سؤال وجواب جامعة aum .. امتحان الايلتز .. " مجموعة اسئلة " ؟

[Desert Eagle]

السلام عليكم

اخوكم خريج بإذن الله هالسنه من الثانوية

وكنت ناوي ادرس بأمريكا هندسة .. لكن جتني اغراءات من الوالد

وقررت ادرس بالكويت بإذن الله .. قررت جامعة الشرق الاوسط الأمريكية AUM اللي بالعقيلة

قالو من شروطهم انجح بامتحان القدرات اللي هو رياضيات وانكليزي

الرياضيات اذا نجحت فيه ما يحطوني بسنة تمهيدي
لكن الانكليزي اذا نجحت يحطوني بسنة تمهيدي وعلى نتيجتني يحطون بأي لفل

الا اذا امتحنت ايلتز وجبت فوق 5 ونص ما يحتاج سنة تمهيدي على طول ادش بالتخصص يعني تصير 4 سنوات بدال 5

بسألكم :

1- وين اقدر امتحن ايلتز ؟
2- 5 ونص ممكن اجيبها وانا مستواي بالانكليزي فوق المتوسط ؟
3- شرايكم بالجامعة هذي وخصوصاً ان بس تخرج منها دفعه وحده بس توهم فاتحينها سنة 2008 ؟
4- شنو تخصصات الهندسة اللي فيها ؟
5- شرايكم بالجامعة بشكل عام ؟



اجاباتكم تهمني فهي تحدد مستقبلي

شكراً

 

[meshal]

نصيحة لا تفكر بدراسة الهندسة بالكويت أعرف كذا شخص من المتفوقين ما قدروا ياخذونها من الكويت من بينهم واحد اعرفه حياته ( المسجد البيت دراسه ) وفوق هذا ما قدر شنو هالمناهج العبقرية عندنا مادري صراحه .
كذلك ولد عمي فشل بالكويت فراح مصر وقعد سنتين وشي وبعدها كمل الدراسه بامريكا واخذها.
الشاهد طير لأمريكا إذا تفكر بالهندسة ولا تضيع سنينك هني إلآ إذا تبي تغير المجال شي ثاني .
بالتوفيق .

 

[عبدالعزيز الحبلاني]

السلام عليكم

اخوكم خريج بإذن الله هالسنه من الثانوية

وكنت ناوي ادرس بأمريكا هندسة .. لكن جتني اغراءات من الوالد

وقررت ادرس بالكويت بإذن الله .. قررت جامعة الشرق الاوسط الأمريكية AUM اللي بالعقيلة

قالو من شروطهم انجح بامتحان القدرات اللي هو رياضيات وانكليزي

الرياضيات اذا نجحت فيه ما يحطوني بسنة تمهيدي
لكن الانكليزي اذا نجحت يحطوني بسنة تمهيدي وعلى نتيجتني يحطون بأي لفل

الا اذا امتحنت ايلتز وجبت فوق 5 ونص ما يحتاج سنة تمهيدي على طول ادش بالتخصص يعني تصير 4 سنوات بدال 5

بسألكم :

1- وين اقدر امتحن ايلتز ؟
2- 5 ونص ممكن اجيبها وانا مستواي بالانكليزي فوق المتوسط ؟
3- شرايكم بالجامعة هذي وخصوصاً ان بس تخرج منها دفعه وحده بس توهم فاتحينها سنة 2008 ؟
4- شنو تخصصات الهندسة اللي فيها ؟
5- شرايكم بالجامعة بشكل عام ؟



اجاباتكم تهمني فهي تحدد مستقبلي

شكراً

بالاول على البركة تخرج اخوك

وبالنسبة للجامعة AUM انا كنت بسجل فيها بس ياخوك الدراسه فيها نار

والتكلفة تقريبا قريبة من الدراسه بامريكا

وفوق هذا الدراسه صعبة فيها واحد من الربع بلبل انقليزي لدرجة يسولفون مع الانقليز

بطلاقة وسهولة لكن الجامعات الخاصة بالكويت ما ينصحون فيها تكلفتها غالية

نصيحة خل العجوز (تيتة ) تكلم الوالد وتقنعه ابرك لك من تاخر سنة او سنتين وتخسر فلوسك


