون عدنان عبد الصمد اهو الخاسر في الانتخابات:وردة:
 

تذكرني

عضو ذهبي
ان شاء الله يخسر :)

مو مشكله الرجل كبير بالسن ووايد وهق الشيعه

.. بس عند ربعه لاري خل يسقط مليون مره ولا عدنان مره

وبعدين ليلحين ماكو شي واضح

والله اييب الي فيه الخير
 
و الله الصراحه احنا ناس نبي دماء جديده ادش المجلس بس كافي ربعنا ما اشبعوا من الكرسي خل انجرب ناس يديده يمكن يحققوون الي اهم ما حققووه ما يابوا لنا غير المشاكل و التأبين حق شخص مو دبيرتنا لو كانت قلوبهم على الشيعه جان سوو تأبين حق المراجع الكبار الي بأيران و لا العراق .. و اشكثر شهداء ماتوا اشمعنا هذا و لا فوق راسه ريشه ... علموني ليش يالجمعيه ليش بالذات هذا ؟؟

تحياتي ..
 

LAILA

عضو
أنا وحده من الدائرة الأولى وايد أشجع بدخول دماء جديدة بالمجلس ناس تهمهم مصلحة البلد بالدرجة الأولى ومصلحتنا هاذى ديرتنا وتستاهل أكثر حرام اللى صار فيها من غيرها احنا ما نسوى تذكرون الغزو تذكرون شنو صار فينا تذكرون لمن كنا نحلم برجوع ديرتنا لنا تذكرون شنو كنا نحلم ونقول فبعيدا عن الانتماءات الخارجيه وبعيدا عن المواقف المتشنجه اللى ما تفيدنا ولا تضيف لنا شى بس اتزعزع صفوفنا وتسمح بضعفاء النفوس باستغلالها وتفرقتنا بس اصحوا يا بشر ويا شيعة توجهكم غريب يا تختارون ناس متسلطه ومواقفها مخزية يا تختارون ناس لا تحش ولا تنش بالعافيه نسمع لها صوت و يا ناس بتوصل للكرسى عشان تبوق بالبلد وتزيد حساباتها بالبنوك
صحوة صغيرة بسكم أنانية وارضوا ربكم اشوية .. نعم نبى يكون لنا كيان قوى كشيعة بس لا تنسون نبى نكون أيضا نموذج وأساس قوى يحتذى به
 
أعلى