الكويتيين أصبحوا مشردين في بلدهم !!!!

الازمه مفتعله هدفها أخراج الكويتيين من بلادهم بعد دخول رؤوس أموال مشبوهه للكويت واصبحت بأيادي أذناب خارجيه تشتري وتسكن على كيفها
 

whatever

عضو مميز
احسده وانا اولى منه بديرتي ؟ الله اعلم منو الي يكلمني لكن من منطقك بانت علومك , يكون بعلمك يابوشيشه الكويتي اشتغل وكافح قبل لايسمع بشي اسمه بترول واذا الوافد خذاها بتعب على قولتك لا انت غلطان اغلبهم خذوها بتنفيع ورشاوي , ولي عنده قطعة ارض بديرته باعها وشرا فيها بديرتنا محل لان خبرك ابد ادارات الرخص مافيها رشاوي وفساد شلون مايتملك محل باردة مبردة ,, وشلون مايصير عنده ليسن والليسن ينباع ب 300 دينار مثل ماوصل لي العلم من شخص لبناني وأكد لي المعلومة لما وراني الليسن , يبا التسهيلات والمعاملات حق الي يدفع , اذا اعضاء مجلس الامه وهم القدوة طلع منهم قبيضة ومتنفعين شلون مايصير حالنا بهالصورة

منو رفع اسعار خلو المحلات التجارية ؟ لو بتاخذ لك صالون وانت قادر تاخذ قرض 10000 دينار نط لك الوافد ودفع 18000 دينار وكسر مياديفك وخلاك عمرك ماتحلم بمحل

الوافد كفاحة وشغله بالجمبزة والشرهه على امثالك هذا ان كنت مواطن اما اذا انت وافد فماينشره عليك واشره على ربعنا الي عطوهم الخيط والمخيط وباعوا الديرة لهم لتبادل المصالح الفاسدة بينهم

مش مشكله .. متقبل كلامك وحرارة موقفك .. واحترم رأيك .. بس تكفا قول لي منو الي يبيع لياسن على 300 ؟ .. منو الي يمشي معاملات الشؤوون برشاوي؟؟ العيب منا وفينا يا حبيبي..

انا ما اقول ان كل الوافدين شغلهم من تحت الطاولة ، التعميم جهل، ولكن طبقة كبيرة من المكافحين الوافدين دخلوا الكويت وأعمارهم 18 و 17.. والحين شيبان بس عندهم خير من الله .. وكله من فضل الكويت طبعاً .. بس اخذوا الحلال بذراعهم ولا مدوا يدهم للحرام الي تقول عنه ..


ابدأ بمحيطك .. شوف منو الي يتقبل الرشاوى؟؟ منو الي ما عنده ضمير ؟؟ ... طبعاً هذا موضوع ثاني بعيد عن موضوعنا ..

انا بس قصدي على الرغم ان ما عندهم تسهيلات اشتغلوا والله رزقهم والسبب فضل الكويت.. انت عندك تسهيلات .. وانا عندي تسهيلات .. والشعب كله عنده تسهيلات .. بس ما نبي نكرف مثلهم ...
 

whatever

عضو مميز
هذا انا من شقه لشقه كويتي ماده اولى عايش عيشه كسيفه والمصري بالدوام عنده بمصر من خير الكويت فيلا وعماره استثماريه وعزبه مو حرام؟

انا 16 سنه موظف وعايش عيشة البدون والسبب ارتفاع اسعار الاراضي من قبل التجار والبنوك عساهم ما يتوفقون

سمعتو بشيخ من الشيوخ سأل علينا؟ سمعتو بشيخ تـفـقـد حـال الكويتيين اللي منحشرين بالشقيق الصغيره يعانون الويل من ازمة السكن ومن غلاء الشقق؟

بلامس وجدت شقه اجار صاحبها يبيها بـ 550 دينار اجار وللمعاريس فقط؟ يعني ارمي عيالي بالشارع علشان اسكن فيها

شوفو شقتي الصغيره من داخل ولا تنصدمون منحشرين مثل الفيران


h1.jpg


h2.jpg


h3.jpg

الله يفرج عنك وعن كل مسلم..
 
احسده وانا اولى منه بديرتي ؟ الله اعلم منو الي يكلمني لكن من منطقك بانت علومك


الوافد كفاحة وشغله بالجمبزة والشرهه على امثالك هذا ان كنت مواطن اما اذا انت وافد فماينشره عليك واشره على ربعنا الي عطوهم الخيط والمخيط وباعوا الديرة لهم لتبادل المصالح الفاسدة بينهم