وارخص جامعة خاصة بالكويت الجامعة العربية المفتوحة
وتخصصتها
ادارة اعمال > وفيها اربع تخصصات
IT > تخصصات كمبيوتر
.> ادب انقليزي < وهالتخصص قوي وله مستقبل

وبالكورس يطلع عليك : 400 دينار وانت بديرتك وموفر فلوسك



وموفق

 

[BMW]

نصيحة ادرس برا

روح امريكا ارخص

الايلتز 5.5 ترى مو شويه يبيلها دراسه وتقدر تقدمها بالمعهد التابع للملحق الثقافي البريطاني بالمنصورية

 

[تشالنجر]

ترا لازم تنجح بمتحانهم ولا مافي بعثة على حساب الحكومة

 

[Desert Eagle]

نصيحة لا تفكر بدراسة الهندسة بالكويت أعرف كذا شخص من المتفوقين ما قدروا ياخذونها من الكويت من بينهم واحد اعرفه حياته ( المسجد البيت دراسه ) وفوق هذا ما قدر شنو هالمناهج العبقرية عندنا مادري صراحه .
كذلك ولد عمي فشل بالكويت فراح مصر وقعد سنتين وشي وبعدها كمل الدراسه بامريكا واخذها.
الشاهد طير لأمريكا إذا تفكر بالهندسة ولا تضيع سنينك هني إلآ إذا تبي تغير المجال شي ثاني .
بالتوفيق .

والله اكثر من واحد يقول لي نسبتك بإذن الله تضمن لك بعثه خارجيه وبعثه داخليه والاغلب يقولون روح امريكا

بس والله احاتي الاهل اروح ديره بعيده وما اعرف عن اي شي عن اهلي

امريكا هي ثاني رغبه عندي بعد جامعه الشرق الاوسط الامريكيه

راح افكر بينهم والله يكتب اللي فيه الخير

جزاك الله خير

بالاول على البركة تخرج اخوك

وبالنسبة للجامعة AUM انا كنت بسجل فيها بس ياخوك الدراسه فيها نار

والتكلفة تقريبا قريبة من الدراسه بامريكا

وفوق هذا الدراسه صعبة فيها واحد من الربع بلبل انقليزي لدرجة يسولفون مع الانقليز

بطلاقة وسهولة لكن الجامعات الخاصة بالكويت ما ينصحون فيها تكلفتها غالية

نصيحة خل العجوز (تيتة ) تكلم الوالد وتقنعه ابرك لك من تاخر سنة او سنتين وتخسر فلوسك


وارخص جامعة خاصة بالكويت الجامعة العربية المفتوحة
وتخصصتها
ادارة اعمال > وفيها اربع تخصصات
IT > تخصصات كمبيوتر
.> ادب انقليزي < وهالتخصص قوي وله مستقبل

وبالكورس يطلع عليك : 400 دينار وانت بديرتك وموفر فلوسك



وموفق

الله يبارك فيك

انا اخوي نسبتي تجيب لي بعثه خارجيه او بعثه داخلية تقدر تقول بإذن الله ضامنهم

مو مشكلة التكاليف

مشكلتي بعرف نظام الجامعه وشهادتهم زينه وتدريسهم زين

انا حاط ببالي يا aum او اسافر امريكا مستحيل ادش جامعه الكويت

والله بينهم محتار .. اخاف الجامعه تطلع صعبه وعسره واخاف لا سافرت على اهلي

معاي ولد عمي بيتخرج وهو نفس نسبتي عاليه بإذن الله يقول بروح امريكا واذا براسك تروح امريكا قولي نروح مع بعض وهو بباله هندسه بعد

جزاك الله خير

نصيحة ادرس برا

روح امريكا ارخص

الايلتز 5.5 ترى مو شويه يبيلها دراسه وتقدر تقدمها بالمعهد التابع للملحق الثقافي البريطاني بالمنصورية

الفلوس ما احاتيها لان انا ضامن البعثه بإذن الله نسبتي بإذن الله تجيب لي بعثه خارجيه او داخليه

بس ناقصني الاختيار

جزاك الله خير

 

[Desert Eagle]

ترا لازم تنجح بمتحانهم ولا مافي بعثة على حساب الحكومة

احد من الربع ناجح بامتحانهم وهو ميح

الامتحان مو مشكله

انا مو مشكلتي مع القبول ..


