"والله ضاعت لحانا بين 18 و 20" ! .

"والله ضاعت لحانا بين 18 و 20" :eek:! .
--------------------------------
"اسمع اسمع هالتغريدة هذي قوية ياحجي الشاب يتكلم" ثم اضاف "عزيزي الشاب بالنسبة لنظارتك اللي حاطها على راسك بالشارع بالجامعة, بالسوق بتشتغل على الطاقة الشمسية مثلا?":D
قال الشايب : "حلو انا ابيك تعلمني على التويتر, ابي انحرف على كبر بس لا تعلم اهل الديوانية بنيتي السوداء, خصوصا الخبير لانه فضيحة اخاف يعلم على اهل مصر :eek:.
قال الرجل : "والله لكم نفس تضحكون راعوا شعوري ماتشوفوني مغيم ترى الرحمة حلووه لواحد مثلي" :(!.
قال المعاق : "انت وراك الشايب وابو الشباب بينهم سالفة ليش تحشر نفسك بينهم خلك مثلي اقضب لك جريدة وتصفحها لين يكمل النصاب بديواننا العامر .. ابشروا بوصول الخبير اكتمل النصاب يالله هات ماعندك سمعنا صوتك قل وش اللي مضيق ومغيم خاطرك :confused: ?"
قال الرجل : "السالفة ومافيها الظاهر ان الجماعة مايبونا نتاجر ويصير عندنا محلات .. اللهم ياكافي ليش صرنا نحسد بعض" :eek:?
قال الخبير : "خير هو فيه ايه احكي ياشهرزاد .. والله كم انت كبير ياخبير بتصاحب تجار وناس ليها مقام بالبلد" :إستحسان:.
قال الرجل : آه ياقلبي وش تجاره وش كباريته الله يهديك انا ذايق الذل بالمراجعات ... والله بهدلتني مراجعة الشؤون اقولهم عندي محل برخصة جديدة ابي عليها عمالة يقولون لي والله الفيز موقفة... وان كانت مو موقفة لازم تجيب عمالة شهاداتهم جامعية :eek:! قلت وش الحل قالوا خذ من هالعمالة اللي تارسة الكويت ... او جيبهم بفيز خدم" .
قال الشايب : "وهم صاجين العمال بالكويت اكثر من الهم على القلب خذ منهم .. تري البلد مو ناقصة نجيب عمالة جديدة بعدين تزدحم الكويت وهي ماهي ناقصة زحمة" .
قال الرجل : :mad: "الله اكبر يعني مشروعي هو اللي يبي يجيب هالزحمة بالكويت .. الكويت مزحومة من اهل الفيز اللي جايبينها علية القوم من اللي محد يقدر يحاسبهم".
قال الخبير : "يعني لازم تعمل مشروع ياباشا كان من المفروض انك تسأل وبعدين تقدم على مشروعك الحيوي, والله بلدكم مشكلة الناس على قفا من يشيل مش لاقية شغل... وان كنت مش مصدق خذ لك لفة باي شارع وانت تشوف العمالة متنطرة على الصفين اهلا يامشروع " :D.
قال الرجل : "هالعمالة هذي هامشية ماعندها ماعند جدتي مايصلحون لمشروعي... وان بغيت اخذ منهم انتم ناسين ان هالناس متمردة وتضرب بالعلالي بأجورها... انا وش ضمني انهم راح يشتغلون عندي يعني الشؤون تبيني كل ست اشهر اغير الطاقم لابارك الله (بفارق السن) بقراراتهم المدوجة :إستنكار:ياجماعة الخير انا وش ذنبي"?
قال الشاب : "بس حلوة طلباتهم هم من صجهم يبون عمالة جامعية... يعني لو ابي احط محل سباكة او مطعم او كراج لازم يكون العامل جامعي, هذي وين صارت, صحيح بلد شهادات :وردة:... زين حاول انك تحول كم عامل وامرك على الله".
قال الرجل : "حاولت بس باب التحويل مسكر من ثلاث سنوات وان افتحوه يفتحونه شهر بالسنة :confused:... لا وبدس علشان محد يدري فيه تحت باب التنفيع لناس وناس... ما اقول إلا والله ضاعت لحانا بين المادة 18 و 20 ".
قال المتمولس : "تراك دوختنا سكر المشروع قبل لاتفتحه وخل هالقريشات لعيالك يفرحون فيهن... ترى ان كملت فيه نهايتك على يد مشروعك وان كنت مو مصدق شف اغلب اهل الفلوس وينهم تراهم ودعوا من غير مايقولون لاحد ... :Dوعند ضحك الجميع رفع على مسامعنا الشيخ زغلول اذان الظهر".
 
أعلى