فيّ سلطان أول سباحة كويتية بأولمبياد لندن : أليس بينكم رجل رشيد

[حِكْمَةٌ بَالِغَةٌ]

الله يهديها ويهدي من يؤيدها
وبعدين شنو فايدة السباحه والرياضه بشكل عام ؟
هل احنا بحاجه فعلا لفريق سباحه ؟؟؟ ونسائي؟

ام الثلاث اسوار
يا اختي لاتحطين صورتها الله يرحم والديج من وين مطلعه هالصور وهاللقاء
مانبي ننبش بحياتها ونفضحها
نبي ننصحها ونعلمها لانها يمكن ماتعرف شئ ولا نصحها احد

 

[azizX]

على معتقد مافي اي قانون يمنعها من المشاركه ...؟

وبعدين ترى الكويت دولة دستور وحرية .. ولا تطبق الشريعه الاسلاميه عشان تحاسب

البنت ...؟

صح ان هالبنت طلعتهاا شااذه على المجتمع بس القانون يكفل له بالحريه

لان نص الكويت حريتهم مو بالراي حريتهم باللبس فقط

رووح للمجمعات التجاريه وشوف الناس شلون لااابسه .. واذا عاتبت احد على للبسه بيقولك حريه شخصيه

وحنا نطااالب بحرياات كثيره ومنكم من يرووح للساحة الارادة عشان يطالب بمزيد من الحرياات

مزيد من الحرياات بتشووف اللعن من هالسبااحه وبالشارع بعد

 

[ام الثلاث اسوار]

برافو .. فيّ سلطان
موفقه انشالله..

الله يوفق من يطيعه ولا يوفق من يعصيه

اظهار المرأة لجسدها والتعري أمام الرجال معصية كبيرة

فكيف تشجعين مثل هذا الانحلال الاخلاقي والتعري الفاضح

هل تقبلين هذا الفعل على اختك او بنتك او نفسك

هل ترضين ان تكون بنتك مكان هذه البنت

تعرض جسدها للرجال وتكون فرجة للمتفرجين

المرأة كلها عورة واظهار الجسد حرام في الاسلام

انا لا اعلم ماهو دينك

ولكن اخاطبك على انك مسلمة والله أعلم

لان الموقع يدخله اشخاص من جميع الجنسيات من كافة الاديان

 

[ام الثلاث اسوار]

لو كانت الكويت تطبق أحكام الشريعة الاسلامية

ماحصلت هذه المهزلة التي تغضب الله سبحانه وتعالى

وتجل على البلد المشاكل والشر والدمار وسخط الله سبحانه وتعالى

حنا يعني ناقصين سخط وغضب ومشاكل

الناس تستقبل رشهر رمضان بعد تسعة أيام تقريبا

وسوف تظلنا أيام وليالي مباركة

وهذي جاية تشغل الناس في معصية كبيرة

الله يهديج الى طريق الحق والصواب

واذا كان الاب والام راضين فهم مشاركين معك في الذنب والاثم والمعصية

لان الرسول صلى الله عليه وسلم يقول

كلكم راع وكلكم مسؤول عن رعيته

وكذلك المسؤولين في الدولة يشاركون في هذا الاثم

لانهم سمحوا لها بالتعري وعرض جسدها وهي تمثل دولة اسلامية

 

[ولد عتيبه]

شكل امها اجنبيه لان ملامحها مو كويتيه 100%

 

[إنفصام]

قبل كل شئ نريد صورة كامله لتدعيم الموضوع
تارة تتحدثون عن مايوة وتارة تتحدثون عن بكيني
وماشفنا شي

وان كان لباس البحر النسائي المثير غير مستساغ وفقا للعادات والتقاليد والاعراف لدي الغالبية
ولكنه جميل

ومالنا ومال بنت السلطان لبست او تفصخت .




​

 

[بـوضـاري]

مادري وين عايشين !! تبون تحكون الناس !!​

كل فنادق الكويت في حمامات السباحه تلاقي كويتيات شكثرر بالبكيني ( بوقطعتين ) مو مايوه بكيني !​

اشوف محد تكلم ؟ انا منتسب لنادي صحي في فندق ومختلط والمسبح مختلط ..​

الحين علشانها رياضية فضحتوها وشرشحتوها ، وخليتوا اللي جدام عيونكم عالبحر ؟؟​

الى على البحر على قولتك يمثلون انفسهم
اما هذى لابسه بكيني عليه علم الكويت وتقول انها تمثل الكويت!!!
اتمنى ان النقطه واضحه

 

[أهذريبك]

شكل امها اجنبيه لان ملامحها مو كويتيه 100%

اما انا عرفت من لون الركبة



​

 

[محمود المليجي]

اشرهو على من سمح لها بالمشاركه اشباه الرجال هم السبب ...

 

[ابو خالد الملهم]

كان مفروض تاخذ له رياضة خفيفة معقولة مثل تنس طاولة وتشرف الكويت بس سباحة مره وحدة وين الغيرة ؟!

 

[ايوه]

يمكن هي اللي تجيب الذهبية في الاولمبياد وساعتها شنو بيكون الرد
مشالله عليها الله يحفظها لاهلها و يهديها

 

[نبعة الريحان]

ليتني بدالها ..!

أنا وصلت مرحلة الشابات وتركت لان الامور وصلت تمثيل البلاد في المحافل الدولية ..!


فعلاً ليتني مكانها في 27 يوليو .
​

 

[فتحي كميل]

برافو عليها بنيتنا في لازم نفتخر فيها ونشد من أزرها ونشجعها

 

[أبويعقوب]

فى سلطان كويتيه مسيحيه من ام امريكيه مقيمه فى نورث كارولينا واخر مشاركه لها بطولة العالم للشباب فى البيرو وحصلت على المركز الخامس

 

[خـالد]

في طارق سلطان العيسى صارت في سلطان!! ، ليش الصحافة ماتقول الاسم كامل؟ والا بس فالحة على الناس اللي عوايلهم مو من عوايل التجار؟

يعني مفروض اسمها في العيسى ، ليش الانحراج من هالموضوع؟