المنطقه الرابعه والعين السلبيه فقط

بسم الله والحمدالله والصلاه والسلام على رسول الله سيدنا محمد وعلى آله وصحبه اجمعين

موضوعي المتهور اليوم سأتكلم فيه عن منطقتي الرابعه التي ستكون رؤيتي فيها من عين ضيقه للسلبيات فقط وكل ماسأقوله من واقع عايشته أنا

قبل فتره صار عندنا زوواج وقررت اني اروح لمصممه مشهوره واتصلت عليها قالت اي عايله انتي فذكرت لها عايلتي قالت خلاص تعالي باليوم الفلاني واسألتني وين بيتكم قلت لها شكو؟؟قالت بشوف في احد جاني مناك اخاف يتشابه ثوبج مع وحده قلت لها العارضيه سيتي
المهم راحت وطني ودخلت لاختنا في الله
والله من دخلت لاحظت شي
اغلب الحضور نقابات والله ضحكت وفهمت السالفه كلها

والاسعار كانت خياليه وتحلف هالبدله آخر قطعه وتفصل منها عشر يمكن تقول هالحجي وخلق الله تجي تبيها علا ابو انها آخر قطعه

مسكت الكتالوج قلت ابي هالبدله قالت خلصت
قلت بعرض امس؟؟ ضحكت قلت عادي حبوبه ترا اختج وطني البساط احمدي قولي ليش عرضين للسالب يوم وللموجب يوم

قالت والله السالبيات حسب وصفج يدفعون اكثر ويجيبون عيالهم الصغار كلهم معاهم وهم بعد اسلوبهم بالتعامل مش ولابد واخاف اجمعهم واخسر الموجب ليديز؟؟

ليش هالفكره ؟؟

بدون زعل احيانا القى هالفكره ماطلعت من فراغ

بالرابعه تجد بعض المرضى والمختلين يفترون بالشارع والجمعيات ويكسرون الخاطر والحق يبي لهم اهتمام وعنايه والشارع ظلم لهم

بحكم عملي بالمدارس بعض التربويات المدرسات تلقاها اكبر همها احر مرت حماي والا حواجب فلانه والا لون حمره فلانه

الاهتمامات جدا تافهه ماتحاتي الطالبه ماتحس بوجودها ماتشارك الصف ماتجذبهم شغل ومعاش بس بس

صج يكرفون ويتعبون بس ابدا ماكو اهتمام

البعض اكرر البعض

ناهيك عن البهرجه بالشكل احيانااا

حفلات التفوق عندنا يصير حفل زواج احزاب واللي من عايلتنا نقوم نصفق له ونقوم من الكراسي وتصير هليله

ماكأنه حفل رسمي يصير شعبي
ولا يجون اكثر من وحده ويحجزون اماكن ويحطون الجناط وكل شوي داشه وحده وينادونها ورا

الطالبات بعضهم تجيني تشكي اهلها واجبارهم لها على لبس العبايه او العكس

ووحده والله تبجي تقول اكره ابوي اللي هلى اخوي بوخمس تعش سنه ولي علينا والابو مبارك له هالعمل عفيه ولدي؟؟؟؟؟

نعم للغيره ونعم لللخوف على البنات بس مو بطرق تجعل البنت تتصرف تصرفات ثانيه

بعض الابهات الشباب المتعلمين من دكتور والا مهندس يسمي ولده اسامي تكتب ولاتنطق

وتو صارت حاله والله يعين الولد على سنوات الطنازه بمراحله الدراسيه

عيال الرابعه بايام المطر يسمعوننا نغمات نشازيه على القار عسا الهدايه فالهم

شي غريب نوع هالهوايه وطريقتها واحساس صاحبها ؟؟؟


شباب الرابعه يطق قرض او اقساط قويه عشان الرنج ويكون ملفت للنظر ويمكن ام تكفا لايطيح تعطيه النظره الطياحيه الجذابيه

وادري مو الكل ولكن صارت

جمعيات الرابعه احيانا. تلقى بثلاجه الدجاج ايسكريم ؟؟

والاغراض عاديه ماكو مثل المناطق الثانيه

اذا رحت لبيت اخوي بمشرف لازم امر جمعيتهم واتحطم ليش احنا ماكو اهتمام لا التفات
كاشيرنا شايب ويبوق ولااحد محاسبه والجمعيه على حطه الايد

بالرابعه ناس اقل مااوصفهم بانهم جشعين وظلمه

يأجرون غرف للهنود وناهيكم شيصير

حتى السواق قاموا يدخلون هالغرف مع بعضا من انواع الماكنتوش ليلا او نهارا؟؟؟؟؟

وعندي تصوير فيديو انا مصورته ايام الشتا كنت انطر السياره تحتر طلعوا هنود من جيرانا سكارى الصبح الساعه سبع

دكاترتنا بعضهم مستهجنين بعض المراجعين البي يجونهم ويتعاملون بطريقه موحلوه ابدا

واتحداه يسوي جذي بالمناطق الداخليه

هنا بموضوعي فقط السلبيات والايحابيات في منطقتي بأهلها لاتعد ولاتحصى فبعيني الثانيه لسكان منطقتي جمالا لامجال لوصفه ولكن آلمني ماذكرت واحببت نقله بين يديكم واستسمحكم عذرا ان كنت قد اخطأت ومنكم اتقبل والله مايصحح لي اي خطأ فأنتم لي اخوه هنا


انتظر ردودكم

 
التعديل الأخير بواسطة المشرف:

خولة

عضو مخضرم
كل ما ذكر صحيح .. وطبعا ليس الكل بل البعض .. وايضا ليس فقط منطقتنا بل جميع مناطقنا الداخلية والخارجية وبصراحة هو داء مجتمعي كويتي ! .. ويعطيج العافية على الموضوع .




