سؤال وجواب للمجربين: شنو احسن نوع لتظليل السيارة

اشتراكي

عضو جديد
بغيت استفسر عن احسن نوع لتظليل السيارة الحراري من ناحية قوة العزل من الشمس وهناك اكثر من نوع محتار بينهم مثل لومار و زيبارت و في كوول او غيرهم.

اللي جرب احد هالانواع ممكن يوصفلنا تجربته وكم التكلفة, وهل يسمحون لي الفحص الفني اذا ظللت الجوانب بنسبة 50% والامامي بنسبة 30%

واذا ممكت تدلونا على عناوين هالمحلات بالشويخ بالضبط اذا تكرمتوا

وشكرا:وردة:
 

Friendly

عضو
اللي اعرفه ان احسن شي الامريكي

وبخصوص التغييم يسمح لك بتغييم السيارة كلها 30% ( عدا الجامة الامامية )

بأي مكان تقدر تغيم ... عندك شارع الزينه
 

اليعربي

عضو بلاتيني
اول شي لازم تعرف شنو المقصود عازل حراري
التظليل فيه نوعين عازل وغير عازل

العازل يكون لميع والغير عازل يكون بدون لمعه

العازل الحراري انه يكون عاكس لاشعه الشمس مو المقصود انه في ماده عازله يعني يكون لامع

بوضحلك اكثر يعني يكون اقرب الي المرايه بس سودا ويعكس اشعه الشمس وينقص الحراره الناتجه عن اشعه ويبردلك السياره تقريبا خمسين بالميه

طيب اي درجه تحط ؟؟
شووف 30 بالميه مع عازل حراري تحسسك انك مركب 50 %ولا بعد يمكن 70 % لان العازل او العاكس يبين من برا كانها مرايه سوودا ويغمجها او يظللها اكثر

بس لما يكشفون المرور عليها يطلع عندهم 30 يعني انت بالسليم

وتفكك من المخالفات
لانه ممنوع فوق 30

على فكره من داخل تشووفه 30 بس من برا يطلع كانه 50 لان فيه عاكس مثل ما قلتلك ويطلع غامج اكثر

تركبها في الجوانب والجامه الخلفيه

الجامه الاماميه ممنوع تركب ما عدا الربع العلوي منها يعني عشرين سانتيمتر تقريبا من اعلى وتقدر تحط 50 في هالمنطقه لانها جايه فوق وما تضر رؤيه السائق وهاذا الدارج في دول الخليج مثل الامارات ومحد يخالفهم عليها

طيب بالنسبه للانواع
lumar هو الافضل كجوده وهو الاكثر شهره ورغبه من الناس
v-cool ممتاز وولونه عجيب

بارزيت جيد بس اقولك خلك باحد الاثنين لومار او كول
 

اليعربي

عضو بلاتيني
تكمله
بالنسبه للسعر لا شك ان لومار ارخص من كول بكثير

بالنهايه
السؤال الان هل الغرض من التظليل هو التغييم فقط وتبي سيارتك ما تبين ام تبي عزل الحراري هنا اقولك اذا القصد التغيم حط عادي اردى نوع ما يهم وما يفرق

اما اذا القصد العزل الحراري هنيه اقولك لا دور على النوع الزين والجوده

طيب شلون تعرف الزين وشلون تفرق

هذا يعتمد على شغلتين اول شي جوده الصناعه وبقائها اطول فتره دون تاثرها بحراره الطقس والعوامل الاخرى يعني ممكن في منتج يخرب معاك خلال سنه وفي منتج يقعد معاك خمس سنين ولازال شغال ميه ميه

الشغله الثانيه قدره المنتج على العزل الحراري
فمثلا منتج 50 بالميه لا يعني انه قام بعزل كميه اكبر من الحراره
بطريقه اوضح مثلا عندي تظليل 10 بالميه ولكن اجد انه يعزل حراره افضل من تظليل اخر قدرته 50 بالميه شلون
هذا يعتمد على قدرته التظليل على منح او عكس الاشعه تحت الحمراء وهي المسبب للحراره
ولا يعني ان انك تشوف منتج لمعته اكبر او لونه اغمج معناها يعكس الاشعه الحمراء اكثر او يحجبها

شلون تعرف قدرته التظليل
معظم المحلات الشهيره لديها جهاز يقيس قدره التظليل
راح يعطيك ثلاث قرائات
1-الاشعه فوق البنفسجيه بالعاده كل المنتجات تعطي قرائه صفر ولها قدره على حجب كل الاشعه فوق البنفسجيه
2-الاضائه المرئيه وهي نسبه التضليل المعروفه لدينا اما عشره او ثلاثين او خمسين او او
3- الاشعه تحت الحمراء هنيه الكلام وهي المسبب للحراره


طيب عندك تظليل تشوفه شفاف تقريبا 10% ولكن قدرته بالترتيب
1- صفر الاشعه البنفسجيه
2- 90 % يسمح بالضوء مرئي شفاف ويحجب 10 بالميه من الضوء المرئي لاحظ يقراء معكوس
3- قدره 20 % قدره فائقه في حجب الحراره (الاشعه الحمراء ) يا سلام

طيب عندك تظليل غامج وما يبين كلش تقريبا 70 % ولكن قدرته
1-صفر الاشعه البنفسجيه
2-30% سماح للضوء اسود ما يبين شنو داخل السياره 70 % حجب للضوء المرئي القرائات تقرى مكوسه لاحظ
3-80 % سمح بالاشعه الحمراء قدره سيئه على حجب الحراره


بالرغم ان المنتج الاول شفاف لكنه حجب كميه اكبر من الحراره
فالافضل اختيار منتج تكون قرائاته كالتالي
1- صفر
2- 70 %سماح للضوء المرئي حتى لا تتعرض للمخالفات وهو المتعارف عليه 30 % تظليل لاحظ القرائات يقرونها معكوسه
3- حجب 50 % وانت نازل حجب للاشعه فوق الحمراء
 
أعلى