مشكلتي مع الاختيار وين بروح

 

[خـالد]

يبا بالصريح.. الوالد يبيك تستر على نفسك وتتزوج وتشلع امريكا ،احسن من لا تروح امريكا وهو يحاتي من بلاوي امريكا..فقال هالجامعة اقربله..

أسالئني انا باول سنة شفت بلاوي من المبتعثين وبعدين اللي تسنع وضبط حاله او اللي ظل بهالخراب لين ماسحبوا منه بعثته "ماتكلم عن الكويتيين ، اعم على المبتعثين من اول سنة وعزوبيين"

هندسة ادرسها برى ، من كبير لصغير راح تحس بالاحترام ، عكس معيدينا اللي هنيه خذى الدكتوراه عباله خذى جائزة نوبل وراح يذلونك ، الا من رحم ربى ، هذا غير المادية ، الaum و ack جامعات طبقية ، افهمها عاد .

 

[تشالنجر]

احد من الربع ناجح بامتحانهم وهو ميح

الامتحان مو مشكله

انا مو مشكلتي مع القبول ..


مشكلتي مع الاختيار وين بروح

انا 2 من ربعي على بعثه خاصه حقت الحكومة واحد نجح وهو مشاءالله عليه بلبل انجليزي و الثاني يمشي نفسه قالوله ماتدهل بالبعثه على حسابك

 

[Desert Eagle]

يبا بالصريح.. الوالد يبيك تستر على نفسك وتتزوج وتشلع امريكا ،احسن من لا تروح امريكا وهو يحاتي من بلاوي امريكا..فقال هالجامعة اقربله..

أسالئني انا باول سنة شفت بلاوي من المبتعثين وبعدين اللي تسنع وضبط حاله او اللي ظل بهالخراب لين ماسحبوا منه بعثته "ماتكلم عن الكويتيين ، اعم على المبتعثين من اول سنة وعزوبيين"

هندسة ادرسها برى ، من كبير لصغير راح تحس بالاحترام ، عكس معيدينا اللي هنيه خذى الدكتوراه عباله خذى جائزة نوبل وراح يذلونك ، الا من رحم ربى ، هذا غير المادية ، الaum و ack جامعات طبقية ، افهمها عاد .

لا مافي زواج الا بعد الجامعه .. تو الناس

الشباب امدحو امريكا بس غربه ولعنه خير

انا ودي اسال عن مستوى aum

نسبتي بإذن الله توديني بعثه امريكا و بعثه داخليه aum

مشكلتي بالاختيار

 

[Max]

نصيحة اخ ..

هذي الفرصة اللي انت فيها الحين فرصة ذهبية يتمناها الكثير وانا واحد منهم لأني بدون ..

الحياة فرص لا تقعد .. والله امريكا حياة ثانية وتتغير شخصيتك كثير وتحتك بالعالم الاول ..

غير هذا تاخذ تعليم صح وتتعلم شلون تعتمد على نفسك ..

ولا تقول غربة الحين ولله الحمد كل الوسائل متوفرة تقدر تتواصل مع الاهل يومياً ..

وكل صيف راح تكون عندهم ..

وكلها اربع سنين وانا اخوك وترجع مهندس ومثقف وشهادة قوية ..

ساعتها بتقول الله يجزاه خير اللي نصحني بالمنتدى ..

شاور الوالد واذا تبيني اجي اقنعه لك ما عندي مشكله ..

الله يوفقك يارب ..​

 

[كــويــت]

عندي أخو يدرس بنفس الجامعه هندسه صناعيه , نسبته بالثانويه بالثمانينات وقبل لايدشها أخذ دورة أيلتز في بريتيش كاونسل اللي بالمنصوريه وحصل على 6 نقاط وأنقبل على طول وصدقني مع أنه ولد شاطر ومستواه ممتاز ألا أنه ماشي بصعوبه وأكثر من كورس شال معاه أكثر من ماده F. وألحين معدله جيد 2.2 وراح يتأخر بالتخرج ... مستواه في الجامعه صدمنا لأنه مو من النوع اللي يلعب بس والله مو ملحق مع أنه صغير بالعمر ومتفرغ للدراسه بس المواد والدكاتره مستواهم قوي جداً

 

[Desert Eagle]

جزاكم الله خير كلكم

يعطيكم العافيه

اختياري الاول هندسة بأمريكا بإذن الله

الحين انتظر النتايج

اكرر شكري لكم