 
لاااااااا هالموضوع موصحيح ابداااا


انا بالرابعه بس مش هيك حياتي لاتشملين الكل يالغاليه



خليني اقول لج شغله

الرابعه تشمل مناطق عده وبيئات مختلفه والناس تفرق عن بعضها وهالشي بكل المناطق مو بس بالرابعه
وسالفه المشاغل لاتروحين لمشاغل حريم وفي بيوت روحي محلات معروفه تهتم بالزبون وتحترمه
وسوالف الحموات مايسويها الا قليلات العقل كبروا عقولكم شوي تجدوا الحياه افضل


اما بالنسبه للعارضيه وسالفة تاجير البيوت لهنود فهذا الخطا من اهل المنطقه واللي حريص على اهله يبلغ الجهات المختصه



تحياتي لج :)
 
كل ما ذكر صحيح .. وطبعا ليس الكل بل البعض .. وايضا ليس فقط منطقتنا بل جميع مناطقنا الداخلية والخارجية وبصراحة هو داء مجتمعي كويتي ! .. ويعطيج العافية على الموضوع .





هلا بالحبيبه وشرفني وجودج

بس بعض اللي ذكرته مااعتقد موجود بالمناطق الداخليه
 
لاااااااا هالموضوع موصحيح ابداااا


انا بالرابعه بس مش هيك حياتي لاتشملين الكل يالغاليه



خليني اقول لج شغله

الرابعه تشمل مناطق عده وبيئات مختلفه والناس تفرق عن بعضها وهالشي بكل المناطق مو بس بالرابعه
وسالفه المشاغل لاتروحين لمشاغل حريم وفي بيوت روحي محلات معروفه تهتم بالزبون وتحترمه
وسوالف الحموات مايسويها الا قليلات العقل كبروا عقولكم شوي تجدوا الحياه افضل


اما بالنسبه للعارضيه وسالفة تاجير البيوت لهنود فهذا الخطا من اهل المنطقه واللي حريص على اهله يبلغ الجهات المختصه



تحياتي لج :)


هلا وغلا بالحبيبه

كل ماقلته لكم هو السلبي واللي شفته بالواقع
والمشاغل انا ماروح بيوت نهائيا

المصممه معروفه واذا تبين اسمها ارسله بالخاص وآخر لقا ء لها كان على قناه الراي

وسالفه تفكير الحريم اي والله صغر عقل وقله وعي وسفاسف امور ولكن للاسف تأثر على من حولها

نورتيني يالحبيبه
 

Desert Eagle

عضو ذهبي
معظم المكتوب يخص المرأة والأسرة بشكل عام

لكن بعلق على نقطة " تأجير الغرف للهنود "

هذي ترجع لاهل المنطقة وشلون يرضون انهم يسوونها

يمكن صح في بيت واحد ولا اثنين بس حق عمال الجمعيه والافرع وملحقات الجمعيه

المفروض المتضرر من تاجير الغرف يروح للمختار ان ما نفع روحي المخفر

مثال عندنا بالعاشره واخص منطقتي " هديه " .. ما عندنا الظاهره هذي لان لو يأجر الغرف للهنود الناس راح تاكله مدخل عزاب مناطق عوايل

والله ربعي من العاشره والرابعه والجهرا كل منطقة تفرق عن الثانيه من ناحية البيئة

أنتي أدرى لمنطقتكم واهلها وطريقة تعامل الناس وطريقة تفكيرهم

المفروض تكلمون راعي البيت اللي مأجر الغرف للهنود


في المناطق الخارجية عموماً تكتسح بعض القبائل مناطق معينة
فنرى المنطقة الفلانية غالبيتها القبيلة الفلانية

وبعض القبائل تفرق عن بعض في بعض العادات عشان كذا تشوفين المنطقة اللي فيها القبيلة الفلانيه بكثرة غير عن ذيك المنطقة اللي فيها القبيلة الثانية بكثره
 

أبوطلال

"رئيس المشرفين"
طاقم الإدارة
طاقم الإشراف
صباح الخير اختى الفاضلة وطنى لاعدمناك ..

سلطتى الضوء على السلبيات الموجودة فى منطقتكم ..
وهى سلبيات موجودة فى معظم مناطق الكويت ..
ولكن بصورة اقل ..
وسأعلق على بعضها وماتفضلتى به
والمشابه للمناطق القريبة من العاصمة
هكذا اقولها لانه الكويت مافيها مناطق داخليه وخارجيه
كلها نلفها بساعتين

ليس فى الرابعه فقط هناك بعض المرضى والمختلين عقليا
يتجولون فى الشوارع
كانت هناك امراة مختله عقليا ومعروفه تجوب الشوارع
مابين الشامية وكيفان والفيحاء
وتذهب يوميا الى مستشفى الاميرى واعتقد توفت حاليا وغيرها الكثير
وهؤلاء مسئوليتهم تقع على اسرهم ..
المفترض ايداعهم فى مستشفى الطب النفسى


اما بشأن الولد الذى يعطى صلاحية وتشجيع من الاب
بسيطرته على خواته البنات
خطا الاب انه يشجع طفل فى هذه السن الصغيرة جدا
بمسئوليته هذا دور الاب والام
وليس الولد الصغير .
.الاب هو المسئول عن اسرته دام انه متواجد معهم ..