فعلا مافي كويتي شريف إلا وهو متذمر من الوضع / وإللي مبسوط بالكويت هو الوافد والله أعلم شنو الثمن إللي يقدمة كي يحصل على التسهيلات هذه
شكرا أخ جارح :إستحسان::وردة:
كلام النائب العدساني حلو ومنطقي خصوصا المحور الخامس من الأستجواب بخصوص بعض الوافدين الشرذمة
 

bujassim

عضو مميز
اااااااااااخ بس خل تصير عندي فلوس وربي اسوي مشاريع بره واعييييييييييييييييييييش فيها
:باكي:
 

royal-heart

عضو ذهبي
هذا انا من شقه لشقه كويتي ماده اولى عايش عيشه كسيفه والمصري بالدوام عنده بمصر من خير الكويت فيلا وعماره استثماريه وعزبه مو حرام؟

انا 16 سنه موظف وعايش عيشة البدون والسبب ارتفاع اسعار الاراضي من قبل التجار والبنوك عساهم ما يتوفقون

سمعتو بشيخ من الشيوخ سأل علينا؟ سمعتو بشيخ تـفـقـد حـال الكويتيين اللي منحشرين بالشقيق الصغيره يعانون الويل من ازمة السكن ومن غلاء الشقق؟

بلامس وجدت شقه اجار صاحبها يبيها بـ 550 دينار اجار وللمعاريس فقط؟ يعني ارمي عيالي بالشارع علشان اسكن فيها

شوفو شقتي الصغيره من داخل ولا تنصدمون منحشرين مثل الفيران


h1.jpg


h2.jpg


h3.jpg



الله يرحمك دنيا واخرة


لو الدولة فقيرة نقول ميخالف نتحمل

بس دولة تملك مليارات المليارات لدرجة انها تهدي طائرات لناس ماعمرنا سمعنا فيها

وتبني شوارع وجسور في لبنان وتحل مشكلة زحمتها

وتبني شبكات صرف صحي للدولة الوحيدة في الامم المتحدة الي وقفت ضد قرار تحريرها


ومع ذلك الشعب مشرد مثل مانشوف في هالصور

من مواطن همه بس يحصل بيت يضفه هو وعياله



وتقولون لا تطالبون برئيس حكومة شعبي !!!!!!!!!!!!!




.
 

سبع

عضو مميز
الله يالدنيا ..كل هالنعمه ونقعد عشرين سنة عشان بيت ...ذبحهم البوق والسرق هالفاسدين خافوا الله بالشعب يابشر بسكم لعب بالبلد..وعمااار ياااكويت

الله يعين البطون ماتشبع من الزرط من مال الشعب الله يعين
ويسهل علي هالمواطن اللي معقدين حياته المتنفذين
 

سبع

عضو مميز
شوف
اي خبر ايجابي من الحكومه او غيرها وبوسط الخبر
يقولك وقد طلبنا او امرنا ( بتشكيل لجنه ) .. اعرف انه
خبر خرطي

اللجان تضييع للوقت وتمييع للقضيه ولا راح تتنتج بشي
قيس مشاكلنا بالاسكان على كل مشاكل البلد تربيه وصحه وغيره
مثل مثل تلقى المتنفذين معطلين ومايمشى الا له فيه لقمه ولمصالحهم
العالم تزرط زرط الله لايفوق كل محتال
 

سبع

عضو مميز
ياجماعه شفيكم ..!


اذا وفروا لكم بيوت العقار يطييييح :(

يبه والله يطيييييح .. وفوقها يطيييح حظ التجار :(

لازم المواطن يحس بقيمة السكن والحاجة له ومن ثم يحشرونا مع المقيمين والبدون وكلنا مسابق ندور بيوت أجار هههههههههههه

دعاية الميدان قبل فترة يطيح ومايطيح ترا يقصدونهم :eek:

والا انتو مصدقين مو قادرين يوفرون اراضي وعذرهم لازم موافقة النفط والبلديه ..؟

الاحمدي بكبرها بانينها فوق بحر نفط .. ;)

اموت واعرف بس .. هي قلة استيعاب عند الشعب .. والا شطارة حكومة وتجار بالمراوغة ..؟

والله ما استبعد عذرهم القادم يكون :
" نبي نحسس المواطن قيمة السكن والحاجة له لاننا شفنا بالفتره الاخيره طفرة في بيع البيوت ونبيهم يحسون بقيمته ونمنع هذه الظاهرة السلبية "

والمواطن مسكين ياحبة عيني .. اي والله ياحكومة مشكوره والله يخليج لنا .. وبعدها تشوف كل واحد حالف يمين ماينام الا عند باب بيتهم خايف لاينباق ..!

