وزير المالية لقد أخذلتنا وتجاهلت الشعب بعدم صرف الرواتب للشهر رمضان المبارك !

قلم شريف

عضو بلاتيني
لقد اخذلنا وزير المالية الجديد ولم يأمر بصرف الرواتب وهو يعلم حاجة الشعب للرواتب فى هذا الوقت لشرائهم حاجات شهر رمضان الكريم !
اذا كان الوزير من طبقة التجار ولا يعرف ان الراتب لا يتبقى منه شئ فى أخر الشهر !!!
لماذا لم يأمر البنوك الكويتيه فى صرف الرواتب !!
اذا كان وزير المالية من طبقة التجار ولا راعي مشاعر أهل الكويت ولا يقدر ظروفهم المالية الصعبه
ويعتقد ان كل كويتي غير محتاج ان يشتري لوازم شهر رمضان الكريم
يجب ان يحاسب لتجاهله حاجات الشعب !!
مع انه لا يوجد مجلس يحاسب ! ولكن لابد ان نوصل له رساله ان الشعب حي لا يموت حتى بعدم وجود مجلس الامه
كانت الكويت فى السابق تراعي حاجات أهل الكويت ويتم صرف الرواتب فى المناسبات الدينية والاعياد تقديرا لحاجاتهم ولظروفهم المعيشية
نريد ان نوصل رسالة لهذا الوزير حتى يعرف ان الشعب غير راضي عن هذا التصرف ولن ننساها له ونريد من الاعضاء ان يحاسبونه فى المجلس القادم
هذا الوزير لا يستحق ان يكون وزير مالية لانه لم يقدر ظروف أهل الكويت في هذا الشهر الكريم .
 

مرقوعه بجدر

عضو فعال
حسبي الله ونعم الوكيل

كنت مخططه اليوم اسوي اشغالي على ساس المعاش اليوم


كل شي تكنسل والسبه التعشيم بالجرايد :mad:
 
الوزير يدرب الشعب على تحمل الصعاب !!!



شلون تبي تفتك من شر الشعب ؟

اترك الشعب في دوامات لا يستطيع الخروج منها ؟
 
المعاشات نازله نازله واذا مانزلت جهز نفسك للمنصه ياوزير الماليه


:eek:


المعاشات راح تنزل شوي ,,, والله يعينا عالزحمه :>
 

azizX

عضو
الحمد الله أني ما وثقة بكلام الحكومه بخصوص نزول المعاشات قبل شهر رمضان. ... الحين الساعة بتصر ٩ ومنازل المعاش
 

aL_3NeEeD

عضو فعال
شدعوى البنوك ترد عليهم والا تسمع كلامهم

يحليلهم جنه حلالهم

نفسي اعرف لو الحكومه قدمت الرواتب هالكم يوم

وسهلت على المواطنين شنو بتخسر يعني ؟؟

اهي منزلته منزلته ليش ماتحب اتسوى شي

من صالح المواطنين

والفرق تقريبا اربع ايام بس
 

36rgoogle

عضو ذهبي
اخر مايفكرون فيه الشعب والمعاش توني متصل بالبنك الوطني وقالي يوم الاحد ينزل !!
 

عناق وشيك!

عضو مميز
البنوك تستثمر معاشاتنا وتطلع الفوائد وعقبها تقرر تنزله ولا لا !!

نطالب بعودة زمن الراتب بظرف

وعدم خضوع الحكومة لجشع البنوك الربوية اللى ابلشونا فيها
 
ومنو اللى قالكم ان الوزير عنده الامر ولا السلطه انه ينزل المعاشات على كيفه

لا ياساده الوزير ماعنده اي امر ينزل المعاش

الا اذا كان وزير راعي مواجيب ويعرف هموم الشعب نفس البطل الوزير الله يذكره بالخير عيد هذال

نعم هذا الوزير اللى يستحق الوزاره

لاكن وزراء اللزمن هذا هههههههههههههه

خلوها على الله بس
 

بدوي ذرب

عضو بلاتيني
اذا الوزير احد تلاميذ باقر وعضو بلجنة او شلة سته وعشرين

زين ما يقول افطروا هاليومين ؟؟؟
 

راي خاص

عضو فعال
ياشباب انا موظف في وزارة الداخلية وراتبي نزل انا في بنك بوبيان

الظاهر المشكله مو من وزير الماليه المشكله من البنوك والتجار اللي اقوي من الحكومة
 

راي خاص

عضو فعال
الي يقول نزلت الرواتب توني دققت مانزل شي ،،،،،،البلديه

مايحتاج تذكر مكان العمل الاهم نذكر اسم البنك


انا بوبيان


ياليت من الشباب يذكرون لنا اسماء البنوك اللي نزلت الرواتب والبنوك اللي مانزلت



لانه احنا بالدوانيه اربعه نعمل في وزاره الداخليه ثلاثه في بنك بوبيان ونزلت رواتبنا وواحد في بنك الخليج مانزل قاعدين نقط له قطيه يقضي لوازمه لين ينزل معاشه من طويل العمر البنك


ههههههههههههه حالته حاله صاحبنا قاعد يتحلطم ويسب البنك :cool:
 
أعلى