الشباب المتسببين بازعاج الاهالى فى الاستعراض بالسيارات
هذه مسئولية او لياء امورهم
فى الدرجة الاولى والشرطة بالدرجه الثانيه
المفترض وزاره الداخليه تضع دورية متواجده بصورة ثابته
فى اماكن الاستعراض ..

.
مناطق سكن العوائل يمنع فيها سكن العزاب

..ولكن يااختى لاحظت اغلب السلبيات
هى من تصرفات اهل المنطقة انفسهم ..
كتأجير العزاب وغيرها ..
على اهل المنطقة ان يسعوا بانفسهم ومن خلال التوعيه
من شبابهم
للرقى وانعدام السلبيات بمناطق سكنهم وراحتهم ..



تحياتى ..وطنى لاعدمناك :وردة:
 

رُبـّـمــا

عضو مخضرم
صباح الخير يا الغالية :وردة:​

صباح الخير يا رائحة روحي وطني الكويت لا عدمناك ..​


المصممة الجشعة نرفزتني , ولا يزعلون مني الحريم كل الحريم​

هم اللي اصنعوها وبفلوسهم افتحت الايتليه وقامت تسن قوانينها عليهم​

تذكرين المصمم يوسف اللي طلع بعد الغزو ؟؟​


المهم يا الغالية سبق وكتبت موضوع مشابه لموضوعج لما شفت الفرق بالمعاملة من منطقة لي منطقة ..​

لما شفت العناية بمستوصف منطقتي اللي كنت فيها والفرق بين المنطقة اللي سكنتها مؤخراً​


حتى بالجمعيات​

القرطاسية هناك بأحلى مكتبة ومنسقة​

وبمكتبتي الجديدة والله وبالله على الارض وكأنهم يقولون للعملاء تسوقوا وانتوا بوضعية الانبطاح​


كل منطقة بالكويت منطقتنا​

ومحد احسن من احد لأن تراب الكوبت ما ميّز بين فلان وفلان​

بس البشر​

بس البشر المجحفة هي اللي تميز وتعطي نفسها رُتب​



اما بالنسبة لسفاهة بعض الحريم اللي تشوفينها بمنطقتكم​

تعالي خل اضحكج على سفاهة بعض حريمنا​

لا تحسبينهم كلهم مثقفات و وااااو​

ترى هم بعد احاديثهن لا تتجاوز ابرة بوتكس وتان وشرم الشيخ​


المشكلة في مختارية المنطقة​

لو كل مختار يدير باله على اهل منطقته ويحرص على ان يوفر لهم كل شي حديث وجيد​

يمكن ما نشوف الفرق​



بس للحين مضايقتني هذي المصممة وعفية عليج عطيتيها على راسها​

وبعدين يا اختي روحي الدمام والرياض فيهم نفانيف اعراس زوووغة واسعارهم تهبل​

اشتبين بهالمناشير وبدلة ب700 و800 وكلها قطعة خام وتنلبس مرة وحدة​


في محل بالسالمية القديمة من زماااا خبري فيه اسمه 2000
مادري موجود الحين والا لأ​

عنده بدلات سهرة حلوة وراقية والقطع تكون نادرة واسعارة طيبة​


ترى المصممة مثلي ومثلج بس هي اتابع آخر خطوط الموضة عشان تقدر تستقي افكارها​

والا النفنوف شيبيله​

خام ومقص وفتحة بالظهر :D


وبعدين تعالي بقول لج شي​

لا تشوفين الفرق بس بمنتجات الجمعية​

ركزي على البيوت اللي تسكن كل منطقة​

انا ما اتجرأ اذا توهقت وخلّص الملح والا اخترب شاحن الموبايل​

واطق باب جيران منطقتي الداخلية عشان اقول لهم نبي شوية ملح قاعدين نطبخ
أو غازنا خلص خلوا سايقكم يبدل غازنا​

لكن بالمناطق اللي تتكلمين عنها تعالي شوفي الفزعة والحميمية والجيرة الحلوة​


كان عندي قبل جم اسبوع الاهل وفجأة شافوا البنات " بريعصي " يمشي على الدريشة اللي وراي​

صرخت صرخة افزعوا جيراني​

لو صارخة هالصرخة بمنطقة داخلية احد بيخاف او يحاتي اشفيهم بيت ام افلان ؟؟​


وطني الكويت ..​

كلنا نودي عيالنا معانا كل مكان واللي تحذف عيالها عند الخدامة عشان تفتر بالمولات وترضي هدوء المصممة السيئة الذكر​

اسمحيلي مو ام سنعة​

يا وطني الكويت ترى بعضّج الحين :D

كافي تدخلين جمعيتكم وتشوفين الستر بين الحريم​

والريال لابس دشداشة​

ما تشوفين فخوذ الحريم ولا فخوذ الريال اللي لابس برمودا وشورت ويتمشى بالجمعية جنه اراكوز​


طبعاً مو كلهم ونعم بأهل المناطق الداخلية اهل الصلاح والفلاح بس اقصد هناك فرق​


وتفضلي يا الاصيلة :وردة::قلب:​

قلبي تُصاحبه وردة لقلبك ..​
 
التعديل الأخير:

شكرا لك أختي القديرة
وطنــي

على هذا الموضوع الطيب وتسليطك الضوء
على بعض السلبيات
التي هي بالأساس غيض من فيض
وللعلم أختي الكريمة
السلبيات كثيرة
ولا تخلو منها منطقة من مناطق الكويت جميعها
ومختلفة أنواعها
إذا يجب أن نسلط الضوء على الثلاثي
المسؤول عن السلبيات
الفرد و الأسرة و المجتمع
السرة إذا صلحت صلح أفرادها ومن ثم المجتمع
وكذلك الأمر ينطبق على الوعي والمعرفة والتربية
سلسلة مترابطة
[ والحب يطلع على بذره ]