" لاتعليـق .. يليــق "


صدقت حكومه تجار لاتراعي سوي مصالح التاجر واخر الاهتمام المواطن
نبى حكومه توقف بوجه التاجر لصف المواطن
بس مشكله اذا حكومتك تجار ;)
 

سبع

عضو مميز
مشكلة عويصه مع ان حلها سهل والاراضي الفضاء كثيرة بالكويت ...
لكن المعوقات المصطنعه كثيرة وتصب بصالح التجار لانهم هم من صنعها لمصلحتهم


اكيد مافيه من الاساس مشكله وكله مصطنع ولمصلحه المتنفذ
الله يعيين
 

سبع

عضو مميز
كل العالم يشتكي من السكن في عوائل امريكية يعيشون داخل سيارة

هذه خطة عالمية لاشغال الناس بأنفسهم

افهموا


هههه لا خوي وين مودينا مره وحده عالميه
اخوي خلنا هنى بالكويت بس
ماكو مشكله ارض موجود مال موجود وين المشكله يقووولون البلديه :D
الله يسعدك
 

سبع

عضو مميز
حل القضية سهل جدا


لازم الدولة توفر الاراضي للمواطنين علشان تطيح اسعار الاراضي والبيوت والناس تقدر تشتري وتبني


المويزري قاعد يناطح روووس الفساد موقادر عليهم يجيب الارض من النفط
تطلع البلديه مو راضيه
الله يعينه اخاف ترضى البلديه تطلع باجر وزاره الصحه ماترضى توزع الاراضى للكويتيين
ياخوى المشكله واضحه مصطنعه
الله يعين
 

سبع

عضو مميز
الكبار والتجار والمتنفذين وكبار القوم هم تجار عقار افهم عاد على كيفك ؟؟؟؟؟؟؟؟؟


يعنى 000000000000000000000000000 امص دمك مص والسكن للورثه ؟؟؟؟؟؟


صدقت عارفين وفاهمين ومنا الي كتله الاغلبيه لقرار الحلول السريعه لسكن المواطن
وضرب روس الفساد
 

سبع

عضو مميز
هذا انا من شقه لشقه كويتي ماده اولى عايش عيشه كسيفه والمصري بالدوام عنده بمصر من خير الكويت فيلا وعماره استثماريه وعزبه مو حرام؟

انا 16 سنه موظف وعايش عيشة البدون والسبب ارتفاع اسعار الاراضي من قبل التجار والبنوك عساهم ما يتوفقون

سمعتو بشيخ من الشيوخ سأل علينا؟ سمعتو بشيخ تـفـقـد حـال الكويتيين اللي منحشرين بالشقيق الصغيره يعانون الويل من ازمة السكن ومن غلاء الشقق؟

بلامس وجدت شقه اجار صاحبها يبيها بـ 550 دينار اجار وللمعاريس فقط؟ يعني ارمي عيالي بالشارع علشان اسكن فيها

شوفو شقتي الصغيره من داخل ولا تنصدمون منحشرين مثل الفيران

h1.jpg


h2.jpg


h3.jpg


الله يعينك ويستر عليك والله ياخوي شنقول نص الكويتيين مثلك مشردين فى بلدهم ابو مئات المليارات اللى المواطن مو لاقى يسكن مثل العالم
لو بلدنا مثل بنقلادش عذرناهم بس العالم زرط من هالميزانيات والنفط الله لايوفق كل محتال وناهب لثروات بلدنا
 

سبع

عضو مميز
والله مسألة الاسكان مسألة غريبه وايد
الكويت فيها أراضي كثيرة فاضية ، في منها فيه بترول
طيب الباجي ليش ما يستغلونه في حل مشكلة السكن ؟؟؟
يعني الواحد ينظر 12 سنة أو أكثر بعد الزواج بعد ما يتبهذل اما بأجار أو ساكن عند أهله
بشقة يادوب تكفيه وعياله ؟؟؟؟؟؟؟؟

لاغريبه ولا شي تجار ومتنفذين واغلب الحكومات حكومات تجار فا من الطبيعى
ماراح تسكن الا بعد ماتطلع عيونك وينشف دمك ويمصون مالك
يعنى يبيلك 15 الى 18 سنه هذا ماتقعدت وانت ناطر البيت
الله يعين
 

يوسف المطرف

عضو بلاتيني
سمعوا يالبدون.... الكويتييين اصبحوا مشردين و ماكو بيوت...
تبون تصيرون كويتييين بعد؟؟؟
انا اقول اخذوا لكم جنسية عراقية او سعودية او ايرانية ..هناك ماكو ندرة اراضي
بروحنا مو لاقين سكن و طابور الانتظار واصل 100 الف طلب... تبون تزاحموننا بعد
 

kuwait1

عضو بلاتيني
سمعوا يالبدون.... الكويتييين اصبحوا مشردين و ماكو بيوت...
تبون تصيرون كويتييين بعد؟؟؟
انا اقول اخذوا لكم جنسية عراقية او سعودية او ايرانية ..هناك ماكو ندرة اراضي
بروحنا مو لاقين سكن و طابور الانتظار واصل 100 الف طلب... تبون تزاحموننا بعد

في الكويت العمران تركز في مساحة لاتزيد عن 8% من مساحة الكويت والباقي 92%مساحة فاضية. وعدد الطلبات 98 ألف طلب اسكاني ,وبعدين اخوانا البدون المستحقين ان شاءالله يحصلون على الجنسية الكويتية ويحوشهم الدور حالهم حالك طبعا اذا كنت انت كويتي والله اعلم
 
أعلى