سؤال وجواب ما رأيكم بالغتره التي على شكل شماغ؟

[الديفي]

السلام عليكم

جونا الحار يحرمني من لبس الشماغ لأنه اكثر حراره بسبب سماكه قماش الشماغ بعكس الغتره البارده نوعاً ما

لكن لاحظت قبل فتره شباب يلبسون شماغ ولما تقترب منهم وتلمسه تكتشف انه غتره عاديه خفيفه مطبوع عليها شكل الشماغ الاحمر؟ فهمتو قصدي؟

ذهبت الى محل ملابس الشعبيه بالشاميه سئلت الهندي عنها وقال انتا قصدك غتره طباعه بالكمبيوتر! هذي تلقاها بالمباركيه؟

احد جرب هذا النوع من الغتره الخفيفه اللي عليها شكل الشماغ وهل هي جيده وتهويتها زينه؟

اين تباع وبكم؟

سؤال اخر انا دايماً ارمي الغتره ورا لأني ما اعرف انسفها
الناس تنتقدني تقول عني كأني ايراني لابس غتره .. مع الاسف
اريد دروس بلبس الغتره دروس احترافيه وشلون ما تطيح النسفه حتى بالهوا ؟!

​

 

[joblak]

اشهد انه صدق البدوي اللي يقول ( على غير اهلها ما تجيب الثمن كامل )

لعنبوا داركم غتره ولا شماغ ما تعرفون تلبسونها انا مستغرب ولا احد ينقد علي اقول البشر هذولا وشلون يتزوجون ويفتحون بيوت ويجيبون بزران الظاهر على البركه يدربونها وتدربا

 

[royal-heart]

اشهد انه صدق البدوي اللي يقول ( على غير اهلها ما تجيب الثمن كامل )

لعنبوا داركم غتره ولا شماغ ما تعرفون تلبسونها انا مستغرب ولا احد ينقد علي اقول البشر هذولا وشلون يتزوجون ويفتحون بيوت ويجيبون بزران الظاهر على البركه يدربونها وتدربا

ماعليه يالغالي

الي مثلك يقبل العذر


يمكن الرجال توه امس واصل ولا يدري

وبيتعلم يلبس لبسكم




.

 

[الديفي]

لعنبوا داركم غتره ولا شماغ ما تعرفون تلبسونها انا مستغرب ولا احد ينقد علي اقول البشر هذولا وشلون يتزوجون ويفتحون بيوت ويجيبون بزران الظاهر على البركه يدربونها وتدربا
رد مع اقتباس إقتباس متعدد لهذه المشاركة

قل خيراً او اكرمنا بصمتك!

اشتر شماغ البسام "البصمة البيضاء " سعرة بـ 8 دنانير تقريباً

المهم هو معرفة مقاس الغتره بالضبط لأن المشكله ان راسي كبير لو راسي صغير مثل هالمغردين مواليد بعد الغزو كان سهالات

اشتر قحفيه نفس الصورة او قريبة من نقشتها ويكون مقاسها مريح وماسكه براسك

القحفيه مقدور عليها وانا اشتري ام الفتحات

العقال بالصورة لا بأس به من ناحية " عرضه " و " سمك العقال " ولا مانع من اخذ اكبر منه برقم واقصد العرض بحكم حجم دماغك الكبير

العقال هذا تـفـصــال! لأن راسي كبير اذكر وقتها دورت عقال جاهزة ما لقيت لحجم راسي ونصحوني بمحل مقابل مجمع دسمان بشرق يفصل عقل تفصال وهو متر راسي
تقصد افصل عقال جديد نفسه لكن اكبر منه بشوي؟ ولا اسمك خيوط؟

هذا العقال مقاسه حلو لاهو صغير ولا كبير وسمكه بعد حلو ..
ولد منو راعي الصوره شكله ولد خير !

بالنسبة لدشداشتك روح للخياط وقوله ابي خامه رسمي لان الخامه الواضحه بالصورة خفيفه تبين المستخبي

معلومه خطيره توني انتبه لها !
بالفعل صدري كبير مع الاسف بحكم السمنه وفنيلتي تبين




​

 

[بدركوم]

1- المقاس المناسب لك اتوقع 52 او 55 جرب الاثنين والى تحس يناسبك اخذه

2 - عقالك مثل ما ذكرت لك مناسب لراسك ولكن مبين انه مو ماسك عدل او انك مو مثبته فصل واحد ثاني ويكون اوسع شويه او حاول تثبت عقالك بدمغاك اكثر ونزله من جدام شويه

3- واخيراً انت مبين مربرب من النعمه ومتحتح فصل خام رسمي بحيث ما يعطي تفاصيل جسمك اكثر ويخش التضاريس

الولد الى بالصورة ولد البابطين وكيل سامسونج بالكويت

بتوفيق

 

[مجرد انسان]

يبى حجي
انا فهمتك وفهمت شنو تبي بالضبط ( يعني انا يكون خبرة )
اذا تبي شماغ احمر اشتر ( البسام may fair ) سعرة حوالي 20 دينار هذا هذا خفيف ويشبة الغترة
واذا تبي شماغ ابيض فاشتر شماغ البسام الابيض ( انجليزي ) وسعره من 8 الى 9 ​

بخصوص المقاس اذا انت طويل اشتر مقاس 55 واذا انت قصير اشتر 52 طبعا هذه مقاسات شباب الكويت
غالبا الحضر اللي ما يهتمون بشكل النسفة يشترون 52 والبدو يشترون 55 لانهم يعرفون ينسفون
وطبعا بالسعودية يلبسون مقاسات اكبر من مقاسات الكويت وما انصحك تشتري مقاس اكبر من 55
بخصوص الطاقية لا تشتري الا تفصال بما انك ما تعرف هالسوالف
وطبعا العقال اخر شي اشتر مرعز وخل اللي يبيع يشوف شنو يناسبك من مقاس يعني فرع جدامه وورة راسك ​

والكوي بالمصبغه اهم شي بدوووووووووووووون نشاااااااااااااااا كلش واول ما تشتري الشماغ مو تصدمها
بالكوي لازم تنقعها بالماي لانها طالعه من المصنع فيها نشا والنشا يخرب ابو النسفة للي ما يعرف ينسف ​

اتمنى تجرب كلامي لاني مقتنع باللي قلته مليون بالمية وانت حر​

 

[ناشد الود]

يمنع خروج الردود عن الموضوع المطروح، أو القضية المطروحة للحوار. ويتحمل صاحب الموضوع مسؤولية تبليغ المشرفين وتنبيههم في منتدى الشكاوي بخروج الموضوع عن المسار المخطط له.