سأسلط الضوء على سلبية واحدة مما ذكرتي
والأخوة والأخوات لم يقصروا كفوا ووفوا

بالنسبة لمن يترك أبنائه المرضى عقليا ويهيتهم في الشوارع
لا أعلم ماهي نوعية هذه القلوووب التي في صدورهم
؟؟؟
الحيوانات أجلكم الله
لا تترك ضناها إلا رغماا عنها وإذا تعرضت للخطر دافعت عنهم بشراسة
والبشر لا حررراك إنساني
ولا حول ولا قوة إلا بالله العلي العظيم
وإن أتيت تنصح أولياء أمورهم
تمسك قلبك مقدنا بإنتظار الرد القاصم
إما
(زفّة ) أو رد (بدون نفس)
ونادر من يقول كثّر الله من أمثالك

لكن في الوقت نفسه
أرى وبكل أسف أن الشارع أرحم من البيت لهم
لأنهم يجدون من يعطف عليهم
ولاتستغربي من هذا الرد
فإليك هذه السالفــة

أسرة وضعت أبنتها المعاقة ذهنيا
في سرداب بيتهم
في غرفة معزولة عن العالم
في مكان يفتقد إلي الوسائل التي تخدم المعااق
إلا من خادة تمر عليها بين الحين والآخر
تقول رواية هذه القصة
من جيرانهم في ذات يوم نسيت الخادمة باب السرداب مفتوحا
فهربت البنت لي حيث بيت راوية هذه القصة
فتقول دخلت علينا وحالتها رثّة
من جميع النواحي لا نظافة ولا لبس يسترها وأظافرها طويلة
وشعرها منفوش
تقول فخطفت كوب الماء وشربت منه
فتقول المرأة فمكستها وأجلستها عندي وأعطيتها بعض من الأكل والعصير
وغسلت وجهها وأخذتها
إلي حيث بيتها
وقبل أن أطرق الباب إلا وهذه الخدامة تركض تبحث عنها
وهلعة فما كان منها بعد أن رأتها
توجيه الصرااخ إليها [ ليس انته ينهاااش ؟ ]
فردت عليها هذه المرأة [ انطمي يـ .... ] تقول شتمتها من حر مافيني
فقلت لها وين بابا وين ماما
شوي وإلا الحبيب الأبووو توه قاعد من النوووم يفرك عبونه
ويأخذ بنته تعاي تعاي
تقول المرأة نصحته ياخوووي خاف ربك في بنتك
الناس تتقرب الي الله برعايتهم
وانت حاشرها بالسرداب كما بينت لي الخادمه
فرد عليها بغضب ممسكا ببنته إلي داخل البيت
>جزاج الله خير جزاج الله خير >
ثم أغلق الباب
ذهبت المرأة الي زوجها وتطلبه أن يقوم بالشكوى لدى المسؤولين
على هذا الرجل اللئيم
ومعاملته لأبنته المعاقة

فقال لها [ ابعدي عن الشر وغنيله ] باجر يركبنا مصيبة أو مشكله

هذا غبض من فبض أختي الكريمة

كما وبكل أسف وأسى
وحسرة
أن بعض بيوت اخوانا الوافدين
لا تقبل أبنائهم المعاقين
دور الرعاية
فقليل منهم من يفقد السيطرة على أبنائهم
لذلك نراهم في الشواارع

,اكتفي بهذا الأمر

وتقبلي مروري
 
شكرا لك أختي القديرة
وطنــي

على هذا الموضوع الطيب وتسليطك الضوء
على بعض السلبيات
التي هي بالأساس غيض من فيض
وللعلم أختي الكريمة
السلبيات كثيرة
ولا تخلو منها منطقة من مناطق الكويت جميعها
ومختلفة أنواعها
إذا يجب أن نسلط الضوء على الثلاثي
المسؤول عن السلبيات
الفرد و الأسرة و المجتمع
السرة إذا صلحت صلح أفرادها ومن ثم المجتمع
وكذلك الأمر ينطبق على الوعي والمعرفة والتربية
سلسلة مترابطة
[ والحب يطلع على بذره ]

سأسلط الضوء على سلبية واحدة مما ذكرتي
والأخوة والأخوات لم يقصروا كفوا ووفوا

بالنسبة لمن يترك أبنائه المرضى عقليا ويهيتهم في الشوارع
لا أعلم ماهي نوعية هذه القلوووب التي في صدورهم
؟؟؟
الحيوانات أجلكم الله
لا تترك ضناها إلا رغماا عنها وإذا تعرضت للخطر دافعت عنهم بشراسة
والبشر لا حررراك إنساني
ولا حول ولا قوة إلا بالله العلي العظيم
وإن أتيت تنصح أولياء أمورهم
تمسك قلبك مقدنا بإنتظار الرد القاصم
إما
(زفّة ) أو رد (بدون نفس)
ونادر من يقول كثّر الله من أمثالك

لكن في الوقت نفسه
أرى وبكل أسف أن الشارع أرحم من البيت لهم
لأنهم يجدون من يعطف عليهم
ولاتستغربي من هذا الرد
فإليك هذه السالفــة

أسرة وضعت أبنتها المعاقة ذهنيا
في سرداب بيتهم
في غرفة معزولة عن العالم
في مكان يفتقد إلي الوسائل التي تخدم المعااق
إلا من خادة تمر عليها بين الحين والآخر
تقول رواية هذه القصة
من جيرانهم في ذات يوم نسيت الخادمة باب السرداب مفتوحا
فهربت البنت لي حيث بيت راوية هذه القصة
فتقول دخلت علينا وحالتها رثّة
من جميع النواحي لا نظافة ولا لبس يسترها وأظافرها طويلة
وشعرها منفوش
تقول فخطفت كوب الماء وشربت منه
فتقول المرأة فمكستها وأجلستها عندي وأعطيتها بعض من الأكل والعصير
وغسلت وجهها وأخذتها
إلي حيث بيتها
وقبل أن أطرق الباب إلا وهذه الخدامة تركض تبحث عنها
وهلعة فما كان منها بعد أن رأتها
توجيه الصرااخ إليها [ ليس انته ينهاااش ؟ ]
فردت عليها هذه المرأة [ انطمي يـ .... ] تقول شتمتها من حر مافيني
فقلت لها وين بابا وين ماما
شوي وإلا الحبيب الأبووو توه قاعد من النوووم يفرك عبونه
ويأخذ بنته تعالي تعالي
تقول المرأة نصحته ياخوووي خاف ربك في بنتك
الناس تتقرب الي الله برعايتهم
وانت حاشرها بالسرداب كما بينت لي الخادمه
فرد عليها بغضب ممسكا ببنته إلي داخل البيت
>جزاج الله خير جزاج الله خير >
ثم أغلق الباب
ذهبت المرأة الي زوجها وتطلبه أن يقوم بالشكوى لدى المسؤولين
على هذا الرجل اللئيم
ومعاملته لأبنته المعاقة

فقال لها [ ابعدي عن الشر وغنيله ] باجر يركبنا مصيبة أو مشكله

هذا غبض من فبض أختي الكريمة

كما وبكل أسف وأسى
وحسرة
أن بعض بيوت اخوانا الوافدين
لا تقبل أبنائهم المعاقين
دور الرعاية
فقليل منهم من يفقد السيطرة على أبنائهم
لذلك نراهم في الشواارع

,اكتفي بهذا الأمر




وتقبلي مروري
 
معظم المكتوب يخص المرأة والأسرة بشكل عام

لكن بعلق على نقطة " تأجير الغرف للهنود "

هذي ترجع لاهل المنطقة وشلون يرضون انهم يسوونها

يمكن صح في بيت واحد ولا اثنين بس حق عمال الجمعيه والافرع وملحقات الجمعيه

المفروض المتضرر من تاجير الغرف يروح للمختار ان ما نفع روحي المخفر

مثال عندنا بالعاشره واخص منطقتي " هديه " .. ما عندنا الظاهره هذي لان لو يأجر الغرف للهنود الناس راح تاكله مدخل عزاب مناطق عوايل

والله ربعي من العاشره والرابعه والجهرا كل منطقة تفرق عن الثانيه من ناحية البيئة

أنتي أدرى لمنطقتكم واهلها وطريقة تعامل الناس وطريقة تفكيرهم

المفروض تكلمون راعي البيت اللي مأجر الغرف للهنود


في المناطق الخارجية عموماً تكتسح بعض القبائل مناطق معينة
فنرى المنطقة الفلانية غالبيتها القبيلة الفلانية

وبعض القبائل تفرق عن بعض في بعض العادات عشان كذا تشوفين المنطقة اللي فيها القبيلة الفلانيه بكثرة غير عن ذيك المنطقة اللي فيها القبيلة الثانية بكثره


حياك الله اخوي وكلامك صحيح
وبالنسبه للشكوى الناس اللي حواليني ذابحهم الحيا ومايبون المشاكل وهذولاك ماشين فساد والمؤجر يقبض اهم شي الاجار
 
صباح الخير اختى الفاضلة وطنى لاعدمناك ..

سلطتى الضوء على السلبيات الموجودة فى منطقتكم ..
وهى سلبيات موجودة فى معظم مناطق الكويت ..
ولكن بصورة اقل ..
وسأعلق على بعضها وماتفضلتى به
والمشابه للمناطق القريبة من العاصمة
هكذا اقولها لانه الكويت مافيها مناطق داخليه وخارجيه
كلها نلفها بساعتين

ليس فى الرابعه فقط هناك بعض المرضى والمختلين عقليا
يتجولون فى الشوارع
كانت هناك امراة مختله عقليا ومعروفه تجوب الشوارع
مابين الشامية وكيفان والفيحاء
وتذهب يوميا الى مستشفى الاميرى واعتقد توفت حاليا وغيرها الكثير
وهؤلاء مسئوليتهم تقع على اسرهم ..
المفترض ايداعهم فى مستشفى الطب النفسى


اما بشأن الولد الذى يعطى صلاحية وتشجيع من الاب
بسيطرته على خواته البنات
خطا الاب انه يشجع طفل فى هذه السن الصغيرة جدا
بمسئوليته هذا دور الاب والام
وليس الولد الصغير .
.الاب هو المسئول عن اسرته دام انه متواجد معهم ..


الشباب المتسببين بازعاج الاهالى فى الاستعراض بالسيارات
هذه مسئولية او لياء امورهم
فى الدرجة الاولى والشرطة بالدرجه الثانيه
المفترض وزاره الداخليه تضع دورية متواجده بصورة ثابته
فى اماكن الاستعراض ..

.
مناطق سكن العوائل يمنع فيها سكن العزاب

..ولكن يااختى لاحظت اغلب السلبيات
هى من تصرفات اهل المنطقة انفسهم ..
كتأجير العزاب وغيرها ..
على اهل المنطقة ان يسعوا بانفسهم ومن خلال التوعيه
من شبابهم
للرقى وانعدام السلبيات بمناطق سكنهم وراحتهم ..



تحياتى ..وطنى لاعدمناك :وردة:

اهلين وسهلين بكبيرنا الشيخ بوطلال

يابوطلال امبلا فيه مناطق داخليه وخارجيه وتحددت من خلال اسم الشخص وعايلته ووين بيتهم

عندك بعض الاماكن بالكويت مايوظفون الا عيال المناطق الداخليه والاسامي بالدورات الهاي هاي ماتنصفط الا لعيال بطنها

امبلا في فرق وإميه فرق وحتى في كليه بالجامعه بس لهم

كي دي دي منتجاتها وطريقه عرضهم بجمعياتهم غير

الترتيب الديكورات احنا اللي عندنا احس حتى باجتماعهم يقول اهم شي جيب لهم روب ولبن المراعي لاتقصر فيهم والخبز كثره والاسمر بالذات
واستغفر الله مابي اتهم عاد

ارتفع ضغطي
 
ترا بكل مناطق الكويت في سلبيات مو بس الرابعه

صح بكل حته بالدنيا سلبيات بس ياام الخير نبي شي يليق فينا مادامه سهل وموجود وبيدين المستطيع بعد الله ومن وُكَلَت له حاجات المنطقه

احنا بديره خير ولاعاد فيه المفروض تمييز  
 
صباح الخير يا الغالية :وردة:​

صباح الخير يا رائحة روحي وطني الكويت لا عدمناك ..​


المصممة الجشعة نرفزتني , ولا يزعلون مني الحريم كل الحريم​

هم اللي اصنعوها وبفلوسهم افتحت الايتليه وقامت تسن قوانينها عليهم​

تذكرين المصمم يوسف اللي طلع بعد الغزو ؟؟​


المهم يا الغالية سبق وكتبت موضوع مشابه لموضوعج لما شفت الفرق بالمعاملة من منطقة لي منطقة ..​

لما شفت العناية بمستوصف منطقتي اللي كنت فيها والفرق بين المنطقة اللي سكنتها مؤخراً​


حتى بالجمعيات​

القرطاسية هناك بأحلى مكتبة ومنسقة​

وبمكتبتي الجديدة والله وبالله على الارض وكأنهم يقولون للعملاء تسوقوا وانتوا بوضعية الانبطاح​


كل منطقة بالكويت منطقتنا​

ومحد احسن من احد لأن تراب الكوبت ما ميّز بين فلان وفلان​

بس البشر​

بس البشر المجحفة هي اللي تميز وتعطي نفسها رُتب​



اما بالنسبة لسفاهة بعض الحريم اللي تشوفينها بمنطقتكم​

تعالي خل اضحكج على سفاهة بعض حريمنا​

لا تحسبينهم كلهم مثقفات و وااااو​

ترى هم بعد احاديثهن لا تتجاوز ابرة بوتكس وتان وشرم الشيخ​


المشكلة في مختارية المنطقة​

لو كل مختار يدير باله على اهل منطقته ويحرص على ان يوفر لهم كل شي حديث وجيد​

يمكن ما نشوف الفرق​



بس للحين مضايقتني هذي المصممة وعفية عليج عطيتيها على راسها​

وبعدين يا اختي روحي الدمام والرياض فيهم نفانيف اعراس زوووغة واسعارهم تهبل​

اشتبين بهالمناشير وبدلة ب700 و800 وكلها قطعة خام وتنلبس مرة وحدة​


في محل بالسالمية القديمة من زماااا خبري فيه اسمه 2000
مادري موجود الحين والا لأ​

عنده بدلات سهرة حلوة وراقية والقطع تكون نادرة واسعارة طيبة​


ترى المصممة مثلي ومثلج بس هي اتابع آخر خطوط الموضة عشان تقدر تستقي افكارها​

والا النفنوف شيبيله​

خام ومقص وفتحة بالظهر :D


وبعدين تعالي بقول لج شي​

لا تشوفين الفرق بس بمنتجات الجمعية​

ركزي على البيوت اللي تسكن كل منطقة​

انا ما اتجرأ اذا توهقت وخلّص الملح والا اخترب شاحن الموبايل​

واطق باب جيران منطقتي الداخلية عشان اقول لهم نبي شوية ملح قاعدين نطبخ
أو غازنا خلص خلوا سايقكم يبدل غازنا​

لكن بالمناطق اللي تتكلمين عنها تعالي شوفي الفزعة والحميمية والجيرة الحلوة​


كان عندي قبل جم اسبوع الاهل وفجأة شافوا البنات " بريعصي " يمشي على الدريشة اللي وراي​

صرخت صرخة افزعوا جيراني​

لو صارخة هالصرخة بمنطقة داخلية احد بيخاف او يحاتي اشفيهم بيت ام افلان ؟؟​


وطني الكويت ..​

كلنا نودي عيالنا معانا كل مكان واللي تحذف عيالها عند الخدامة عشان تفتر بالمولات وترضي هدوء المصممة السيئة الذكر​

اسمحيلي مو ام سنعة​

يا وطني الكويت ترى بعضّج الحين :D

كافي تدخلين جمعيتكم وتشوفين الستر بين الحريم​

والريال لابس دشداشة​

ما تشوفين فخوذ الحريم ولا فخوذ الريال اللي لابس برمودا وشورت ويتمشى بالجمعية جنه اراكوز​


طبعاً مو كلهم ونعم بأهل المناطق الداخلية اهل الصلاح والفلاح بس اقصد هناك فرق​


وتفضلي يا الاصيلة :وردة::قلب:​

قلبي تُصاحبه وردة لقلبك ..​



هلا وغلا بزينه البنات

هلا بسكر النبات

عديتي الصحيح ياعاقله وقلتي الحق

وانا قلت ان منطقتنا لو بتكلم عن جمال اهلها والله مانخلص

بس انا ضيقت عيني وقارنت
واهل ذيج المناطق بعضهم مايشوفونا شي
والله رحت لمكتبه ذات السلاسل وماخذه معاي بنت اخوي اللي ابوها دارس برا والبنت دارسه بمدارس اجنبيه ورحت اشتري لي ولها بعض الكتب
كان في وحده من اهل الفخوذ على قولتج هناك والبنت سوت والله ياربما صوت خفيف وتشيطنت بدرجه موعشاني عمتها بسيطه لما اختارت القصص
عصبت اختنا في الله وقامت تغلط تدرين ليش

لاني مستوره ومتغطيه اذن انا بنظرها همجيه
شجايبني اصلا اشتري كتب
بغيت اجاريها بس والله موطبعي وطلعت والله شاهد علي وانا منكسره والا جان قايله لها يابنت انا ابوي جامعي واخواني منهم الدكتور والمهندس والرتب العسكريه وانا جامعيه متفوقه واصيله وحيائي يمنعني ارد عليج

صج تحسفت مارديت بس وضاق خلقي لاني حسيت بالضعف والله وثم والله ياربما ماسولفتها الا لأختي من كثر ماعورتني

الله يقطع ابليسج ياربما جبتي اقصاي
وفعلا جمال اهلنا مامثله جمال وحتى جمال اهل تلك المناطق من قرايبنا واهلنا وهم الناس الطيبه مامثله شكل

والقصص الفرديه مانعتبرها مقياس بس عاد من باب الذكر

الوكاد يابنت تبين تعظيني اخذي راحتج حياج ع الخاص هههههه

 
 

المستحيل الصعب

عضو بلاتيني
الله يعطيج العافيه أختي

كلامج عين العقل فعلا

بس انا حبيت ارد على اللي يقولون مافيه فرق بين المناطق الداخليه والخارجيه

اقولهم انتوا عايشين بالكويت والا لا ؟؟

شوفوا الفرق بابسط شي العلاج شوفوا المستوصفات اللي داخل واللي برى حتى بالدكاتره
والمستشفيات يعني ماكو شي ورى صحة الانسان وقيسوا الفرق

الانديه

المخافر ( في بمناطقنا مخافر بيوت مؤجره ) !!!!


حتى بمساحة البيوت فرق

لا حول ولا قوة الا بالله

خلوني ساكت احسن
 

شكرا لك أختي القديرة
وطنــي

على هذا الموضوع الطيب وتسليطك الضوء
على بعض السلبيات
التي هي بالأساس غيض من فيض
وللعلم أختي الكريمة
السلبيات كثيرة
ولا تخلو منها منطقة من مناطق الكويت جميعها
ومختلفة أنواعها
إذا يجب أن نسلط الضوء على الثلاثي
المسؤول عن السلبيات
الفرد و الأسرة و المجتمع
السرة إذا صلحت صلح أفرادها ومن ثم المجتمع
وكذلك الأمر ينطبق على الوعي والمعرفة والتربية
سلسلة مترابطة
[ والحب يطلع على بذره ]

سأسلط الضوء على سلبية واحدة مما ذكرتي
والأخوة والأخوات لم يقصروا كفوا ووفوا

بالنسبة لمن يترك أبنائه المرضى عقليا ويهيتهم في الشوارع
لا أعلم ماهي نوعية هذه القلوووب التي في صدورهم
؟؟؟
الحيوانات أجلكم الله
لا تترك ضناها إلا رغماا عنها وإذا تعرضت للخطر دافعت عنهم بشراسة
والبشر لا حررراك إنساني
ولا حول ولا قوة إلا بالله العلي العظيم
وإن أتيت تنصح أولياء أمورهم
تمسك قلبك مقدنا بإنتظار الرد القاصم
إما
(زفّة ) أو رد (بدون نفس)
ونادر من يقول كثّر الله من أمثالك

لكن في الوقت نفسه
أرى وبكل أسف أن الشارع أرحم من البيت لهم
لأنهم يجدون من يعطف عليهم
ولاتستغربي من هذا الرد
فإليك هذه السالفــة

أسرة وضعت أبنتها المعاقة ذهنيا
في سرداب بيتهم
في غرفة معزولة عن العالم
في مكان يفتقد إلي الوسائل التي تخدم المعااق
إلا من خادة تمر عليها بين الحين والآخر
تقول رواية هذه القصة
من جيرانهم في ذات يوم نسيت الخادمة باب السرداب مفتوحا
فهربت البنت لي حيث بيت راوية هذه القصة
فتقول دخلت علينا وحالتها رثّة
من جميع النواحي لا نظافة ولا لبس يسترها وأظافرها طويلة
وشعرها منفوش
تقول فخطفت كوب الماء وشربت منه
فتقول المرأة فمكستها وأجلستها عندي وأعطيتها بعض من الأكل والعصير
وغسلت وجهها وأخذتها
إلي حيث بيتها
وقبل أن أطرق الباب إلا وهذه الخدامة تركض تبحث عنها
وهلعة فما كان منها بعد أن رأتها
توجيه الصرااخ إليها [ ليس انته ينهاااش ؟ ]
فردت عليها هذه المرأة [ انطمي يـ .... ] تقول شتمتها من حر مافيني
فقلت لها وين بابا وين ماما
شوي وإلا الحبيب الأبووو توه قاعد من النوووم يفرك عبونه
ويأخذ بنته تعاي تعاي
تقول المرأة نصحته ياخوووي خاف ربك في بنتك
الناس تتقرب الي الله برعايتهم
وانت حاشرها بالسرداب كما بينت لي الخادمه
فرد عليها بغضب ممسكا ببنته إلي داخل البيت
>جزاج الله خير جزاج الله خير >
ثم أغلق الباب
ذهبت المرأة الي زوجها وتطلبه أن يقوم بالشكوى لدى المسؤولين
على هذا الرجل اللئيم
ومعاملته لأبنته المعاقة

فقال لها [ ابعدي عن الشر وغنيله ] باجر يركبنا مصيبة أو مشكله

هذا غبض من فبض أختي الكريمة

كما وبكل أسف وأسى
وحسرة
أن بعض بيوت اخوانا الوافدين
لا تقبل أبنائهم المعاقين
دور الرعاية
فقليل منهم من يفقد السيطرة على أبنائهم
لذلك نراهم في الشواارع

,اكتفي بهذا الأمر

وتقبلي مروري





هلا بريحه الهيل والاصاله كلها
غصبن علي اتقبل مرورك اخوي الطيب الاصيل


القصه اللي ذكرتها تعور القلب وياويل اهلها من الله هذي نسال الله العافيه والسلامه فيها اجر مرات الله يقسم شي نشوفه شر وهو ابتلاء فيه اجر


نورتنا يااخونا الطيب السنعوسي ولاتقاطعنا لاني اشوفك مقل في حضورك

بحفظ الله
 
الله يعطيج العافيه أختي

كلامج عين العقل فعلا

بس انا حبيت ارد على اللي يقولون مافيه فرق بين المناطق الداخليه والخارجيه

اقولهم انتوا عايشين بالكويت والا لا ؟؟

شوفوا الفرق بابسط شي العلاج شوفوا المستوصفات اللي داخل واللي برى حتى بالدكاتره
والمستشفيات يعني ماكو شي ورى صحة الانسان وقيسوا الفرق

الانديه

المخافر ( في بمناطقنا مخافر بيوت مؤجره ) !!!!


حتى بمساحة البيوت فرق

لا حول ولا قوة الا بالله

خلوني ساكت احسن

هلا بالمستحيل وحياك الله اخوي

في دوا اسمه سيروتايد للربو يعطونهم بالمسستوصفات الداخليه والخارجيه لازم تحويل عيادات خارجيه والا الراشد للحساسيه وتاخذ لك تحويل والف حمد وشكر
 

جواهر*

مشرفة
طاقم الإشراف
صبحج الله بالخير يالغالية:وردة:

اخيرا قررتي تنزلي الموضوع:)

شيء طبيعي بكل منطقة وكل قطعة فيها سلبيات وايجابيات

شغلات نفرح بذكرها وشغلات نتضايق

ومافيها شيء نخصص موضوع نذكر فيها سلبيات المنطقة الرابعة او غيرها والقصد تنبيه اهل المختصين

واهل الشأن على هذه السلبيات والحد منها




بالرابعه تجد بعض المرضى والمختلين يفترون بالشارع والجمعيات ويكسرون الخاطر والحق يبي لهم اهتمام وعنايه والشارع ظلم لهم

ا

ستوفقتني هالنقطة
تقريبا من سنة نزلت موضوع ( من يرعاهم)
عن هذي الفئة المختلين



http://www.nationalkuwait.com/vb/showthread.php?t=204128

بصراحة نقاط كثيرة اللي ذكرتيها صادفناها ونلاحظ الفرق مثل ماذكرتي الجمعيات فرق

وشغلات كثيرة وهي مكررة بكل مكان بس الاهمال او التقصير من منطقة لي منطقة يفرق.



والله يعطيج العافية
 
صبحج الله بالخير يالغالية:وردة:

اخيرا قررتي تنزلي الموضوع:)

شيء طبيعي بكل منطقة وكل قطعة فيها سلبيات وايجابيات

شغلات نفرح بذكرها وشغلات نتضايق

ومافيها شيء نخصص موضوع نذكر فيها سلبيات المنطقة الرابعة او غيرها والقصد تنبيه اهل المختصين

واهل الشأن على هذه السلبيات والحد منها






ا

ستوفقتني هالنقطة
تقريبا من سنة نزلت موضوع ( من يرعاهم)
عن هذي الفئة المختلين



http://www.nationalkuwait.com/vb/showthread.php?t=204128

بصراحة نقاط كثيرة اللي ذكرتيها صادفناها ونلاحظ الفرق مثل ماذكرتي الجمعيات فرق

وشغلات كثيرة وهي مكررة بكل مكان بس الاهمال او التقصير من منطقة لي منطقة يفرق.



والله يعطيج العافية



ياهلا والله بالطش والرش وماي الورد بالقرش

وطلع النور من التنور

اشوا مؤيدتني يافوضت وموضوعج أيد ملاحظتي

الرابعه فيها الزين والشين وانا تكلمت بالسلبيات بس

وفي اشياء شكثر بس ماحبيت اذكرها للجرأه

فوضت بقول لج شي اعتبريه تهديد

ان غبتي عننا مو احسن لج
 
أعلى